ՊՆ-ն չի ասում՝ ի՞նչ անհետաձգելի առաջադրանք էր անում նախարարը ժ.23:30-ին իր տան մոտակայքում

«Հայկական ժամանակ»-ը երեկ հրապարակել էր պաշտպանության նախարար Վիգեն Սարգսյանի կորտեժի մասնակցությամբ ճանապարհային երթեւեկության կանոնների բացահայտ խախտումներ պարունակող տեսանյութ: Դրանից հետո նախարարի մամուլի քարտուղար Արծրուն Հովհաննիսյանը tert.am կայքին պարզաբանում էր տվել՝ պնդելով, թե մեքենաները որեւէ խախտում չեն կատարել: Հովհաննիսյանը որպես հիմնավորում հղում էր կատարել կառավարության որոշումներից մեկին եւ նշել էր. «Տվյալ տեսանյութում նշված կարգի մեքենայի համար ոչ մի խախտում չկա: Մարդիկ պետք է երթևեկության կանոնները դիտարկեն ոչ թե սովորական մեքենաների համար, այլ այն մեքենաների, որոնց վերաբերյալ կառավարության 30.08.2007թ. 999 955 5 N որոշման 26.27.29 կետերով շատ հստակ ամրագրումներ կան, թե նման փարոսիկներ ունեցող մեքենաներն ինչ իրավունքներ ունեն: Այնտեղ ամեն ինչ բացատրված է: Այնպես որ, այդպիսի մեքենաների պարագայում որևէ խախտում չի եղել»:

Կառավարության պաշտոնական կայքում երկար փնտրելուց հետո չգտանք «կառավարության 30.08.2007թ. 999 955 5 N որոշումը», որը ցիտել էր Արծրուն Հովհաննիսյանը: Փոխարենը Հայաստանի իրավական ակտերի տեղեկատվական համակարգի պաշտոնական «arlis.am» կայքում գտանք «Ճանապարհային երթեւեկության կանոնները եւ տրանսպորտային միջոցների շահագործումն արգելող անսարքությունների եւ պայմանների ցանկը հաստատելու մասին» կառավարության 28 հունիսի 2007 թվականի N 955-Ն որոշումը:

Որոշման 26-րդ, 27-րդ եւ 29-րդ կետերը, որոնք մեջբերել էր Արծրուն Հովհաննիսյանը, հստակ սահմանում են, թե ինչ հանգամանքներում է հնարավոր կատարված խախտումները չդիտարկել որպես խախտում: 26-րդ կետում ասված է. «Կապույտ գույնի առկայծող փարոսիկը միացրած տրանսպորտային միջոցների վարորդները, անհետաձգելի ծառայողական առաջադրանքներ կատարելիս, ապահովելով երթևեկության անվտանգությունը, կարող են չպահպանել կանոնների II (բացի կարգավորողի ազդանշաններից), V-XVI, XIX և XXI բաժինների պահանջները»: 27-րդ կետն էլ սահմանում է, որ պետական պահպանության ծառայության մեքենաների վրա կարող է միացված լինել նաեւ կարմիր գույնի առկայծող փարոսիկ: 29-րդ կետն էլ սահմանում է, որ կարմիր եւ կապույտ առկայծող փարոսիկներ միացրած տրանսպորտային միջոց մոտենալու դեպքում մյուս վարորդները պետք է զիջեն ճանապարհը:

Վերը շարադրվածը փաստում է, որ կարմիր եւ կապույտ առկայծող փարոսիկներ ունեցող մեքենաները երթեւեկության մյուս մասնակիցների նկատմամբ առավելություն ունեն եւ կարող են չպահպանել ՃՏԵ որոշ կանոններ, եթե անհետաձգելի ծառայողական առաջադրանքներ են կատարում: Հետեւաբար՝ ի՞նչ ծառայողական անհետաձգելի առաջադրանք էր կատարում Վիգեն Սարգսյանը փետրվարի 3-ին՝ ժամը 23:00-ից 23:30-ն ընկած ժամանակահատվածում, Երեւան քաղաքի կենտրոնում: Նշենք նաեւ, որ մենք ֆիքսել էինք, որ նախարարին սպասարկող «ՊՆ0001» եւ նրա թիկնազորին սպասարկող՝ «ՊՆ101» պետհամարանիշներով մեքենաները Աբովյան փողոցից հասել էին Պուշկինի փողոց եւ մուտք էին գործել Հյուսիսային պողոտա, որտեղ բնակվում է նախարարը:

Պաշտպանության նախարարի մամուլի խոսնակ Արծրուն Հովհանիսյանից հետաքրքրվեցինք՝ ի՞նչ անհետաձգելի ծառայողական առաջադրանք էր կատարում նախարարը նշված ժամին, նշված վայրում:

- Պաշտպանության նախարարի առօրյան հիմնականում բաղկացած է անհետաձգելի ծառայողական առաջադրանքներից:

- Նշված դեպքը տեղի է ունեցել ժամը 23:30-ի սահմաններում:

- Առավել եւս: Եթե լիներ առավոտյան ժամը 9-ին, 9:30-ին, ուրիշ հարց:

- Մենք տեսել ենք, որ մեքենան գնում է դեպի նախարարի տուն:

- Վստահ ե՞ք:

- Վստահ եմ, որովհետեւ մեքենան Պուշկին-Աբովյան խաչմերուկից մուտք է գործել Հյուսիսային պողոտա:

- Ես նորից եմ ասում՝ նախարարի առօրյան հիմնականում բաղկացած է անհետաձգելի առաջադրանքներից: Տվյալ ժամը, որը դուք նշում եք, որպես կանոն սովորական պաշտոնյայի համար աշխատանքային ժամ չի, չէ՞:

- Աշխատանքային ժամ չի:

- Եթե նախարարն այդ ժամին շարունակում է ծառայողական գործով զբաղվել, դա պետք է ձեզ շատ բան ասի:

- Ես կարող եմ ենթադրել, օրինակ՝ ռեստորանից տուն է գնում: Դրա համար հարցնում եմ, թե ի՞նչ ծառայողական անհետաձգելի առաջադրանք էր կատարում նախարարն այդ ժամին:

- Դա արդեն ձեր ֆանտազիայի խնդիրն է:

Տպել
3599 դիտում

192 ընտրատեղամասի վերջնական արդյունքներով՝ «Իմ քայլը» դաշինքն առաջատար է՝ ձայների 81.05 %-ով

Դավիթ Խաժակյանն ու Արտակ Զեյնալյանը «Իմ քայլը» դաշինքի շտաբում են, շնորհավորում են հաղթանակի առթիվ

4/36 ընտրատեղամասում հաղթել է «Իմ քայլը» դաշինքը, 8 քաղաքական ուժեր ձայներ չեն ստացել

6/05 ընտրատեղամասում 734 քաղաքացուց 560-ը քվեարկել է «Իմ քայլը» դաշինքի օգտին

էրեբունու 10/49 ընտրատեղամասում եւս բացարձակ հաղթանակ է տարել «Իմ քայլը» դաշինքը

Հայկ Մարությանը 547 քվե ստացավ 01/08 ընտրատեղամասում

էրեբունու 10/50 ընտրատեղամասում 789 ընտրողից 678-ը քվեարկել են «Իմ քայլը» դաշինքի օգտին

Ավանի 1/09 տեղամասում ձայների ճնշող մեծամասնությամբ հաղթեց «Իմ քայլը» դաշինքը՝ 569 ձայն, «Լույսը»՝ 95, ԲՀԿ-ն 68 ձայն

Որքան ձայն է ստացել յուրաքանչյուր քաղաքական ուժ. ԿԸՀ հաշվիչը միացել է. արդյունքները՝ ուղիղ

Մարմնով պաշտպանել ենք քվեատուփը, կռիվ ենք տվել, հայտնվել մահակների տակ՝ այս օրը մոտեցնելու համար

Երեւանի 8/28 ընտրատեղամասում մի քանի հարյուր ձայնով առաջատար է «Իմ քայլը» դաշինքը

Արաբկիրի 4/38 ընտրատեղամասում «Իմ քայլը» դաշինքը հավաքել է 516 ձայն. նախնական տվյալներ

09/18 ընտրատեղամասում «Իմ քայլը» ստացել է 530 քվե, ԲՀԿ-ն՝ 73, «Լույսը»՝ 59

9/18 ընտրատեղմասում առաջատարը կրկին «Իմ քայլը» դաշինքն է. նախնական արդյունքներ

«Իմ քայլը» դաշինքի կենտրոնական շտաբում՝ այս պահին. հետեւում են ընտրությունների արդյունքներին

Շենգավիթում «Իմ քայլը» դաշինքը 80,23% է հավաքել. նախնական արդյունք

Երեւանի 7/35 ընտրատեղամասում եւս հաղթում է «Իմ քայլը» դաշինքը. նախնական արդյունք

6/51 ընտրատեղամասում «Իմ քայլը» դաշինքը հաղթանակ է տարել. նախնական տվյալ

Նախընտրական շրջանում ամենաշատ մուծումներ է արել ԲՀԿ-ն, ամենամեծ գումարը ծախսել է «Իմ քայլը» դաշինքը

Նորք-Մարաշ համայնքի 9/03 ընտրատեղմասում կրկին առաջատարը «Իմ քայլը» դաշինքն է. նախնական արդյունք