Եթե ասում են՝ ամեն ինչ ջնջում են, եկեք Քոչարյանի հետ Մարտի 1-ի երթ անենք. Արամ Սարգսյան

Ներքաղաքական զարգացումների եւ մարտի 1-ին ՀԱԿ-ի նախաձեռնած երթի թեմայի շուրջ «Հայկական ժամանակ»-ը զրուցել է ԵԼՔ դաշինքի պատգամավոր, «Հանրապետություն» կուսակցության առաջնորդ Արամ Սարգսյանի հետ:

Պարոն Սարգսյան, Հայ ազգային կոնգրեսը մարտի 1-ին պատրաստվում է 2008 թվականի Մարտի 1-ի ողբերգության 10-րդ տարելիցի կապակցությամբ բողոքի երթ իրականացնել՝ ի նշան զոհերի հիշատակի եւ պետական ահաբեկչության ու բռնաճնշումների: ԵԼՔ դաշինքը կմիանա՞ ՀԱԿ-ի նախաձեռնությանը:

- Մինչեւ մարտի 1-ը դեռ բավական ժամանակ ունենք, իսկ առաջիկայում այդ հարցով խորհրդարանական լսումներ են սպասվում, եւ կարող են այլ զարգացումներ լինել: Վաղաժամ ենք համարել այդ հարցը քննարկել: Հիշում եմ, անցած կամ նախանցած տարի մենք՝ ես եւ Նիկոլ Փաշինյանը (ամենաակտիվ մասնակիցներից ենք եղել եւ վերջին մարդիկ ենք եղել, ովքեր հեռացել են հրապարակից. Լեւոն Տեր-Պետրոսյանը սկզբում իմ, հետո Նիկոլ Փաշինյանի միջոցով հանրությանը կոչ արեց տուն գնալ), դիմեցինք ՀԱԿ-ին, որպեսզի մասնակցենք հանրահավաքին եւ ելույթ ունենանք:  Մեզ ասացին, որ ոչ՝ չեք կարող մասնակցել մեր հանրահավաքին եւ ելույթ ունենալ: Այս ամեն ինչը հաշվի առնելով, հավանաբար, կքննարկենք մինչեւ մարտի 1-ը եւ տեսակետ կասենք: Մարտի 1-ը համազգային ողբերգություն է, ողբերգություն է թե՛ ժողովրդավարության առումով, թե՛ առանձին մարդկանց կյանքերի առումով, որտեղ մենք նախկին ՀԱԿ անդամներս՝ ես եւ Նիկոլ Փաշինյանը, Սասուն Միքայելյանը, մեր ջանքերի ներածին չափով ամեն ինչ արել ենք, մասնակցել ենք եւ որեւէ կոմպլեքս չունենք մարտի 1-ի դեպքերի հետ կապված գնահատականներ տալու, տեսակետ հայտնելու հետ կապված:

- Իսկ հնարավո՞ր է, որ ԵԼՔ դաշինքն առանձին նախաձեռնությամբ հանդես գա Մարտի 1-ի դեպքերի 10-րդ տարելիցի կապակցությամբ:

- Միանշանակ ոչինչ բացառել չի կարելի: Կան տարբերակներ ընդհանուր համահայկական երթ անել, հարգանքի տուրք մատուցեն բոլոր նրանք, ովքեր ընդդիմադիր են, այդ օրերին եղել են հրապարակում, ովքեր գտնում են, որ մարտի 1-ը իշխանությունների կողմից կազմակերպված սպանդ էր՝ օրը ցերեկով, անհամապատասխան ուժի գործադրմամբ՝ Ռոբերտ Քոչարյանի կեղծ դիտարկումների վրա հիմնված, այնպես, որ կարող են բոլորը մասնակցել՝ նաեւ ԵԼՔ դաշինքը:

- ՀԱԿ-ը չմիացավ թանկացումների դեմ ԵԼՔ-ի կազմակերպած երթերին, որպես պատասխան՝ հնարավո՞ր է, որ ԵԼՔ-ն էլ այդ պատճառով չմիանա ՀԱԿ-ի երթին:

Մենք դեռ չենք ասել՝ միանում ենք, թե՝ չենք միանում: Դեռ չենք քննարկել, մարտի 1-ին դեռ ժամանակ կա, կքննարկենք, հստակ պատասխան կասենք:

- Պարոն Սարգսյան, Դուք նշում եք, որ ԵԼՔ-ի երթերը կայացած էին, բայց իշխանական ճամբարում թերահավատորեն են մոտենում այդ գնահատականին: Մասնավորապես՝ ՀՅԴ խմբակցության քարտուղար Աղվան Վարդանյանը նշել էր, որ կանաչ «ժիգուլի» հրելը կրեատիվ մտածողություն չէ, այն էլ ջորի՝ անպտուղ կենդանի, իսկ ՀՀԿ-ից էլ նշում են՝ մասնակիցների այդ թվով հաջողություններ չեն լինում: Իսկապե՞ս ԵԼՔ-ի նախաձեռնությունը ձախողվեց, թե՞ իշխանությունները չեն ցանկանում տեսնել դաշինքի հաջողությունները:

Այս երթերը հիմնավորեցին, որ ԵԼՔ-ի քաղաքական նախաձեռնություններն աճելու հիմնավորում ունեն: Այն, որ իշխանությունները նման տեսակետներ պետք է հայտնեն՝ բնական է: Մենք 150 հազարանոց հանրահավաքներ ենք ունեցել, երբ իշխանությունն ասել է, որ 5 հազար մարդ է մասնակցել: Տարօրինակ կլիներ, որ իշխանությունն ասեր, որ երթը հաջողվել է, մարդիկ փողոց դուրս եկան, մարդիկ իսկապես դժգոհում են: Իրենք այս մասին խոսում են իրենց տներում, որովհետեւ իրենց մեծ մասը կամ տնտեսվարող սուբյեկտ է, կամ էլ բաժնեմասեր ունի եւ չի ուզում, որ շահութաբաժնից վճարի: Իրենք էլ են բողոքավոր եւ հասկանում են, որ այս բողոքները լավ բանի չեն բերելու: Ուրիշ խնդիր է, որ մեզ քննադատում է ընդդիմությունը: Մեզ քննադատում է այն ընդդիմությունը, որ նախընտրական քարոզարշավի ժամանակ լիդերների մակարդակով չմասնակցեց, ծուլություն ցուցաբերեց ամբողջ քարոզարշավի ժամանակ: Այն ընդդիմությունն է մեզ քննադատում, որ միմյանց մեջ բազմաթիվ խնդիրներ ունի, որը իրարամերժ եւ անհեթեթ դաշինք ձեւավորեց, որի լիդերներն ամենավերջում սկսեցին քարոզարշավին մասնակցել, կամ այն ընդդիմությունը, որը իշխանափոխությունը տեսնում է իշխանավորին սպանելով եւ ոչ մի ընտրության չմասնակցելով: Ինչ մնում է երթերին չմասնակցելուն, այստեղ երբեմն լիդերների անհամատեղելիության հարց կա: Ես ինձ երբեք չեմ պատկերացնում այն մարդկանց հետ, ովքեր մարտի 1-ին պատասխանատվություն են կրել, ովքեր արդարացրել են մարտի 1-ը: Ինչպես Ժառանգությունը, ես չեմ կարող Վարդան Օսկանյանի հետ նույն դաշինքում լինել, որովհետեւ ես չեմ կարող մարտի 1-ի զոհերի հարազատների աչքերին նայել: Մի պարզ պատճառով, որ Վարդան Օսկանյանը մարտի 1-ի գործընթացը միջազգային հանրության աչքին արդարացնում էր, ասելով՝ հանրությունը խուլիգանություն է կատարել, իշխանությունը համապատասխան քայլեր է ձեռնարկում: Եթե ասում ենք, որ ամեն ինչ ջնջում ենք, սկսում ենք նոր էջից, այսուհետ միասին ենք, հետեւաբար կարող ենք ասել՝ Ռոբերտ Քոչարյանն էլ է դեմ գործող իշխանությանը, քննադատում է, նյութական հնարավորություններ էլ ունի, դե եկեք միանանք՝ մարտի 1-ի երթը միասին անենք: Չի կարելի ամեն ինչ հասցնել անհեթեթության:

Հարցազրույցը տպագրվել է «Հայկական ժամանակ» օրաթերթի փետրվարի 14-ի համարում:

Տպել
3000 դիտում

Ռոնալդուի հարսանցուն հարսանեկան զգեստներ է փորձում. նրանք ամուսնանում են

Սկանդալային բանավեճ Ազգային ժողովում. թիրախում «գոմիկներն» ու Գարեգին Բ-ն էին

Միջազգային կառույցները մտահոգված են Կարեն Ղազարյանի ճակատագրով. ՀՀ ՄԻՊ-ը

«Լույս» հիմնադրամը վստահեցնում է՝ գործելու է ի նպաստ հայրենիքի. արձագանք մեր հրապարակմանը

Ավետ Բարսեղյանի կյանքին վտանգ չի սպառնում, նա հիվանդանոցում է. ԲԿ-ի տնօրեն

Նոր Հայաստան առանց կանանց չենք կարող կառուցել. ամերիկահայ պատմաբան

Սալոմե Զուրաբիշվիլիի նախընտրական պաստառների վրա Բիձինա Իվանիշվիլին է

Եվրահանձնաժողովը 20 միլիոն եվրոյով կրճատում է ֆինանսական աջակցությունը Մոլդովային

Գլխավոր դատախազի հրամանով ԱԺ արտահերթ ընտրություններում ընտրախախտումներով զբաղվող աշխատանքային խումբ է ձեւավորվել

Համացանցում տարածվում է ԿԳ նախարարին վերագրվող կիսագրագետ գրառումը. դա՝ Աշոտյանի հետ վեճից հետո

ԱԺ նիստերը տապալվում են՝ քվորում չկա. վտանգված է բյուջեի ընդունումը

Դրածդ կնիքը անխախտ պիտի մնա․ Արարատ Միրզոյանը շնորհավորել է Ռոբերտ Աբաջյանի ծննդյան օրը

ՀՀ ԶՈՒ գլխավոր շտաբի պետի գլխավորած պատվիրակությունն այցելել է Բուլղարիա

20-ամյա կնոջը ծեծելով մահվան հասցնելու մեջ մեղադրվող ամուսինը կալանավորվել է

Խիտ մառախուղի պատճառով Վարդենյաց լեռնանցքը դժվարանցանելի է

Երթևեկության կազմակերպման փոփոխություն Երևանի Դավիթ Բեկ-Հունան Ավետիսյան փողոցների խաչմերուկում

Մարտունիում ՔՊ ակտիվիստները փակել են Երևան-Վարդենիս-Մարտակերտ ճանապարհը՝ ռեյտինգային ցուցակի դեմ բողոքի համար

WikiLeaks-ի հիմնադիր Ջուլիան Ասանժի դեմ դատական հայց է ներկայացվում՝ լրտեսության մեղադրանքով

Գրոսմայստեր Լիլիթ Գալոյանը դատի է տվել Հայաստանի շախմատային ֆեդերացիային

Լարսի անցակետը փակ է բոլոր ավտոմեքենաների համար, Հայաստանում կան դժվարանցանելի ճանապարհներ