Հպարտությամբ մեծարում ենք նրանց, ովքեր հավատարիմ են երդմանը եւ խղճին. Արա Բաբլոյան

Հայոց բանակի կազմավորման 26-ամյակի առթիվ շնորհավորական ուղերձ է հղել նաեւ ՀՀ ԱԺ նախագահ Արա Բաբլոյանը.
«Սիրելի՛ հայրենակիցներ, ջերմորեն շնորհավորում եմ ձեզ Բանակի օրվա` հայրենասիրության ու խիզախության տոնի առթիվ:

Այսօր առանձնահատուկ հպարտությամբ ենք մեծարում նրանց, ովքեր պաշտպանել ու պաշտպանում են խաղաղությունը, ազատությունն ու անկախությունը, ովքեր արժանապատվորեն են կատարում զինվորականի պարտքը, ովքեր հավատարիմ են երդմանը եւ խղճին: Այսօր վերստին խոնարհվում ենք նրանց հիշատակի առաջ, ովքեր առանց վարանելու իրենց կյանքը զոհաբերեցին հանուն անվտանգ ու ապահով հայրենիքի:

Այս տոնական օրվա առթիվ շնորհավորանքներս նախ եւ առաջ ուղղված են մեր զինվորներին ու սպաներին, առաջին հերթին` մարտական հերթապահություն իրականացնողներին եւ առաջնագծում ծառայողներին, ինչպես նաեւ բոլոր զինծառայողների ծնողներին ու հարազատներին:

Ցանկանում եմ շնորհավորել նաեւ մեր բոլոր վետերաններին` Հայրենական պատերազմից մինչեւ Արցախյան ազատամարտ, ազատամարտիկից մինչեւ պաշտոնաթող զինվորական: Մեր այսօրվա բանակը սերունդների սերտ կապի, փորձի ու պատվախնդրության համադրումն է:

Սիրելի՛ հայրենակիցներ, հայրենիքը, առավել եւս պետականությունը, չի կարող գոյություն ունենալ առանց պատշաճ պաշտպանության: Հայրենիքն ուժեղ է այնքան, որքան ուժեղ է նրան պաշտպանելու յուրաքանչյուրիս ցանկությունը: Մենք կարող ենք վստահորեն նայել ապագային, որովհետեւ ունենք մարտունակ հայկական բանակ, իր երկրին ու ընտանիքին նվիրված խիզախ զինվոր ու սպա, ում շնորհիվ մենք ապրում ենք խաղաղության ու անվտանգության պայմաններում, ովքեր ապահովում են հաղթանակը մարտադաշտում եւ անդորրը` թիկունքում, ում շնորհակալ ենք եւ երախտապարտ:

Մաղթում եմ բոլորիդ եւ հատկապես մեր զինվորներին, սպաներին ու զինված ուժերում քաղաքացիական աշխատանք կատարող բոլոր ծառայողներին առողջություն, խաղաղություն եւ ամենայն բարիք»,-ասված է ուղերձում:

Տպել
804 դիտում

Երեւանում համերգով կնշեն Ազնավուրի 94-ամյակը

Ադրբեջանցիները կոտրել են Աստղիկ Սաֆարյանի ինստագրամի էջը

Պլանային ջրանջատում Երեւանի Կենտրոն վարչական շրջանում

Կաննում Հայոց ցեղասպանության մասին հոլովակը մեծ հետաքրքրություն է առաջացրել (տեսանյութ)

Տնօրենը կաշառք է բաժանել ՀՀԿ-ի օգտին, հետո ետ պահանջել. Դալարի դպրոցում բողոքի ցույց էր

Հայաստանի բասկետբոլի հավաքականը Բեյրութում կմասնակցի միջազգային մրցաշարի

CNN-ի ծավալուն հաղորդում է նկարահանել Հայաստանի մասին

Դուք Ձեր թիմի հետ ձախողել եք. Արմեն Գրիգորյանի պատասխանը Վիգեն Սրագսյանին

Մի քիչ լավ չստացվեց «Շիրակի» պահը. Արտակ Եդիգարյանը՝ «Ալաշկերտի» չեմպիոնության մասին

Ընտրական օրենսգրքի փոփոխությունն արագ, բայց ոչ՝ «ափալ-թափալ». Նիկոլ Փաշինյան

Արմեն Սարգսյանը դատավորներ է նշանակել

Տարոն Մարգարյանի հրաժարականի դեպքում նոր քաղաքապետին կընտրի գործող ավագանին

ՊԵԿ հասարակայնության հետ կապերի բաժնի պետը պաշտոնից հեռանալու որոշում է կայացրել

Էռնեկյանի ընկերությունը սննդի մատակարարից դժգոհություն չի ունեցել. տուժածները լավանում են

Նաիրա Զոհրաբյանն ԱԺ-ում հանդիպել է Հայաստանում Իտալիայի նորանշանակ դեսպանի հետ

Արա Բաբլոյանը ընդունել է Դեմետրիս Սիլուրիսի գլխավորած պատվիրակությանը

Յուրա Մովսիսյանը չի գա ՀՀ հավաքական

Լիլիթ Մակունցն այցելել էր Արցախ եւ հանդիպել Բակո Սահակյանի եւ Սերգեյ Շահվերդյանի հետ

«Սոճուտ» դենդրոայգու անբարեկարգ ճանապարհը խանգարում է տուրիզմի զարգացմանը (լուսանկարներ)

Ամասիայում ԵՄ դեսպան Պյոտր Սվիտալսկին ու ՀՀ ՏԿԶ նախարարը բրդից թել են մանել