18 մետրանոց ավտոբուսները կխցանե՞ն քաղաքը՝ կախված է մի շարք հանգամանքներից. Բաբկեն Պիպոյան

«Իրազեկ եւ պաշտպանված սպառող» հասարակական կազմակերպության նախագահ Բաբկեն Պիպոյանը չի շտապում ամբողջությամբ լավատեսական գնահատական տալ եւ կարծիք հայտնել, որ Երեւանում առկա հասարակական տրանսպորտի լրջագույն խնդիրը շուտով կստանա դրական լուծում:

Բաբկեն Պիպոյանը Երեւան քաղաքի հասարակական տրանսպորտի բարեփոխումների մասնագիտական աշխատանքային խմբի անդամ է: Աշխատանքային այս խմբի ղեկավար, Երեւանի քաղաքապետի տեղակալ Վահե Նիկոյանն օրեր առաջ հերթական նիստի ժամանակ հրապարակել էր բրիտանական խորհրդատու կազմակերպության՝ WYG ընկերության մշակած հասարակական տրանսպորտի նոր ցանցի նախագիծը, ըստ որի՝ առաջարկվում է շուրջ երեք անգամ կրճատել առկա տրանսպորտային միջոցների եւ գծերի քանակը, շահագործումից հանել երթուղային տաքսիները, ուղեւորափոխադրում իրականացնել մեծ եւ միջին տեղատարողությամբ ավտոբուսներով եւ այլն:

«Իրազեկ եւ պաշտպանված սպառող» հ/կ նախագահը, ի դեպ, ներկայացված էր նաեւ Երեւանի քաղաքապետարանում 2013 թվականին գործող հանձնաժողովում, որը տրանսպորտի հետ կապված խնդիրները քննարկելու նպատակով ձեւավորվել էր ուղեվարձի սակագինը թանկացնելու փորձից հետո:

«Հասարակական տրանսպորտի խնդիրը որքանով լուծում կստանա, որքանով չէ, ցույց կտա ժամանակը, բայց այն, որ հուսադրող բազմաթիվ հանգամանքներ կան, այստեղ երկրորդ կարծիք լինել չի կարող: Մասնավորապես, չենք կարող չնկատել, որ տարիներ առաջ այն խնդիրները, որոնց մասին մենք խոսում էինք, եւ այն ժամանակ կարծես շատերն առարկում էին, այսօր այդ խնդիրներին, ըստ էության, նայել ենք բաց աչքերով, եւ լուծման մեխանիզմը այն է, ինչ որ ժամանակին մենք առաջարկում էինք»,- ասաց Բաբկեն Պիպոյանը՝ նաեւ օրինակ բերելով.

«Օրինակ՝ մենք այն ժամանակ էլ էինք ասում՝ գծերը ահավոր շատ են, տրանսպորտային ցանցը մեծ է, շարժակազմը շատ է, դա ինքնարժեքի վրա լուրջ ազդեցություն է ունենում ու չի կարելի թողնել, որ սխալ կառավարման հետեւանքները կրի սպառողը: Այսօր արդեն ընդունվում է, որ գծերը շատ են: Առաջարկվող նոր ցանցով երկու-երեք անգամ կրճատվել են շարժակազմի եւ գծերի քանակը: Դա այն է, ինչի մասին մենք խոսում էինք երեք-չորս տարի առաջ: Այսինքն՝ այս փուլում կարող ենք նկատել դրականը: Իսկ մնացած ամեն ինչ կախված է հետագա չափորոշիչներից, որոնք դեռ պետք է սահմանվեն»:

Հանրության շրջանում արդեն իսկ մտահոգություններ կան, որ միակցված եւ 18 մետր երկարություն ունեցող ավտոբուսները մայրաքաղաքի փողոցներում էլ ավելի մեծ խցանումներ են առաջացնելու: Պիպոյանն այդ մասին եւս դեռ չի շտապում վերջնական կարծիք հայտնել:

