Խոզի միսը թանկացել է, սխտոր կերեք այ ձեր ցավը տանեմ, ի՞նչ եք խառնվել. Փաշինյան (տեսանյութ)

Այսօր ԱԺ-ում, ելույթ ունենալով «Առանձին ապրանքատեսակների գների բարձրացման պատճառները» թեմայով խորհրդարանական լսումների ժամանակ, ԵԼՔ խմբակցության ղեկավար Նիկոլ Փաշինյանը ասաց, որ ամենակարեւոր հարցերից մեկը, որ պետք է բարձրացնեին, այն է, թե ինչպես է համատարած գնաճի պայմաններում ԱՎԾ-ն եկել այն եզրակացության, որ գնաճն ընդամենը 2․6 տոկոս է։ Նա նաեւ նշեց, որ հարց տալու հնարավորություն չեղավ, բայց ինչքան կարելի էր կռահել գների համար պատասխանատու մյուս մարմնի՝ ԿԲ ղեկավարի պատասխաններից, ստեղծվել է պատկերավոր կշեռք. մի նժարին դրվել են թանկացումները, մյուս նժարին՝ էժանացումները, այդ թվերից ինչ-որ կշիռներ են ձեւավորվել, որից հետո 2․6 տոկոս է ստացվել գնաճը։

«Ի՞նչ է ստացվել, ստացվել է, որ պաշտոնական թվերով, եթե սերուցքային կարագը թանկացել է 41 տոկոսով, դրան հակակշռում է խառը կանաչու 48 տոկոս էժանացումը։ Եթե գառան միսն է 28․9 տոկոսով թանկացել է, դրան հակակշռում է կանաչ սոխի 18․2 տոկոս էժանացումը, եւ ստացվում է այն փիլիսոփայությունը, որի վրա հիմնվելով՝ կառավարությունն իշխանությանը ասում է՝ գնաճի մեջ ոչ մի ողբերգություն չկա։ Օրինակ՝ կարագը թանկացել է, ժողովուրդ ջան, խառը կանաչի կերեք, ի՞նչ է եղել որ։ ԿԲ նախագահն ասաց, թե գիտությունը պարզել է, որ կարագը օգտակար է, բա գիտությունը գիտե՞ք երբ է պարզել, որ խառը կանաչին օգտակար է, գիտե՞ք ինչ վիտամիններ կան մեջը, ինչ հատկանիշներ կան մեջը։ Գառան միսը թանկացել է, կանաչ սոխ կերեք, գիտե՞ք ինչ օգտակար է կանաչ սոխը։ Լուրջ եմ ասում՝ առանց կատակի, որեւէ մեկը կասկածո՞ւմ է կանաչ սոխի օգտակարությանը։ Կամ խոզի միսը թանկացել է, սխտոր կերեք, այ ձեր ցավը տանեմ, ի՞նչ եք խառնվել իրար։ Բենզինը թանկացել է, մենք այն օրը ցույց տվեցինք` բրդեք ձեր մեքենան, ի՞նչ է, ձեւռներիդ մեջ ուժ չկա՞, համ էլ ֆիտնես է, լավ ծառայություն է։

Նորմալ է ամեն ինչ, ասում են կարագը թանկացել է, միջազգային գները թանկացել են, հարց ՀՀ քաղաքացիներին` բա ինչո՞ւ ՀՀ-ում գյուղացիներից մթերվող կաթի գինը չի բարձրացել, կարող ե՞ք դա բացատրել։ Իմիջայլոց ասեմ, որ կարագը պատրաստում են կաթից, եւ դա գիտությունը ընդամենը մի շաբաթ առաջ է պարզել։ Բայց ինչո՞ւ մեր գյուղացիներից մթերվող կաթը չի թանկանում, դրա մասին ոչ մեկ չգիտի։ Հիմա այս թանկացումների ցուցակը նայենք, ամեն ապրանքի կողքը գրված է՝ տեսակարար կշիռ, թե այդ ընդհանուր զամբյուղի մեջ այդ ապրանքը ինչքան կշիռ ունի։ Կարագի տեսակարար կշիռը 1․1082 է, խառը կանաչունը` ընդամենը 0․195։ Եվ, եթե այսպես ենք դնում, թանկացած ապրանքները իրենց տեսակարար կշռով կրկնակի անգամ ավելի ծանր են, քան էժանացած ապրանքները։

Եվ, երբ լսում եմ իշխանության, կառավարության ներկայացուցիչներին, լսում-լսում-լսում եմ, ասում եմ` ոնց որ թե հայերեն են խոսում, ընդ որում, գրական բառերով, բայց ոնց որ թե իրականության մասին չեն խոսում, այս ի՞նչ պատմություն է։ Հետո հասկացա, մեր իշխանության ներկայացուցիչները իրականությունը վերցնում են, գցում են գուգլ translate-ի մեջ, translate կնոպկան սեղմում են, այդ մյուս տեքստից կարդում են։ Այսինքն՝ նրանք ըստ էության, ամեն ինչ ճիշտ են ասում, բայց translate-ով են ասում, որն իրականության հետ կապ չունի, այստեղ է ամբողջ խնդիրը։

