Նախկին ֆուտբոլիստը՝ «Դեպի Եվրատեսիլ»-ին իր մասնակցության ու նպատակների մասին

«Դեպի Եվրատեսիլ»-ի մասնակից Արման Մեսրոպյանի մեծ ցանկությունը մրցույթի ընթացքում լսարանի կողմից ընդունվելն է: Ելույթ է ունենալու «What You Hide» երգով (ի՞նչ ես թաքցնում): Armtimes.com-ի հետ զրույցում նա խոսեց սպասելիքների մասին: Դժվարացավ գնահատել իր հնարավորությունները, սակայն նշեց, որ, եթե կարողանա արժանանալ հանդիսատեսի սիրուն, իր համար արդեն հաղթանակ կլինի:

«Երգը կոչ է բոլորին չկորցնել իրենց սերը, քանի որ կյանքում դա է ամենակարեւորը: Նպատակս է հնարավորինս լավ ելույթ ունենալ ու սիրվել հանդիսատեսի կողմից. հենց հանդիսատեսին է պետք գրավել: Ինչ վերաբերում է շանսերիս, որոշողը ժողովուրդն է, հետեւաբար այդ թեմայով խոսելն անիմաստ է: Թող հաղթի լավագույնը: Ինքս ֆավորիտներ չունեմ, բայց ունեմ նախընտրելի մասնակից՝ Ամալյա Մարգարյանը: Նրա ստեղծագործությունը շատ եմ սիրում, ավելացրել եմ այն երգերի ցանկում, որոնք լսում եմ»,- ասաց նա:

Արմանը մրցույթների մեծ փորձ չունի: Անցած տարի մասնակցել է «Սլավյանսկի բազար»-ին: Մրցանակային տեղ չի զբաղեցրել, սակայն հասցրել է ընկերներ է  ձեռք բերել: Նրանից շատերը մասնակցում են իրենց երկրների եվրատեսիլյան նախընտրական փուլերին:

«Կարոտում եմ ընկերներիս: Հույս ունենք, որ կրկին կհանդիպենք արդեն «Եվրատեսիլ 2018»-ում»,- ասում է նա:

Երգը Արմանի կյանքում միակ հետաքրքրությունը չէ: Նա շատ սպորտային է: Նախկինում երկար տարիներ մարզվել է Երեւանի «Արարատում»: Տեսողության հետ կապված խնդրի պատճառով թողել է ֆուտբոլը: Հետագայում առողջական խնդիրները վերացել են, սակայն պրոֆեսիոնալ ֆուտբոլով զբաղվելու համար արդեն ուշ է եղել: Այժմ զբաղվում է մի քանի այլ մարզաձեւերով:

«Սիրողական զբաղվում եմ թենիսով, վոլեյբոլով, ֆուտբոլով: Սերֆինգով զբաղվելու նպատակ ունեմ. ջուրն իմ տարերքն է: Դա նույնիսկ երազանք է: Իմ ամենասիրելի սպորտաձեւը ֆուտբոլն է: 7 տարի զբաղվել եմ ֆուտբոլով, կյանքի բերումով դարձել եմ երկրպագու: Աշխարհի ամենատիտղոսակիր ակումբի՝ Մադրիդի «Ռեալի» երկրպագու եմ: Հասցրել եմ պաշտոնական ֆան ակումբի անդամը դառնալ»,- ասում է նա:

Ամեն դեպքում այս պահին երգն ամենակարեւորն է նրա կյանքում: Այն Արմանի համար ավելին է, քան պարզապես հետաքրքրություն: Երգի շնորհիվ իր առջեւ նոր նպատակներ է դնում, նոր մարտահրավերներ հաղթահարում:

«Սիրում եմ լինել բեմում, հաղթահարել հույզերս, լարվածությունը, լինել լավը, լինել ավելի լավը, քան երեկ, պայքարել: Սիրում եմ ինձ փորձությունների ենթարկել»,- ասում է նա:

«Դեպի Եվրատեսիլ»-ը Հանրային հեռուստաընկերության եթերում կլինի փետրվարի 19-ից։ Կիսաեզրափակիչ 2 համերգները տեղի կունենան փետրվարի 19-ին եւ 22-ին, իսկ եզրափակիչը՝ փետրվարի 25-ին: Յուրաքանչյուր կիսաեզրափակչում կմրցի 10 մասնակից: Ձայների 50/50 հարաբերակցությամբ՝ հեռուստադիտողների եւ միջազգային փորձագետներից կազմված ժյուրիի քվեարկության արդյունքում, ամեն տասնյակից կընտրվեն այն 5 մասնակիցները, որոնք կանցնեն եզրափակիչ փուլ:

Նախագծի հաղթողը Հայաստանը կներկայացնի «Եվրատեսիլ 2018» երգի միջազգային մրցույթում: Այն կկայանա մայիսին Պորտուգալիայի մայրաքաղաքում:

Տպել
1606 դիտում

Գեւորգ Աճեմյանը դուրս է գալիս «Քաղաքացիական պայմանագիր» կուսակցությունից

Արսեն Ջուլֆալակյանն ու Առաքել Միրզոյանը կդառնանա պատգամավոր

Շուրջ 10 մլն դրամի վնաս․ Մխչյանում ոռոգման ջրի խողովարկների ապօրինի միացումների դեպքով քրգործ է հարուցվել

Արցախի եւ Հայաստանի միջեւ առաջիկայում կկնքվի ռազմաքաղաքական դաշինք․ Բալասանյան

Վահան Բաբայանը ՀՀԿ ցուցակով առաջադրվելու է թիվ 3 ընտրատարածքում

Հայտնի է «Իմ քայլը» դաշինքի պատգամավորության թեկնածուների ամբողջական ցուցակը. 183 թեկնածուների անունները

ԱԺ-ում ավարտվեցին բյուջեի քննարկումները. չորս օրից նախագիծը կդրվի քվեարկության. բազային կենսաթոշակն ավելանալու է

Մի վաճառեք ձեր ձայնը․ այս ընտրությունները պետք է լինեն լավագույնը Հայաստանում․ Սվիտալսկի

Արտակարգ դեպք Երեւանում․ կրակոցներ են արձակել ՊՆ գնդապետի մեքենայի ուղղությամբ

Մեծ կարեւորություն ենք տալիս վերականգնվող էներգետիկայի ներուժի օգտագործմանը․ Տիգրան Ավինյան

«Արզնու տոհմային ԹՏԽ» ընկերությունը տուգանվել է 20 միլիոն դրամով․ կարագում բացակայել է կովի կաթը

ՀՀ եւ Իրանի գլխավոր դատախազները ստորագրել են երկու համագործակցության ծրագիր

Դավիթ Սանասարյանի բացած դուռը փակվել է. Մարալիկում բողոքի ակցիան ընդդեմ Արտակ Գեւորգյանի վերսկսվել է

«Գազպրոմ Արմենիա»-ում բացահայտվել են խոշոր չափերով հարկային պարտավորություններ չվճարելու դեպքեր․ ՊԵԿ

ՀՀ-ում երկրորդ կյանք են տալիս պոլիէթիլենից տոպրակներին, պլաստիկին եւ կենցաղային այլ թափոններին (տեսանյութ)

Ինձ համար ցավոտ թեմա է. Մարտիրոսյանը դոպինգ սկանդալի ու օլիմպիական բրոնզից զրկվելու մասին

ՀՀ բնակիչները կասկածվում են Մեծ Բրիտանիայում կրիպտո-խարդախության համար

Թաղային հեղինակություն ասելով՝ նկատի ունեմ թաղում հեղինակություն ունեցող մարդ. Արայիկ Աղաբաբյան

ՀՅԴ համամասնական ցուցակի առաջին եռյակը հաստատվել է

Արցախում Սարսանգից մինչեւ Մարտակերտ նոր ջրանցք է կառուցվելու․ կներդրվի շուրջ 100 մլն ԱՄՆ դոլար