Խոսում ենք Ս. Սարգսյանի և նրա թիմի կողմից կազմակերպված հանցավոր խմբավորման մասին.Փաշինյան

Երեկ Արաբկիր եւ Քանաքեռ-Զեյթուն վարչական շրջանների ընդհանուր իրավասության դատարանում սկսվել է անցած տարի Երեւանի ավագանու ընտրությունների նախօրեին Տարոն Մարգարյանի նախընտրական շտաբի մոտ «Զիբիլիքս» անունը կրող սկանդալային փաստաթղթերի հայտնաբերման վերաբերյալ ՀՔԾ-ում քննված եւ կարճված քրեական գործի դեմ բողոքի քննությունը: Նախագահող դատավորն է Աննա Մաթեւսյանը:

«Ելք» դաշինքը դեռեւս նախորդ տարվա մայիսին էր իրավապահներին հանցագործության մասին հաղորդում ներկայացրել՝ դրան կցելով Տարոն Մարգարյանի՝ Կոմիտաս 56 հասցեում գտնվող ընտրական շտաբի մոտի աղբամաններից հայտնաբերված սկանդալային փաստաթղթեր, որոնք դաշինքի ներկայացուցիչների պնդմամբ, վկայում են, որ Երեւանի ավագանու մայիսի 14-ի ընտրություններում Հանրապետականի կողմից ընտրակաշառքի բաժանումը կրել է համակարգված եւ կենտրոնացված բնույթ:

Ըստ «Ելք»-ի՝ մոտ 30-էջանոց այդ նյութերն իրենց մոտ հայտնվել են, երբ գործող քաղաքապետ Տարոն Մարգարյանի Կոմիտաս 56 հասցեում գտնվող ընտրական շտաբի աշխատակիցը դրանք նետել է աղբամանը:

«Ելք» դաշինքի պնդմամբ, ընտրակաշառքի բաժանման գործընթացում ներգրավված են եղել նաեւ իրավապահները, մասնավորապես՝ թղթերից մեկը Հանրապետականի շտաբ է ուղարկվել ոստիկանության ֆաքսի համարից, որտեղ նշված են եղել ոստիկանների անուն-ազգանունները, կոչում, պաշտոն: Խոսքն այս դեպքում ՊՊԾ գնդի աշխատակիցների անուններով կազմված ցուցակի մասին էր, որում նշված էր՝ ընտրություններում ով ինչքան ձայն պետք է ապահովի ՀՀԿ-ի համար: ՊՊԾ աշխատակիցների մասով ՀՀ ոստիկանության պետ Վլադիմիր Գասպարյանի հրամանով ծառայողական քննություն նշանակվեց եւ որոշ ժամանակ անց կասեցվեց:

«Զիբիլիքսի» գործը կարճվեց մի քանի ամիս անց՝ հանցակազմի բացակայության հիմքով: Առ այսօր ընդդիմադիր դաշինքը պնդում է, որ գործը քննող քննիչը լրիվ, բազմակողմանի եւ օբյեկտիվ քննություն չի իրականցրել պարզելու դեպքի իրական հանգամանքները:

Դաշինքը 2017 թվականի օգոստոսի 28-ին բողոքարկել էր «Զիբիլիքսի» գործը կարճելու վերաբերյալ ՀՔԾ քննիչի կայացրած որոշումը։ Բողոքը ՀՀ գլխավոր դատախազ Արթուր Դավթյանին էր ուղարկվել ԱԺ «ԵԼՔ» խմբակցության ղեկավար Նիկոլ Փաշինյանի կողմից, որտեղ մանրամասն ներկայացված էին բողոքարկելու հիմքերը: Բողոքը մերժվել է,ր սակայն նշելով, որ քննիչի կայացված որոշումն օրինական է եղել:

Այժմ ԵԼՔ-ը դատարանում բողոքարկում է արդեն դատախազի որոշումը՝ պահանջելով գործը վերաբացել եւ օբյեկտիվ նախաքննություն իրականացնել:

