Երևան
24 °C
Լուսանկարը Վահան Արծրունու ֆեյսբուքյան էջից
Մշակութային գործիչ, կոմպոզիտոր, երգիչ Վահան Արծրունու հետ խոսել ենք երաժշտի ներկայիս գործունեության, դեկտեմբերին մեծ դժվարությամբ իրականացրած համերգի մասին: Ավելի վաղ Արծրունին հայտարարել էր, որ իր գործունեությանը փորձում են խոչընդոտել, քանի որ տարիներ շարունակ քննադատել է մշակույթի նախարարության աշխատաոճը:
- Պարոն Արծրունի, սեպտեմբերի 29-ին Զվարթնոցում չեղարկված «Մաշտոց-Կոմիտաս» ձեր համերգային նախագիծն իրականացվեց դեկտեմբերի 4-ին, սակայն «Արամ Խաչատրյան» համերգասրահում: Ե՞րբ և որտեղ հանդիսատեսը կարող է ձեզ կրկին լսել, վտանգ կա՞, որ էլի նման խնդրի հետ կարող եք բախվել:
- Ամենամեծ խնդիրը կապված է նրա հետ, որ ծրագիրն իրականացնելու համար շատ լուրջ կատարողական ռեսուրս է անհրաժեշտ: Համերգի մասնակիցները կամերային նվագախումբն է, հատուկ հրավիրված փողայինների կազմ, մանկական երգչախումբ: Այսինքն, պատշաճ կերպով ծրագիր ներկայացնելու համար անհրաժեշտ է բավականաչափ ժամանակ և մեծ ֆինանսների հետ է դա կապված:
Նման համերգները ամիսների ընթացքում են իրականացվում, մանավանդ Հայաստանի պարագայում, ունենք երեք սիմֆոնիկ և մեկ կամերային նվագախումբ, նույն ծրագիրը կրկնելու և բեմից հնչեցնելու համար ես ստիպված նույն խնդիրները պետք է հաղթահարեմ և անցնեմ նույն ճանապարհը, որն անցա մի քանի ամիս առաջ:
Այդ ճանապարհով ես գրեթե միայնակ եմ անցնում, բացի խոչընդոտներից որևէ նպաստող հնարավորություն չկա: Առանց կազմակերպչական ռեսուրսի Հայաստանում հնարավոր չէ. խոսքը միայն իմ նախագածի մասին չէ:
- Շաբաթը երկու անգամ FM 107,7 -ի եթերում, ձեր հեղինակային «Երաժշտական եռանկյունի» հաղորդաշարի թողարկումն է լինում։ Ինչպե՞ս է առաջացել հաղորդման մտահաղացումը:
- Հանրային ռադիոն է, որը նաև FM 107,7 -ի եթերում է հեռարձակվում և արդեն չորրորդ ամիսն է՝ ինչ եթերում է: Նախորդ տարիներին մի շարք այլ հեղինակային հաղորդումներ ունեի ռադիոյում: Հետո նախագիծը դարձավ հեռուստանախագիծ, արդեն Ա1+-ով էր հեռարձակվում: Ապա եղավ առաջարկություն Հանրայինի կողմից` նմանատիպ լուսավորչական ծրագիր իրականացնել, և ես առաջարկեցի այդ ձևաչափը:
Յուրաքնչյուր թողարկման մեջ մտավորականության լայն շրջանակ է ներառվում՝ արվեստի մարդիկ, ուսուցիչներ, թանգարանների տնօրեններ, հոգևորականներ, նկարիչներ, դերասաններ, ռեժիսորներ և այլն: Երաժշտությունը միջոց է, որ մենք խոսենք ոչ միայն երաժշտության մասին, այլև լուսաբանելով արվեստի և մշակույթի ճյուղերը` հանրահռչակենք հայտնի արժեհամակարգերը և՛ ակադեմիական և՛ ժամանակակից երաժշտության ոլորտում:
- Յուրաքանչյուր իշխանություն ընտրում է բնորոշիչ արվեստի տեսակ, որի մեջոցով ներկայացնում է իր մշակութաբանական տեսլականը: Հայաստանում ո՞րն է այդ տեսլականը:
- Եթե բացենք վերջին տարիների վաստակավորների կոչումները, պարզ կլինի, թե ինչպիսին է պետական տիտուլյար ցուցակը, ում արվեստն է արժևորվում, ովքեր են ներկայացվում իրենց պատկերացմամբ մշակութային և արվեստի ռեսուրս մեր երկրում և պարգևատրվում: Սա է մեր երկրի խայտառակ իրականությունը, որից ոչ մի տեղ չես փախչի և չեմ էլ ուզում պատկերացնել, թե սա մեզ ուր կտանի:
- Ինչիպիսի՞ն է, ըստ ձեզ, Հայաստանում առաջին գծում ներկայացվող արվեստի որակը (երգարվեստ ֆիլմ, գրականություն) և որոնք են դրա վտանգները:
- Մոտավորապես երկուսուկես կամ երեք տարի առաջ ես անջատեցի մեր տան հեռուստացույցը, որովհետև չեմ կարող թույլ տալ անբովանդակության գործոնը ներխուժի իմ անձնական տարածք: Այստեղ է ամենահիմնական վտանգը, իմ ընտանիքի իմ երեխաների համար, և ավելի լայն հասարակության համար: Ձևական ինչ-որ ծրագրեր են ի հայտ եկել, որոնք ինչ-որ զանգվածի պահանջներ կարող են բավարարել, բայց ինձ համար բավարար չեն:
Բացի դատարկությունից ոչինչ չի կարող ծնել, սրա հետևանքը դատարկությունն է, տգիտությունն է, անգրագիտությունը, անտարբերությունն է սեփական մշակույթի սեփական արժեքների նկատմամբ: Էլ չեմ խոսում ինֆորմացիայի կողմնակալ մատուցման ձևերի մասին:
- Արդյո՞ք հասարակության սոցիալական ծանր վիճակը չի նպաստում ցածր մշակույթով ապրելուն, կամ առահասարակ մշակույթը չտարանջատելուն:
- Եթե դատենք ըստ համերգներին ներկա գտնվող այն հանրության, որը ներկա է սկսած փոփ համերգներից «Океан Ельзи»-ից վերջացրած Евгений Кисин-ի համերգներով, տպավորություն չեք ունենա, որ մենք աղքատ երկրում ենք ապրում: Որևէ տպավորություն չենք ունենա, որ սոցիալական խնդրի առաջ է կանգնած այդ հասարակությունը, որովհետև տոմսերի գինը սկսվում է 15 հազարից, հասնում 70 հազար դրամի և դուք ձեր աչքով տեսնում եք լեփլեցուն դահլիճ: Սա մի ծայրահեղություն է, մեկ այլ ծայրահեղություն է կատարյալ անտարբերությունը սեփական երկրի մշակույթի նկատմամբ:
- Արդյո՞ք նույն տենդենցն է նկատվում տեղի արվեստի նկատմամբ:
- Եթե ներկայացնեմ իմ օրինակով, ապա ծայրահեղությունից ծայրահեղություն է: Նախքան դեկտեմբերի 4-ի համերգս փողոցում հանդիպեցի հայտնի Սաշային (երկար տարիների տոմս ցրող): Սաշան ինձ հարցրեց, թե ինչու՞ են այդքան էժան իմ համերգի տոմսերը:
Տոմսերի գինը սկսվում էր 2000-ից, ամենաթանկը հինգ 5000-ն էր: Ամեն ինչ արել էի, որ համեմատաբար մատչելի լիներ: Սաշան ինձ ասաց, որ իր տասը տարվա ցուցակում հիմնական տոմս գնողները շատ հաճախ հրաժարվում են տոմսեր գնելուց՝ տեսնելով, որ դրանք էժան են:
Ըստ նրանց, եթե տոմսերն էժան են, ուրեմն, որակյալ չեն:
- Այսինքն, համերգի որակի չափորոշիչը տոմսի գի՞նն է Հայաստանում:
- Չափորոշիչներն այստեղ խեղված են. ոչ թե բովանդակությունը, կամ այն կատարողական նիշը, որը նկարագրում է արվեստը որպես այդպիսին: Այսինքն, եթե այդ կերպ է փոխված ընկալումը արվեստում գործող չափորոշիչների, այս պարագայում խոսել կեցության մասին, նրա ձևավորող մտայնության մասին, բարոյահոգեբանական ոլորտների մասին, կարծում եմ՝ արդեն անիմաստ է:
Այստեղ խնդիրը շատ ավելի խորն է ու լուրջ: Այս պարագայում հասկանում ես, որ սոցիալական ասպեկտը դեր չունի:
