Հայաստանի 4-րդ նախագահի շուրջ ինտրիգը հետզհետե մարում է: Հավանական թեկնածուն՝ Արմեն Սարգսյանը թայմ աութ է վերցրել ՀՀԿ-ի առաջարկության մասին մտածելու համար: Այս առումով քննարկումների նշույլ անգամ չկա, թե գուցե Սարգսյանն անակնկալ պատասխան տա ՀՀԿ-ին: Թեեւ թեմայի շուրջ նոր սկանդալ է հասունանում, որն ընդլայնվելու հակում ունի: Մասնավորապես, Հանրապետական կուսակցությունը երկարատեւ կամ կարճատեւ քննարկումներում, թեկնածուի ընտրության հարցը գցել- բռնելիս հարկ է համարել քաղաքական գործընկեր Դաշնակցությանն «ատչյոտ» չտալ: Այս ամենը հասկանալու համար պետք է ընդամենը ուշադիր լսել իշխանական կոալիցիայի երկու կողմերի տարբեր ներկայացուցիչների խոսքերը:

Նախ, հունվարի 18-ին, երբ ԱԺ փոխնախագահ, ՀՀԿ խոսնակ Էդուարդ Շարմազանովը Մելիք Ադամյան 2-ում լրագրողների հետ ճեպազրույցում անդրադառնալով այդ օրը ՀՀԿ Գործադիր մամնի նիստում քննարկված նախագահի ՀՀԿ-ի թեկնածի հարցին, ասաց.

«Թեկնածուի առաջադրումն առաջարկել է քննարկել ՀՀԿ առաջնորդ Սերժ Սարգսյանը: Գործադիր մարմնի անդամները քննարկել են եւ բոլորը կողմ են արտահայտվել այդ թեկնածուի առաջադրմանը: Մենք քննարկումն արել ենք միայն այսօր՝ կուսակցությունում: Կուսակցությունը քննարկել է, որոշել է...»,- ասաց Շարմազանովը:

«Մենք քննարկումն արել ենք միայն այսօր՝ կուսակցությունում»,-Շարմազանովի այս խոսքերը վկայում են այն մասին, որ որեւէ մի տեղ, որեւէ մեկի հետ նախագահի հարցը մինչ հունվարի 18-ի ՀՀԿ ԳՄ նիստը ՀՀԿ-ն չի քննարկել:

Հաջորդ օրն՝ արդեն հունվարի 19-ին, երբ «Հայկական ժամանակ»-ի եւ «Ազատություն» ռ/կ-ի հետ զրույցում ՀՀԿ խմբակցության ղեկավար Վահրամ Բաղդասարյանը պատասխանեց հետեւյալ հարցին՝ Դաշնակցության հետ ձեր որոշումը քննարկե՞լ եք, նրանք ի՞նչ տեսակետ ունեն, թե՞ առաջիկայում է այդ քննարկումը սպասվում,  չհաստատեց, որ ՀՅԴ-ի հետ նախապես քննարկում տեղի է ունեցել:

«Մենք առաջիկայում քննարկումներ կունենանք բոլոր ուժերի հետ, մեր թեկնածուն կհանդիպի բոլոր խմբակցությունների հետ եւ համոզված ենք, որ հանդիպումներից մեր թեկնածուն ընկալելի կլինի բոլոր քաղաքական ուժերի կողմից»,- ասաց Բաղդասարյանը՝ նկատի ունենալով խորհրդարանի բոլոր ուժերին:

Նույն օրը, երբ լրագրողները խորհրդարանում ՀՀԿ-ի նախագահի թեկնածուի մասին հետաքրվեցին ՀՅԴ խմբակցության ղեկավար Արմեն Ռուստամյանից, նա իրեն ուղղված՝ ՀՀԿ-ի թեկնածուն որքանո՞վ է համապատասխանում Սահմանադրության պահանջներին, հարցը սկսեց խորհրդանշական նախաբանով.

«Նախ, պետք է ասեմ, որ մենք տեղեկացված էինք այս առաջարկությունը կատարելու հարցի հետ կապված, որ կատարվեց նախագահի կողմից հնարավոր թեկնածուին: Այդ առումով բնականաբար նախնական քննարկումներ տեղի են ունեցել»,- ասաց Ռուստամյանը:

Շարմազանովի հունվարի 18-ի երեկոյան ասված խոսքերը կարծես թե տրամաբանական կապ չունեն Ռուստամյանի հունվարի 19-ի կեսօրի խոսքերի հետ: Մնում է մեկ տարբերակ, որ հավատացած լինենք, թե ՀՅԴ-ն եւս խաղի մեջ է եւ իրավիճակին տիրապետող: Ասել է, թե Սերժ Սարգսյանը, որպես ՀՀԿ առաջնորդ, հանդիպել եւ թեման քննարկել է գործընկեր ՀՅԴ-ի առաջնորդների հետ, որը շատ քիչ հավանական է: Այս տարբերակաը կարելի է բացառել զուտ նրա համար, որ ՀՅԴ Բյուրոնի եւ ՀՀԿ ԳՄ-ի գրասենյակները հավանական հանդիպման մասին որեւէ պաշտոնական հաղորդագրություն չեն տարածել:

Հանդիպում, որպես այդպիսին, ՀՅԴ-ականների եւ Սերժ Սարգսյանի միջեւ տեղի է ունեցել հունվարի 12-ին, երբ Ազգային ժողովի ղեկավար կազմը հրավիրվել էր Բաղրամյան 26: Ներկաների թվում էր նաեւ ՀՅԴ խմբակցության ղեկավար Արմեն Ռուստամյանը: «ՀԺ»-ի լրագրողը նախագահականից դուրս գալուց Ռուստամյանից հետաքրքրվել է, թե արդյո՞ք Սերժ Սարգսյանի հետ նախագահի թեկնածության հարց քննարկվել է, որին ի պատասխան ստացել էինք բացասական արձագանք: 

Դիտարկենք մի փաստ եւս, որ նախագահի եւ այլ պաշտոնների բաշխումն ըստ 2017 թվականի մայիսի 11-ին ՀՀԿ-ի եւ ՀՅԴ-ի միջեւ ստորագրված քաղաքական կոալիցիա կազմավորելու մասին հուշագրի 3.3 կետի համաձայն՝ քաղաքական կոալիցիայի կողմերը քաղաքական պաշտոնները միմյանց միջեւ բաշխում են խորհրդակցությունների միջոցով ձեռք բերված համաձայնությամբ: Վարչապետի առաջադրման իրավունքը պատկանում է Հայաստանի Հանրապետական կուսակցությանը: Ստացվում է, որ նախագահի պաշտոնը բաշխելիս եւս պետք է քննարկում լիներ, որը տեղի չունեցել:

Տպել
4177 դիտում

Ն. Փաշինյանին շնորհավորական հեռագիր է հղել ՀԱՊԿ գլխավոր քարտուղարի պաշտոնակատար Վ. Սեմերիկովը

Սենատը հաստատել է Լին Թրեյսիի թեկնածությունը Հայաստանում ԱՄՆ դեսպանի պաշտոնում

«Սուրբ Գրիգոր Լուսավորիչ» բժշկական կենտրոնի տնօրենի պաշտոնում նշանակվել է Արման Հովակիմյանը

Կենդանաբանական այգում ուսումնասիրությունների արդյունքները կներկայացվեն հանրությանը. Վիրաբյան

ԱՄՆ-ի «Հայ դատի» հանձնախումբը պաշտոնյաներին կոչ է արել չխուսափել «Ցեղասպանություն» բառն օգտագործելուց

Ստեփանծմինդա – Լարս ավտոճանապարհը փակ է տրանսպորտային բոլոր միջոցների համար

Ձեր օրինակը կարող է վարակիչ լինել. Մարիան Ստրեյֆ-ֆելլերը՝ Աննա Հակոբյանին (լուսանկարներ)

Բուռն պայքար ու հաղթանակ. Հարություն Ուռուտյանը շնորհավորել է Նիկոլ Փաշինյանին ու Սասուն Միքայելյանին

Իսակովի պողոտայում 4 մեքենա է այրվել. կան տուժածներ

Լրագրողին ծեծի ենթարկելու մեջ մեղադրվող ոստիկանները դատապարտվել են տուգանքի

ՀՀԿ-ն գնաց, մնաց ՀՀԿ-իզմը

ՀԱՊԿ գլխավոր քարտուղարի նշանակման հարցը դեկտեմբերի 6-ին չի լուծվել և չէր կարող լուծվել. Եղոյանը արձագանքում է Նազարբաևին

ԵՊԲՀ դիպլոմը կճանաչվի Շրի Լանկայի բժշկական խորհրդի կողմից

Գյումրու 102-րդ ռազմակայանի զինծառայողին կալանավորել են

Մահացածները եղել են մարդատար ավտոմեքենայում. մանրամասներ Սյունիքի ավտովթարից

Ղազախստանում ՀՀ դեսպան Գագիկ Ղալաչյանն իր հավատարմագրերը հանձնեց ՂՀ նախագահին

Նիկոլ Փաշինյանը հեռախոսազրույց է ունեցել Վրաստանի վարչապետ Մամուկա Բախտաձեի հետ

Իրական ընդդիմությունը ԱԺ-ից դուրս է ձեւավարվելու. ինչպես են պայքարելու արտախորհրդարանական ուժերը

ՀՀ ՊՆ է այցելել Մարդու իրավունքների պաշտպանի գրասենյակի պատվիրակությունը

Նազարբաեւը Բելառուսի թեկնածուին աջակցությունն է հայտնել ՀԱՊԿ գլխավոր քարտուղարի պաշտոնում