Կրակովից հետո․ միջնորդները կայցելեն Երեւան եւ Բաքու դիրքորոշումներ ճշտելու համար․ Պոպով

ԵԱՀԿ Մինսկի խմբի համանախագահ Իգոր Պոպովը, մեկնաբանելով Հայաստանի եւ Ադրբեջանի արտգործնախարարների՝ Կրակովում կայացած հանդիպումը, ներկայացել այդ բանակցությունների որոշակի մանրամասներ։

«ԱՊԱ»-ի մոսկովյան թղթակցի հետ հարցազրույցում նա նշել է, որ Կրակովում Ադրբեջանի եւ Հայաստանի արտգործնախարարների հանդիպման ընթացքում քննարկվել են ռազմական ռիսկերի նվազեցմանն առնչվող հարցեր։ Այդ թվում, նկատել է նա, խոսքը նաեւ հակամարտության գոտում ԵԱՀԿ դիտորդական առաքելության ընդլայնման մասին է: «Նախարարները սկզբունքորեն համաձայնել են միջնորդների պատրաստած փաստաթղթի հետ, որը կանոնակարգում է լրացուցիչ յոթ դիտորդների գործունեությունը», - ասել է նա:

Նա հիշեցրել է, որ 2017 թ-ի հոկտեմբերին Շվեյցարիայում կայացած ԼՂ հակամարտության կարգավորման վերաբերյալ վերջին գագաթնաժողովում որոշում էր կայացվել ակտիվացնել բանակցային գործընթացը եւ շփման գծում լարվածության նվազեցմանն ուղղված լրացուցիչ միջոցներ ձեռնարկել: «Համապատասխանաբար, գագաթաժողովից հետո ֆրանսիացի եւ ամերիկացի գործընկերների հետ, ինչպես նաեւ ԵԱՀԿ գործող նախագահությունը ներկայացնող դեսպան Կասպրշիկի հետ միասին մենք մի շարք խորհրդակցություններ են անցկացրել Հայաստանի եւ Ադրբեջանի արտաքին գործերի նախարարների հետ եւ օգնել ենք նրանց երկու հանդիպում կազմակերպել, որոնցից վերջինը կայացավ Կրակովում», - ասել է նա ու հավելել, որ այդ հանդիպմանը մասնավորապես քննարկվել են ռազմական ռիսկերի նվազեցմանն առնչվող հարցեր:

Երկու երկրների ԱԳ նախարարները, նշում է ռուսաստանցի համանախագահը, սկզբունքորեն համաձայնել են միջնորդների պատրաստած փաստաթղթի հետ, որը կանոնակարգում է լրացուցիչ յոթ դիտորդների գործունեությունը: «Մնացել են մի քանի տեխնիկական դետալներ, որոնք մինչեւ ընդլայնման մեխանիզմի գործարկումը հարկավոր է համաձայնեցնել », - ընդգծել է Իգոր Պոպովը:

ԵԱՀԿ ՄԽ ռուսաստանցի համանախագահը նաեւ ընդգծել է, որ բանակցություններում շարունակվել են ԼՂ հիմնահարցի կարգավորման գործընթացին խոչընդոտող առավել բարդ ասպեկտների քննարկումները:

Այս համատեքստում նա նշել է, որ կարգավորման վերաբերյալ առաջարկները նոր չեն, կողմերը դրանք բազմիցս հնչեցրել են. դրանք վերաբերում են կարգավիճակի հետ կապված հարցերի լուծմանը եւ տարածքային խնդրի կարգավորմանը: «Համանախագահների արտահայտած կարծիքներն ուղղված են ընդունելի լուծումներ գտնելուն: Մենք ակնկալում ենք ճշտել կողմերի դիրքորոշումը փետրվար ամսվա առաջին տասնօրյակում կայանալիք մեր «եռյակի» այցի եւ Հայաստանի ու Ադրբեջանի նախագահների հետ հանդիպումների ընթացքում»,- ասել է Պոպովը ու ու նշել, որ միայն հակամարտության կողմերը քաղաքական կամք դրսեւորելով կարող են կարգավորել հիմնախնդիրը։

