Կենտրոնը չի բացվի, մինչև այդ հարցը չլուծվի. Հրանտ Մաթեւոսյանի ժառանգները վրդովված են

Երեկ (փետրվարի 12-ին) հայ մեծ գրող Հրանտ Մաթեւոսյանի ծննդյան օրն էր: Վարպետը կդառնար 83 տարեկան: 

«Հրանտ Մաթեւոսյան» մշակութային կենտրոն-թանգարանը, սակայն, որի շինարարական աշխատանքները սկսվել էին 2015 թվականին եւ պետք է ավարտվեին 2-2.5 տարում, դեռ պատրաստ չէ: Ավելին, Երեւանի ներկայիս գլխավոր ճարտարապետ Տիգրան Բարսեղյանի հեղինակած նախագիծը, որը պետք է եռահարկ լիներ, երկհարկ է ստացվել:

Պետությունը Մաթևոսյանական կենտրոն ստեղծելու համար Երեւանի «Պլանի գլուխ» կոչվող հատվածում, Աբովյան պուրակում, անհատույց եւ անժամկետ օգտագործման իրավունքով 400 քմ հողատարածք է տրամադրել։ Կենտրոնի շինարարությունն իրականացվում է Քաղաքաշինության կոմիտեի վերահսկողությամբ եւ «Հորիզոն 95» ՍՊԸ-ի միջոցով:

Եռահարկ նախագծված, բայց չիրականացված ծրագիրը վրդովեցրել է Մաթևոսյանի ժառանգներին, մասնավորապես որդուն՝ Դավիթ Մաթևոսյանին: «Հայկական ժամանակ»-ի հետ զրույցում վերջինս նշեց, որ շենքի հիմքը ֆունկցիոնալ է միայն արտաքին գործունեության իմաստով, բայց ապահովված պահեստային տարածք չունի, չունի նաև գույքի նորմալ պահպանման տեղ:

«Հիմա մի ամբողջ հարկի բացակայությունն է՛լ ավելի է խնդիրը բարդացնում, դրա համար կտրականապես դեմ ենք որևէ գործողություն իրականացնելուն, կենտրոն-թանգարանը չի բացվի, մինչև այդ հարցը չլուծվի»,- հայտարարեց Հրանտ Մաթևոսյանի որդին: Դավիթ Մաթևոսյանի խոսքով՝ Կենտրոն-թանգարանի համար նախատեսված ընդհանուր բյուջեն մոտավորապես 900.000 դոլարին համարժեք գումար է, իսկ մեկ հարկի շինարարությունը 70.000 դոլարին համարժեք:

Վերջինս վստահ է, որ եթե ցանկություն ունենային երրորդ հարկ կառուցելու, ապա բյուջեի մեջ հանգիստ կտեղավորվեին: Նախնական էսքիզային բոլոր փաստաթղթերում, որպես մշակութային կենտրոն-թանգարան, շենքն ունեցել է ներկայացված մրցութային պահանջների բոլոր չափորոշիչները. դրանք են՝ կացարան արվեստանոց եւ ժամանակավոր ցուցադրության սրահի պահանջ:

Դավիթ Մաթևոսյանն ասաց, որ այս երկու չափորոշիչները նախագծում նախապես եղել են, ապա ֆինանսական կողմի հաստատման ժամանակ Քաղաքաշինական կոմիտեի ձեռքով հանվել են նախագծից: Վերջինս նշեց, որ շենքի կառուցապատման գործում կարող է իրականացնել զուտ հանրային հասարակական հսկողություն:

Քաղաքաշինության պետական կոմիտեից մեզ տեղեկացրեցին, որ «Հրանտ Մաթևոսյան» մշակութային կենտրոնի շինարարական աշխատանքներն արդեն ավարտական փուլում են, եւ մոտ 2 ամսից Կոմիտեն այն կհանձնի՝ ավարտելով իր պարտականությունները: Ինչ վերաբերում է 3-րդ հարկին եւ նախագծված, բայց  չիրականացված ծրագրերին, մեզ հայտնեցին, որ առաջիկայում Կոմիտեի նախագահ Նարեկ Սարգսյանը հանդիպում է ծրագրում Հ. Մաթևոսյանի որդու՝ Դավիթ Մաթևոսյանի հետ, որի ընթացքում կհստակեցվեն այդ հարցերը:

«Հրանտ Մաթեւոսյան» մշակութային կենտրոն-թանգարանի շինարարությունը սկսվել է 2015 թվականին, տևել մոտ ութ ամիս, ապա 2016-ին շինարարական աշխատանքները 6 ամիս կանգ են առել եւ կրկին վերսկսել: Շինարարության աշխղեկ Արթուր Աբգարյանը «Հայկական ժամանակ»-ի հետ զրույցում ասաց, որ այս փուլում շենքի աշխատանքների վրա 45 հոգի է աշխատում, եւ դեռ պարզ չէ, թե երբ կավարտեն:

«Հրանտ Մաթևոսյան կենտրոն-թանգարան»-ի շինարարական աշխատանքների ընթացքը

Աշխղեկը մեզ հերթով ցույց տվեց կենտրոնի սրահները, կատարված եւ կատարվող աշխատանքները: Առաջին հարկում լինելու է ցուցասրահ, երկրորդում օֆիսային տարածքներ եւ թատրոն, որի բեմն արդեն պատրաստ է: Բոլոր հարկերում արդեն կա վերելակ՝ նախատեսված՝ հաշմանդամություն ունեցող անձանց համար, յուրաքանչյուր սրահում երկուական սանհանգույց, դահլիճի ձախ անկյունում՝ բար եւ այլն:

Շենքի գլխամասում փորագրված է լինելու «Հրանտ Մաթևոսյանի անվան թանգարան մշակութային կենտրոն»: Հաջորդ շաբաթվանից կսկսեն այդ աշխատանքները: Արդեն փորագրվել են գրողի որոշ գործերի անվանումներ:

Արթուր Աբգարյանն ասաց, որ սկզբում երրորդ հարկում էր սրճարան նախատեսված, հետո հրաժարվեցին այդ մտքից: Այժմ ճարտարապետներն աշխատում են այլ ուղղությամբ, երրորդ հարկ չի լինելու, հնարավոր է գմբեթանման ինչ-որ բան լինի եւ կիսահարկ բարձրանա վերև, բայց դա էլ դեռ հստակ որոշված չէ:

«Ճարտարապետի նախագծով բավականին սիրուն բան էր ստացվում, բայց պատահում է, որ ճարտարապետը կարող է մի բանը նպատակահարմար տեսնել, իսկ պատվիրատուն՝ ոչ: Սկզբնականում սրճարան էր նախատեսված, բայց գալիս ասում էին՝ ո՞նց կլինի հա՛մ թանգարան, հա՛մ սրճարան»,- ասում էր նա՝ օրինակ բերելով Եվրոպական շատ երկրների կենտրոններ, երբ նման կառույցին միշտ գումար է պետք լինում, իսկ սրճարանը ֆինանսաբեր կլիներ:

Կենտրոն-թանգարանի երրորդ կիսակառույց հարկը

«Լուվրում, եթե գումար ունես, հարսանիք էլ կարող ես այնտեղ պատվիրել, նորմալ են վերաբերում, իսկ մեզ մոտ չգիտես ինչու՝ ոչ»,- ասում էր Արթուր Աբգարյանը:

Ինչևէ, ըստ Դավիթ Մաթևոսյանի՝ ներկայիս կառուցված եւ Քաղաքաշինության կոմիտեի կարծիքով ավարտված շենքի տեսքը, բացարձակապես չի բավարարում շենքի լիարժեք կենսագործունեությանը:

«Շենքը օրենքով փետրվարի վերջ պիտի պատրաստ լինի, իսկ որպես մշակութային կենտրոն-թանգարան ֆունկցիոնալ առումով չի կարող պատրաստ լինել»,- ասում է Դավիթ Մաթևոսյանը: Վստահեցնելով, որ կահավորման եւ այլ խնդիրները կարող են ավելի երկար տևել, քան բուն շինարարական գործընթացը:

Միջավայրը, որում թանգարանն է, համահունչ եւ լիարժեք գործողություն կկարողանա իրականացնել, երբ պատրաստ լինի այդ միջավայրը. «Այն չորացող այգի կոչվածը, որն առկա է շենքի հարևանությամբ, մեր հայեցակարգով պիտի ներառվի Լոռվա բնության մոդելավորմամբ, դա էլ պատրաստ չէ, հսկայական նախագծման եւ իրականացման աշխատանքներ են պահանջվում»,- ասում է Դավիթ Մաթևոսյանը:

Նա նշում է, որ մինչ այդ փորձելու է լուծել երրորդ հարկի խնդիրը, նպատակն է, որ անպայման լինի: «Առաջին երկու հարկերում որոշ բաներ թերի են, իսկ շինարարությունն այնտեղ արդեն ավարտվել է, այլևս ոչինչ չենք կարող անել, գոնե երրորդ հարկը կառուցվի որպես հարկ, ոչ որպես գմբեթ»,- ասում է Մաթևոսյանի որդին:                                                                                                                                                        Աղունիկ Հովհաննիսյան

Նյութը տպագրվել է «Հայկական ժամանակ» օրաթերթի փետրվարի 13-ի համարում:

Տպել
3182 դիտում

Արցախի պետնախարար Մարտիրոսյանն ընդունել է Արցախի պետական համալսարանի ուսանողների

Այդ տարածքը իմն է, իմ սեփականությունն է. Լոռու մարզպետը՝ սեփական ատամնաբուժարան կառուցելու մասին

Մարկոս Պիզելին՝ Ղազախստանի առաջնության լավագույն ֆուտնոլիստ

Քաղաքապետն ընդունել է ՀՀ-ում ԵՄ դեսպան Պյոտր Սվիտալսկիին

Վաչագան Ղազարյանը ցուցմունք է տվել. քննարկվում է կրկին գրավի միջնորդությամբ հանդես գալու տարբերակը

Ավան վարչական շրջանի ղեկավարը հրաժարական է տվել

23-ամյա Վահագնի շնորհիվ մարդկանց կյանքեր կփրկվեն. արյան տարբեր խումբ ունեցողներ շարունակում են արյուն հանձնել

Վարչապետ Նիկոլ Փաշինյանի միջնորդությամբ Սիմոն Մարտիրոսյանն ու Գոռ Մինասյանը կպարգեւատրվեն

Հույս ունեմ կկարողանանք Աբաջյանի հերոսությանն արժանի ապրել՝ անկախ նրանից` ինչով ենք զբաղվում. Փաշինյան

Հայ մարզիչը ղազախական ակումբի մանկապատանեկան ֆուտբոլը ղեկավարելու ու Հենոյի գեղեցիկ քայլի մասին

Վեց տարեկան Իրինան շարունակում է պայքարել քաղցկեղի դեմ. հանգանակությունը շարունակվում է

Գնդապետ Նելլի Դուրյանի որդին՝ ՊԵԿ նախկին պաշտոնյան, 158 հազար դոլար եւ 53 հազար եվրո ունի

Ակադեմիայի տարածքների մի մասը 50 տարով ուզում են մասնավորին տալ. բողոքի ալիք է բարձրացել

Լարսի անցակետն ու ճանապարհը շարունակում է փակ մնալ. ձնահոսքի վտանգ կա

2019-ին կբարձրանա մոտ 11000 բուժաշխատողի աշխատավարձ, կներդրվի ապահովագրության համակարգ (տեսանյութ)

Պետք է առնվազն չկասկածեր ընդունակություններիս և գիտելիքներիս վրա. Ջուլֆալակյանը՝ լրագրողին

Ժամը 18:00-ի դրությամբ՝ համաներմամբ ազատ է արձակվել 491 դատապարտյալ

Աննա Հակոբյանը հյուրընկալել է ավետարանչական ընկերակցության Հայաստանի տնօրեն Հարութ Ներսեսսյանին

Բրյուսովի անվան համալսարանի դասախոսներն իրենց ուսանողուհիներին սթափության կոչ են անում

Դուք կարծում եք՝ Էդուարդ Շարմազանովը, Վիգեն Սարգսյանը ձայն չունե՞ն, ընտրող չեն ունենալո՞ւ. Շարմազանով