ԱՄՆ-ը կոնգրեսականները կոչ են անում վերանայել ՀՀ-ի հետ կրկնակի հարկման հնացած պայմանագիրը

25/01/2018 schedule16:49

ԱՄՆ կոնգրեսականներ Դեվիդ Վալադաոն եւ Բրեդ Շերմանը հավաքում են իրենց գործընկերների ստորագրությունները՝  ԱՄՆ գանձապետարանի քարտուղար Սթիվեն Մնուչինին կոչ անելով վերանայել Հայաստանի հետ կրկնակի հարկման հնացած պայմանագիրը:

Վալադաոյի եւ Շերմանի նամակում նշվում է, որ «խորհրդային ժամանակաշրջանից գոյություն ունեցող պայմանագիրը չի արտացոլում գլոբալիզացված աշխարհի աճող բարդությունները, ինչպես նաեւ՝ ամերիկացի եւ հայ ժողովուրդների բարեկամությունը»:

«Մենք ցանկանում ենք շնորհակալություն հայտնել Վալադաոյին եւ Շերմանին քարտուղար Կոնստանտին Մնուչինի հետ թարմացված հարկային համաձայնագրի կնքման շուրջ Կոնգրեսի գլխավորությամբ հանդիպման համար»,- ասաց ԱՄՆ Հայ դատի գրասենյակի (ANCA) ներկայացուցիչ Րաֆֆի Քարաքաշյանը:

2017 թվականի սեպտեմբերին ANCA-ն կրկնակի հարկման չեղարկման համար հայտնի ընկերություններից ներդրողների հետ միասին հանդիպումներ է ունեցել Պետդեպարտամենտի եւ Սպիտակ տան ներկայացուցիչների հետ:

ԱՄՆ-ում կրկնակի հարկման մասին պայմանագիրը հստակ իրավական հիմք կստեղծի ներդրողների եւ անհատ ձեռնարկատերերի գործունեության համար՝ կանխելով կրկնակի հարկումը եւ նպաստելով տնտեսական հարաբերությունների ընդլայնմանը:

Դա կօգնի նաեւ ամրապնդել ԱՄՆ-ի եւ Հայաստանի միջեւ հարաբերությունները եւ տարածաշրջանային ուժերի հետ համագործակցության ավելի լայն ռազմավարական հնարավորություններ ներկայացնել Երեւանում:

Հիշեցնենք, որ ավելի վաղ ԱՄՆ գանձապետարանի քարտուղարի հարկային քաղաքականության հարցերով ապագա օգնական Դեյվիդ Քոթերը պատրաստակամություն էր հայտնել, որ եթե իր թեկնածությունը հավանության արժանանա, ապա ինքը կզբաղվի ԱՄՆ-ի եւ Հայաստանի կառավարությունների միջեւ կրկնակի հարկումից խուսափելու մասին համաձայնագրով:

Արդեն տեւական ժամանակ է Հայաստանն ու ԱՄՆ-ն այդ հարցի շուրջ բանակցում են, սակայն ամերիկյան կողմը համաձայնագիր կնքելու հարցում էական շահագրգռություն չի ցուցաբերում:

Անցյալ տարի, անդրադառնալով այս հարցին, ֆինանսների նախարար Վարդան Արամյանը, լրագրողների հետ զրույցում ասել էր, որ հոկտեմբերին կրկին այդ հարցը օրակարգ են բերելու: Նա հիշեցրել էր, որ Իսրայելի հետ է Հայաստանը ստորագրել կրկնակի հարկումը բացառելու համաձայնագիր:

Ընդհանուր առմամբ, նախարարի տվյալներով, արդեն 46 երկրի հետ ունենք կնքած այդպիսի համաձայնագիր: 

Տպել
1381 դիտում

Իլ դը Ֆրանսի պատվիրակությունը հարգանքի տուրք է մատուցել Ցեղասպանության զոհերի հիշատակին

ՀՀ ոստիկանության պատվիրակությունը Դուբայում մասնակցում է Ինտերպոլի 87-րդ Գլխավոր Ասամբլեային

Վերին Լարս տանող ճանապարհահատվածը բացվել է մարդատար ավտոմեքենաների համար. դեսպանություն

Առաջիկա օրերին տեղումներ չեն սպասվում, օդի ջերմաստիճանն էապես չի փոխվի

Ես աշխատող, գործ անող պատգամավոր եմ. Նաիրա Զոհրաբյանը Սյունիքում է, շրջում է գյուղերում (տեսանյութ)

ՀՀ նախագահը իտալական ռազմաարդյունաբերական ընկերության ղեկավարի հետ քննարկել է համագործակցության հնարավորությունը

Հրդեհ բնակարանում, կա տուժած. հայտարարվել է բարդության ԲԻՍ-1 աստիճան

Հանդիպել են Հայաստանի և Իտալիայի նախագահները

Հրադադարի պահպանման ռեժիմն այս շաբաթ խախտվել է 80 անգամ, արձակվել է 700 կրակոց

Կադաստրի գրասենյակները Երևանում կաշխատեն նաև շաբաթ-կիրակի, մարզերում՝ առանց ընդմիջման

Գյուղերում տուն կառուցելու համար նոր փոխառություն կտրվի. խորհրդակցություն Կարմիր շուկայում

Ստեփանծմինդա–Լարս ավտոճանապարհը փակ է. ռուսական կողմում կա 435 բեռնատար և 172 մարդատար ավտոմեքենա

Թուրքիայում Աթաթուրքի արձանը պղծելու համար պատանիներ են ձերբակալվել

Լարսում խցանման մեջ հայտնված վարորդների համար սնունդ, տաք ջուր, դեղորայք է ապահովվել. Փամբուխչյան

Ամենայն Հայոց Կաթողիկոսի ձեռամբ օծվեց Նովոսիբիրսկի նորակառույց եկեղեցին

Գոռ Վարդանյանն այդ օրը փրկել է ինձ. Մարինա Խաչատրյանը՝ քաղաքապետարանի հայտնի միջադեպի մասին

Լարսը շարունակում է փակ մնալ. ռուսական կողմում 400 մարդատար և 150 բեռնատար ավտոմեքենա է մնացել

Գյումրիում ավտոլվացման կետ է այրվել. մեկ մարդ հոսպիտալացվել է տարբեր աստիճանի այրվածքներով

Մարուքյան, Թանդիլյան, Բաբաջանյան, Գորգիսյան. «Լուսավոր Հայաստան»-ի 157 հոգանոց համամասնական ցուցակը

Շոկային սկիզբը, Յուրայի պոկերը ու ՀՀ ֆուտբոլի հավաքականի ջախջախիչ հաղթանակը