Ինչու են կառավարության նիստերը դռնփակ անցկացվելու. Սերժ Սարգսյանը կաշկանդվո՞ւմ է

Կառավարության կառուցվածքի եւ գործունեության մասին եւ Պետական պաշտոններ զբաղեցրած անձանց սոցիալական երաշխիքների մասին օրենքների նախագծերը կառավարության այսօրվա նիստում հավանության արժանացան եւ կուղարկվեն ԱԺ: Նախագծերը կառավարության նիստում ներկայացրեց արդարադատության նախարար Դավիթ Հարությունյանը, իսկ կառավարության նիստից հետո նա լրագրողներին մանրամասներ հայտնեց նախագծերի ընդունման անհրաժեշտության վերաբերյալ:

Առաջարկվում է վարչապետի նստավայրը դարձնել նախագահի ներկայիս նստավայրը՝ Բաղրամյաան 26-ը, իսկ նախագահի նստավայր դարձնել կառավարության ընդունելության տունը, որը գտնվում է Մաշտոցի պողոտայում: Կառավարության կառուցվածքի եւ գործունեության մասին օրենքով էլ սահմանվում է, որ կառավարության նիստերը պետք է դռնփակ անցկացվեն:

«Հայկական ժամանակ»-ը նախարարից հետաքրքրվեց՝ արդյո՞ք նախագահական նստավայրի փոփոխումը չի կանխորոշում այն սցենարը, որ Սերժ Սարգսյանն է լինելու վարչապետը եւ որ Սահմանադրությունն ու օրենքները փոխվեցին, որպեսզի նրա կառավարումը երկարացվի: «Ենթադրեն, դուք եք ընտրվել վարչապետ եւ ենթադրենք՝ Սերժ Սարգսյանը չի ընտրվել վարչապետ եւ որոշում է չշարունակել իր պաշտոնավարումը: Այնուամենայնիվ, Բաղրամյան 26-ը շենք է, որը հատուկ հարմարեցված է եւ ծառայում է մի շարք նպատակների, որոնք բնորոշ են գործադիր իշխանության ղեկավարին: Դա է պատճառը, որ Բաղրամյան 26-ը, կապ չունի, որ թեկնածուն Սերժ Սարգսյանն է կամ որեւէ այլ անձ, նախատեսվում է որպես վարչապետի նստավայր եւ դա ամենեւին չի կանխորոշում»,- պատասխանեց Դավիթ Հարությունյանը:

Մեր մյուս հարցին՝ ինչո՞ւ որոշվեց կառավարության նիստերը դռնփակ անցկացնել, նախարարը պատասխանեց, որ կառավարության նիստերի բաց լինելու տեսանկյունից Հայաստանը բացառիկ երկիր է: Դավիթ Հարությունյանի խոսքով, դռնփակ նիստերը հնարավորություն են տալիս ավելի անկեղծ, ավելի քննադատական հայացք ուղղել կառավարության մյուս անդամների առաջարկություններին: «Պետք է որպես փաստ արձանագրեմ մի բան: Նախ, մենք բացառություն ենք, որ կառավարության նիստերը դռնբաց են, մենք բացառություն ենք, որ կառավարության նիստերին մասնակցում են այդքան շատ այլ անձինք, որոնք կառավարության անդամ չեն հանդիսանում եւ, բնականաբար այդ երկուսը բերել է, իմ կարծիքով, բացասական հետեւանքների»,- ասաց Դավիթ Հարությունյանը՝ նշելով, որ իրական քննարկումը կառավարության նիստի փոխարեն տեղափոխվում է մինչեւ նիստը կամ նիստից հետո, որը նորմալ երեւույթ չէ:

Արդարադատության նախարարի հավաստմամբ՝ ուսումնասիրվել է այլ երկրների փորձը եւ պրակտիկայում գոյություն չունի այնպիսի երկիր, որտեղ կառավարության նիստերն ամբողջությամբ հեռարձակվում են: «Սակայն դա չի նշանակում, որ կառավարության գործունեությունը չպետք է լինի թափանցիկ եւ դա է պատճառը, որ օրենքում ամրագրված է որպես վարչապետի պարտականություն՝ ապահովել կառավարության գործունեության թափանցիկությունը, հասանելիությունը հանրությանը»,- հավելեց նախարարը:

Հարցին՝ լրագրողնե՞րն էին խանգարում, որ կառավարության անդամներն ավելի անկեղծ եւ անկաշկանդ քննարկում ծավալեին, Դավիթ Հարությունյանը պատասխանեց. «Ոչ միայն լրագրողները, այլ ցանկացած կառավարության ոչ անդամի մասնակցությունը սահմանափակում է ցանկացած քննարկում: Դա փաստ է: Եթե դուք ձեր ընտանիքում ձեր տիկնոջ հետ վիճեք, դա մի բան է, իսկ եթե ներկա գտնվի երրորդ անձը, անմիջապես ձեր վեճը կստանա այլ երանգ: Դուք ստիպված հաշվի կառնեք երրորդ անձի ներկայությունը, ձեր բանավեճը, ձեր փաստարկները ներկայացնելուց հաշվի կառնեք այլ անձնաց ներկայությունը: Կառավարությունն իրականում պետք է գործի անկաշկանդ, հակառակ դեպքում՝ մենք կունենանք այլ երեւույթ: Ինչպես նշեցի' իրական բուռն քննարումները տեղի են ունենում կառավարության նիստից դուրս»:

Տպել
1618 դիտում

Հրաժարական է տվել Իսրայելում ադրբեջանցիների հիմնական լոբբիստը․ պատմական պահ է ՀՀ-ի համար

Հասկանալի պատճառներով դադար եմ վերցրել աշխատանքից․ Վահագն Թեւոսյանը մտնում է ընտրապայքար

Հայտնի է նորաստեղծ «Մենք» դաշինքի ցուցակի առաջին տասնյակը. ցուցակը կգլխավորի Արամ Սարգսյանը

Մանե Թանդիլյանը հայտարարել է իր լիազորությունները վայր դնելու մասին

Հայտնի է նորաստեղծ «Հայաստանի քրիստոնեա-ժողովրդավարական» կուսակցության նախընտրական ցուցակի առաջին եռյակը

Ավագ Գաբրիելյանը նշանակվել է Երեւանի առաջին ատյանի ընդհանուր իրավասության դատարանի դատավոր

Ինչպե՞ս է ազդում տեխնոլոգիական առաջընթացը կրթության մեթոդների վրա․ սեմինար Երեւանում

Սպառնացել եւ գումար է հափշտակել․ բացահայտվել է դեղատան աշխատակցի նկատմամբ կատարված ավազակային հարձակումը

Յուրաքանչյուր զոհ կաթոլիկ երեխա էր․ ԱՄՆ-ում քննարկում են կաթոլիկ եկեղեցիներում սեռական ոտնձգությունների խնդիրը

Արմեն Աշոտյանի կոշտ արձագանքը՝ Արայիկ Հարությունյանի կոշտ գնահատականներին

ՀՀԿ-ի վիճակագրական մանիպուլյացիաները․ նախկին իշխանությունը շարունակում է «շտկել» իրականությունը

28-ամյա երիտասարդի Էլեկտրահարումը ՋՕ-ն եւ ՀԷՑ-ը իրար վրա են բարդում. քրեական գործ է հարուցվել

Լուրեր կան, որ N46 երթուղայինները շուտով չեն գործի. քաղաքապետարանում տեղեկություն չունեն

ՀՔԾ նախկին պետ Վահրամ Շահինյանը մոտ 6 ամսում 22 մլն դրամի չափով եկամուտ է ունեցել

Գեւորգ Աճեմյանը դուրս է գալիս «Քաղաքացիական պայմանագիր» կուսակցությունից

Արսեն Ջուլֆալակյանն ու Առաքել Միրզոյանը կմասնակցեն ԱԺ արտահերթ ընտրություններին

Շուրջ 10 մլն դրամի վնաս․ Մխչյանում ոռոգման ջրի խողովարկների ապօրինի միացումների դեպքով քրգործ է հարուցվել

Արցախի եւ Հայաստանի միջեւ առաջիկայում կկնքվի ռազմաքաղաքական դաշինք․ Բալասանյան

Վահան Բաբայանը ՀՀԿ ցուցակով առաջադրվելու է թիվ 3 ընտրատարածքում

Հայտնի է «Իմ քայլը» դաշինքի պատգամավորության թեկնածուների ամբողջական ցուցակը. 183 թեկնածուների անունները