Խորհուրդների հետ միասին պաշտոնական Թբիլիսին ստացել է նաեւ Եվրահանձնաժողովի նախազգուշացումը

26/01/2018 schedule09:43

Եվրահանձնաժողովը հրապարակել է Վրաստանի հետ առանց վիզայի ռեժիմի վերաբերյալ առաջին եզրակացությունները: Փաստաթուղթը հրապարակվել է դեկտեմբերի 20-ին, իսկ հունվարի 23-ին այն դիտարկել է ԵՄ կից ստեղծված հատուկ վիզային խումբը: Հրապարակված եզրակացություններում մի քանի կարեւոր խնդիր է արծարծվում, սակայն իրավիճակը, ընդհանուր առմամբ այնքան էլ տագնապալի չէ, որպեսզի գործարկվի «կասեցման մեխանիզմը», դա նշանակում է, որ տվյալ պահին ԵՄ եւ Վրաստանի միջեւ առանց վիզային ռեժիմին ոչինչ չի սպառնում:

Վրացական լրատվամիջոցների փոխացմամբ,  այնուամենայնիվ խորհուրդների հետ միասին պաշտոնական Թբիլիսին ստացել է նաեւ Եվրահանձնաժողովի նախազգուշացումը: Վերջինիս եզրակացությունում խոսքը գնում է երկու գլխավոր խնդիրների մասին. Վիզայի ազատականացումից հետո կտրուկ աճել է Վրաստանի այն քաղաքացիների թիվը, որոնք ապաստան են խնդրում: Լուրջ մարտահրավեր է վրաստանցիների ներգրավվածությունը Եվրոպայի կազմակերպված հանցավոր խմբավորումներում: Եվրոպացի փորձագետների տվյալներով՝ հատկապես հաճախ են հանդիպում Վրաստանի քաղաքացիների մասնակցությամբ կողոպուտի եւ գողության փաստեր Ֆրանսիայում, Հունաստանում, Գերմանիայում, Իտալիայում եւ Իսպանիայում:

Վրաստանի խորհրդարանի մեծամասնությունը կարծում է, որ իրավիճակն այնքան էլ ծանր չէ, որպեսզի վերանայվի Եվրամիության հետ առանց վիզայի ռեժիմը: «Վրաստանի ձեռքբերումներն ու Վրաստանի իշխանությունների գործողությունները գնահատվել են ամենադրական ձեւով, եւ մենք ոչ մի հիմք չունենք մտածելու, որ Վրաստանի դեմ կկիրառվի այսպես կոչված կասեցման մեխանիզմի որեւէ կետ», -հայտարարել է եվրաինտեգրման հարցերով խորհրդարանական կոմիտեի նախագահ Թամար Գուլորդավան:

Սակայն ընդդիմության ներկայացուցիչներն ու մի շարք փորձագետներ իրավիճակը տագնապալի են անվանում եւ կոչ անում «Վրացական երազանքին» ժամանակին պարտադիր բարեփոխումներ անցկացնել: «Եվրահանձնաժողովի ուղարկված եզրակացություններն այն բանի անհրաժեշտության ցուցանիշ են, որ իշխանությունները պետք է աշխատեն աշխատանքի տեղավորման հնարավորությունների ավելացման, քրեածին անվտանգության մակարդակի բարձրացման ուղղությամբ: Այսինքն՝ պետք է ստեղծվեն բոլոր պայմանները, որպեսզի մարդկանց մոտ հայրենի երկիրը լքելու ցանկություն չառաջանա», -ասում է «Ազգային շարժման» անդամ Նինո Քալանդաձեն:

Ռազմավարական վերլուծության կենտրոնի հիմնադիր Թոռնիկե Շարաշենիձեն կարծում է, որ իշխանություններն իրավիճակը փոխելու մեկ ուղի ունեն՝ տնտեսական իրավիճակի բարելավում: «Իսկ այդ խնդիրն արդեն 25 տարի է՝ Վրաստանի ոչ մի կառավարություն չի կարողացել լուծել», -ասում է Շարաշենիձեն:

Եվրամիության երկրների եւ Վրաստանի միջեւ առանց վիզայի ռեժիմը գործարկվել է 2017թ-ի մարտի 28-ին այն բանից հետո, երբ զուգահեռ ներդրվել է միգրացիոն վերահսկողության հատուկ մեխանիզմ՝ այսպես կոչված «կասեցման մեխանիզմը»: Եվրամիության համար այդ մեխանիզմն ապահովագրական բնույթ է կրում. այն ենթադրում է վիզային ազատականացման գործողության կասեցում եւ դրա պայմանների վերանայում ԵՄ երկրներից մեկում Վրաստանի քաղաքացիների թվի կտրուկ աճի, ապաստան փնտրողների թվի ավելացման կամ Վրաստանի քաղաքացիների կողմից ԵՄ այս կամ այն երկրում կատարած իրավախախտումների քանակի աճի դեպքում:

Տպել
951 դիտում

Անակնկալ ստուգումներ Երևանի մանկապարտեզներում. հայտնաբերվել են խախտումներ, կլինեն հետևանքներ (լուսանկարներ)

Վաղվա առաջնորդ կդառնան աշխարհում կատարվող սրընթաց փոփոխությունների կարևորությունը գիտակցողները. նախագահ

Դատարանը որոշեց բեկանել Քոչարյանի վերաբերյալ գործը եւ ուղարկել նոր քննության. Ռոբերտ Քոչարյանը հրապարակմանը ներկա չէր

Արդեն 25 անձ արյուն է հանձնել վթարի ենթարկված բալետի 23-ամյա արտիստի համար

Դպրոցները կառավարվելու են նոր համակարգով. ԿԳՆ-ում քննարկումներ են

«Իմ քայլը» դաշինքը կարգախոս չունի. ՔՊ խոսնակ

Խուսափել են հարկեր վճարելուց. քրգործերն են հարուցվել «Արփի գազ» եւ «Գլաձոր Մ.Գ.Հ.» ընկերությունների նկատմամբ

Ռոբերտ Քոչարյանի խափանման միջոցի վերաբերյալ բողոքների քննությունն ավարտվեց

Ցանկացած իրավիճակում մեր թիմը մնացել է ամուր. «Բիզնես Արմենիա»-ի գործադիր տնօրենը հրաժարականի դիմում է ներկայացրել

Հայաստանի շախմատի ֆեդերացիայի նախագահի առաջին տեղակալը պաշտոն է ստացել ՖԻԴԵ-ում

ՀՀ ԶՈՒ գլխավոր շտաբի պետի գլխավորած պատվիրակությունն այցելել է Բուլղարիա

Սերժ Սարգսյանի Վաչոն կալանավորվեց

Սերժ Սարգսյանի Վաչոն կրկին կկալանավորվի. դատախազի բողոքը բավարարվել է

Դիլիջանի ոլորաններում փլուզված հենապատը ժամանակավորապես վերականգնվել է

Միլիոնավոր դրամների հափշտակություններ. բացահայտվել եւ կանխվել են կոռուպցիոն հանցագործություններ. ԱԱԾ

Այս պահին քննվում է Ռոբերտ Քոչարյանի խափանման միջոցի վերաբերյալ ներկայացված բողոքը. Քոչարյանը դատարանում է

ՀՀ ֆուտբոլի հավաքականի համար ավարտվում է Ազգերի լիգան.... առա՞նց Եվրոյի 2020 ուղեգրի

Տարոն Մարգարյանը Երեւանում չէ. նրան լուսանկարել են Մոսկվայի «Շերեմետեւո» օդանավակայանում (լուսանկարներ)

Ինչու է ՊԵԿ-ը մտել Գազպրոմ. պարզաբանում է Դավիթ Անանյանը

Քաղաքական գործիչը ձգտում է առավելագույնի. Արայիկ Հարությունյանն՝ ԱԺ նախագահ լինելու մասին