Երևան
13 °C
ՀՀԿ նախագահ Սերժ Սարգսյանն առաջարկել է ՀՀ երբեմնի վարչապետ, Մեծ Բրիտանիայում Հայաստանի երբեմնի դեսպան Արմեն Սարգսյանին՝ լավություն անել իրեն՝ դառնալ Հայաստանի հանրապետության նախագահ: Արմեն Սարգսյանը մտածելու ժամանակ է խնդրել: Խոշոր առումով, Արմեն Սարգսյանը պատրաստվում է անել նույնը, ինչ «Սասնա ծռեր» խմբի կողմից ՊՊԾ գնդի գրավումից հետո արեց վարչապետ դարձած Կարեն Կարապետյանը. դառնալ ՀՀԿ-ի նոր դեմքը:
ԱԺ ընտրություններից առաջ այդ դերը ստանձնեց Կարեն Կարապետյանը՝ ներկայանալի, քաղաքակիրթ արտաքինով, ամեն օր՝ նոր, հետաքրքիր համադրված հագուստով, գյուղական ակումբների մոտ հավաքված ընտրազանգվածի սիրտը գրավող լեքսիկոնով:
Նա իր գործը արեց մինչեւ վերջ: Ի՞նչ ունեցանք. ԱԺ-ում ՀՀԿ-ն դարձյալ մեծամասնություն կազմեց՝ գումարած նաեւ ԲՀԿ-ի եւ ՀՅԴ-ի ձայները՝ ըստ ՀՀԿ-ի պահանջի: Կարեն Կարապետյանը լեգիտիմացրեց ԱԺ ընտրությունները:
Այդ լեգիտիմությունը վիճարկել որեւէ ուժ չփորձեց էլ. թող որ 10 000 դրամով, մարդկանց մեծ մասն իր ձայնը տվել էր գործող իշխանություններին՝ ՀՀԿ-ին, ԲՀԿ-ին եւ ՀՅԴ-ին:
Բայց Սերժ Սարգսյանի իշխանության շարունակականությունն ապահովելու համար Կարեն Կարապետյանի անձնական հմայքներն արդեն անզոր էին: Եղած մյուս հանրապետականներն էլ հիմնականում ոչ խարիզմատիկ, հեղինակություն երբեւէ չունեցած մարդիկ են: Անհրաժեշտ էր նոր խաղացող՝ հարազատ թիմից: Բայց՝ դարձյալ բարեկիրթ, ներկայանալի, հեղինակավոր…
Արմեն Սարգսյանի հեղինակությունն այս դեպքում չափազանց կարեւոր գործոն է: Հեղինակությունն այսօր ապրանք է, որով հետաքրքրված է իշխանությունը: Արմեն Սարգսյանի հեղինակավոր անունն ու ներկայանալի արտաքինը գնելու կամ վարձակալելու համար Սերժ Սարգսյանը պատրաստ է շռայլորեն վարձահատույց լինել:
Սակայն վարչապետ Կարեն Կարապետյանի նախադեպը հաստատում է օրինաչափությունը. երբ որեւէ նոր կադրի աշխատանքի են ընդունում` որպես մաքուր կենսագրություն ունեցողի, պաշտոն ստանձնելուց հետո անմիջապես դառնում է մեկը` նրանցից:
Հայաստանի ղեկավար պաշտոնում աշխատանքի նշանակվելու գլխավոր պայմանը մեկն է՝ ոչ մի ինքնագործունեություն, որը կարող է վնասել կլանի, խմբի շահերին: Հասկանալի է, որ այս իշխանությունը` ողջ կազմով, բաղկացած է մարդկանցից, որոնք անձնական պատասխանատվություն չեն կրում երկրում տեղի ունեցող իրադարձությունների համար՝ ձեւացնելով, թե նման հնարավորություն կցանկանային ունենալ, սակայն ինքներդ եք հասկանում, Սերժ Սարգսյանի ձեւավորած կանոններն են: Այդ մասին առավել հանգամանորեն կարող է պատմել վարչապետ Կարեն Կարապետյանը:
Եվ Արմեն Սարգսյանի հանդեպ անվստահությունն էլ սոցցանցերում թերեւս պետք չէ սրերով ընդունել. իբրեւ թե մարդը եկել է, եւ փոխանակ նրան հաջողություն ցանկանանք, նախընտրում ենք չվստահել:
Չվստահելու հիմքեր կան: Մասնավորապես. Արմեն Սարգսյանն առաջադրվում է Սերժ Սարգսյանի կողմից: Ինչպես Կարեն Կարապետյանին, Արմեն Սարգսյանին էլ աշխատանքի է նշանակում Սերժ Սարգսյանը: Արմեն Սարգսյանն այս համակարգի մի մասն է, պարզապես ֆրակով, բրիտանական ակցենտով ու արքայազն Չարլզի հետ լուսանկարներով:
Քաղաքավարական այցելությունները կուսակցություններ՝ չեն կարող տպավորիչ լինել. Հայաստանի քաղաքական համակարգի բոլոր խնդիրներին նա ծանոթ է ավելի, քան այդ կուսակցությունները՝ միասին վերցրած:
Սերժ Սարգսյանի շահերը սպասարկողները տարբեր կրթական ու գիտակցական մակարդակ ունեն: Պայմանականորեն նրանց կարելի է երկու թեւի բաժանել: Երկու թեւերն էլ քամահրանքով են վերաբերվում միմյանց. մի թեւն ինտելեկտուալ է, բարեկիրթ, մյուս թեւը` ոչ: Արտաքուստ եւս նրանց անմիջապես կարելի է զատել` մի թեւում՝ հաճելի, ներկայանալի արտաքին, կիրթ, գրագետ խոսք: Մյուս թեւում խոսքը գրագետ չէ, արտաքինն էլ հուշում է` քաղաքակրթությունն ու տվյալ պարոնները երբեւէ հանդիպելու առիթ չեն ունեցել: Ինտելեկտուալ թեւի տիպիկ ներկայացուցիչներն են Վաչե Գաբրիելյանը, Դավիթ Հարությունյանը, Վիգեն Սարգսյանը: Մյուս թեւի տիտաններից են Գագիկ Ծառուկյանը, Սեյրան Սարոյանը…
Սակայն թե՛ ինտելեկտուալը, թե՛ անկիրթը պատրաստ են ծառայել իրենց հնարավորությունների սահմանում, անմնացորդ: Մի տեղ հնարավորությունը մասնագիտական ճարպկությունն է, գրանտներով օրենքներ գրելն ու դրանց լոբբինգը, մյուս տեղում` փողը, բռունցքը, սպառնալիքը: Երկու թեւում էլ հավասարաչափ անտարբեր են, թե որքան տհաճ է հասարակությանը հետեւել իրենց գործողություններին:
Կենտրոնական Աֆրիկայում ապրում էր 20-րդ դարի ամենաէքսցենտրիկ բռնակալը՝ Ժան Բեդել Բոկասան: Այս Բոկասան մարդակեր էր: Բառիս բուն իմաստով: Նրա մարդակերության մասին հեռուստատեսությամբ չէր հաղորդվում, սակայն եթե նրա մերձավորներից մեկն անհայտանում էր, բոլորն իրենց աչքերը տնկում էին նրա սառնարանին: Գուցե այդ մեկին Բոկասան չէր կերել, բայց նրա անունն արդեն դուրս էր եկել՝ իբրեւ մարդակեր:
Հայաստանում կառավարման նախագահական համակարգը խորհրդարանականով փոխարինելու մոտիվացիան, ըստ Սերժ Սարգսյանի, ժողովրդավարությանն ընդառաջ հերթական քայլն էր: Եվ որ ինքն էլ՝ Սերժ Սարգսյանը, կհեռանար քաղաքականությունից, եթե միայն հանրապետականները նրան չպաղատեին՝ մի քիչ էլ մնալ: Գոնե ՝ որպես վարչապետ:
Սակայն բոլորս նրան նայում ենք, ինչպես կնայեինք Բոկասային, եթե վերջինս պնդեր, թե անցել է բուսակերության:
Մնալ ազնիվ ինքդ քեզ հետ՝ չափազանց բարդ է: Սերժ Սարգսյանի համար՝ նաեւ անսովոր:
Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին
Բախվել են շտապօգնության ավտոմեքենան և «Մերսեդես»-ը
Աֆղանստանում 5․7 մագնիտուդ ուժգնությամբ երկրաշարժ է տեղի ունեցել
Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)
Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը
Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան
Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն
Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը
Վարդենյաց լեռնանցքը դժվարանցանելի է կցորդիչով բեռնատարների համար
Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել
29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա
Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի
Ճամբարակի սննդի օբյեկտի գործունեության կասեցումը վերացվել է
Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները
Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել
Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը
Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը
Ինչ փոփոխություններ է արձանագրել տարադրամի շուկան մարտի 28-ին
Սերգեյ Նարիշկինը այց է կատարել Հյուսիսային Կորեա
Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել
«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան
Հայկ Մարությանը նոր կուսակցություն է հիմնում
ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան
Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից
Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ
Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է
Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը
Հայաստանն աշխարհի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա
Միկոյան-Գալշոյան փողոցների խաչմերուկում երթևեկության կազմակերպման փոփոխություն կլինի
Պապա ջան, ես քեզ միշտ կկարոտեմ, կհանդիպենք մյուս կյանքում․ Արթուր Աբրահամը լուսանկարներ է հրապարակել
Ինդոնեզական բանակը համալրվել է թուրքական տանկերով
Ուկրաինային տրամադրված F-16-ները չեն կարող փոխել իրավիճակը մարտադաշտում, դրանք օրինական թիրախ կդառնան. Պուտին
Տավուշում՝ ռուսական ռազմաբազայում, նկատել են տաջիկների և ղրղզների, գուշակեք՝ սա ինչ կազմ է և ինչի են սպասում. Սաֆարյան
Վրաց խորհրդարանականներն այցելել են Ծիծեռնակաբերդի հուշահամալիր
Ալիևի նախկին փեսան հայտարարել է՝ իրենց պատկանող «Crocus city»-ի վերականգնումը կախված է Պուտինի և Վորոբյովի կարծիքից
ՔԿԾ-ին անհրաժեշտ են վարորդներ. ովքեր և ինչպես կարող են դիմել
Հայաստանում վտարանդի կառավարություն ներկայացող բոլոր գրասենյակները պետք է փակել. Չախոյան
Այս անգամ դաշտ են նետել սիրելի պահեստայինին, որը մեկ շաբաթում մեկ ստորագրությամբ լուծարեց ԼՂ-ն. Հովհաննիսյան
Ընթանում է «Հայաստանը՝ որպես քաղաքակրթական խաչմերուկ» միջազգային գիտաժողովը (տեսանյութ)
Հայաստանի գոյությունը կարող է երաշխավորվել բացառապես եվրոպական ընտանիքում․ Արման Բաբաջանյան
© 2024 Հայկական ժամանակ