Երեւանի մեկ միասնական դատարանը կա, դատավորները՝ ոչ. ի՞նչ նիստ էր անում քաղաքացի դատավորը

Այսօրվանից ստեղծվել է Երեւանի մեկ միասնական առաջին ատյանի դատարանը, իսկ Երեւանի վարչական շրջանների դատարանները լուծարվել են:

Լուծարվող դատարանների նախագահները եւ դատավորները շարունակելու են պաշտոնավարել՝ որպես նոր ստեղծվող դատարանի դատավորներ, սակայն համաձայն Սահմանադրության՝ Սերժ Սարգսյանը իր հրամանագրով պետք է դադարեցնի լուծարվող դատարանների նախագահների եւ դատավորների լիազորությունները եւ նշանակի նրանց որպես նոր ստեղծվող դատարանի դատավորներ: Ըստ այդմ՝ Սերժ Սարգսյանն այդ հրամանագիրը պետք է ստորագրեր այսօր առավոտյան: Սակայն մինչ այս պահը նման հրամանագիր չկա, ինչը նշանակում է, որ ոչ մի նիստ Երեւան քաղաքում տեղի ունենալ չի կարող:

Բայց սա սահմանադրությամբ. չնայած նրան, որ դեռ հրամանագիր չկա, այնուամենայնիվ, լուծարվող դատարանների դատավորները շարունակում են նիստ անել՝ Երեւանի ընդհանուր իրավասության դատարանում, այսինքն՝ այն դատարանում, որտեղ դեռ նշանակված չեն: Մասնավորապես՝ «Սասնա ծռեր»-ի գործը քննող դատավոր Արտուշ Գաբրիելյանը այսօր նիստը սկսվելուն պես պարզաբանմամբ է հանդես եկել՝ ասելով, թե «Դատական օրենսգրքում փոփոխություններ կատարելու մասին» օրենքի համաձայն՝ այսօրվանից սկսած գործում է Երեւան քաղաքի ընդհանուր իրավասության դատարան, ապա հրապարակել է փոփոխությանը վերաբերող հատվածը եւ դրանից հետո շատ հանգիստ դատական նիստը շարունակել՝ համարելով, որ ինքը այդ պահից սկսած հանդես է գալիս որպես Երեւան համայնքի ընդհանուր իրավասության դատարանի դատավոր:

«Սասնա ծռերի» գործով պաշտպան Մուշեղ Շուշանյանը այս կապակցությամբ մեր զրույցում ասաց. «Այստեղ իհարկե, մենք բոլորս խնդիր ենք տեսնում, բայց քանի որ դրանից անմիջապես հետո Մանվել Աթոյանի համար հանրային պաշտպան ներգրավելու հարցին դատարանը անցավ, այդ հարցը դեռ չհասցրիք բարձրաձայնել: Բոլորս գիտենք, որ կատարված փոփոխության համաձայն՝ դադարել են գոյություն ունենալ Երեւան քաղաքի վարչական շրջանների ընդհանուր իրավասության դատարանները եւ գործում է Երեւան քաղաքի ընդհանուր իրավասության դատարանը: Բայց խնդիրը նրանում է, որ կոնկրետ դատավորը, որպեսզի կարողանա հանդես գալ որպես Երեւան քաղաքի ընդհանուր իրավասության դատարանի դատավոր եւ քններ որեւէ քրեական, քաղաքացիական գործ, նա պետք է ՀՀ նախագահի հրամանագրով նշանակված լիներ որպես Երեւանի ընդհանուր իրավասության դատարանի դատավոր, ինչն այդ պահի դրությամբ մենք չունենք, իսկ դա նշանակում է, որ Արտուշ Գաբրիելյանը չի կարող հանդես գալ որպես դատարան, նա հանդես է գալիս որպես քաղաքացի Արտուշ Գաբրիելյան: Այսօրվա այդ դատական նիստի ընթացքում տեղի ունեցած գործընթացը միայն այդ պատճառով լիովին, ծայրից ծայր անօրինական գործընթաց է»,- մեր զրույցում ասաց Շուշանյանը:

Հիշեցնենք, որ կառավարությունը հավանություն էր տվել արդարադատության նախարար Դավիթ Հարությունյանի՝ Երեւանի մեկ միասնական առաջին ատյանի դատարանի ստեղծման որոշման նախագծին եւ Ազգային ժողովն էլ ընդունել է Դատական օրենսգրքի նշված փոփոխությունը: Հարությունյանը նշել էր, որ ստեղծելով մեկ դատարան՝ հնարավորություն կընձեռվի, որպեսզի գործերը հավասարաչափ բաշխվեն բոլոր դատավորների միջեւ, կրճատվեն ժամկետներն ու տնտեսվեն ռեսուրսները: Այս պահի դրությամբ՝ Երեւան քաղաքի ընդհանուր իրավասության դատարանի նախագահի ժամանակավոր պաշտոնակատար է նշանակվել Ռուբեն Վարդազարյանը: Փաստացի այս պահին դատարանի նախագահը կա՝ դատավորները՝ ոչ:

Տպել
1649 դիտում

Շոկային սկիզբը, Յուրայի պոկերը ու ՀՀ ֆուտբոլի հավաքականի ջախջախիչ հաղթանակը

Ծեծկռտուք Արտաշատի զինկոմիսարիատում. ըստ քաղաքացու ահազանգի՝ կապիտանը կոտրել է իր քիթը

Պարզաբանումներ եմ պահանջելու Բելառուսի ու Ղազախստանի նախագահներից. Փաշինյանը՝ ՀԱՊԿ նիստի զարգացումների մասին

Ոստիկանությունը օպերատիվ տվյալներ է ստացել, որ Երեւանում հիպնոսի միջոցով փող են կորզում

Ջիբրալթար-Հայաստան ֆուտբոլային հանդիպման մեկնարկային կազմերը

Երկու օր առաջ Հայաստանում էր, հիմա՝ չգիտեմ. Շարմազանովը՝ Տարոն Մարգարյանի գտնվելու վայրի մասին

Աշխարհը չէի փոխի քո հետ. Սիրուշոն շնորհավորել է Լեւոն Քոչարյանի ծնունդը

Իրական ընդդիմություն կձեւավորվի ընտրություններից հետո

Արսեն Ջուլֆալակյանն ու լրագրողը պարզաբանել են թյուրիմացությունը

Նոր մանրամասներ հոկտեմբերի 27-ին նռնակով կառավարության շենք ներխուժման դեպքից. պարզվել է՝ ով է նա

Արցախի պետնախարար Մարտիրոսյանն ընդունել է Արցախի պետական համալսարանի ուսանողների

Այդ տարածքը իմն է, իմ սեփականությունն է. Լոռու մարզպետը՝ սեփական ատամնաբուժարան կառուցելու մասին

Մարկոս Պիզելին՝ Ղազախստանի առաջնության լավագույն ֆուտնոլիստ

Քաղաքապետն ընդունել է ՀՀ-ում ԵՄ դեսպան Պյոտր Սվիտալսկիին

Վաչագան Ղազարյանը ցուցմունք է տվել. քննարկվում է կրկին գրավի միջնորդությամբ հանդես գալու տարբերակը

Ավան վարչական շրջանի ղեկավարը հրաժարական է տվել

23-ամյա Վահագնի շնորհիվ մարդկանց կյանքեր կփրկվեն. արյան տարբեր խումբ ունեցողներ շարունակում են արյուն հանձնել

Վարչապետ Նիկոլ Փաշինյանի միջնորդությամբ Սիմոն Մարտիրոսյանն ու Գոռ Մինասյանը կպարգեւատրվեն

Հույս ունեմ կկարողանանք Աբաջյանի հերոսությանն արժանի ապրել՝ անկախ նրանից` ինչով ենք զբաղվում. Փաշինյան

Հայ մարզիչը ղազախական ակումբի մանկապատանեկան ֆուտբոլը ղեկավարելու ու Հենոյի գեղեցիկ քայլի մասին