Արա Աբրահամյանը հարստանում է Ռուսաստանի հայերի ունեցվածքը յուրացնելով. հայտարարություն

Ռուբեն Գրիգորյանը Մոսկվայի առաջին կոոպերատորներից է։ 90-ականների սկզբին նրան էին պատկանում մի շարք կրպակներ Ռուսաստանի մայրաքաղաքի Պրոսպեկտ Միրա շրջանում, եւ նա որոշեց կառուցել այն ժամանակների համար ոչ սովորական, բնակելի եւ առեւտրային մասերից բաղկացած բազմաֆունկցիոնալ շենք։ Այս մասին ասված է «Հայկական ժամանակի» էլեկտրոնային հասցեին «2Ն Քոմփընի» ընկերության ուղարկած պաշտոնական հայտարարությունում:

Շինարարությունը սկսվեց 1995 թվականին, ինչի համար բանկից վարկ վերցվեց։ Ստորգետնյա մասի շինարարության ավարտից հետո պարզվեց, որ գումարային միջոցները բավական չեն, եւ ներդրողների հետ բանակցություններ սկսվեցին։ Այս ընթացքում հայտնվեց Արա Աբրահամյանը։ Ունենալով կապեր ՌԴ Նախագահի աշխատակազմի եւ դաշնային չինովնիկների հետ, նա առաջարկեց իր ծառայությունները՝ դեռեւս շինարարության ընթացքում բնակելի հատվածի մի մասը ՌԴ նախագահի աշխատակազմին վաճառելու տեսքով, ինչն ինքնին օրինական էր։ Դրա դիմաց Աբրահամյանը պայման դրեց, որ շենքի ղեկավարման եկամուտների 50%-ը պատկանի իրեն։ Հարկ է նշել, որ որեւէ անձնական միջոց կամ ջանք շինարարության գործում Աբրահամյանը չի ներդրել։

1998 թվականին շենքի շինարարության ավարտին սեփականատեր դարձավ «2Ն Քոմփընի» ՓԲԸ-ն, որում Արա Աբրահամյանին էր պատկանում բաժնեմասերի 50%-ը։ Ընդ որում, իր ներկայությունը թաքցնելու համար Աբրահամյանը բաժնետեր նշանակեց իր տիկնոջը՝ Նատալյա Աբրահամյանին (այժմ՝ ԱՄՆ քաղաքացի)։  Բիզնեսի վարման բոլոր հարցերը դրված էին Ռուբեն Գրիգորյանի վրա, ով իր վրա էր վերցրել օբյեկտի շինարարության եւ կոմերցիոն ռեալիզացման ողջ բեռը։

Որպես շենքի կառավարման մոդել ընտրվել էր «վստահված կառավարումը»՝ ՌԴ Քաղաքացիական օրենսգրքով սահմանված կարգով, որի համաձայն սեփականատերը կաշկանդված չէ տնտեսական գործունեությամբ՝ ունենալով ակտիվները կառավարելու լայն ազատություններ։ Կառավարող ընկերության կառավարիչ նշանակվեց Ալեքսեյ Գորինովը, ով Ռուբեն Գրիգորյանի հետ անցել էր շենքի կառուցման երկար ուղին։

Այս տարիների ընթացքում բաժնետեր Նատալյա Աբրահամյանը որեւէ անգամ չի մասնակցել բաժնետերերի ժողովներին, կապի դուրս չի եկել, ո՛չ մյուս բաժնետերի, ո՛չ կառավարչի, ո՛չ հաշվապահության հետ։ Այսինքն, բաժնետիրական ընկերության նկատմամբ որեւէ հետաքրքրություն չի ցուցաբերել։ Նրա փոխարեն ամեն անգամ բաժնետերերի ժողովին էր ներկայանում Արա Աբրահամյանի զարմիկը՝ լիազորագրով։

2016 թվականին Արա Աբրահամյանը հարձակման է անցնում մյուս բաժնետերի եւ շենքի ընտրված կառավարման ձեւի նկատմամբ։ 2016 թվականի աշնանը կառավարող ընկերության կառավարիչ Գորինովին է զանգահարում Կարաֆելով ազգանունով ոմն փաստաբան եւ նսեմացնող տոնով սկսում է մեղադրել բաժնետերերի շահերի դեմ ուղղված ինչ-որ գործողությունների մեջ՝ առաջարկելով ինքնակամ լքել պաշտոնը։ Կարաֆելովը հայտարարել էր նաեւ, որ միեւնույն է, նա կհասնի իր ուզածին ցանկացած գնով։

ԱՄՆ քաղաքացուհի Նատալյա Աբրահամյանի կողմից լիազորագիր ստանալով, Կարաֆելովը բաժնետերերի հերթական ժողովին հայտարարեց երկրորդ բաժնետերի՝ շենքն ինքնուրույն տնօրինելու մտադրության մասին։ Միաժամանակ Մոսկվայի արբիտրաժային դատարան հայց ներկայացվեց վստահված կառավարումը դադարեցնելու վերաբերյալ։

Դատի արդյունքներով չստանալով սպասված արդյունքը, Կարիֆելովը բաժնետեր Նատալյա Աբրահամյանի անունից 2016թ. փետրվարին դիմեց ՌԴ Մոսկվայի կենտրոնի ոստիկանություն՝ մեղադրելով բաժնետեր Գրիգորյանին եւ կառավարիչ Գորինովին «2Ն Քոմփընի» ընկերության եւ դրա երկրորդ բաժնետերի շահերին վնասող գործողությունների մեջ։

Դիմումում շարադրվածի ստուգումից հետո Կարիֆելովը ստացավ քրեական գործ հարուցելու մերժում, սակայն որոշ ժամանակ անց ՌԴ դատախազությունը հրահանգեց ոստիկանությանը հարուցել քրեական գործ։

Դրա հետ մեկտեղ հապշտապ փոխվում է Աբրահամյանին պատկանող բաժնեմասի տերը՝ Նատալյա Աբրահամյանից դրանք փոխանցվում են Աբրահամյանի զարմիկին՝ Վարդան Խաչատրյանին։ Բաժնեմասերը չվաճառելու նպատակով, դրանք փոխանցեցին անհատույց նվիրաբերությունների շղթայով մտերիմ բարեկամների միջեւ հետեւյալ ուղիով՝ Ն. Աբրահամյան-Ա. Աբրահամյան (ամուսին)-Ա. Աբրահամյան (քույր)-Վ. Խաչատրյան (քրոջ որդի)։ Այս սխեման իրականացվել է հաշված օրերի ընթացքում՝ առանց երկրորդ բաժնետիրոջը կամ կառավարող ընկերությանը տեղյակ պահելու։

Եվ հիմա, իր զարմիկի թիկունքում թաքնվող Արա Աբրահամյանը, արդեն բացված քրեական գործով կրկին գնում է արբիտրաժային դատարան՝ փորձելով չեղարկել կառավարման պայմանագիրը։ Ֆորմալ իմաստով բացված քրեական գործն էլ հնարավորություն է տալիս կատարելու օպերատիվ գործողություններ՝ ընդհուպ մինչեւ տնտեսական գործունեության կատարյալ կաթվածահարում։

Ներկայացնում ենք «2Ն Քոմփընի» ընկերության պաշտոնական ներկայացուցիչ Յուրի Սեմյոնովի պարզաբանումը.

Տպել
2662 դիտում

Շոկային սկիզբը, Յուրայի պոկերը ու ՀՀ ֆուտբոլի հավաքականի ջախջախիչ հաղթանակը

Ծեծկռտուք Արտաշատի զինկոմիսարիատում. ըստ քաղաքացու ահազանգի՝ կապիտանը կոտրել է իր քիթը

Պարզաբանումներ եմ պահանջելու Բելառուսի ու Ղազախստանի նախագահներից. Փաշինյանը՝ ՀԱՊԿ նիստի զարգացումների մասին

Ոստիկանությունը օպերատիվ տվյալներ է ստացել, որ Երեւանում հիպնոսի միջոցով փող են կորզում

Ջիբրալթար-Հայաստան ֆուտբոլային հանդիպման մեկնարկային կազմերը

Երկու օր առաջ Հայաստանում էր, հիմա՝ չգիտեմ. Շարմազանովը՝ Տարոն Մարգարյանի գտնվելու վայրի մասին

Աշխարհը չէի փոխի քո հետ. Սիրուշոն շնորհավորել է Լեւոն Քոչարյանի ծնունդը

Իրական ընդդիմություն կձեւավորվի ընտրություններից հետո

Արսեն Ջուլֆալակյանն ու լրագրողը պարզաբանել են թյուրիմացությունը

Նոր մանրամասներ հոկտեմբերի 27-ին նռնակով կառավարության շենք ներխուժման դեպքից. պարզվել է՝ ով է նա

Արցախի պետնախարար Մարտիրոսյանն ընդունել է Արցախի պետական համալսարանի ուսանողների

Այդ տարածքը իմն է, իմ սեփականությունն է. Լոռու մարզպետը՝ սեփական ատամնաբուժարան կառուցելու մասին

Մարկոս Պիզելին՝ Ղազախստանի առաջնության լավագույն ֆուտնոլիստ

Քաղաքապետն ընդունել է ՀՀ-ում ԵՄ դեսպան Պյոտր Սվիտալսկիին

Վաչագան Ղազարյանը ցուցմունք է տվել. քննարկվում է կրկին գրավի միջնորդությամբ հանդես գալու տարբերակը

Ավան վարչական շրջանի ղեկավարը հրաժարական է տվել

23-ամյա Վահագնի շնորհիվ մարդկանց կյանքեր կփրկվեն. արյան տարբեր խումբ ունեցողներ շարունակում են արյուն հանձնել

Վարչապետ Նիկոլ Փաշինյանի միջնորդությամբ Սիմոն Մարտիրոսյանն ու Գոռ Մինասյանը կպարգեւատրվեն

Հույս ունեմ կկարողանանք Աբաջյանի հերոսությանն արժանի ապրել՝ անկախ նրանից` ինչով ենք զբաղվում. Փաշինյան

Հայ մարզիչը ղազախական ակումբի մանկապատանեկան ֆուտբոլը ղեկավարելու ու Հենոյի գեղեցիկ քայլի մասին