Արմեն Սարգսյանը վերջին 6 տարում բնակվել է ՀՀ-ում. ոստիկանության պարզաբանումը

ՀՀԿ նախագահի թեկնածու Արմեն Սարգսյանը համարվում է վերջին 6 տարում ՀՀ-ում բնակված։

Ինչպես հայտնի է, ՀՀԿ նախագահի թեկնածու Արմեն Սարգսյանը վաղուց Հայաստանում չի բնակվում, 2013 թ.-ի սեպտեմբերի 27-ին նա նշանակվել է Մեծ Բրիտանիայում ՀՀ դեսպան: Միջազգային կոնվենցիաների համաձայն՝ տվյալ երկրում այլ երկրի դեսպանատունը համարվում է համապատասխան երկրի տարածք։ Սակայն դրանից առաջ էլ նա չի բնակվել Հայաստանում, այսինքն՝ նա վերջին 5 տարում է բնակվել Հայաստանում, այլ՝ ոչ թե 6։

«Հայկական Ժամանակ»-ի հարցմանը, թե ՀՀ նախագահի թեկնածու Արմեն Սարգսյանին բնակության վերաբերյալ տեղեկանք տալիս ի՞նչ մեխանիզմով է հաշվարկ արվել, Ոստիկանության հասարակայնության հետ կապերի վարչությունից պատասխանեցին՝

«ՀՀ ոստիկանության կողմից ՀՀ Նախագահի թեկնածուի առաջադրման դեպքում տեղեկանք տրամադրելիս հիմք են ընդունվում ՀՀ Սահմանադրության 124-րդ հոդվածի 2-րդ մասը եւ Ազգային ժողովի կանոնակարգ սահմանադրական օրենքի 134-րդ հոդվածի 4-րդ մասը: Մասնավորապես՝ թեկնածուն վերջին վեց տարում Հայաստանի Հանրապետությունում մշտապես բնակվող չի համարվում, եթե թեկնածուի գրանցման համար մշտապես բնակվելու մասին տեղեկանքն ստանալու նպատակով Հայաստանի Հանրապետության կառավարության լիազորած պետական կառավարման մարմին դիմում տալու օրվան նախորդող 2190 օրերի ընթացքում նա առնվազն 1095 օր բացակայել է Հայաստանի Հանրապետությունից, բացառությամբ այն դեպքերի, երբ բացակայությունը պայմանավորված է եղել Հայաստանի Հանրապետության հանրային ծառայության մեջ գտնվող անձի՝ ծառայողական նպատակներով գործուղվելու կամ արտերկրում բարձրագույն ուսումնական հաստատություններում ուսումնառության հանգամանքներով: Այսինքն՝ ՀՀ Նախագահի թեկնածուի առաջադրման դեպքում տեղեկանք տրամադրելիս հաշվարկն իրականացվում է ոչ թե կոնկրետ տարվա համար, այլ տեղեկանք ստանալու նպատակով դիմում տալու օրվան նախորդող 2190 օրվա հաշվարկով»:

Վերը բերված հաշվարկի համաձայն, եթե անձը վերջին 2190 օրերի, այսինքն՝ 6 տարվա ընթացքում Հայաստանից բացակայել է ավելի քան 1095 օր, այսինքն՝ 3 տարի, ապա համարվում է, որ նա վերջին վեց տարում մշտապես չի բնակվել Հայաստանում: Արմեն Սարգսյանը, ըստ վերը բերված հաշվարկի՝ 2012-2018 թվականների ընթացքում առնվազն 5 տարի մշտապես բնակվել է Հայաստանում, քանի որ եղել է ՀՀ դեսպան, այսինքն՝ եղել է «Հայաստանի Հանրապետության հանրային ծառայության մեջ գտնվող անձ՝ ծառայողական նպատակներով գործուղված»:  

Այլ կերպ ասած, Արմեն Սարգսյանը, ըստ օրենքի, համապատասխանում է ՀՀ նախագահի թեկնածու լինելու այդ չափանիշներին։

ՀՀ Սահմանադրության 124-րդ հոդվածի 2-րդ մասի համաձայն, ՀՀ նախագահ կարող է ընտրվել քառասուն տարին լրացած, վերջին վեց տարում միայն ՀՀ  քաղաքացի հանդիսացող, վերջին վեց տարում ՀՀ-ում մշտապես բնակվող, ընտրական իրավունք ունեցող եւ հայերենին տիրապետող յուրաքանչյուրը:

ԱԺ-ում ՀՀ նախագահի ընտրությունը տեղի է ունենալու մարտի 2-ին:

                                                                                                Նիկոլայ Ավետիսյան

Տպել
2993 դիտում

Սփյուռքի հետ հարաբերություններում անհարաժեշտ է նոր շունչ, թարմություն, երիտասարդական մոտեցումներ

Մշակույթի նախարարը պարզաբանում է՝ ինչու «Սայաթ-Նովա» անսամբլին գումար չեն հատկացրել

Կոտայքի մարզպետն իր մոտ է կանչել դպրոցի տնօրենին, հորդորել բողոքարկել ընտրության արդյունքները ԿԳՆ-ում

Գործարարները պատրաստակամություն են հայտնել աջակցել «Իմ քայլը» հիմնադրամին ոչ միայն ֆինանսապես

Քիչ առաջ Վանաձորում բերման են ենթարկել «օրենքով գող» Օշականցի Գեւորիկի եղբորորդուն

Հայկական ստորաբաժանումը առաջիկայում լիովին պատրաստ կմեկնի Սիրիա. Դավիթ Տոնոյան

Կարգադրվել է բարձրացնել զինվորականներին տրվող ներքնաշորերի որակը. Դավիթ Տոնոյան

Արցախում կայացել է մարտավարական զորավարժություն. ՊԲ-ն ներկայացնում է լուսանկարներ

Բուռն քննարկումներից հետո ՀԱԿ-ը որոշել է չմասնակցել արտահերթ ընտրություններին

Հայաստանի մի մասում անձրեւ, մյուսում՝ ձյուն է սպասվում. ԱԻՆ-ը հորդորում է անցնել ձմեռային անվադողերի

Գալուստ Սահակյանին փոխարինելու է Նաիրա Կարապետյանը

Պարգեւատրվել են լավագույն պարտադիր ժամկետային զինծառայողների ուսուցիչները

Դատախազությունն ուսումնասիրում է Հակոբ Հակոբյանի հայտարարությունը՝ կեղծ դեղեր գնվելու մասին

Հիմա էլ որպես ընդդիմություն են ստում. վերջին վարիանտ՝ Սերժ Սարգսյանը չէր հրաժարվի նաեւ ժողովրդի դեմ չերյոմուխա կիրառել

Քաղաքապետը Միջազգային պարալիմպիկ կոմիտեի նախագահի հետ հանդիպմանը կարևորել է պարասպորտի զարգացումը

Քրեական հեղինակություն Շալիկոյի սպանությունը նախապատրաստելու համար մարզիկին մեղադրանք է առաջադրվել

Ամփոփվել են ՎՏԲ-Հայաստան Բանկի #երբշահումես  մարքեթինգային արշավի արդյունքները

Աննա Հակոբյանը Մոսկվայում է. հանդիպումների ժամանակ ներկայացրել է իր ծավալած գործունեությունը

Վարչապետի խորհրդականը՝ ռեյտինգային թեկնածու

Ազգային ժողովի արձակումից հետո նոյեմբերի 11-ին տեղի կունենա առաջին լիագումար նիստը