Երևան
24 °C
searchclose
today
menuclose
Երևան
24 °C
Հարեւան եւ հայկական երկու պետությունների հակառակորդ երկրում՝ Ադրբեջանում, հետաքրքիր գործընթացներ են տեղի ունենում: Կայուն դիկտատուրայի երկրում, հատկապես վերջերս, գրեթե բոլորը սպասում էին, որ ամեն ինչ, այդ թվում՝ սպասվող նախագահական ընտրությունները, ընթանալու են սահուն, առանց ցնցումների ու անակնկալների: Սակայն անակնկալը մատուցեց հենց նա, ումից ամենաքիչն էին սպասում:
Իլհամ Ալիեւը մի քանի օր առաջ անսպասելի որոշում կայացրեց հոկտեմբերին նախատեսվող նախագահական ընտրությունները տեղափոխել ապրիլ: Հենց այդ ժամանակ ավարտին է մոտենալու նաև Հայաստանում պետական համակարգի անցումը կառավարման խորհրդարանական մոդելին:
Ադրբեջանում նախագահական ընտրությունները կանցկացվեն ապրիլի 11-ին: Այժմ շատերը փորձում են հասկանալ այդ որոշման դրդապատճառները: Նախագահական արշավի շախմատային պարտիան գոնե առերեւույթ ընթանում էր առանց խնդիրների, ինչու հենց խաղի կեսից Ալիեւը փոխեց դրա կանոնները, շուռ տվեց խաղատախտակը, «ֆիգուրները» նորովի դասավորեց ու կտրուկ արագացրեց իր վերընտրվելու գործընթացը: Ո՞ւր կամ ինչո՞ւ է նա շտապում: Մյուս կողմից, թեպետ արտահերթ ընտրությունների անցկացման որոշումն անսպասելի էր շատերի համար, սակայն դրանց մասին շշուկներն ադրբեջանական հասարակական-քաղաքական միջավայրում ու մեդիա դաշտում պտտվում էին դեռ անցյալ տարվանից:
Բավական է հիշել, որ դեռեւս 2017 թ.-ի հոկտեմբերին նույն Ալիեւը ստիպված էլ հերքել երկրում արտահերթ նախագահական ընտրություններ անցկացնելու մասին համառորեն տարածվող լուրերը: «Մենք նպատակ չունենք փոխելու ընտրությունների անցկացման ժամկետը: Ես գիտեմ, թե ինչ խոսակցություններ են պտտվում Ադրբեջանում եւ մեր սահմաններից դուրս: Նման ծրագրեր չկան, դրա անհրաժեշտությունը ես չեմ տեսնում», - հայտարարել էր նա РИА Новости-ի հետ հարցազրույցում:
Այնուամենայնիվ, անհրաժեշտությունն առաջացավ, ու Ալիեւի որոշման պատճառներն, ըստ փորձագետների, ունեն թե՛ ներքին, թե՛ արտաքին արմատներ:
Առաջին պատճառն, ըստ ադրբեջանցի տնտեսագետ, ReAl շարժման գործադիր քարտուղար Նատիգ Ջաֆարլիի, իսկապես տեխնիկական է: Ի դեպ, Ադրբեջանի նախագահի օգնական Ալի Հասանովը եւս տեխնիկական խնդիրներով պատճառաբանեց ընտրությունների տեղափոխման մասին որոշումը: Սակայն եթե Հասանովը շեշտում էր աշնանը պլանավորած մեծ համապետական միջոցառումների հետ ընտրությունների չհամընկնելու կարեւորությունը, Ջաֆարլին այլ խնդիր է տեսնում: «Այս տարի առաջին անգամ նախագահն ընտրվում է յոթ տարի ժամկետով: Ուստի, հաջորդ ընտրություններն անցկացվելու են 2025 թ.-ի հոկտեմբերին: Իսկ այդ տարվա նոյեմբերին էլ կկայանան խորհրդարանական ընտրությունները: Նշանակում էր միաժամանակ երկու ընտրական գործընթացներ են ընթանալու: Ուստի, անհրաժեշտ էր տեղափոխել կամ նախագահի, կամ խորհրդարանի ընտրությունների անցկացման ժամկետը: Ընտրվեց նախագահի ընտրությունները»,- նշում է Ջաֆարլին:
Ջաֆարլիի ու Հասանովի հետ կտրականապես համաձայն չէ ադրբեջանցի փորձագետ, լրագրող Շահին Ռզաեւը: Նրա համար այդ բացատրությունները համոզիչ չեն: «Մինչեւ 2025 թ.-ը, ինչպես ասում են, մեզանում «կամ խանը կմահանա, կամ էշը» (հայկական տարբերակով՝ «կամ էշը կսատկի, կամ էշատերը»): Այսինքն՝ հարյուր անգամ կարող էին փոփոխել ընտրությունների անցկացման օրը, որպեսզի նախագահական ու խորհրդարանական ընտրությունները չհամընկնեն»,- նշեց Ռզաեւը «Հայկական ժամանակ»-ի հետ զրույցում: Փորձագետի համար հատկապես ծիծաղելի են համապետական նշանակության միջոցառումների հետ չհամընկնելու մասին պատճառաբանությունները:
«Մենք, կարծես, անկախ պետություն ենք, ուստի՝ ամենակարեւոր միջոցառումը մեզ համար պետք է լինի նախագահի ընտրությունը: Այլ կարեւոր միջոցառում ես չեմ պատկերացնում: Ուստի, ինչպես կարելի է երկրի համար ամենակարեւոր միջոցառումը տեղափոխել այլ երկրորդական՝ թեկուզ միջազգային նշանակության իրադարձությունների օգտին»,- նշում է Ռզաեւը:
Սա, իհարկե, խնդրի տեխնիկական կողմն է, որի վերաբերյալ փորձագետների հայացքները կտրուկ տարբերվում են: Նրանք, սակայն գրեթե համամիտ են, երբ խոսում են Ալիեւի որոշման արտաքին քաղաքական դրդապատճառների մասին: Ավելի կոնկրետ, այս տարվա մարտի 18-ին ՌԴ-ում անցկացվելու են նախագահական ընտրություններ: «Գլոբալ խաղացողների, եվրոպական կառույցների, գրեթե բոլորի ուշադրությունը կենտրոնացած է լինելու ռուսաստանյան ընտրությունների վրա՝ հատկապես հաշվի առնելով ՌԴ-ի ու Արեւմուտքի հարաբերությունների լարվածությունը: Ի դեպ, Մոսկվան, ի տարբերություն Բաքվի, չի հրաժարվել միջազգային դիտորդներից: Ուստի, կարծում եմ ադրբեջանական ընտրությունները կմնան ռուսաստանյան ընտրական գործընթացների ստվերում, ու մեր իշխանությունները կկարողանան «հանգիստ» ընտրություններ անցկացնել»,- նշում է Ջաֆարլին, ում հետ գրեթե ամբողջությամբ համամիտ է Շահին Ռզաեւը:
«Ռուսաստանի հետ ընտրական գործընթացների սինքորնիզացիան ինձ համար ավելի համոզիչ բացատրություն է»,- մեր զրույցում ասաց նա՝ նկատի ունենալով, որ սա հնարավորություն է առանց միջազգային լուրջ ուշադրության, ասել է թե քննադատության, անցկացնել ընտրությունները: Մեծերի գլուխը ՌԴ-ում ընտրություններով խառն է լինելու ու Ադրբեջանում ընտրությունների մասին մտածելու ժամանակ էլ չեն ունենալու: «Ուստի, հակված եմ կարծել, որ մեր իշխանությունները որոշեցին չառկախել գործընթացը մինչեւ աշուն, երբ Ռուսաստանում ու, ի դեպ, Հայաստանում կձեւավորվեն նոր իշխանություններ»,- նշում է Շահին Ռզաեւը:
Ալիեւի հանկարծակի որոշման եւս մեկ պատճառ փորձագետները նշում են ադրբեջանական իշխանական վերին էշելոններում դավադրության հասունացման հնարավորությունը: Նման կարծիքի է ադրբեջանցի քաղաքագետ Զարդուշտ Ալիզադեն: «Գողացած փողերը շատերին հանգիստ չեն տալիս: Կարծում եմ՝ որոշակի դավադրություն է հասունանում իշխանության ներսում, կան շատ դժգոհներ, որոնք կարող էին աշխատանք տանել, որոշակի թիմ ձեւավորել եւ վերջնագիր ներկայացնել»,- նշում է նա՝ հավելով, որ վտանգի քաղաքականապես չեզոքացման կամ նվազման առաջին քայլը հանրաքվեի անցկացումն էր, այնուհետեւ Մեհրիբան Ալիեւային առաջին փոխնախագահի պաշտոնում նշանակումը:
«Հաջորդ քայլը հենց արտահերթ նախագահական ընտրությունների անցկացումն է»,- նշում է փորձագետը եւ որպես իր կարծիքի բացատրություն հավելում հետեւյալը. «Արտահերթ ընտրությունները խիստ սահմանափակում են իշխանության ներսում Ալիեւի հակառակորդների համար դավադրությունների կազմակերպման ժամանակային հնարավորությունները»: Շահին Ռզաեւն այս կարծիքը եւս չի կիսում՝ նշելով, որ, թեպետ, շատ են խոսում իշխանության ներսում տարբեր կլանների պայքարի մասին, սակայն ինքն իրականում նման պայքար չի տեսնում:
Իսկ Նատիգ Ջաֆարլին ընդհանրապես կարծում է, որ նախագահական ընտրություններից հետո, երբ կնշանակվեն նաեւ ոլորտային այլ փոխնախագահներն իրենց աշխատակազմերով, նախարարների կաբինետի՝ կառավարության, կարիքն ուղղակի չի լինի: «Այսինքն՝ կարող են լինել կառուցվածքային փոփոխություններ: Նախարարների կաբինետի կարիքն այլեւս չի լինի, հակառակ պարագայում մենք գործ կունենանք կրկնվող գործառույթների հետ, որն անիմաստ է»,- կարծում է փորձագետը:
Փորձագետները, գրեթե վստահ ու համամիտ են մեկ խնդրի վերաբերյալ: Նրանք բոլորն էլ կարծում են, որ նախագահի ընտրությունները ոչ մի անդրադարձ չեն ունենա ԼՂ հակամարտության կարգավորման գործընթացի վրա:
«Վստահ եմ, որ հակամարտության գոտում ոչ մի սրացում էլ չի լինի: Ռուսաստանն ուղղակի դա թույլ չի տա: Նրանց մոտ շուտով անցկացվելու է Ֆուտբոլի աշխարհի առաջնությունը, մյուս կողմից՝ պատերազմը շատ թանկ է նստելու բոլոր կողմերի վրա: Սակայն վստահ եմ (չի մանրամասնում, թե որտեղից այդ վստահությունը- խմբ.) Ռուսաստանը ճնշում կգործադրի Հայաստանի վրա՝ «օկուպացված տարածքների ազատագրման» առումով եւ Հայաստանը կգնա այդ քայլին: Ռուսաստանն այս ամենը կներկայացնի որպես իր հաջողությունը, իսկ ՀՀ-ն ու Ադրբեջանը՝ որպես Լեռնային Ղարաբաղի վերջնական կարգավիճակի որոշման համար անհրաժեշտ ու պարտադրված փոխզիջում», -մեր զրույցը եզրափակեց Շահին Ռզաեւը:
Հոդվածը հրապարակվել է «Հայկական ժամանակ» օրաթերթի փետրվարի 9-ի համարում:
Տեղի է ունեցել «Քաղաքացիական պայմանագիր» կուսակցության Լոռու մարզի նախաձեռնող խմբի նիստ․ վարչապետը ելույթ է ունեցել
ԱՄՆ դեսպանատան հարևանությամբ «BMW» է այրվել
Վարչապետը երկրորդ անգամ այցելել է Վանաձորի N 27 և N 23 հիմնական դպրոցների մարզադահլիճներ (տեսանյութ)
37-ամյա կինը շենքում գտնվող տղային իր փոխանցելիս ընկել է հորը
Օդի ջերմաստիճանը չի փոխվի․ կարճատև անձրևներ կլինեն, տեղ-տեղ նաև կարկուտ կտեղա
Պատրաստվում ենք դե յուրե արձանագրել Արծվաշեն էքսկլավի, իրենց տեսակետից անկլավի՝ ՀՀ-ի մաս լինելը․ վարչապետ
Որպես անհետ կորած որոնվող 56-ամյա տղամարդը հայտնաբերվել է Ջրվեժի ձորում. մարմինը եղել է կենդանիների կողմից հոշոտված
Սահմանը հանձնվելու է սահմանապահներին, ինչ վերաբերում է պաշտպանության ապահովմանը, դա արդեն ուրիշ խնդիր է․ Փաշինյան
Ոսկեպարում ըստ էության արձանագրվել է այն, ինչ մենք պայմանավորվել ենք ոսկեպարցիների հետ․ Նիկոլ Փաշինյան
Որոշումը նվազեցնելու է անվտանգային ռիսկը, որը կա Բաղանիս-Կիրանց-Ոսկեպար հատվածում և ՀՀ սահմանի ողջ երկայնքով․ վարչապետ
Խնդիրները և թերությունները շտկված են․ վարչապետը երկրորդ անգամ է այցելել Մեդովկայի նորակառույց դպրոց (տեսանյութ)
3 նոր ժայթքում՝ անցած 24 ժամում․ Ինդոնեզիայում Ռուանգ հրաբուխը կրկին անհանգիստ է (տեսանյութ)
Տյումենում ջրհեղեղի գոտուց երկու հազարից ավելի մարդ է տարհանվել
