Տարոն Մարգարյանը Ռուբեն Հայրապետյանի որդու դեմ վարչական վարույթ չի ուզում սկսել

Երեւան քաղաքի Աճառյան փողոցում տեղայակված Հարսնաքար ռեստորանային համալիրը վերակառուցվում է Հայաստանի ֆուտբոլի ֆեդերացիայի նախագահ Ռուբեն Հայրապետյան որդու՝ Ռաֆիկ Հայրապետյանի կողմից: Այս մասին «Հայկական ժամանակ»-ը տեղեկացավ Երեւանի քաղաքապետարանից:

Հունվարի 25-ին Երեւանի քաղաքապետ Տարոն Մարգարյանին գրավոր հարցում էինք ուղարկել՝ ցանկանալով տեղեկանալ, թե ի՞նչ է կառուցվում Հարսնաքար ռեստորանի տեղում: Քաղաքապետարանի աշխատակազմի քաղաքաշինության և հողի վերահսկողության վարչությունից մեզ թերի պատասխան են տրամադրել:

«Երևանի քաղաքապետարանին ուղղված Ձեր հարցմանն ի պատասխան աշխատակազմի քաղաքաշինության և հողի վերահսկողության վարչությունից տեղեկացնում են, որ Ավան վարչական շրջանի, Աճառյան փողոցի հ.37 հասցեում շինության մասնակի ապամոնտաժման և հողային աշխատանքներ իրականացնելու, ինչպես նաև ռեստորանային համալիրի ընդլայնման և վերակառուցման համար առկա է Երևանի քաղաքապետարանի կողմից կառուցապատող Ռաֆիկ Հայրապետյանին, 17.01.2018 թվականին տրված հ.01/18-Հ-152-3 քանդման թույլտվությունն ու հ.01/18-07/1-Հ-152-4 նախագծման թույլտվությունը (ճարտարապետահատակագծային առաջադրանքը)»,- ասված է պատասխանում:

Մինչդեռ Տարոն Մարգարյանին մենք հարցրել էինք, թե ի՞նչ է կառուցվում Երեւանի Ավան վարչական շրջանում գտնվող Հարսնաքար ռեստորանի տեղում: Խնդրել էինք տրամադրել շինթույլտվության մասին որոշումը, կառուցապատվող շինության էսքիզները: Բացի դա քաղաքապետին տեղեկացրել էինք, որ 18.01.2018 թվականի դրությամբ տարածքում կառուցապատում է իրականացվել առանց համապատասխան ցուցանակի, որտեղ պետք է նշված լիներ, թե ինչ շինություն է կառուցվում ու հարցրել էինք՝ արդյո՞ք դա պատասխանատվություն է ենթադրում, եթե այո, ապա ի՞նչ միջոցներ են ձեռնարկվել այդ ուղղությամբ:

Քաղաքապետարանից ստացած պատասխանից նախ եւ առաջ ակնհայտ է դառնում, որ Տարոն Մարգարյանը ձեռնպահ է մնում Ռուբեն Հայրապետյանի որդու գործողությունների դեմ որեւէ քայլ ձեռնարկելուց: Քաղաքաշինության և հողի վերահսկողության վարչության պատասխանից էլ պարզ է դառնում, որ քանդման եւ նախագծման թույլտվությունը տրամադրվել է մեր հրապարակումից իբրեւ թե 1 օր առաջ: Մինչդեռ հունվարի 18-ին մեր հրապարակած տեսանյութից պարզ է դառնում, որ ընդամենը 1 օրում անհնար էր քանդել ռեստորանային համալիրի մի մասի պատուհանները, հենասյուները եւ շենքի հարեւանությամբ կանգնեցնել բոլորովին նոր հենասյուներ:

Նյութը հրապարակվել է «Հայկական ժամանակ» օրաթերթի փետրվարի 7-ի համարում:

Տպել
4618 դիտում

Հայաստանն ազատականացնում է էլեկտրաէներգիայի շուկան․ նախարարը հանդիպել է ԱՄՆ ՄԶԳ փոխնախագահին

Մենք պատրաստ ենք փրկել եւ վերակենդանցնել Հայֆիլմի բրենդը․ նամակ՝ Նիկոլ Փաշինյանին

Հանրապետության նախագահը մեկնել է կարճատեւ արձակուրդ

Բոլորիս հաղթանակն է․ փոքրիկ Գոռը, որը տեւական ժամանակ քաղցկեղ ուներ, առողջացել է

Ռուսաստանը հույս ունի, որ Հայաստանը կկարողանա դիմադրել ԱՄՆ շանտաժին. Կարասին

Ի՞նչ են պայմանավորվել Երեւանն ու Բաքուն․ ՀՀ ԱԳՆ-ն արձագանքել է Մամեդյարովի հայտարարությանը

Մարդ կա՝ գյուղում 3 հարկանի տուն ունի, բայց Վանաձորում տնակում է ապրում. Լոռու մարզպետ

Գյուղնախարարի պաշտոնակատարը կշարունակի՞ պաշտոնավարել. մանրամասնում է Գեղամ Գեւորգյանը

Իրո՞ք Ստամբուլը կդառնա XXI դարի մայրաքաղաք

Իրական ընդդիմության բացակայության պատճառները. հիմնական ընդդիմադիրի տիտղոսի համար մեծ ճակատամարտը սկսվել է

Ալեքսիս Օհանյանը շնորհավորել է «The Economist»-ի կողմից Հայաստանը տարվա երկիր ճանաչելու առիթով

Թրամփն Էրդողանին ասել է, որ «կդիտարկի» Գյուլենի արտահանձնման հնարավորությունը․ Սպիտակ տուն

Այնպիսի զգացողություն էր, ինչպես պարտվելու դեպքում կլիներ. Արամ Ավագյան

Ես վաղուց «Կենտրոն» հ/ը-ում չեմ աշխատում. Իվետա Տոնոյանը՝ իր եւ Ծառուկյանի միջեւ եղած կոնֆլիկտի մասին

Համազգայինի ժամանակավոր տնօրեն նշանակվեց Արման Նավասարդյանը. թատրոնում այդ պաշտոնի համար նա մրցակիցներ չունի

Իշխանությունը զբաղված է պաշտոններ բաշխելով, բայց անվտանգությունն ավելի կարեւոր է. Շարմազանով

Վրաստանի քաղաքացիներին իրավունք կտրվի օրինականորեն աշխատել Ֆրանսիայում

ՄԻՊ աջակցությամբ պարտադիր ժամկետային զինծառայողը վիրահատվել եւ վերականգնողական արձակուրդ է ստացել

Ինքնասպանության փորձ՝ Երեւանում․ 18-ամյա ՌԴ քաղաքացին հոսպիտալացվել է

«Գարուն» սրճարանում պատվիրելով հավով չիաբատա՝ դուք աջակցում եք քաղցկեղ ունեցող փոքրիկներին