Դուք անկոռեկտ, ստախոս մարդ եք. Դեդն ասաց դատավորին, ապա 5 ժամով հեռացվեց դահլիճից

Շենգավիթ վարչական շրջանի ընդհանուր իրավասության դատարանում այսօր շարունակվում է «Սասնա ծռեր» խմբի 11 անդամի գործով դատական նիստը:

Նիստը, սակայն սկսվեց առանց «Սասնա ծռեր» խմբի 11 անդամի. պատճառն այն է, որ նախորդ նիստերից մեկում դատարանը նրանց նկատմամբ սանկցիա է կիրառել եւ մի քանի ժամով հեռացրել նիստերի դահլիճից: Նիստերի դալիճը լքելու ցանկություն ի սկզբանե հայտնել էին խմբի անդամները. նրանք բոյկոտել էին նիստը ի պաշտպանություն իրենց ընկերների՝ Սմբատ Բարսեղյանի եւ Արմեն Բիլյանի, որոնք հացադուլ էին հայտարարել՝ պահանջելով իրենց «Նուբարաշեն»-ից տեղափոխել «Արմավիր» ՔԿՀ:

Այսօր նիստը սկսվելուց երեք ժամ հետո լրացավ «Դեդ» մականունով հայտնի Մարտիրոս Հակոբյանի սանկցիայի ժամկետը: Նրան դատական նիստերի դահլիճ բերելուց հետո լարված իրավիճակ ստեղծվեց: Դեդը հայտարարեց, որ չի ցանկանում ներկա գտնվել նիստին, եւ դատավորից հետաքրքրվեց, թե իրեն ինչու են բերել նիստերի դահլիճ: «Հիմա դուք ինձ պարտադրաբար բերում եք, ասում եք՝ նստի, ինչի՞ համար նստեմ...Եթե արդարադատություն չկա, ինչի՞ համար, ո՞ւմ նստեմ լսեմ, դատավոր չկա, մեկը չկա, մյուս չկա, նստեմ ի՞նչ անեմ, ինձ չես ասում ինչի համար նստեմ»,- դիմելով նախագահողին ասաց Մարտիրոս Հակոբյանը: «Ապացույցներ ենք հետազոտում»,- փորձում էր պարզաբանել դատավորը, երբ Դեդը նրան ընդհատեց եւ ասաց. «Դուք ստախոս մարդ եք»: Դատավորը խորհուրդ տվեց չվիրավորել դատարանին, Դեդն էլ ասաց, որ չի վիրավորում, ասում է այն, ինչ կա: Դատավորը սպառնաց հերթական սանկցիան կիրառել, երբ Դեդը բարկացավ. «Ախպեր ջան, ի՞նչ ուզում ես արա, իմ համար արդեն միեւնույն է»: Դատավորը դիմելով Մարտիրոս Հակոբյանին ասաց, որ իր պաշտպանները եկել, գնացել են, ուստի դատարանը որոշել է հանրային պաշտպաններ ներգրավել: Սա ավելի զայրացրեց Մարտիրոս Հակոբյանին. «Ինձ հարցրե՞լ եք, որ ներգրավում եք»,- հարցրեց նա, դատավորն էլ պատասխանեց. «Չեն գալիս ախպեր ջան»: «Հիմա ես գամ ձեր ստերը, զրպարտությունները լսե՞մ, դուք իմ վրա շառ եք անում: Ես ստեղ դատարան չեմ տեսնում, ինչի համար, ու՞մ համար նստեմ»,- կրկնեց Դեդը:

Ապա դատավորը հետաքրքրվեց, թե ճի՞շտ են պաշտպանների այն պնդումները, որ դուք հրաժարվել եք նրանցից, ինչին ի պատասխան Հակոբյանն ասաց. «Ես իմ ասելիքն ասել եմ, դուք ստախոս մարդ եք»: «կոռեկտ պահե՛ք ձեզ»,- դիմելով նրան՝ ասաց Արթուր Օհանյանը. «Անկոռեկտը դուք եք, քեզ ինչ հրաժարվել եմ, թե՝ չէ, ո՞վ ես դու, ես քեզ չեմ ճանաչում»,- շարունակեց Դեդը, ապա գնաց դեպի դուռը, սակայն ուղեկցող ոստիկանները նրան չթույալտրեցին դուրս գալ, լարված իրավիճակ ստեղծվեց: Ըստ էության իրավիճակը հանդարտեցնելու համար Արթուր Օհանյանը Մարտիրոս Հակոբյանի նկատմամբ հերթական սանկցիան կիրառեց եւ 5 ժամով նրան հեռացրեց նիստերի դահլիճից. «Ես էս դատարանին չեմ էլ հարգում, ինչ ուզում ես արա, իմ համար մեկ ա»,- եզրափակեց Դեդը, ինչից հետո նրան հեռացրին դահլիճից:

Դատարանը շարունակեց հրապարկել գործում եղած ապացույցները, առանց նրանց եւ նրանց պաշտպանների:

Տպել
3589 դիտում

Ստեփանավանի ողբերգական հրդեհի փաստով կստեղծվի հատուկ աշխատանքային խումբ. մարզպետ

Նարեկ Սարգսյանի ձերբակալության մասին լուրը հրապարակելը քարոզչության վերջին օրը զուգադիպություն էր. Օսիպյան

ՀՀ-ում կամավոր բաժին է ներկայացել 2006 թվականից հետախուզվող կինը

Հայտնի է 20-րդ դարում ամենաշատը հեռարձակված հիթը

Գործընկերություն կառուցելու հիմքում մենք դնում ենք հայաստանամետ քաղաքական մոտեցում. նախարար

Մոսկվայում կկանգնեցնեն Շառլ Ազնավուրի արձանը

Հանրապետության գլխավոր տոնածառը գրեթե պատրաստ է, լույսեր են վառվում (տեսանյութ)

Սպասում ենք Հայաստան-Սփյուռք աննախադեպ համախմբման. Եվրոպայի հայերի համագումարի շնորհավորանքը

Գյումրի, Մարալիկ քաղաքներում, Աշոցքի, Ամասիայի տարածաշրջաններում, Ախուրյանում ձյուն է տեղում

Ընդդիմությունը պետք է հարցերի լուծումների այլ ճանապարհ առաջարկի, քան իշխանությունը. Քոչարյան

Մեր գլխավոր նպատակը ժողովրդավարությունն է. Փաշինյանը պատասխանել է թուրք լրագրողի հարցերին

Անգլիայում 14-ամյա ֆուտբոլիստը մահացու վնասվածք է ստացել խաղի ժամանակ

Ընտրություններ՝ առանց թաղայինների

78 հաղորդում, 2 քրգործ. ամփոփ տվյալներ՝ ընտրությունների օրվա և քարոզարշավի հաղորդումներից

Ինչպես կարելի է ստանալ ընտրատեղամասի տեսանկարահանումների պատճենները

Ո՞վ կփոխարինի Արա Մինասյանին. թափուր պաշտոնի մրցույթում հաղթողները երեքն են

Մուրացիկ և թափառաշրջիկ երեխաների խնդիրներով մտահոգ աշխատանքային խմբի քննարկում ոստիկանությունում

Ինչ են նվաճել 2018 թ. ընթացքում տարվա լավագույն 10 մարզիկների թեկնածուները

Վարդենյաց լեռնանցքում տեղ-տեղ մերկասառույց է, ճանապարհը փակ է բեռնատարների համար

Ուրա՞ Մարտի 1-ը, արա՛, Պոպլավոկում, որ մարդ էին խփում. թեժ բանավեճ Քոչարյանի ազատությունը պահանջող ցույցի ժամանակ