Հիմա կտեսնենք, թե ովքեր են դեմ սահմանազատմանը, այսպիսով՝ ովքեր են փորձում պատերազմի մեջ ներքաշել Հայաստանը․ Հակոբյան
Գետափնյա գյուղի մոտակա կամրջով երթևեկությունը դեռևս փակ է
Շատ կարևոր է արձանագրել, որ առաջին անգամ Հայաստանի Հանրապետությունն ու Ադրբեջանը հարց են լուծել սեղանի շուրջ․ վարչապետ
Երևանում քամին տանիքի թիթեղներ է պոկել, ծառ տապալել
Արտակարգ դեպք Երևանում․ հիմնական դպրոցներից մեկում 14-ամյա երեխան ատրճանակով կրակել է 15 տարեկան աշակերտների վրա
ՀՀ-ի համար սա խաղաղ և լեգիտիմ ճանապարհով տարածքային ամբողջականության վերականգնման գործընթացի սկիզբ է․ Խաչատրյան
2017-ին «Սևան ազգային պարկ»-ում առանձնապես խոշոր չափով հափշտակությունների, փողերի լվացման բազմադրվագ դեպքը բացահայտվել է
Վիճաբանության ժամանակ 38-ամյա տղան դանակի մի քանի հարված է հասցրել հորը․ վերջինս հիվանդանոցում մահացել է
Արարատի մարզում ապօրինի ընդերքօգտագործման հետևանքով պատճառված 13 մլն 736 հազար դրամի վնասն ամբողջությամբ վերականգնվել է
Դոլարն ու եվրոն կրկին էժանացել են․ ինչ փոփոխություններ է արձանագրել տարադրամի շուկան ապրիլի 20-ին
ՄԱԿ գլխավոր քարտուղարն ուշադիր հետևում է Հայաստանի ու Ադրբեջանի ձեռք բերած սահմանազատման համաձայնությանը և ողջունում
Նյու Յորքի դատարանի դիմաց երիտասարդն ինքնահրկիզվել է (տեսանյութ)
Հայաստանի գյուղերից, տարածքներից զիջելու մասին ցանկացած խոսակցություն լկտի սուտ է․ Հակոբ Արշակյան
Ողջունում ենք Հայաստանի և Ադրբեջանի՝ Ալմա Աթայի հռչակագիրը սահմանազատման հիմք ընդունելու հայտարարությունը․ Բլինքեն
Այդ 4 գյուղը կեղծ օրակարգ է, կեղծ նարատիվ, որը, ցավոք, նաև ՀՀ սահմաններից դուրս է օգտագործվում․ Արայիկ Հարությունյան
Ոսկեպարի ճանապարհի դելիմիտացիայի հարցն առայժմ օրակարգում չէ․ վարչապետն ականջալուր է եղել ոսկեպարցիների մտահոգությանը
Հայաստան-Ադրբեջան սահմանին ԶՈՒ-ն երբ իր տեղը կզիջի սահմանապահներին․ Հարությունյանն ասաց՝ ինչ քննարկումներ են լինելու
ՀՀ իշխանությունները մեզ տեղյակ են պահել, որ համաձայնությունը ձեռք է բերվել միջազգային սահմանի հիման վրա․ Իրանի դեսպան
Ինչու հայ-ադրբեջանական սահմանազատման գործընթացը մեկնարկեց Տավուշից․ Արայիկ Հարությունյանը մանրամասնել է
Գոյություն չունի «Տավուշից տարածքներ հանձնելու» թեմա, համատեղ հայտարարության մեջ նշվում են գյուղերի անունները․ Գրիգորյան
Ռուսաստանը, ՀԱՊԿ-ը չեն ճանաչում Հայաստանի տարածքային ամբողջականությունը. Լավրովի «ինքնախոստովանությունը»
Այս բարդ գործընթացում պետք է լինենք առավել քան զգոն, տուրք չտանք մանիպուլյացիաներին ու կեղծ տեղեկատվությանը․ Մինասյան
Հուսադրող լուրեր կան Հայաստանի և Ադրբեջանի սահմանազատման գործընթացի մեկնարկի վերաբերյալ․ Կլաար
Ովքեր դեմ են փոխհամաձայնեցված սահմանազատմանը, փորձում են պատերազմի մեջ ներքաշել Հայաստանը, վերածել ծայրագավառի․ Չախոյան
Վարչապետը Զառի միջնակարգ դպրոցի աշակերտների հրավերով ներկա է գտնվել «Պապ թագավոր» ներկայացմանը
Եթե Ստեփանակերտում ոչ թե «քֆուրով» որոշում ընդունող, այլ ադեկվատ իշխանություն լիներ, կսահմաներ ԼՂ շփման գիծը․ Աթանեսյան
Մենք ԵՄ-ի հետ սկսում ենք սերտ համագործակցության նոր ճանապարհ․ Արարատ Միրզոյան