- Եթե սոցիալական ասպեկտը դեր չունի, ապա արվեստագետի հանրահռչակման խնդիրը ո՞րն է այս պարագայում:
- Մի պարագայում այսօրվա ձանձրույթն է, որ տիրում է արվեստի ոլորտում, և երկրորդ պարագայում ցանկությունն է այս իրավիճակից դուրս պրծնելու՝ խնդիրները լուծելով երկրից հեռանալով: Մշակույթի ոլորտում այս երկու հիմնական տրամադրություններն են: Վերջերս կրթության նախարարը առաջարկեց, որ գիտությամբ զբաղվելու համար գիտաշխատողները կարող են ինքնաֆինանսավորվել, ֆինանսական աղբյուրները ինքնուրույն փնտրել և զբաղվել գիտությամբ:
Եթե այդ տրամաբանությամբ շարունակենք, ուրեմն, բանակում ծառայող զինվորն իր փանփուշտներն ինքը պետք է ճարի, Էլ ի՞նչ խոսք կարող է լինել արվեստով զբաղվող մարդուն աջակցելու մասին: Ու՞ր է տանում այս տրամաբանությունը, աբսուրդից միայն կարող է աբսուրդ ծնվել: Երբ այդ ձևաչափն է դառնում պետական կառավարման միջոց, սա արդեն խնդիր է:
Երբ հանրությունը զբաղված է հանապազօրյա հացի հայթայթմամբ, նա պարզապես չի կարող ուրիշ որևէ հարցով զբաղվել, երբ քո երեխայի օրվա հացի խնդիրն է քո առջև դրված, ուրիշ բանի մասին մտածել հնարավոր չէ: Այս իրավիճակը, գնաճը, հասարակության նման վիճակը սարքած իրողություն է, հատուկ ծրագրավորված ներքին քաղաքականության էտապներից մեկն է:
Սրանք հայտնի ճանապարհներ են, որոնք արդեն տասնամյակներ է՝ աշխատում են: Բնական է, որ նոր բան չպիտի հորինեն, ինչի՞ տանջվեն, եթե այս ծրագիրը աշխատում է:
Աղունիկ Հովհաննիսյան
Ռուբեն Վարդանյանը դժկամությամբ, բայց համաձայնել է ընդհատել հացադուլը․ նրան թույլ են տվել խոսել կնոջ հետ
Սանոսյանն ու Կոպիրկինը ԱԷԿ-ի 2-րդ էներգաբլոկի շահագործման երկարաձգման աշխատանքների վերաբերյալ հարցեր են քննարկել
Ալեն Սիմոնյանն ու Դըվինազը մտքեր են փոխանակել անվտանգային և տնտեսական դիվերսիֆիկացման հնարավորությունների շուրջ
Ալագյազում Մալխաս և Ռոման Ամոյանների անվան նոր մարզադպրոց կկառուցվի
Փոխվարչապետն ու Իրանի դեսպանն անդրադարձել են սահմանազատման գործընթացի վերջին զարգացումներին
Նոյեմբերյան-Բագրատաշեն ճանապարհը փակած ակցիայի մասնակիցը ձերբակալվել է․ վերջինս հետախուզման մեջ է եղել
Զինծառայողը ականապայթյունային վնասվածք է ստացել
Միրզոյանը Սերբիայի ԱԳ նախարարի հետ հեռախոսազրույցում ընդգծել է Հարավային Կովկասում հարատև խաղաղության կարևորությունը
Կորոնավիրուսի ժամանակ 829 կեղծ պատմագրի հիման վրա Առողջապահության նախարարությունից հափշտակվել է 263 մլն 480 հազար դրամ
Ռեստորանի մոտ մեքենաներ են բախվել․ դրանցից մեկը դուրս է եկել երթևեկելի գոտուց, բախվել օբյեկտներից մեկի պատին
Հիմա հեշտ է պառկել ասֆալտին ու ցույց տալ, թե փրկում եք հայրենիքը․ Սաֆարյանը՝ ԱԺ նախկին գործընկերներին
Հայաստանի և Ադրբեջանի սահմանին կոորդինատների ճշգրտման աշխատանքների շրջանակներում 20 սահմանային սյուն է տեղադրվել
ԱԺԲ-ի հանրահավաքի ժամանակ բռունցքով ոստիկանության ծառայողի գլխին հարվածած կինը ձերբակալվել է