 «Ով որ այդպիսի բան է ասում, պետք է նախ իմանա՝ այդ մեծ ավտոբուսների գծերը, որոնք լինելու են, ո՞ր փողոցներով են անցնում, այդ ավտոբուսների համար առանձին գիծ հաստկացվո՞ւմ է, թե՞ չի հատկացվում: Այս փուլում որեւէ այլ բան չեմ ուզում քննարկել, որովհետեւ դա սիրողական կլինի: Ես միշտ ասել եմ՝ մեր պրոբլեմները գալիս են նրանից, որ մարդիկ կան, որ ամեն ինչի փորձագետ են, ընդ որում՝ նույն րոպեին, անգամ նրանց ժամանակ պետք չէ մասնագիտորեն խնդիրը հասկանալու համար»,- ասաց «Իրազեկ եւ պաշտպանված սպառող» հասարակական կազմակերպության նախագահը:

Տպել
1844 դիտում

Ն. Փաշինյանին շնորհավորական հեռագիր է հղել ՀԱՊԿ գլխավոր քարտուղարի պաշտոնակատար Վ. Սեմերիկովը

Սենատը հաստատել է Լին Թրեյսիի թեկնածությունը Հայաստանում ԱՄՆ դեսպանի պաշտոնում

«Սուրբ Գրիգոր Լուսավորիչ» բժշկական կենտրոնի տնօրենի պաշտոնում նշանակվել է Արման Հովակիմյանը

Կենդանաբանական այգում ուսումնասիրությունների արդյունքները կներկայացվեն հանրությանը. Վիրաբյան

ԱՄՆ-ի «Հայ դատի» հանձնախումբը պաշտոնյաներին կոչ է արել չխուսափել «Ցեղասպանություն» բառն օգտագործելուց

Ստեփանծմինդա – Լարս ավտոճանապարհը փակ է տրանսպորտային բոլոր միջոցների համար

Ձեր օրինակը կարող է վարակիչ լինել. Մարիան Ստրեյֆ-ֆելլերը՝ Աննա Հակոբյանին (լուսանկարներ)

Բուռն պայքար ու հաղթանակ. Հարություն Ուռուտյանը շնորհավորել է Նիկոլ Փաշինյանին ու Սասուն Միքայելյանին

Իսակովի պողոտայում 4 մեքենա է այրվել. կան տուժածներ

Լրագրողին ծեծի ենթարկելու մեջ մեղադրվող ոստիկանները դատապարտվել են տուգանքի

ՀՀԿ-ն գնաց, մնաց ՀՀԿ-իզմը

ՀԱՊԿ գլխավոր քարտուղարի նշանակման հարցը դեկտեմբերի 6-ին չի լուծվել և չէր կարող լուծվել. Եղոյանը արձագանքում է Նազարբաևին

ԵՊԲՀ դիպլոմը կճանաչվի Շրի Լանկայի բժշկական խորհրդի կողմից

Գյումրու 102-րդ ռազմակայանի զինծառայողին կալանավորել են

Մահացածները եղել են մարդատար ավտոմեքենայում. մանրամասներ Սյունիքի ավտովթարից

Ղազախստանում ՀՀ դեսպան Գագիկ Ղալաչյանն իր հավատարմագրերը հանձնեց ՂՀ նախագահին

Նիկոլ Փաշինյանը հեռախոսազրույց է ունեցել Վրաստանի վարչապետ Մամուկա Բախտաձեի հետ

Իրական ընդդիմությունը ԱԺ-ից դուրս է ձեւավարվելու. ինչպես են պայքարելու արտախորհրդարանական ուժերը

ՀՀ ՊՆ է այցելել Մարդու իրավունքների պաշտպանի գրասենյակի պատվիրակությունը

Նազարբաեւը Բելառուսի թեկնածուին աջակցությունն է հայտնել ՀԱՊԿ գլխավոր քարտուղարի պաշտոնում