Նոր Սահմանադրության պահանջով ԱԱԾ-ն, Ոստիկանությունը, Պետական պահպանության ծառայությունը, Պետական վերահսկողական ծառայությունը «Պետական կառավարման համակարգի մարմինների մասին» ՀՀ օրենքի նախագծով, այսուհետ լինելու են վարչապետի վերահսկողության տակ: Այնինչ՝ նախկին Սահմանադրությամբ այս կառույցները մասամբ էին գտնվում Կառավարության ենթակայության ներքո:

Քննարկման դրված նախագծում նմանատիպ լուրջ փոփոխությունը միակը չէ: Զինված ուժերը եւս լինելու են Կառավարության վերահսկողության տակ: Պատերազմի ժամանակ զինված ուժերի գերագույն հրամանատարը լինելու է վարչապետը, սակայն Հանրապետության նախագահը կարող է նշանակել եւ ազատել ԶՈՒ գլխավոր հրամանատարին։

Այսուհետ օրենքով սահմանված դեպքերում եւ կարգով վարչապետն է նախագահին առաջարկելու անգամ, թե ում է պետք ազատել եւ նշանակել ԶՈՒ եւ այլ զորքերի բարձրագույն հրամանատարական կազմում, եւ ում է պետք շնորհել բարձրագույն զինվորական կոչումներ:

Ուրեմն, բացի սրանցից է՞լ ինչ իրավասություններ է ունենալու վարչապետը:

Նախ՝ ապրիլին Սահմանադրությամբ ուժի մեջ մտնող նոր օրինագծով` վարչապետի թեկնածուներին առաջադրելու են խմբակցությունները, եւ վարչապետ է ընտրվելու այն թեկնածուն, որը ստացել է պատգամավորների ձայների կեսից ավելին, եւ եթե որեւէ թեկնածու 7-օրյա ժամկետում չստանա այդքան ձայն, ապա վերջին օրը տեղի կունենա նոր քվեարկություն՝ նոր թեկնածուներով, եւ այս անգամ վարչապետի թեկնածու առաջադրելու իրավունք կունենա պատգամավորների 1/3-ը:

Կառավարությունը կազմավորվելու է վարչապետ նշանակվելուց հետո՝ տասնհինգօրյա ժամկետում: Իր նշանակումից հետո վարչապետը հնգօրյա ժամկետում Հանրապետության նախագահին առաջարկելու է փոխվարչապետների եւ նախարարների թեկնածուներին: Հանրապետության նախագահը եռօրյա ժամկետում կամ նշանակելու է փոխվարչապետներին եւ նախարարներին, կամ դիմելու է Սահմանադրական դատարան:

Եթե գործող օրենքով Հայաստանի կառավարությունը ունի 18 նախարար, 1 փոխվարչապետ, որը նաեւ նախարար է, եւ կառավարությանն առընթեր մարմիններ, ապա այսուհետ Կառավարությունը կազմված է լինելու վարչապետից, փոխվարչապետներից եւ նախարարներից:

Վարչապետն ինքն է ձեւավորելու իր աշխատակազմը:

Վարչապետը Կառավարության ծրագրի շրջանակներում որոշելու է Կառավարության քաղաքականության հիմնական ուղղությունները, ղեկավարելու է Կառավարության գործունեությունը եւ համակարգելու է Կառավարության անդամների աշխատանքը: Վարչապետը կարող է Կառավարության անդամներին կոնկրետ հարցերով հանձնարարականներ տալ:

Վարչապետը Կառավարության ծրագրի շրջանակներում որոշելու է Կառավարության ներքին եւ արտաքին քաղաքականության հիմնական ուղղությունները, որոնք պարտադիր են լինելու Կառավարության անդամների համար:

Վարչապետը ղեկավարելու է Կառավարության գործունեությունը եւ համակարգելու է Կառավարության անդամների աշխատանքը, հետեւելու է ներքին եւ արտաքին քաղաքականության հիմնական ուղղությունների իրականացմանը, ապահովելու է Կառավարության գործունեության միասնականությունը:

Վարչապետը նախարարներից մեկին կարող է նշանակել` իրականացնելու վարչապետի լիազորությունները՝ իր բացակայության ժամանակ:

Կառավարության նիստերը հրավիրելու եւ վարելու է վարչապետը, սակայն նախագահը եւս կարող է հրավիրել եւ վարել Կառավարության նիստ:

Կառավարության որոշումները ստորագրելու է վարչապետը:

Եթե վարչապետն իր նշանակումից հետո հնգօրյա ժամկետում Հանրապետության նախագահին չառաջարկի փոխվարչապետների եւ նախարարների թեկնածուների առնվազն երկու երրորդին, ապա համարվելու է, որ վարչապետը հրաժարական է ներկայացրել: Իսկ վարչապետի հրաժարականի դեպքում երկրի նախագահն անհապաղ հրամանագիր պետք է ստորագրի Կառավարության հրաժարականն ընդունելու մասին:

Հանրապետության նախագահը վարչապետի առաջարկությամբ նշանակելու եւ հետ է կանչելու օտարերկրյա պետություններում եւ միջազգային կազմակերպություններում դիվանագիտական ներկայացուցիչներին:

Հանրապետության նախագահը, վարչապետի առաջարկությամբ, օրենքով սահմանված դեպքերում եւ կարգով շնորհելու է բարձրագույն դիվանագիտական աստիճաններ:

Արդեն անդրադարձել ենք Արդարադատության նախարարության հրապարակած նախագծին, որը նախատեսում էր փոփոխություններ «Անվտանգության խորհրդի կազմավորման եւ գործունեության մասին» ՀՀ օրենքում:

Ըստ այդ փոփոխության` եթե գործող Սահմանադրության համաձայն Անվտանգության խորհուրդը ղեկավարում էր երկրի նախագահը, ապա այսուհետ ղեկավարելու է վարչապետը:

Համաձայն նախագծի` Անվտանգության խորհուրդը սահմանում է պաշտպանության ոլորտի քաղաքականության հիմնական ուղղությունները, վարչապետի առաջարկությամբ կարող է քննարկել ՀՀ անվտանգությանը, տարածքային ամբողջականությանը եւ սահմանների անձեռնմխելիությանը վերաբերող հարցեր: Անվտանգության խորհրդի լիազորությունները սահմանվում են սույն օրենքով եւ «Պաշտպանության մասին» Հայաստանի Հանրապետության օրենքով:

Անվտանգության խորհրդի կազմում լինելու են առաջին փոխվարչապետը, փոխվարչապետները, Պաշտպանության նախարարը, ԱԳ նախարարը, ԱԱԾ տնօրենը, Ոստիկանության պետը, ԶՈՒ ԳՇ պետը եւ Անվտանգության խորհրդի քարտուղարը:

Անվտանգության խորհրդի նիստերին կարող են մասնակցել նաեւ վարչապետի կողմից հրավիրված այլ անձինք:

Անվտանգության խորհրդի նիստերը հրավիրվում են վարչապետի կողմից՝ ըստ անհրաժեշտության, սակայն ոչ ուշ, քան եռամսյակը մեկ անգամ:

Եվ վերջում. վարչապետի պաշտոնը թափուր է համարվելու այն դեպքում, երբ վերջինս մահացել է, նրա նկատմամբ կայացված մեղադրական դատավճիռը մտել է օրինական ուժի մեջ կամ վարչապետին անգործունակ, սահմանափակ գործունակ կամ անհայտ բացակայող ճանաչելու մասին վճիռը մտել է օրինական ուժի մեջ:

                                                                                                

Տպել
4859 դիտում

«Էլեկտրիկ Երեւան»-ից հայտնի ակտիվիստը դրվագ է պատմել ոստիկանությունում իր եւ Հունան Պողոսյանի հանդիպումից

Վարչական համաներում է կիրառվել 108 հազար 916 քաղաքացու նկատմամբ. Արտակ Զեյնալյան

Մարտական հրաձգությամբ գնդային մարտավարական զորավարժություն`ՊԲ հյուսիսային ուղղության զորամասերի մասնակցությամբ

Նախկին պատգամավոր Հովհաննես Մարգարյանը նոր կուսակցություն է բացել եւ վստահում է Նիկոլ Փաշինյանին

Վենետիկի հանձնաժողովը հայտարարություն է ընդունել ՀՀ Ընտրական օրենսգրքի նախագծի վերաբերյալ

Նախագահն այցելել է Հայաստանում Գերմանիայի դեսպանություն

Հայտնի «դըմփ-դըմփ հու՛»-ն՝ Հունան Պողոսյանի մասնակցությամբ (տեսանյութ)

Հնգյակով ցուցակը զարմացրել է ՀՀԿ-ին. կուսակցությունում մասնակցության վերջնական որոշում չկա

Հիվանդին ԲԿ-ում փոխներարկվել է «Հեպտատիտ Ց» վարակ պարունակող անհամատեղելի արյուն, որի հետևանքով հիվանդը մահացել է

Վահե Գրիգորյանի ընտրության հարցը կքննարկվի հոկտեմբերի 23-ին

Հայ զինծառայողները մասնակցել են միջազգային հեղինակավոր վարժանք-մրցույթին

«Երկիր Ծիրանի»-ին դատապարտում է Հունան Պողոսյանին մարզպետ նշանակելու կառավարության որոշումը

Սերժ Սարգսյանի ընկերոջ որդու նախաձեռնությամբ պատգամավորները դիմել են Սահմանադրական դատարան

Խոշտանգում կատարելու կասկածանքով ձերբակալվել են ոստիկանության Սևանի բաժնի պաշտոնատար անձինք

Կապանի մարզադաշտը կվերանորոգվի ՀՖՖ հաշվին. Նիկոլ Փաշինյան

Երգիչ Սեբուի հոր մեքենան կանգնեցրած եւ կաշառք պահանջած տեսուչները գրավի դիմաց ազատ են արձակվել

Անչափահասի կոկորդից արմունկով սեղմած պահել են, պառկած հասցրել բաժին, ապա բազմաթիվ հարվածներ հասցրել. փաստաբան

Ինձ համար կարեւորագույն խնդիր է՝ ջարդել նարկոտրաֆիկի ողնաշարը, մեծ խմբաքանակներ են անցնում Սյունիքով. Փաշինյան

ՀՀ Թաեքվոնդոյի ֆեդերացիայում աղմուկը չի հանդարտվում

Սեւակ Միքայելյանի քարոզարշավին աշակերտների մասնակցության մասին ձայնագրությունն ուղարկվել է Կոտայքի դատախազություն