Ծռերի գործով դատավորը հանրային պաշտպաններին «պատանդ» է պահում եւ վատնում պետության փողերը

«Սասնա ծռեր» խմբի 11 անդամների գործը քննող դատավոր Արթուր Օհանյանի որոշմամբ՝ այսուհետ ծռերի շահերը կպաշտպանեն թե՛ հանրային պաշտպանները, թե՛ նրանց ընտրած մասնավոր փաստաբանները:

Այս գործով անցնում են Արամ ՄանուկյանըՀովհաննես ՀարությունյանըԹաթուլ ԹամրազյանըԱրամ Հակոբյանը,Տիգրան ՄանուկյանըԱրայիկ ՀակոբյանըՎարդան ԳերավետյանըՄարտիրոս ՀակոբյանըՍերգեյ ԿյուրեղյանըԳեւորգ Իրիցյանը եւ Թորոս Թորոսյանը:

Սա այն դեպքում, երբ «Սասնա ծռեր» խմբի անդամները նիստը սկսվելուն պես հայտարարեցին, որ չեն ցանկանում իրենց շահերը դատարանում պաշտպանեն հանրային պաշտպանները, քանի որ ունեն իրենց կողմից ընտրած պաշտպան: Չնայած այս հայտարարությանը, դատավոր Արթուր Օհանյանը անդրդվելի մնաց, ասաց՝ «հանրային պաշտպաններ ներգրավելու որոշում նախորդ նիստին կայացվել է»: Իսկ երբ պաշտպանները փորձեցին հստակեցնել, թե ինչու է դատավորը հանրային պաշտպաններին պատանդ պահում դատարանում, Արթուր Օհանյանը պատասխանեց. «Էդ դուք չեք որոշում»: Իր լիազորությունները դադարեցնելու համար դատարանին դիմեց նաեւ հանրային պաշտպան Արմինե Ֆանյանը՝ նշելով, որ ամբաստանյալների մեծ մասի պաշտպանները ներկա են, սակայն դատավորն ադ հարցը նույնիսկ չքննարկեց:

Ընդհանուր առմամբ՝ դատավորն այսօր ագրեսիվ էր տրամադրված, նա պարբերաբար բղավում էր թե՛ պաշտպանների, եւ թե՛ խմբի անդամների վրա՝ այդ կերպ լարված իրավիճակ ստեղծելով դատական նիստերի դահլիճում:

«Նախորդ նիստին էլ հայտարարեցին, որ մենք հրաժարվում ենք հանրային պաշտպանների ծառայությունից, մինչեւ մեր պաշտպանների հարցը չլուծվի: Հիմա այս պահին մեր պաշտպանները ներգավվել են ընդհանուր աշխատանքին եւ հանրային պաշտպանների առկայությունը որպես պաշտպաններ նոր գործում ստացվում է ավելորդ»,- դիմելով դատավորին, ասաց «Սասնա ծռեր» խմբի անդամ Վարդան Գերավետյանը: Դատավորն ի պատասխան ասաց, թե դատարանը ի սկզբանե իր պաշտպան Դավիթ Գյուրջյանին վարույթից չի հեռացրել, քանի որ նախորդ նիստում պաշտպանից հրաժարվելու՝ Գերավետյանի հայտարարությունը դատարանը չէր քննարկել: «Ես նորից եմ ասում, նրանց վարույթից հեռացնելու հարցը չենք քննարկել: Իսկ հանրային պաշտպանների հարցը նախորդ դատական նիստերին քննարկվել, վերջացել ա»,- ասաց Օհանյանը

Տիգրան Մանուկյանը էլ, դիմելով դատավորին, հետաքրքրվեց, թե ինչո՞ւ են հանրային պաշտպանները դատարանի դահլիճում, իմաստը ո՞րն է, դատավորը արձագանքեց. «Էդ դուք չեք որոշում...»: «Մարդկանց պատանդ եք վերցրել, հասկանո՞ւմ եք»,- պատասխանեց Տիգրան Մանուկյանը: Սրան ի պատասխան էլ դատավորն ասաց. «Ձեզ մի դրեք շատ կարդացած մարդու տեղ»: Նրա այս հայտարարությունը լարվածություն առաջացրեց դահլիճում: «Դուք եք փորձում կիրթ երեւալ»,- դիմելով Օհանյանին՝ նշեց Մանուկյանը:

Պաշտպան Լիպարիտ Սիմոնյանն էլ, էթիկայից ելնելով, առաջարկեց հանրային պաշտպանների իր գործըկներին գնալ եւ զբաղվել իրենց գործերով, իզուր ժամանակ չծախսել, իրենք այլ դատական նիստեր ունեն:

Պաշտպան Մուշեղ Շուշանյանն էլ հայտարարեց, որ հանրային պաշտպանների ներգրավումը կատարվել է օրենքի եւ իրենց պաշտպանյալների իրավունքների կոպիտ խախտումներով: «Եթե կարծում եք, որ նրանք պետք է մնան որպես, ձեր խոսքերով ասած՝ զուգահեռ պաշտպաններ, ապա դա ապօրինի որոշում է, նման որոշում կայացնելու անհրաժեշտություն չկար էլ: Ես գտնում եմ, որ հանրային պաշտպանները հենց այս պահին ուղղակի պարտավոր են վեր կենալ եւ դուրս գալ դատական նիստերի դահլիճից, որովհետեւ իրենք պաշտպան համարվել որեւէ դեպքում չեն կարող: Պաշտպան համարվելու համար պետք է լիներ մեր պաշտպանյալների համաձայնությունը»,- ասաց Շուշանյանը: «Սասնա ծռեր» խմբի անդամ Արամ Մանուկյանը դատավորից հետաքրքրվեց, թե երբ կարող է հրաժարվել հանրային պաշտպանի ծառայությունից, դատավորն էլ ասաց, թե դատարանը էստեղ հարցերին չի պատասխանում, իսկ երբ նրան դիմեց «ամբաստանյալով», Արամ Մանուկյանը զայրացավ. «Եթե դուք ինձ ասում եք ամբաստանյալ, ես էլ Ձեզ ասում եմ դատական կատարածու»:

Չնայած պաշտպանների եւ ամբաստանյալների պահանջին՝ դատավոր Արթուր Օհանյանը անդրդվելի մնաց եւ հանրային պաշտպաններին չհեռացրեց գործի վարույթից՝ հայտարարելով, թե արդեն իսկ որոշում կայացրել է: Նշենք, որ հանրային պաշտպաններից միայն Արմինե Ֆանյանն է, որ քիչ թե շատ ծանոթ է քրեական գործի նյութերին (նախաքննության ընթացքում), մյուս հանրային պաշտպանները թեեւ գործի նյութերին ծանոթ չէին, սակայն շարունակեցին «պաշտպանություն» իրականացնել: Հանրային պաշտպանների համար պետությունը գումար է հատկացնում: Թե ինչու է դատավոր Արթուր Օհանյանը որոշել վատնել պետության փողերը, հայտնի չէ:

Այսօրվա նիստում մեղադրող դատախազները շարունակեցին հրապարակել գործում եղած ապացույցները:

Տպել
1197 դիտում

ԱՄՆ Կոնգրեսի միջանկյալ ընտրություններ․ սկսվում է Սպիտակ տան համար պայքարը

ՊՆ բեռնատարի վթարով պայմանավորված աշխատանքից ազատվել են մի քանի հրամանատարներ

ԲՀԿ-ում 5 տոկոսի հույս չունե՞ն. ինչու գործող պատգամավորները չեն առաջադրվում

Կալիֆորնիայի աղետալի հրդեհի զոհերի թիվը հասել է 80-ի, 1200 մարդ անհետ կորած է համարվում

Հայաստանում բոլոր ավտոճանապարհները բաց են, Լարսը դեռ փակ է 445 բեռնատարների համար

Ծաղիկներ, քաղցրավենիք՝ հենց փողոցում. Շվեյցարիայի փոստային ծառայության անակնկալը՝ բնակիչներին (տեսանյութ)

8 ժամ ջուր չի լինելու Շիրակի մարզի մի մասում

Աշտարակի ոստիկանները հայտնաբերել են Կարբիի ձորում արջին թակարդը գցած անձին

Արմեն Սարգսյանը շնորհավորական ուղերձ է հղել Լատվիայի նախագահ Ռայմոնդս Վեյոնիսին

ՀՀ նախագահը շնորհավորական ուղերձ է հղել Օմանի Սուլթանության Սուլթանին, շնորհավորել ազգային տոնը

Ադրբեջանը բողոք կհայտնի ԱՄՆ-ին՝ Բակո Սահակյանին մուտքի արտոնագիր տրամադրելու համար

Տավուշում մեքենա է այրվել, պատճառը վերասարքավորումն է եղել՝ ղեկը փոխելը. «Ղեկը աջ» նախաձեռնություն

Իլ դը Ֆրանսի պատվիրակությունը հարգանքի տուրք է մատուցել Ցեղասպանության զոհերի հիշատակին

ՀՀ ոստիկանության պատվիրակությունը Դուբայում մասնակցում է Ինտերպոլի 87-րդ Գլխավոր Ասամբլեային

Վերին Լարս տանող ճանապարհահատվածը բացվել է մարդատար ավտոմեքենաների համար. դեսպանություն

Առաջիկա օրերին տեղումներ չեն սպասվում, օդի ջերմաստիճանն էապես չի փոխվի

Ես աշխատող, գործ անող պատգամավոր եմ. Նաիրա Զոհրաբյանը Սյունիքում է, շրջում է գյուղերում (տեսանյութ)

ՀՀ նախագահը իտալական ռազմաարդյունաբերական ընկերության ղեկավարի հետ քննարկել է համագործակցության հնարավորությունը

Հրդեհ բնակարանում, կա տուժած. հայտարարվել է բարդության ԲԻՍ-1 աստիճան

Հանդիպել են Հայաստանի և Իտալիայի նախագահները