Հերթական իմիտացիոն գործընթացն էր․ Միրզոյանը՝ երեկվա լսումների մասին (տեսանյութ)

Երեկ ԱԺ-ում «Առանձին ապրանքատեսակների գների բարձրացման պատճառները» թեմայով խորհրդարանական լսումներ տեղի ունեցան՝ ի՞նչ եղավ արդյունքում եւ ի՞նչ սպասելիքներ կային այդ լսումներից, մեր այս եւ մի քանի այլ հարցերի պատասխանները ստացանք ԱԺ ԵԼՔ խմբակցության պատգամավոր Արարատ Միրզոյանից։

- Պարոն Միրզոյան, տեղի ունեցած «Առանձին ապրանքատեսակների գների բարձրացման պատճառները» թեմայով խորհրդարանական լսումները ինչպե՞ս կգնահատեք։

- Գիտեք, ես կասեի, որ դրանք ոչ այնքան լսումներ էին, որքան ասումներ։ Սա հերթական իմիտացիոն գործընթացն էր, որ նախաձեռնել էին իշխանությունները, եւ ելույթները այնպես էին անում, որ ժամանակ ձգեցին-ձգեցին, ու ըստ էության, ԵԼՔ-ից եւ նրա հրավիրած փորձագետներից ընդամենը երկու հոգի կարողացան խոսել՝ Նիկոլ Փաշինյանը եւ Գեւորգ Գորգիսյանը։ Ըստ էության, մենք մեր հակափաստարկները, մեր կարծիքը չկարողացանք լայնորեն ներկայացնել. ես կրկնում եմ՝ սա իմիտացիոն գործընթաց էր ուղղակի։ Դա մեթոդական առումով, իսկ ինչ վերաբերվում է բովանդակությանը, ապա այստեղ էլ շատ հետաքրքիր բան կար։ Այս մարդիկ, դատելով իրենց ելույթներից, եկել էին ասելու, որ ամեն ինչ նորմալ է, անհանգստանալու կարիք չկա։ Այսինքն՝ հրաժարվում էին նույնիսկ խնդիրը ձեւակերպել, ախտորոշումը տալ, որպեսզի հետո կարողանանք քննարկել, թե այնուամենայնիվ ինչ-որ ուղղությամբ թանկացումների մեղմացում կարելի՞ է անել, թե՝ չէ։ Արդյունքում եղավ այն, որ իրենք եկան, ներկայացրեցին իրենց Հայլուրի վարդագույն Հայաստանը, եւ անհասկանալի է՝ իրենք որեւէ եզրահանգման եկա՞ն, թե՞ չէ: Ես կրկնում եմ՝ իրենք հրաժարվում են անգամ ընդունել, որ այդ խնդիրը կա։

- Իսկ ի՞նչ ակնկալիքներ ունեիք այդ լսումներից, դուք շեշտել էիք, որ ԵԼՔ-ը մասնակցում է այդ լսումներին, որպեսզի ինչ-որ բան փորձի անել։

- Որովհետեւ, հաշվի առնելով, նախ, որ իրենց ղեկավարը իրենց հավաքել էր եւ ասել էր, որ լուրջ թանկացումներ կան, եւ այնուամենայնիվ, պետք է աշխատենք մեղմացումների ուղղությամբ, հաշվի առնելով, որ այդ լսումների խորագիրը հենց այդպես էր ձեւակերպված՝ գնաճի պատճառները եւ մեղմացման հնարավորությունները, մենք կարծեցինք, որ կգանք լրջորեն հասկանալու խնդիրը, քննարկելու եւ ինչ-ինչ ուղղություններով գուցե լուծումներ գտնելու։ Բայց, փաստորեն, էլի չկա որեւէ միտում, եւ եղավ այն, ինչ եղավ, իրենք եկան, իրենց տեսակետները ներկայացրեցին, մենք էլ շարունակելու ենք այդ պայքարը փողոցում։

- Փետրվարի 5-ին ԵԼՔ-ի երթն է, ի՞նչ եք սպասում այդ երթի ժամանակ քաղաքացիների քանակն ավելի՞ կշատանա անցածի համեմատ։

- Ես այդքան ամեն ինչ չէի հանգեցնի քանակին, բայց եթե խոսում ենք քանակի մասին, ապա՝ այո, կարծում եմ, որ այս անգամ շատ ավելի ծանրակշիռ ներկայություն կունենան մարդիկ, քան առաջին ակցիային։

- Ամեն դեպքում, իսկ եթե երթը արդյունք չտա, ի՞նչ եք պատրաստվում անել հետագայում։

- Սա քաղաքական պրոցես է եւ պայքար է, սա միանգամյա ակցիա չի, արդեն համոզվեցիք, հիմա կարող եմ ասել, որ նաեւ երկու անգամյա ակցիա չի, եւ այս մի երթով էլ ամեն ինչ չի ավարտվի, այնպես որ՝ եկեք ապրենք, տեսնենք։

- Փաստորեն, միգուցե հետագայում նորի՞ց երթեր լինեն։

- Այո, մենք նշել ենք, որ չենք բացառում երթերը, հանրահավաքները, նստացույցերը եւ այլն։

- Իսկ ո՞րն է պատճառը, որ մնացած ուժերը ձեզ չեն միանում, չէ՞ որ սա հասարակական պայքար է, ոչ թե՝ քաղաքական։

