Ինչպես կազդեն Հայաստանի վրա ԱՄՆ քայլերն ընդդեմ Ռուսաստանի. խմբագրական

ԱՄՆ ֆինանսների նախարարությունը հրապարակել է այսպես կոչված «Կրեմլյան զեկույցը», որում ներառված է Ռուսաստանի նախագահ Վլադիմիր Պուտինի հետ կապ ունեցող պետական պաշտոնյաների ու օլիգարխների ցանկը: Փաստաթղթում ներառված է 210 անուն, որոնցից 114-ը բարձրաստիճան պաշտոնյա ու պետական ընկերության ղեկավարներ են եւ 96 օլիգարխ, հայտնում է «Բի-բի-սի»-ն: Զեկույցում նշվում է, որ ցանկում ներառվել են 1 միլիարդ դոլարից ավելի կարողություն ունեցող գործարարները: Այս զեկույցում ներառված անձանց նկատմամբ ուղղակի պատժամիջոցներ չեն կիրառվում, գոնե առայժմ: Ինչպես հայտնում է  Bloomberg-ը, չնայած ցանկում հայտնված անձինք չեն հայտնվում պատժիչ միջոցների տակ, ինչպիսին է հաշիվների սառեցումը կամ վիզաների արգելքը, նրանց ներառումը կարող է հետ կանգնեցնել ԱՄՆ-ում եւ Եվրոպայում գտնվող բանկերին եւ այլ կառույցներին նրանց հետ բիզնես վարելուց:

Առաջին հայացքից սա այնքան էլ չի առնչվում Հայաստանի հետ: Սակայն այդ ցանկում հայտնվել է, մասնավորապես, ռուսաստանաբնակ հայ գործարար Սամվել Կարապետյանը, որը ներկայումս լայնորեն ներգրավվել է Հայաստանի տնտեսության մեջ: Նա մտադիր է իր «Տաշիր» խմբին պատկանող  «Հայաստանի էլեկտրական ցանցեր» ընկերությունում շուրջ մեկ միլիարդ դոլարի ներդրումներ անել: Այդ գումարը նա պատրաստվում է ստանալ Վերակառուցման եւ զարգացման եվրոպական բանկից եւ Ասիական զարգացման բանկից: Եթե իրականանան այդ սպասումները, ապա նշված բանկերը կարող են խնդիրներ ունենալ Սամվել Կարապետյանի ընկերությանը վարկ տրամադրելու պատճառով: Այլ կերպ ասած, այդ վարկերը կարող են չտրամադրվել:

Ցանկում հայտնվել է նաեւ ռուսաստանցի հայտնի գործարար Օլեգ Դերիպասկան: Վերջինս նույնպես սերտորեն առնչվում է մեր տնտեսությանը: Նրան է պատկանում ռուսական «Ռուսալ» ընկերությունը, որի կազմում է նաեւ Երեւանի ալյումինի գործարանը՝ «Ռուսալ Արմենալը»: Այս ընկերությունը ներկայումս հաջողությամբ գործում է, արտադրում է Եվրոպայում մրցունակ արտադրանք, եւ «Կրեմլյան զեկույցը»  կարող է խնդիրներ առաջացնել նաեւ մեր «Ռուսալ Արմենալի» համար:

Առայժմ սրանք միայն կանխատեսումներ են: Թե ինչ կլինի իրականում, դժվար է ասել: Անցած տարվա մարտին ԱՄՆ պատժամիջոցների տակ հայտնվեց մասնավորապես «Ռոսօբորոնէքսպորտ» ռուսական ընկերությունը, որը Հայաստանին, ինչպես նաեւ Ադրբեջանին ռուսական սպառազինություններ մատակարարող միակ ընկերությունն է: Սակայն պատժամիջոցների պայմաններում այդ ընկերությունը շարունակել է մատակարարումները, եւ հրապարակային որեւէ տեղեկատվություն այն մասին, որ այդ ընկերության հետ համագործակցող որեւէ ընկերություն կամ պետական գերատեսչություն խնդիրներ է ունեցել ԱՄՆ-ի իշխանությունների հետ, չկա:

Ինչեւէ, ոչ ԱՄՆ-ում, ոչ էլ Ռուսաստանում դեռ որեւէ հստակ գնահատական չկա, թե ինչ հետեւանքներ կունենան ՌԴ-ի դեմ ԱՄՆ-ի կիրառած նոր քայլերը: Ու թե ինչպես մենք մեր «մաշկի վրա» կզգանք դրանց հետեւանքները, դեռ հայտնի չէ:

Տպել
3286 դիտում

«Էլեկտրիկ Երեւան»-ից հայտնի ակտիվիստը դրվագ է պատմել ոստիկանությունում իր եւ Հունան Պողոսյանի հանդիպումից

Վարչական համաներում է կիրառվել 108 հազար 916 քաղաքացու նկատմամբ. Արտակ Զեյնալյան

Մարտական հրաձգությամբ գնդային մարտավարական զորավարժություն`ՊԲ հյուսիսային ուղղության զորամասերի մասնակցությամբ

Նախկին պատգամավոր Հովհաննես Մարգարյանը նոր կուսակցություն է բացել եւ վստահում է Նիկոլ Փաշինյանին

Վենետիկի հանձնաժողովը հայտարարություն է ընդունել ՀՀ Ընտրական օրենսգրքի նախագծի վերաբերյալ

Նախագահն այցելել է Հայաստանում Գերմանիայի դեսպանություն

Հայտնի «դըմփ-դըմփ հու՛»-ն՝ Հունան Պողոսյանի մասնակցությամբ (տեսանյութ)

Հնգյակով ցուցակը զարմացրել է ՀՀԿ-ին. կուսակցությունում մասնակցության վերջնական որոշում չկա

Հիվանդին ԲԿ-ում փոխներարկվել է «Հեպտատիտ Ց» վարակ պարունակող անհամատեղելի արյուն, որի հետևանքով հիվանդը մահացել է

Վահե Գրիգորյանի ընտրության հարցը կքննարկվի հոկտեմբերի 23-ին

Հայ զինծառայողները մասնակցել են միջազգային հեղինակավոր վարժանք-մրցույթին

«Երկիր Ծիրանի»-ին դատապարտում է Հունան Պողոսյանին մարզպետ նշանակելու կառավարության որոշումը

Սերժ Սարգսյանի ընկերոջ որդու նախաձեռնությամբ պատգամավորները դիմել են Սահմանադրական դատարան

Խոշտանգում կատարելու կասկածանքով ձերբակալվել են ոստիկանության Սևանի բաժնի պաշտոնատար անձինք

Կապանի մարզադաշտը կվերանորոգվի ՀՖՖ հաշվին. Նիկոլ Փաշինյան

Երգիչ Սեբուի հոր մեքենան կանգնեցրած եւ կաշառք պահանջած տեսուչները գրավի դիմաց ազատ են արձակվել

Անչափահասի կոկորդից արմունկով սեղմած պահել են, պառկած հասցրել բաժին, ապա բազմաթիվ հարվածներ հասցրել. փաստաբան

Ինձ համար կարեւորագույն խնդիր է՝ ջարդել նարկոտրաֆիկի ողնաշարը, մեծ խմբաքանակներ են անցնում Սյունիքով. Փաշինյան

ՀՀ Թաեքվոնդոյի ֆեդերացիայում աղմուկը չի հանդարտվում

Սեւակ Միքայելյանի քարոզարշավին աշակերտների մասնակցության մասին ձայնագրությունն ուղարկվել է Կոտայքի դատախազություն