Պոպովը նաեւ ընդգծել է, որ առաջիկայում ԵԱՀԿ ՄԽ համանախագահների՝ տարածաշրջան սպասվող այցի նպատակն է ճշտել Հայաստանի ու Ադրբեջանի նախագահների դիրքորոշումները հակամարտության կարգավորման վերաբերյալ։ Նրա խոսքով, ապագայում նախագահների մակարդակով հանդիպում տեղի կունենա այն ժամանակ, երբ կողմերը դրան իսկապես պատրաստ լինեն։

Տպել
2178 դիտում

Հիացած եմ Հայաստանի գեղատեսիլ վայրերով և հայերի հյուրասիրությամբ. Ուկրաինայի ԱԳ պետքարտուղար

Արարատ Միրզոյանը ՌԴ դեսպանի հետ քննարկել է ՀՀ–ում ներքաղաքական զարգացումները

Թրանսփարենսի Ինթերնեշնլ-ը դիմել է ԵԽԽՎ՝ Հայաստանի՝ փողերի լվացման սխեմաներում ընդգրկված լինելու քննության համար

ՀՀԿ-ի՝ Բրյուսովի համալսարանի չհրկիզվող պահարանից գտնված 56 անդամատոմսերից 5-ը կապ չունեն բուհի հետ

Հայտնի են Արմավիրի, Արագածոտնի, Սյունիքի նոր մարզպետների անունները

Նիկոլ Փաշինյանը լուսանկար է հրապարակել Յուրի Բաշմետի հետ

Հունան Պողոսյանը նշանակվելու է Սյունիքի մարզպետ

ՀՀ ֆուտբոլի հավաքականի անդամները հանդիպել են երկրպագուների հետ

Կոտայքում բախվել են Ոստիկանության և ՊՆ ծառայողների մեքենաները. 4 ամսական երեխան հիվանդանոցում է

Բան ունեք ասելո՞ւ, եկեք, հանրային քննարկմանն, ասեք, ֆեյսբուքում մի ակտիվացեք. Սամվել Բալասանյանը զայրացել է

ՀԱՊԿ ԽՎ նիստը Երեւանի փոխարեն կկայանա Մոսկվայում

Մովսիսյանի ու Մխիթարյանի հարաբերությունները լարված չեն. վստահեցնում է Գյուլբուդաղյանցը

Թունջբոյաջյանն այցելել է «Հայաստան» համահայկական հիմնադրամ, պատրաստ է դառնալ սփյուռքի դեսպանը

Չեչնիայի նախագահ Կադիրովը Փաշինյանի ու Մակրոնի պարից հետո պարի մարաթոն սկսելու կոչ է արել քաղաքական գործիչներին

Քրեական հեղինակություն Նորատուսցի Արան կրակոցների պահին ալկոհոլի ազդեցության տա՞կ է եղել. նա օգտվում է լռելու իրավունքից

Վարչապետ Նիկոլ Փաշինյանը և տիկին Աննա Հակոբյանը ներկա են գտնվել Յուրի Բաշմետի համերգին (լուսանկարներ)

Թեկնածուներից մեկը դիմել է ստոր մեթոդների. ահազանգում է Էջմիածնի քաղաքապետի պաշտոնակատարը (լուսանկար)

Թուրքիայում Իրանի դեսպանատունը ուժեղացված հսկողության տակ է

20 տարվա փչացրածը, 20 օրում չի ուղղվի. Վանեցյանը հանդիպեց հավաքականի ֆուտբոլիստների հետ

Սիսիանում տներից մեկի պատշգամբի փլուզման հետեւանքով 75-ամյա քաղաքացին մահացել է