Դատարանում ԱԺ ԵԼՔ խմբակցության ղեկավար Նիկոլ Փաշինյանը մանրամասն ներկայացրեց, թե ինչ առանցքային հարցերի պատասխաններ չեն ստացել նախաքննության ընթացքում: Փաշինյանը նախ կետ առ կետ հիշեցրեց գործի հանգամանքները: Ըստ այդմ՝ 2017 թվականի մայիսի 12-ին Երեւանի ավագանու ընտրությունների քարոզարշավի վերջին օրը ԵԼՔ դաշինքի կողմնակիցները տեղեկություններ են ստացել, որ Հանրապետական կուսակցության Կոմիտաս 56 հասեցում գտնվող նախընտրական շտաբում ընտարակաշառք է բաժանվում կամ ընտրակաշառքի բաժանման նախապատարաստություններ են տեղի ունենում: Արագ արձագանք է տեղի ունեցել եւ Կոմիտաս 56 հասցեում գտնվող շտաբ են ժամանել լրագրողներ, ԵԼՔ դաշինքի ակտիվիստներ, որտեղ տեղի են ունեցել որոշակի իրադարձություններ:

«Տվյալ իրավիճակում առանձանպես ուզում եմ շեշտել հետեւյալ հանգամանքը, երբ որ ըստ էության Կոմիտաս 56 հասեցում գտնվող շտաբը պաշարված է եղել, այդ ընթացքում ինչ-որ մի կին շտաբից դուրս է եկել եւ պոլիէթիլենային տոպրակով դուրս հանել շտաբից տոպրակ եւ նետել մերձակա աղբարկղը: Դա նկատել են ԵԼՔ դաշինքի ներկայացույիչներ, ովքեր լրագրողների ուղեկցությամբ հետագայում մոտեցել են, բացել այդ տոպրակը եւ այդտեղից հայտանաբերել փաստաթղթեր՝ կիսապատառոտված: Հետագայում ամբողջական տեսքի են բերվել դրանք, հայտնի են արդեն հանրությանը որպես «Զիբիլքսի» գործ, որովեհետւ արդեն ասացի ինչ հանգամաքներում են հայտնաբերվել»,- ներկայացրեց պատգամավորը:

Նա հրապարկեց փաստաթղթերից մեկը, որը ըստ էության բովանդակային ուղեցույց է ընտակաշառք բաժանողների համար: «Դրանցում նշված են՝ «բարեւ ձեզ», «քանի՞ հոգի եք», «առանձնանալ ննջարանում կամ բաղնիքում՝ զապիսից խուսափելու համար», «գումարը տալ մոտ տարածությունից», «պառոլը՝ բազե» «ով է տան ակտիվիստը» եւ նմանօրինակ բաներ որոնք մեր կարծիքով ուղղակիորեն վկայում են, որ Հանրապետական կուսկացության կողմից ձեւավորվել եւ գործել է ընտրակաշառքների բաժանման հստակ կազմակերպված եւ գծագրված մեխանիզմ: Ինչու ենք մենք համարում, որ նախաքննությունը սխալ ընթացք է ունեցել, ինչ հարցերի պատասխան  պետք է գտներ նախաքննությունը, որը չի արել, կամ արել է թերի»,- ասաց Նիկոլ Փաշինյանը, ապա դատարանին մանրամասն ներկայացրեց, թե ինչ առանցքային հարցերի պատասխաններ չեն ստացել քննության ընթացում: Մասնավորապես՝ «Ա․ ի՞նչ է նշանակում հայտնաբերված թղթերի բովանդակություն: Բ․ ինչպե՞ս կարող էին այդ թղթերը ծագել, ստեղծվել ընդհանրապես: Գ․ Արդյո՞ք դրանք իսկապես դուրս են բերվել ՀՀԿ-ի կամ Տարան Մարգարյանի՝ Կոմիտաս 56 հասցեում գտնվող նախընտրական շտաբից: Դ․ ինչքանո՞վ են իրականությանը համապատասխանում թղթերում բերված անձնական տվյալները՝ անուն-ազգանուն, հեռախոսի համար, հասցե: Ե. ովքե՞ր են այն մարդիկ, որոնք կարող էին տիրապետել այս ողջ տեղեկատվությանը: Զ․ Ոստիկանության ֆաքսի թնջուկը․ ինչպես գիտեք, այս թղթերի մեջ նաեւ հայտնաբերվել է ֆաքս՝ Ոստիկանության ՊՊԾ գնդի ծառայողների անձնական տվյաներով»,- թվարկել է Նիկոլ Փաշինյանը:

Վերջինս կետ առ կետ անդրադաձավ այդ հարցերին եւ նախաքննության վերաբերմունքին այդ հարցերի նկատմամբ: Ըստ նրա՝ նախաքննությունը ընդհանարապես որեւէ բան չի արել պարզելու աղբամաններից հայտնված թղթերի էությունը: «Այսինքն թղթերը ֆիզիկապես գոյություն ունեն, չկա փորձաքննություն, չկա եզրակցություն, թե այդ թղթերի բովանդակությունը ի՞նչ է նշանակում, արդյո՞ք այն պնդումը, թե դրանք իրենք իրենցով ապացուցում են ընտրակաշառքի կազմակերպված, հղկված եւ իրավապահ մարմինների հետ համագործակցված համակարգի գոյության մասին իրականություն է: Քրեական գործ հարուցելու որոշման մեջ քննիչը գրել է, որ գործը առերեւույթ պարունակում է ընտարակաշառք բաժանելու հատկանիշներ ու թվում է սրանով այդ հարցը լուծված է: Կներեք կոպիտ համեմատության համար, բայց եթե աղբանոցից մարդու ձեռք գտնեինք ու հանձնեինք իրավապահ մարմիններին քննիչը կասեր, որ առերեւույթ մարդու ձեռք է եւ կնշանակեր փորձաքննություն հասկանալու համար, թե դա ինչ է, ինչ եղանակով է անջատված մարդուց, ինչ խմբի արյուն է, ԴՆԹ-ի անալիզ կաներ, կնոջ թե տղամարդու ձեռք է, ինչ տարիքի է: Այլ դեպքում մենք նման փորձաքննություն չունենք ու չգիտենք էս թղթերը լավ ինչ են նշանակում: Եթե «Զիբիլիքսի» գործեր թղթերի վերաբերյալ լիներ նման փորձաքննություն, եզրակացությունը կլիներ միանշանակ: Նախաքննությունը ի դեմս հարգաժան քննիչ Սմբատ Մխիթարյանի շրջանցել է այն հարցը, թե արդյո՞ք այս թղթերը իրական են, թե՞ ինչ-որ մեկը կեղծել է դրանք՝ ՀՀԿ-ին զրպարտելու համար: Եւ հասկանալի է, թե ինչու:  Եթե ընդուներ, որ թղթերը իրական են, ուրեմն չէր կարող կարճել գործը, որովհետեւ եթե նույնիսկ ինչ-որ հարցաքննված անձի գործողություններում հանցակազմ չկա ինչ-որ տեղ կամ ինչ-որ մարդիկ, ովքեր մեղավոր են այս հանցավոր սխեմայի համար եւ անհարաժեշտ է շարունակել նախաքննությունը նրանց գտնելու համար: Եթե պարզվեր, որ այս թղթերը կեղծ են հետեւությունը նույնքան ծանր է: Դա նշանակում է, որ ինչ-որ մարդիկ կեղծ թղթեր են պատրաստել՝ զրպարտելու համար ՀՀԿ-ին՝ նրան մեղադրելով քրեական հանցանք կատարելու մեջ, սա ինքնին հանցագործություն է, որը կոչվում է սուտ մատնություն: Երկու դեպքում էլ նախաքննությունը պետք է շարունակվեր՝ մեղավոր անձանց գտնելու համար: Բայց նախաքննական մարմինը չնկատելու է տվել ոչ թե օդում կախված, այլ շատ կոնկրետ, աչք ծակող այս հարցը ու կարճել գործը»,- դատարանում հայտարարեց ԱԺ  ԵԼՔ խմբակցության ղեկավարը:

Նրա խոսքով՝ նախաքնմական մարմինը փորձել է տպավարություն ստեղծել, թե շտաբի ներկայացուցիչները եւ շտաբն ընդհանրապես որեւէ կապ չունեն թղթերի հետ: Սրա համար քննիչը հրավիրել է շտաբի աշխատողներին ու արել մոտավորապես հետեւյալը: « Ասում ա՝ դուք ձեր շտաբից ընտարակաշառք բաժանել ե՞ք, հարցաքննվող անձը ասում ա՝ չէ ի՞նչ եք ասում, ինչ ընտրակաշառք, մենք չենք լսել ընդհանրապես դրա մասին»,- վկայի եւ քննիչի հարցուպատասխանից մեջեբերում արեց Փաշինյանը: Նա  նաեւ դատարանի ուշադրությունը հրավիրեց շտաբի մաքրուհի Անժելա Կիրակոսյանի նախաքննության ընթացքում տված ցուցմունքին, ապա նշել, որ դրանք քննիչը որեւէ կերպ չէր կարող արժանահավատ համարել:

«Ըստ ցուցմունքերի՝ մաքրուհի տիկին Անժելան մայիսի 12-ի իրադարձությունների ողջ ընթացքում, երբ բարձր տոներով խոսակցություններ են եղել, եղել է Կոմիտաս 56 հասցեում, նույնիսկ տեղյակ է եղել, ով է եկել ու երբ քննիչը հարցրել է երբեւէ լսել է, որ ընտրակաշառք է բաժանվել, տալիս է հանճարեղագույն պատասխան՝ այդ մասին առաջին անգամ եմ լսում: Այսինքն այդ ողջ ընացքում, որ բրդում էին իրար ասում էին ընտրակաշռք եք բաժանում, ինքը չի լսել, չնայած դրան գիտեր որ ինձ շտաբում սւորճ են առաջարկել, բերել են այդ սուրճը, ես կում չեմ արել առանց խմելու հեռացել եմ ու ընտրակաշառքի մասին որեւէ բան չի լսել: Տիկին Անժելան, իր ցուցմունքում աղբի հետ թղթերը դուրս տանելու եւ աղբաման նետելու մասին քննիչի հարցին պատասխանում է՝ «ինչպես այդ օրը, այդպես էլ դրան նախորդ օրը ես որեւէ թուղթ պատառոտված կամ ամբողջական չեմ լցրել պոլիէթիլենային տոպրակում եւ չեմ լցրել աղբամանը, ինձ որեւէ մեկը նման ցուցում չի տվել, նաեւ մաքրության ժամանակ շտաբում գտնվող աղբամաններում թղթեր չեն եղել, հակառակ դեպքում ես դրանք կնկատեի»: Եւ այդ ցուցմունքը քննիչ Մխիթարյանը համարել է արժանահավատ, պատկերացնո՞ւմ եք մի շտաբ, որի աղբամանի մեջ թուղթ չկա, ընդհանապես որեւէ թուղթ չկա: Առավելեւս գործում ապացուցված է, որ էս ընթացքում ժողով է եղել, տասնյակ մարդիկ հրավիրվել են ժողովի ու ընտրություններից մեկ երկու օր առաջ աղբի մեջ թուղթ չկա, մենակ քյաբաբի եւ խորավածի մնացորդներ են: Աբսուրդը է սա դնել քրեական գործի կարճման հիմքում, բայց սա ամենը չէ»,- ներկայացրեց պատգամավորը: Նա նշեց, որ նախաքննության նյութերին ծանոթանալով հանգում են այն եզրակացության, որ քննիչը ամեն ինչ արել է, որ հանկարծ որեւէ հանգամաք չպարզվի: «Ու գիտե՞ք ինչու, հարգելի դատարան, որովհետեւ ՀՔԾ բոլոր քննիչների սենյակներում Սերժ Սարգսյնաի լուսանկարն է փակցված, մենք խոսում ենք Սերժ Սարգսյանի եւ նրա թիմի կողմից կազմակերպված հացավոր խմբավորման մասին, եւ ամեն անգամ ցուցմունք գրելիս եւ կարդալիս քննիչը ըստ ամենայնի նայել է Սերժ Սարգսյանի պատկերին եւ հասկացել է, թե ինչ պետք է անի: Սա կարող է մի քիչ հումոր, զավեշտ թվալ, բայց իրականությունը սա է, ամեն ինչ արվել է, որպեսզի քրեական գործի հանգամանքերը չբացահայտվեն»,- դատարանին հայտնեց Փաշինյանը եւ միջնորդեց վերացնել քրեական գործը կարճելու մասին որոշումը:

Բողոքի դեմ առարկել է գործով դատախազ Հայկ Պետրոսյանը: Նա համաձայն չէր «Ելք»-ի ներկայացուցիչների այն համոզման հետ, որ նախաքննությունը կատարվել է թերի եւ կոպիտ խախտումներով: «Համապատասխան բոլոր քննչական գործողությունները ձեռնարկվել են: Նախաքննությամբ չի հիմնավորվել՝ շտաբի մաքրուհի Անժելա Կիրակոսյա՞նն է այդ թղթերը նետել աղբարկղը, թե՞ մեկ ուրիշը: Ինչ վերաբերում է համակարգիչներին, ապա խուզարկություն կատարվել է, եւ անգամ ջնջված ֆայլերի վերականգնման ֆունկցիան կիրառելուց հետո ֆայլեր չեն հայտնաբերվել»,-հայտարարել է դատախազը: Ըստ  նրա՝ նախաքննական մարմինը պատշաճ ջանասիրություն է ցուցաբերել, հարցաքննել տասնյակ վկաների, որոնք հերքել են ՀՀԿ-ի կողմից կաշառք տալու մասին տեղեկություններն ու հնարավոր հանգամանքները: «Այս քրեական գործով բազմածավալ գործողություններ են կատարվել, բայց ձեռք չեն բերվել բավարար ապացույցներ՝ կաշառք տալու կամ ստանալու վերաբերյալ»,- մասնավորապես հայտարարել է դատախազը:

Նշենք, որ նիստին չէր մասնակցում գործը քննող քննիչ Մխիթարյանը:

Բողոքի քննությունը կշարունակվի փետրվարի 15-ին ժամը 10:00-ին:

Տպել
4382 դիտում

Ալեքսեյ Սանդիկովը կգործուղվի Մոսկվա

Ծանրամարտի աշխարհի առաջնությունը տեղի կունենա Երևանում. Հայաստանի հայտը ճանաչվել է լավագույնը

ԱԺ պատգամավորները կգործուղվեն Բեռլին

5 հայ ծանրորդ կմեկնի Թայլանդ՝ մասնակցելու վարկանիշային աշխարհի գավաթին

Հայաստանում տեղումների դադար է, ջերմաստիճանը կբարձրանա 8-10 աստիճանով

«Հայաստանի հեռուստատեսային և ռադիոհաղորդիչ ցանց»-ի տնօրենը հրաժարականի դիմում է ներկայացրել

200 եվրո՝ 200 հազար դրամի փոխարեն. առցանց անմաքս առևտրի շեմը ենթարկվել է փոփոխության

Սյունիքի մարզում դատավոր է նշանակվել

Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները

Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում

Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում

Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)

Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Երևանի և 2 մարզի որոշ հասցեներ մի քանի ժամով կհոսանքազրկվեն

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան