Լոռիում թե՛ ցանքատարածություններն են նվազել, թե՛ անասնագլխաքանակը

Լոռու մարզում ցանքատարածությունները ավելի քան 2619 հեկտարով նախորդ տարի նվազել են: Այս մասին հայտարարել է Լոռու մարզպետարանի գյուղատնտեսության եւ բնապահպանության վարչության պետ Գրիգոր Հակոբյանը՝ մարզպետին ներկայացնելով նախորդ տարվա կատարած աշխատանքը: Վարչության պետի փոխանցմամբ՝ ցանքերի նվազման հիմնական պատճառներից է 2017թ. ձմռանը աշնանացան ցորենի ցանքատարածությունների ցրտահարությունը, որը ոչնչացրեց 16 համայնքների շուրջ 2000 հա ցանքատարածությունները: Հողօգտագործողների վնասը հնարավորինս մեղմելու նպատակով կառավարությունը զիջել է 2017 թվականի հողի հարկի ավելի քան 12 միլիոն դրամ և ոռոգման ջրի 2.5 միլիոն դրամի վարձավճարները:

Զեկուցման համաձայն՝ նվազում է արձանագրվել նաեւ մշակաբույսերից ստացված բերքի քանակի մեջ: Մասնավորապես՝ հացահատիկն ու ընդեղենը 2016-ի համեմատությամբ պակաս է հավաքվել 13588, կարտոֆիլը՝ 587, բանջարաբոստանային մշակաբույսերը՝ 5796 տոննայով, իսկ ահա պտուղ-հատապտուղների եւ խաղողի բերքահավաքի մեջ աճ է գրանցվել՝ համապատասխանաբար 6341 եւ 192 տոննա ավելի բերքով:

Հիմնականում նվազում է արձանագրվել նաեւ անասնաբուծության մեջ: Մասնավորապես՝ խոշոր եղջերավոր կենդանիների թիվը նվազել է 731, մանր եղջերավորներինը՝ 485 գլխով: Թռչունների թվաքանակն ավելացել է շուրջ 15000-ով:

Կառավարության կողմից նախորդ տարվա ապրիլին ամբողջությամբ ներվել է մարզի Լուսաղբյուր, Արջուտ, Արևածագ, Դսեղ, Ծաթեր, Մեծ Այրում, Ճոճկան, Տաշիր և Ձյունաշող համայնքներին հատկացված 22.7 մլն դրամ ընդհանուր արժեքով առաջին վերարտադրության սերմացուի գումարները, մասամբ ներվել է նաև Պետրովկա, Արծնի, Շնող և Սարատովկա համայնքներին հատկացված 640 հազ. դրամ ընդհանուր արժեքով առաջին վերարտադրության սերմացուի գումարները: Ամբողջությամբ ներվել է նաև 2015-2016թթ. հատկացված 17.7 մլն դրամ ընդհանուր արժեքով ազոտական պարարտանյութի դիմաց Սվերդլով, Միխայելովկա, Լուսաղբյուր և Սարալանջ համայնքների պարտքը:

Բավարար լինելուց հեռու է մարզի ոռոգման համակարգը: Մարզի 9613 հա ոռոգելի հողատարածքներից փաստացի ոռոգվում է մոտ 2 000 հեկտարը, մինչդեռ խորհրդային տարիներին ոռոգելի հողատարածքները կազմել են ավելի քան 15 հազ. hա:

Անդրադառնալով զեկուցմանն ու գյուղատնտեսության զարգացմանն ուղղված ծրագրերին, Լոռու մարզպետ Արթուր Նալբանդյանը նշեց, որ մարզում ոչ բոլոր գյուղատնտեսներն են տեղյակ. «Ես վստահ չեմ, թե բոլորն էլ տեղյակ են, բայց հետեւողական չենք, որ մարդիկ տեղյակ են այդ ծրագրերից: Գյուղնախարարությունում այդքան ծրագիր երբեւէ չի եղել, բայց հիմա ծրագիրը կա, մասնակցող չկա»,- ասաց մարզպետը՝ հանձնարարելով անհատական աշխատանք տանել գյուղատնտեսների հետ: «Տարեկան երկու անգամ ամփոփում ենք անելու գյուղվարչության աշխատանքները, ու եթե արդյունքը էական չեղավ ծրագրային առաջարկություններից հետո, ուրեմն իմացեք, որ դուք իրականում չեք աշխատել»,- նշեց Արթուր Նալբանդյանը:

Տպել
380 դիտում

Վստահ եմ, որ Ալբանիային կհաղթենք. ՀՀ բասկետբոլի ֆեդերացիայի փոխնախագահ

Այսօր Հրազդան գետում հայտնաբերված 26-ամյա տղան որոնվում էր մոտ 1 ամիս, դին նեխած է եղել

Երթեւեկության կարգի փոփոխում՝ Երևանի Ղազար Փարպեցու փողոցի Թումանյան-Արամ հատվածում

Այս ամսվա ընթացքում մահացել են մեկ եւ երկու ամսական երեխաներ. պատվաստեք ձեր երեխաներին

Գայ գյուղի հրդեհված տան մոխրացած տերն իրականում սպանվել է հրազենի կրակոցից. դին այրել են

Զվարճալի դեպք ՀՀ ծանրամարտի առաջնությունում.ծանրորդը ծանրաձողով հասավ տրիբունա (տեսանյութ)

Հեռավորությունն այլեւս խոչընդոտ չէ Մադագասկարի հետ համագործակցելու համար. Սերժ Սարգսյան

Արթիկի ոստիկանապետն ազատվել է պաշտոնից. ազատում-նշանակում օպերացիան շարունակվում է

«Գյումրի ԲԿ»-ում ոտքի եղունգի հեռացման համար սկսված միջադեպով զբաղվում է դատախազությունը

Օլիմպիական փոխչեմպիոն Սիմոն Մարտիրոսյանը դիտում էր եղբոր ելույթը ՀՀ առաջնությունում

Շուրջ 40 տաքսու վարորդների հոգեներգործուն դեղահաբով սուրճ է հյուրասիրել ու թալանել

Մայթով քայլելը առավել քան վտանգավոր է (լուսանկարներ)

Եվրոպայի չեմպիոն Անդրանիկ Կարապետյանը 0 ստացավ ՀՀ առաջնությունում

Ինչպե՞ս պաշտպանել մտավոր սեփականությունը․ վարչապետը լուծումներ է պահանջել

Արցախյան շարժումը պատմական իրադարձություն էր․ Բաբլոյանը պարգեւատրել է Արցախի ԱԺ նախագահին

Վրաստանի ներքին գործերի նախարարն այցելել է Ծիծեռնակաբերդ (լուսանկարներ)

Հայաստանում «կապույտ հազ» ախտորոշմամբ 2 ամսական երեխա է մահացել

Հայ կոմպոզիտորական արվեստի 9-րդ փառատոնը կնվիրվի Գրիգոր Եղիազարյանի 110-ամյակին

«Արսենալին» բաժին հասավ «Միլանը». ամենահաճելի մրցակիցը չէ

Թուրք հայտնի քաղաքական գործիչների ու ազգայնականների մոտ հայկական արմատներ են հայտնաբերվել