Երեւանի կենտրոնում ապօրինի կառույցն ապօրինի օրինականացրել են. ավագանին դատախազին է դիմել

Երեւանի ավագանու ԵԼՔ խմբակցության անդամ Արայիկ Հարությունյանը գլխավոր դատախազություն հաղորդում է ներկայացրել հանցագործության մասին: Ավագանու անդամին դիմել են Երեւան քաղաքի Բաղրամյան 1 հասցեի բնակիչները՝ տեղեկացնելով, որ շենքի բակում ապօրինի կառուցված ավտոտնակն օրինականացվել է, սակայն կասկածելի հիմնավորումներով:

«Բնակիչները նշել են, որ ավտոտնակի տեղում եղել է ապօրինի կառույց: Բողոք են ներկայացրել քաղաքապետարան, որին ընթացք է տրվել, սակայն հետագայում իրենց համար անսպասելի ձեւով շինությունն օրինականացվել է»,- «Հայկական ժամանակ»-ի հետ զրույցում ասաց Արայիկ Հարությունյանը: Վերջինս դիմել է քաղաքապետարան եւ մի քանի փորձերից հետո ստացել է սեփականաշնորհման փաստաթղթերի փաթեթը, որտեղ ակնհայտ կեղծ փաստաթուղթ է եղել: Այն տրամադրել է «Կենտրոն 1» համատիրությունը, որի տեղեկանքի համաձայն՝ 1996 թվականից շենքի բակում եղել է քարե կառույց, որը իբր հետագայում քաղաքացին վերակառուցել է:

Դրանից հետո ավագանու անդամը դիմել է Երեւանի քաղաքապետին՝ նշելով, որ համատիրության կողմից կեղծ փաստաթուղթ է տրամադրվել: Բացի դա, ավագանու անդամը «Google Earth» ծրագրի միջոցով կարողացել է պարզել, որ մինչեւ 2015 թվականը ավտոտնակի տեղում որեւէ քարե կառույց չի եղել: «Արբանյակից արված լուսանկարներում երեւում է, որ տվյալ կառույցի տեղում կայանված մեքենաներ կան: Մարդիկ մեքենա չէին կարող կայանել քարե կառույցի տանիքին»,- ասաց Արայիկ Հարությունյանը:

Ապօրինի կառույցն օրինականացվել է օրենքի եւս մեկ կոպիտ խախտմամբ: Շինությունը գտնվում է էլեկտրական ենթակայանի հարեւանությամբ: Դեկտեմբեր ամսին ՀԷՑ-ի աշխատակիցները նույնիսկ չեն կարողացել մուտք գործեն ենթակայան, քանի որ մուտքի ճանապարհը երկաթե կոնստրուկցիայով փակված է եղել: «Ենթակայանից համապատասխան հեռավորության վրա կառուցապատում իրականացնելու նորմերը չեն պահպանվել: Մի պահ պատկերացրեք, որ ենթակայանում հրդեհ կամ պայթյուն լինի, հրշեջ մեքենաները շատ մեծ դժվարությամբ կմոտենան ենթակայանին»,- նշեց ավագանու անդամը:

Նրա խոսքով, կեղծ փաստաթուղթն արդեն ուղարկել է գլխավոր դատախազություն քրեական գործ հարուցելու համար: Երեկ դատախազություն են ուղարկվել նաեւ արբանյակից արված լուսանկարները:

«Սա տարածված խնդիր է: Նույն իրավիճակը Մանանդյան 20 հասցեում էր: Ես, լինելով ավագանու անդամ, որեւէ մասնագիտացում չունենալով այդ ոլորտում, գնացել, տեսել եմ՝ ենթակայանին կպած շինություն են կառուցում: Ակնհայտ է, որ նորմ է խախտվել, չի կարելի ենթակայանին կպած շինություն կառուցել: Հունիս ամսից դիմում եմ, ասում եմ՝ ապօրինի է, պետք է քանդեք, իրենք ասում են՝ օրինական է: Այստեղ ակնհայտ է, որ կոռուպցիա կա, որովհետեւ քաղաքապետարանի վարչություններում շատ լավ գիտեն՝ ինչ խնդիր է»,- ասաց Արայիկ Հարությունյանը՝ նշելով, որ ավագանու անդամն իրավունք ունի նաեւ դատական կարգով վիճարկի քաղաքապետի որոշումները, իսկ դատարան դիմելու հեռանկարը պարզ կդառնա գլխավոր դատախազության գործողություններից:

Նյութը տպագրվել է «Հայկական ժամանակ» օրաթերթի հունվարի 31-ի համարում:

Տպել
2655 դիտում

Նախկին ոստիկանապետ Վլադիմիր Գասպարյանը չի մասնակցել ընտրություններին

Օրվա ընթացքում կրկնակի քվեարկության ընդհանուր առմամբ 16 դեպք է գրանցվել, գաղտնիության խախտման՝ 7

Ո՞վ կդառնա քաղաքապետ. Երեւանի ավագանու արտահերթ ընտրություններն ավարտվեցին

Լեւոն Տեր-Պետրոսյանը, Ռոբերտ Քոչարյանը, Սերժ Սարգսյանը եւ Արմեն Սարգսյանը ընտրություններին չեն մասնակցել

Չի բացառվում՝ ինձ տականք դարձնեն. Ա. Միրզոյանի նախկին խոսնակ Կարպիս Փաշոյանը կքվեարկի «Լույս» դաշինքի օգտին

Կրկնակի քվեարկության 2 փորձ, գաղտնիության խախտման 5 դեպք. ՔԿ-ն ուսումնասիրում է ընտրախախտումները

ՄԻՊ-ի թեժ գծին ստացվել է 39 ահազանգ ժամը 18։00-ի դրությամբ

Կաշառք տալու, ստանալու, խոչընդոտելու մասին ժամը 18-ի դրությամբ, ոստիկանությունում 54 ահազանգ է եղել

ԲՀԿ ակտիվիստներից մեկի տանը երկրորդ անգամ է խուզարկություն կատարվում. Շաքե Իսայան

Չգիտեմ՝ ինչ պատմություն է, բայց համատարած չէ. ՀՅԴ շտաբի ղեկավարը՝ իրենց անդամներին գումար տալու մասին

17։00-ի դրությամբ Երեւանի ավագանու արտահերթ ընտրություններին մասնակցել է ընտրողների 34.72%-ը։

Ինչո՞ւ է ֆիքսվում ցածր ընտրական ակտիվություն. Աշոտյանը չի ուզում հավատալ վարչապետի բացատրությանը

Քվեարկության գաղտնիության խախտում Նոր Նորքի 2/51 տեղամասում

Տեղի է ունեցել այլ անձի փոխարեն քվեարկության երեք դեպք

Կրկնակի քվեարկություն, կրկնակի գրանցման փորձ. ՔԿ-ն քննություն է տանում

9/55 ընտրատեղամասի հանձնաժողովի ՀՅԴ անդամներից մեկը քաղաքացու հետ դուրս է եկել ընտրատեղամասից և գումար ստացել

ԲՀԿ վստահված անձը դիտորդի հասցեին սպառնալիքներ է հնչեցրել, ապա լքել ընտրատեղամասը

Կանխվել է կրկնակի քվեարկության դեպք 2/11 ընտրատեղամասում. Ծառուկյան խմբակցության պատգամավոր

Նման հայտարարությունները բովանդակային առումով պետք է լինեն հստակ եւ փաստարկված. Բիչախչյան

«Իմ քայլ»-ի վստահված անձը ԲՀԿ-ի վստահված անձի կողմից տարեց ընտրողների ուղղորդում է նկատել