- Տեսեք, նախ եւ առաջ մենք որեւէ մեկին առանձնահատուկ հրավեր չենք արել, սա, այո, ԵԼՔ-ն է կազմակերպում, բայց այնպես չի, որ ԵԼՔ-ի համակիրների միջոցառում է, սա բոլորին է վերաբերվում։ Եւ մենք հատուկ ԵԼՔակենտրոն ձեւով չենք նախաձեռնել եւ չենք իրականացնում։ Մուտքն ազատ է, մասնակցությունը ոչ միայն ազատ է, այլ նաեւ խիստ խրախուսելի։ Եւ ասեմ ձեզ, այնպես չի միանշանակ, որ այլ քաղաքական ուժերից չեն մասնակցում։ Ես ճանաչում եմ տարբեր կուսակցությունների եւ քաղաքացիական ակտիվիստների խմբերի շատ տարբեր ներկայացուցիչների, ում ես տեսել եմ առաջին ակցիայի ժամանակ։ Այսինքն, եթե որեւէ կուսակցություն պաշտոնական հայտարարություն չի արել, դա դեռ չի նշանակում նաեւ, որ չի մասնակցել։ 

- Այսինքն, ամեն դեպքում, մասնակցում են ուղղակի անհատներ, որոնք որպես քաղաքացի, ցանկանում էին միանա՞լ։

- Այո, ինչը եւ պետք է. մենք էլ ինքներս որպես քաղաքացի էինք մասնակցում: Այո, սա քաղաքական պրոցես է, եւ ես քաղաքական ուժի ներկայացուցիչ եմ, բայց սա մի հարց է, որը վերաբերվում է անխտիր բոլորին։

- Իսկ ի՞նչ եք կարծում, ո՞րն է չմիանալու պատճառը, չէ՞ որ, եթե այս դեպքում խնդիրը հասարակական է, կարող է նույնիսկ իշխանության անդամը միանալ։

- Մեծ հաշվով՝ այո, ես կարծում եմ, որ զանազան իշխանական կուսակցությունների անդամները կարող են, եւ գուցե նաեւ մասնակցում են, չէ՞ որ անհատապես բոլորին չենք ճանաչում։ Ինչ վերաբերվում է իրենց քաղաքական ներկայացուցիչներին եւ ղեկավար անձանց, ես կարծում եմ, որ նրանցից շատերը մեր դիրքորոշումը կիսում են, ուղղակի գիտեք՝ իշխանական համակարգում ինչպես է, ցանկացած ալտերնատիվ կարծիք խստորեն դատապարտվում է վերեւից եւ չի խրախուսվում։

- Մենք որոշ ժամանակ առաջ հարցումներ ենք արել ԱԺ ՀՀԿ-ական պատգամավորների հետ, եւ հիմնական մասն ասաց, որ թանկացումները իրենց բյուջեի վրա էլ են ազդել, փաստորեն ստացվում է, որ իրենց վրա ազդել է, բայց հասարակական պայքարին չեն ցանկանում միանալ զուտ իշխանության ներսում լինելու պատճառո՞վ։

- Այո, փաստորեն, այդպես է ստացվում, սա միակ հարցը չի, որ իշխանական կուսակցության որոշ ներկայացուցիչներ կիսում են մեր դիրքորոշումը, համակրանք են հայտնում, բայց պաշտոնական քվեարկության ժամանակ այլ կերպ են վարվում։

- Իսկ ինչո՞ւ, որովհետեւ ՀՀԿ անդա՞մ են։

- Այո։

Նիկոլայ Ավետիսյան

Տպել
1471 դիտում

Կարկտահարություն եւ հոսանքազրկում Գյումրիում

Արսեն Թորոսյանը Քաղաքացիական պայմանագիր կուսակցության անդամ է դարձել

ՎՏԲ-Հայաստան Բանկը ներկայացնում է նորացված Մոբայլ և Ինտերնետ բանկ ծառայությունները

Որոշումը վերջնական է. Գյումրիում վաղը հանրահավաք չի լինի

Ներդրեք ՀՀ դրամով ավանդներ ՎՏԲ-Հայաստան Բանկում 10% տոկոսադրույքով

Ucom-ի աջակցությամբ Արցախում կայացավ Դիջիքեմփ 2018-ը

Նախապես ծրագրված սպանդ. Մարտի 1-ի տասը զոհերի մահվան հանգամանքները

Օգոստոսի 17-ին ակտիվորեն մասնակցեք վարչապետ Փաշինյանի հանրահավաքին. Ազատամարտիկների դաշինք

Կարկուտն Ազատանում 8000 տոննայից ավելի կարտոֆիլ է ոչնչացրել

Քայլերթ, հեծանվաերթ, գույներ. YIC-ն Գյումրիում տոնել է Երիտասարդների միջազգային օրը

Կոչ օգոստոսի 17-ի հանրահավաքի կապակցությամբ

ՎՏԲ -Հայաստան Բանկը սահմանել է անվանական կրթաթոշակ լավագույն ուսանողի համար  

Ոստիկաններն առևանգել են Ռ. Քոչարյանին Հաագայի դատարանին հանձնելու ստորագրահավաքի բլանկները

ՇՊՀ նախկին պրոռեկտոր Անահիտ Ֆարմանյանին կալանավորելու որոշում է կայացվել,նա հետախուզվում է

Լեւոն Բարսեղյանն ընտրվել է ՇՊՀ հոգաբարձուների խորհրդի նախագահ

Տեսանյութ. Սուրեն Փ.-ն միացավ մեր բարեգործական ծրագրին

Ողբերգական ավտովթար Լոռիում. ՊՆ զինծառայող է մահացել (լուսանկարներ)

Մարտի 1-ի գործով կատարված խուզարկությունից հետո ձերբակալվել է Հովիկ Աբրահամյանի եղբայրը

Ոստիկանական բարձր մակարդակի ստեր. Մարտի 1

Բացառիկ ընտրություններ ենք ունենալու. ՀՀ ոստիկանապետ