Հակոբ Արշակյանը Սիրիայի Ժողովրդական ժողովի փոխնախագահին է ներկայացրել «Խաղաղության խաչմերուկ» նախագիծը
Պապոյանն ու ՌԴ դեսպանը քննարկել են Վերին Լարսով Վրաստանից Ռուսաստան տանող ճանապարհով բեռնափոխադրումների խնդիրները
Տաքսու մեջ ծխելու հետ կապված վեճի ժամանակ ուղևորը քիմիական նյութ է փչել վարորդի դեմքին․ վերջինս այրվածքներ է ստացել
Հնդկաստանի ԱԳՆ-ն արձագանքել է Հայաստանին զենք մատակարարելու վերաբերյալ Ադրբեջանի քննադատությանը
ՄԻՊ արագ արձագանքման խմբեր են մեկնել Ոստիկանության բաժիններ՝ այսօր բերման ենթարկված անձանց տեսակցելու համար
Դոլարն էժանացել է․ ինչ փոփոխություններ է արձանագրել տարադրամի շուկան ապրիլի 25-ին
«Խաղաղության խաչմերուկը» Հայաստանի տեսլականն է դեպի խաղաղություն. Սիմոնյանը՝ Սիրիայի խորհրդարանի փոխխոսնակին
Ռուսաստանի, Հայաստանի և Ադրբեջանի միջև եռակողմ պայմանավորվածությունները շարունակում են մնալ արդիական. Զախարովա
Կարծում եմ՝ պետք է քննարկենք այդ հարցը․ Ալեն Սիմոնյանը՝ Ադրբեջանից Հայաստան գազ ներկրելու՝ Իլհամ Ալիևի առաջարկի մասին
ՀՀ-ն ԱՄՆ-ին է հանձնել հետախուզման մեջ գտնվող ամերիկացուն
ԵԽ գրասենյակի ղեկավարն ու Պապիկյանը քննարկել են համատեղ իրականացվող ծրագրի մանրամասները
Ուժերը մեզ վրա է պատո՞ւմ, թե չեն ընկալում ՀՀ-ն որպես անկախ պետություն. Սիմոնյան
Բերման է ենթարկվել բողոքի ակցիաների 29 մասնակից
Գառնիկ Դանիելյանին տեղափոխել են հիվանդանոց
Ռուսաստանում մեկնաբանել են Հայաստանի և Ադրբեջանի միջև առաջին սահմանային սյան տեղադրումը
Բերման են ենթարկվել Էդգար Ղազարյանը, Նաիրա Զոհրաբյանն ու Երևանում կազմակերպված ակցիայի այլ անդամներ
Տավուշում ԵԿՄ մեքենան վնասելու, խուլիգանության գործով ձերբակալված «Մարտական եղբայրության» հիմնադիրը կալանավորվել է
Ապրիլի 17-22-ին գրանցված առավելագույն ջերմաստիճանները գերազանցել են բոլոր պատմական արժեքները. անոմալ տաքը կպահպանվի
Քանի դեռ ժողովրդին ոչ մի բան չունեն առաջարկելու, 20, 30, 40 հոգով հավաքվելու են գոռգռան և գնան տներով. Սիմոնյան
Վազգենը որ գար, կասեր՝ «արա, ամբողջ կյանքում «наша раша»-ի տակ տնքալով պարողը իրավունք չունի սահմանից խոսել. Խաչատրյան
ԱԺ Հայաստան-Ֆրանսիա բարեկամական խումբը ֆրանսիացի գործընկերների հետ քննարկել է երկուստեք հետաքրքրության հարցեր
Դրսից թելադրված բան է․ Սիմոնյանը մանրամասնեց, թե ովքեր են ՀՀ-ում ընդդիմախոսները
Հայաստանը դիմացել է, նա գրում է իր և իր ժողովրդի ապագան. Ֆրանսիայի վարչապետ
12 կմ արդեն սահմանազատված է, թե Ալիևը ՌԴ-ի ու Թուրքիայի հետ սակարկելու համար ինչ կասի, չի հետաքրքրում․ Սիմոնյան
Ադրբեջանցին զարթնելու է, տենա՝ եռագույնը ծածանվում է Կզըլ Հաջիլիի բարձունքի վրա, դրա մասին ինչո՞ւ չեք խոսում. Սիմոնյան
Տեղեկատվական հոսքերով փորձ է արվում հրամցնել, թե բազմաթիվ, այդ թվում՝ միջպետական ճանապարհներ են փակ. Չախոյան
ՌԴ ԱԳՆ-ն ափսոսանք է հայտնել, որ Հայաստանում շարունակում են «ՀԱՊԿ-ի հասցեին հրապարակային քննադատություն թույլ տալ»
© 2024 Հայկական ժամանակ