ՊԵԿ նախագահը ասում է՝ գազի թանկացումը ինչո՞ւ եք պատմություն սարքել, վերադարձել ենք 2015թ․-ին։ 2000թ․-ին էլ, ասենք, դրամի փոխարժեքը դոլարի նկատմամբ 500-ից անցել է, ուրեմն, կարող ենք չանհագստանալ։ 2015թ․ գնաճի մակարդակը մեր երազանքների գնաճի մակարդա՞կն է։ Ֆինանսների նախարարը՝ կրթված, բոյով, սիրուն, այսօր ասում է՝ 2011թ․-ին 7 տոկոս գնաճ է եղել, մարդ ա՞ մեռել։ Փակեք լսումները, իջնենք գնանք տներով, ժողովուրդ ջան, այսինքն՝ մեր չափանիշը այն է՝ մարդ մեռել է, թե՝ չի մեռել։ Չի մեռել, Հայաստանում այնքան բանից մարդ չի մեռնում, որ ամբողջ օրը ասում են՝ տնտեսության չզարգացվածությունից մարդ մեռնո՞ւմ է, թե՞ չէ։ Սա՞ է մեր չափանիշը։ Ու ընդհանուր առմամբ՝ այս լսումները ինչի՞ համար է կազմակերպել, որպեսզի ասի, որ գնաճ ՀՀ-ում չկա։ Ու, եթե ուշադիր լինեք, դա ի սկզբանե էլ այդպես էր, վերնագիրը նայեք՝ «առանձին ապրանքների գների բարձրացման պատճառները» ՝ առանձին ապրանքների, ո՞վ է վերնագիրը դրել, հաստատ Սովետական միությունում քաղբյուրոյի հետ կապ է ունեցել։ Այն ժամանակ հիշում եք չէ, Սովետական միությունում ամեն ինչ իդեալական էր, բայց առանձին կոլեկտիվներում, առանձին աշխատակիցների կողմից, թույլ էին տալիս առանձին բացթողումներ, որոնք առանձին փոքր խնդիրներ էին ստեղծում երկրի համար։

Իսկ ընդհանուր առմամբ կյանքը ուրախ՝ ապրուստը ձրի։ Եւ քանի որ կյանքը ուրախ է, եւ ապրուստը՝ ձրի, ԵԼՔ խմբակցությունը ՀՀ քաղաքացիներին կոչ է անում փետրվարի 5-ին՝ ժամը 18։00-ին, հավաքվել «Մոսկվա» կինոթատրոնի մոտ՝ տոնակատարության, որպեսզի նշենք միասին բարձր տրամադրությամբ, ուրախ եւ ձրի կյանքի այս խրախճանքը տոնենք եւ մեր շնորհակալությունը հայտնենք ՀՀԿ-ին, որ այսպիսի անհոգ եւ երջանիկ իրականություն է նվիրել բոլորիս»,- այսպես եզրափակեց իր խոսքը Նիկոլ Փաշինյանը։

Տպել
3018 դիտում

Թուրքիայում բացվել է պոլսահայ աշխարհահռչակ լուսանկարիչ Արա Գյուլերի թանգարանը (տեսանյութ)

Ոստիկանության պետի հրամանով 8 ծառայողների սպայական կոչումներ են շնորհվել

Դավիթ Բեկի և Հունան Ավետիսյանի փողոցների խաչմերուկի լուսացույցները կտեղափոխվեն ու կփոխվեն

Սուրբ Կարապետ վանքի հարևանությամբ գտնվող ավազահանքում փլուզում է տեղի ունեցել. կա զոհ

Առողջապահության նախարարը կմեկնի Քատարի Պետություն

Ն. Փաշինյանը մի քանի տասնյակ սփյուռքահայերի ՀՀ-ում հատուկ կացության կարգավիճակ է շնորհել

Բելգիայի թագավորական ընտանիքը մասնավոր այցով Հայաստանում է

Ովքեր եւ ինչի համար էին Զովասարում այս գիշեր ցանկացել տուն պայթեցնել. մանրամասներ

100 օրվա ամփոփում. հեղափոխություն առանց ծանր հետեւանքների

Բռնցքամարտիկ Արամ Ավագյանը կքննարկի ՀՀ ընտրանու հետ կրկին մենամարտերի մասնակցելու հարցը

«էլեկտրիկ Երևան»-ի ամենահայտնի ցուցարարն ու լրագրող Զ. Մեջլումյանը՝ Դ. Սանասարյանի թիմում

«Արմնյուզ»-ի վաճառքի մասին տեղեկությունները կեղծ են. Հրաչյա Քեշիշյան

Պաշտպանը «Վարդաշեն» ՔԿՀ-ում հանդիպել է Շանթ Հարությունյանի հետ

«Դիլիջան ազգային պարկ»-ից 9-ը հազար ծառ հատելու համար մեղադրանք է առաջադրվել 15 անձի

Դատախազը «շու՞տ է մոռացել իր հայտարարությունները». Դավթյանը պատասխանում է Շարմազանովին

Ընտրացուցակներ մաքրելուց մինչեւ օրենքով գողեր. Վալերի Օսիպյանի 100 օրը

ԲԴԽ-ն մշակել է արդարադատության արդյունավետության բարելավման հայեցակարգ

Արցախում ծնունդների թիվն ավելացել է, նորածին տղաների թիվը գերակշռում է աղջիկներին

Անդրիաս Ղուկասյանը ԿԸՀ-ի դիմաց պահանջում է Տիգրան Մուկուչյանի հրաժարականը (տեսանյութ)

Ինչ կապ ունի Ֆելիքս Ցոլակյանը քաղաքացու բնակարանը խլելու հետ. փողոցում են հայտնվել