Մահացել է ՀՀ-ի ներքաղաքական սկանդալների կենտրոնում հայտնված մորմոն Ջոն Հանթսմանը

Սոլթ Լեյք Սիթիի հիվանդանոցում մահացել է միլիարդատեր գործարար, բարերար Ջոն Հանթսման ավագը: Վերջինիս բազմաթիվ մարդասիրական ծրագրեր է իրականացրել Հայաստանում: Այս մասին գրում է Ամերիկայի ձայնը։

Նա հայտնի մորմոն գործարար է: 1970-ականներին իր ընկերությունն արտադրում էր պլաստիկ տարաներ ֆաստֆուդ արտադրող ընկերությունների համար, որոնց թվում է McDonalds ընկերությունը: Հետագայում նրա հիմնած Huntsman կորպորացիան ներգրավված էր քիմիական արդյունաբերության մեջ, ինչպես նաեւ զբաղվում էր ներդրումային ծրագրերով: Նրա ընկերության արժեքը մոտ 11 միլիարդ դոլար է, որը շուրջ 10 հազար աշխատակիցներով գործում է 30 երկրներում:

Հանթսմանները բազմազավակ ընտանիք են: Ջոն Հանթսմանն ու նրա կին Քերոնը ունեն 8 երեխա եւ 56 թոռ: Հիշեցնենք, որ նրա որդիներից մեկը՝ Ջոն Հանթսման կրտսերը, ով նախկինում զբաղեցրել է Յութայի նահանգապետի պաշտոնը, ակտիվ զբաղվել քաղաքականությամբ ու առաջ քաշել իր թեկնածությունը նախագահական ընտրություններին, այսօր զբաղեցնում է Ռուսաստանում ԱՄՆ-ի դեսպանի պաշտոնը:

Հանթսմանների ընտանիքն առավել հայտնի է իր բարեգործությամբ: «Ջոն եւ Քերոն Հանթսման» հիմնադրամն ավելի քան 1 միլիարդ դոլարի մարդասիրական ծրագրեր է իրականացրել կրթության, առողջապահության եւ այլ ոլորտներում: Նրանց կողմից Յութայի համալսարանում հիմնած քաղցկեղի բուժման եւ հետազոտության կենտրոն-հիվանդանոցն աշխարհում այս ոլորտի ամենամեծ հաստատություններից է:

Ջոն Հանթսման ավագի անունը չափազանց հայտնի է նաեւ Հայաստանում եւ Սփյուռքում: 1988 թվականի Սպիտակի երկրաշարժից հետո նա Հայաստանում իրականացրել է շուրջ 20 միլիոն ԱՄՆ դոլարի բարեգործական ծրագրեր: Նրա ֆինանսավորմամբ աղետի գոտում իրականացվել են վերականգնողական աշխատանքներ, հիմնվել է շինանյութի արտադրության գործարան, իսկ հայաստանցի ուսանողները հնարավորություն են ստացել կրթություն ստանալ Յութայի համալսարանում:

Հանթսման ավագն իր ընտանիքի անդամների հետ մի քանի տասնյակ այցելություններ է իրականացրել Հայաստան: Իր գործունեության համար նրան շնորհվել է Գյումրիի պատվավոր քաղաքացու կոչումը, նա արժանացել է նաեւ ՀՀ պետական պարգեւների, որոնց թվում է Մեսրոպ Մաշտոց շքանշանը:

Հայաստանի նախագահը ցավակցական հեռագիր է հղել Հանթսման ընտանիքի անդամներին, ուր ընդգծել է Հանթսման ավագի մեծ ավանդը երկրաշարժից հետո «Հայաստանում վերականգնողական աշխատանքները կազմակերպելու գործում»:

Հիշեցնենք նաեւ, որ Ջոն Հանթսման ավագի անունը հայտնվել էր նաեւ Հայաստանում ներքաղաքական սկանդալի կենտրոնում: 2012 թվականին Հանթսման ավագը, ով ավելի վաղ վաճառել էր այստեղ գործող իր «Huntsman Building Products» ձեռնարկությունը, Հայաստանի նախկին արտգործնախարար Վարդան Օսկանյանին եւ նրա ստեղծած «Սիվիլիթաս» հիմնադրամին է նվիրաբերում մոտ 2 մլն. ԱՄՆ դոլար:

Նվիրատվությունը հայտնվում է Հայաստանի իրավապահ մարմինների ուշադրության կենտրոնում: Ընդդեմ Օսկանյանի հարուցվում է քրեական գործ փողերի լվացման հատկանիշներով, որն ավելի ուշ կարճվում է: Այն լայն արձագանք է գտնում սփյուռքահայության շրջանում ու միջազգային մամուլի էջերում: Օսկանյանն ու իր կողմնակիցները գործի հարուցումը կապել են արտգործնախարարի քաղաքական գործունեության հետ՝ այն որակելով քաղաքական հետապնդում: Իշխանությունները հերքել են գործի որեւէ առնչությունը քաղաքականության հետ:

Տպել
2133 դիտում

Անակնկալ ստուգումներ Երևանի մանկապարտեզներում. հայտնաբերվել են խախտումներ, կլինեն հետևանքներ (լուսանկարներ)

Վաղվա առաջնորդ կդառնան աշխարհում կատարվող սրընթաց փոփոխությունների կարևորությունը գիտակցողները. նախագահ

Դատարանը որոշեց բեկանել Քոչարյանի վերաբերյալ գործը եւ ուղարկել նոր քննության. Ռոբերտ Քոչարյանը հրապարակմանը ներկա չէր

Արդեն 25 անձ արյուն է հանձնել վթարի ենթարկված բալետի 23-ամյա արտիստի համար

Դպրոցները կառավարվելու են նոր համակարգով. ԿԳՆ-ում քննարկումներ են

«Իմ քայլը» դաշինքը կարգախոս չունի. ՔՊ խոսնակ

Խուսափել են հարկեր վճարելուց. քրգործերն են հարուցվել «Արփի գազ» եւ «Գլաձոր Մ.Գ.Հ.» ընկերությունների նկատմամբ

Ռոբերտ Քոչարյանի խափանման միջոցի վերաբերյալ բողոքների քննությունն ավարտվեց

Ցանկացած իրավիճակում մեր թիմը մնացել է ամուր. «Բիզնես Արմենիա»-ի գործադիր տնօրենը հրաժարականի դիմում է ներկայացրել

Հայաստանի շախմատի ֆեդերացիայի նախագահի առաջին տեղակալը պաշտոն է ստացել ՖԻԴԵ-ում

ՀՀ ԶՈՒ գլխավոր շտաբի պետի գլխավորած պատվիրակությունն այցելել է Բուլղարիա

Սերժ Սարգսյանի Վաչոն կալանավորվեց

Սերժ Սարգսյանի Վաչոն կրկին կկալանավորվի. դատախազի բողոքը բավարարվել է

Դիլիջանի ոլորաններում փլուզված հենապատը ժամանակավորապես վերականգնվել է

Միլիոնավոր դրամների հափշտակություններ. բացահայտվել եւ կանխվել են կոռուպցիոն հանցագործություններ. ԱԱԾ

Այս պահին քննվում է Ռոբերտ Քոչարյանի խափանման միջոցի վերաբերյալ ներկայացված բողոքը. Քոչարյանը դատարանում է

ՀՀ ֆուտբոլի հավաքականի համար ավարտվում է Ազգերի լիգան.... առա՞նց Եվրոյի 2020 ուղեգրի

Տարոն Մարգարյանը Երեւանում չէ. նրան լուսանկարել են Մոսկվայի «Շերեմետեւո» օդանավակայանում (լուսանկարներ)

Ինչու է ՊԵԿ-ը մտել Գազպրոմ. պարզաբանում է Դավիթ Անանյանը

Քաղաքական գործիչը ձգտում է առավելագույնի. Արայիկ Հարությունյանն՝ ԱԺ նախագահ լինելու մասին