Գնա քոթուկ քաշի, ոտդ դիր վրեն. հաշմանդամություն ունեցող քաղաքացիների բողոքի ցույցը

Հաշմանդամություն ունեցող բազմաթիվ քաղաքացիներ, ինչպես եւ խոստացել էին, այսօր հավաքվել էին ՀՀ կառավարության շենքի մետ՝ բողոքի ձայն բարձրացնելու իրենց սպասարկող պրոթեզարանի փոփոխության վերաբերյալ:

Նրանք ասում էին, որ տարիներ շարունակ ստացել են վերջույթների որակյալ պրոթեզներ, ինչի շնորհիվ կարողացել են մեծ ծանրություն բարձրացնել, պրոթեզն առանց հանելու եւ հանգստանալու կրել երկար ժամանակ, ու հիմա չեն ուզում զրկվել այդ հնարավորությունից:

Նախկինում նրանց սպասարկել է «Ինտերօրթո» պրոթեզավորման գերմանական կենտրոնը, այժմ դեպքերի զարգացումը ցույց է տալիս, որ տվյալ գործառույթը փոխանցվում է «Պրոթեզաօրթոպեդիկ» ՍՊԸ-ին:

Կառավարության մոտ հավաքված քաղաքացիները, որոնց մեծ մասը հաշմանդամություն է ստացել Արցախյան պատերազմի հետեւանքով, իրենց անհաստատ ոտքերի վրա ժամեր շարունակ ստիպված եղան կանգնել: Թե ֆիզիկապես եւ թե հոգեպես խոցելի այս խավի ներկայացուցիչներին պաշտոնյաներից ոչ ոք մեկ ժամից ավելի չմոտեցավ:

Հետո, սակայն նրանց հետ հանդիպեցին ՀՀ կառավարության քաղաքացիների ընդունելության եւ դիմումների քննարկման վարչության պետ Ալեքսանդր Ղազարյանը, ՀՀ աշխատանքի եւ սոցիալական հարցերի նախարարության հաշմանդամների եւ տարեցների հիմնահարցերի վարչության պետ Արթուր Կեսոյանը: Ղազարյանը ցանկացավ իր աշխատասենյակում հանդիպումն անցկացնել առանց լրագրողների ներկայության, Կեսոյանը որոշ պարզաբանումներ ներկայացնելով բակում հավաքվածներին, միացավ Ղազարյանի աշխատասենյակում սկսված քննարկմանը:

Բողոքի ցույց անող քաղաքացիներին պատասխանում էին, որ ծառայությունները գրեթե հավասարաչափ բաշխվել են վերոնշյալ երկու կազմակերպությունների միջեւ, բայց նաեւ մրցույթի վերջնական արդյունքներն առայժմ հայտնի չեն: Մրցույթին մասնակցած կազմակերպությունները դեռ պետք է միջազգային չափանիշներին համապատասխանության փաստաթուղթ ներկայացնեն, նաեւ հիմնավորեն, որ ունեն բարձրակարգ պրոթեզիստներ: Հաշմանդամություն ունեցող քաղաքացիների համար անընդունելի «Պրոթեզաօրթոպեդիկ» ՍՊԸ-ն դրանք դեռ չի ներկայացրել: Մրցույթի վերջնական արդյունքները պարզ կլինի փետրվարի առաջին տասնօրյակում:

Հավաքվածները խիստ թերահավատ էին, թե իշխանությունը հնարավոր է իրենց շահերից բխող որեւէ քայլ է ձեռնարկել:

- Իրենց խնդիրն է 10 հազար դրամի սերտիֆիկատ տան, ու եթե ուզում ես գերմանական պրոթեզ ունենալ, ինչ աշխատել ես, դնես վրան, որ ունենաս:

- Բայց կարո՞ւմ եմ աշխատեմ:

- Չես կարում, գնա քոթուկ քաշի, ոտդ դիր վրեն: Էդ ա իրանց խնդիրը: Դրանք մարդկանց լավություն կանե՞ն:

Այսպիսի զրույց էին ունենում հաշմանդամություն ունեցող տղամարդկանցիցի երկուսը:

Առայժմ նրանք հեռացան՝ իրենց պահանջը չկատարելու դեպքում էլ ավելի համառորեն պայքարելու վճռականությամբ:

Տպել
1109 դիտում

Մահացել է Սարդ-մարդու, Երկաթե մարդու, Հալքի, Ֆանտաստիկ քառյակի, Իքս մարդկանց «հայրը»

Նիկոլ Փաշինյան, Լենա Նազարյան, Արարատ Միրզոյան. հայտնի է «Իմ քայլը» դաշինքի առաջին տասնյակը

ԿԸՀ-ի որոշմամբ, ավագանու անդամ Արամ Մանուկյանի լիազորությունները դադարեցված են, նրան կփոխարինի Միքայել Թումանյանը

Դաշնակցության անունից առաջադրվելու եմ պատգամավորի թեկնածու, պատվի հարց է. Գեղամ Մանուկյան

Պաշտպանն ուշադրության կենտրոնում է պահում խաղաղ հավաքների ժամանակ մարդկանց իրավունքների երաշխավորման հարցը

Կոռուպցիայի դեմ պայքարն ու բարեփոխումներն առաջնահերթություն են. Փաշինյանը՝ ԵՄ դեսպաններին

Դիլիջանի ոլորաններում, Սյունիքի մարզի Գորիս և Քաջարան քաղաքներում մառախուղ է

Արագ հավաքովի, սենդվիչային տարբերակով թաղամաս. Ա. Մեսչյանն առաջարկում է համալրել բնակֆոնդը

«Ղեկը աջ» նախաձեռնությունը վաղը Կառավարության մոտ մեծ բողոքի ակցիա կիրականացնի

Կան պաշտոնյաներ, որոնք ստանում են 1 մլն դրամից ավելի թոշակ. Թանդիլյանն առաջարկում է չափ սահմանել

20-ամյա կնոջը դաժան ծեծի ենթարկած 30-ամյա տղամարդը նախկինում երեք անգամ դատապարտված է եղել

Արցախի ԱԳՆ ղեկավարն ընդունել է ԵԱՀԿ գործող նախագահի անձնական ներկայացուցչին

ՊԲ հրամանատարն ու Անջեյ Կասպրշիկը քննարկել են շփման գոտում տիրող իրավիճակը

Մինչեւ վերասարքավորում կատարելը իրենք չեն կարող այդ մեքենան շահագործել. Արմեն Փամբուխչյան

1988 թ. երկրաշարժի զոհերի հարգանքի տուրքի բոլոր միջոցառումները կկազմակերպվեն բարձր մակարդակով. Ցոլակյան

Ոստիկանին փորձում են անհիմն ազատել աշխատանքից. նա դիմում է ՀՀ ոստիկանապետին

Վերաքննիչը բեկանեց Շահեն Հարությունյանին տուգանելու մասին Վարչական դատարանի որոշումը

Իմ երեխան, իմանալով, որ մեքենան անսարք է, ասել է՝ ես չեմ վարի. զինծառայողի ծնողները մանրամասներ են պատմում

Ախալցխայում հայկական դպրոցի աղջիկներին մի քանի օր հետևել է Պակիստանի քաղաքացի. նրան ձերբակալել են

Քառօրյա պատերազմի ժամանակ մարտական հերթապահություն իրականացրած ՀՊՏՀ ուսանողների բաց նամակը վարչապետին, ԿԳ նախարարին