Կաշառքի գործով կալանավորված Թաթուլ Շուշանյանի աները ՀՔԾ-ում ազդեցիկ պաշտոն է զբաղեցնում

Անցած տարի Ալավերդի քաղաքում տեղի ունեցած Կամո Փիրուզյանի սպանության կծիկը քիչ-քիչ քանդվում է: Պարզվեց այս սպանության գործի շրջանակում կաշառք է ստացել ՔԿ պաշտոնյա, իսկ մի քանի քննիչներ չարաշահել են իրենց լիազորությունները:

Այս գործի շրջանակում ձերբակալություններն արդեն սկսվել են: ՀՀ գլխավոր դատախազությունը երեկ առավոտյան հաղորդագրություն տարածեց նշելով, որ ձեռք են բերվել փաստական տվյալներ այն մասին, որ հանցավոր համագործակցության ղեկավար Վահագն Աբգարյանը ՀՀ քննչական կոմիտեի պաշտոնատար անձին տվել է առանձնապես խոշոր չափերով կաշառք՝ Կամո Փիրուզյանի սպանության գործով իր եւ իր ղեկավարած հանցավոր համագործակցության օգտին գործողություններ կատարելու կամ որոշակի գործողություններ կատարելուց ձեռնպահ մնալու համար:

Ձեռք են բերվել փաստական տվյալներ նաեւ այն մասին, որ ՀՀ քննչական կոմիտեի մի շարք պաշտոնատար անձինք Վահագն Աբգարյանի կամ նրա ղեկավարած հանցավոր համագործակցության անդամների դրդմամբ չարաշահել են իրենց պաշտոնեական լիազորությունները՝ նպաստելով ենթադրյալ հանցանք կատարած անձանց քրեական պատասխանատվությունից խուսափելուն: Վահագն Աբգարյանից առանձնապես խոշոր չափերով կաշառք ստանալու եւ պաշտոնեական լիազորությունները չարաշահելու համար փետրվարի 6-ին ՀՀ քննչական կոմիտեի ծառայողին ՀՀ քրեական օրենսգրքի 311-րդ հոդվածի 4-րդ մասի 2-րդ կետով եւ 308-րդ հոդվածի 1-ին մասով մեղադրանք է առաջադրվել: Դատարանի որոշմամբ նրա նկատմամբ որպես խափանման միջոց կիրառվել է կալանավորումը: Ո՛չ դատախազությունը եւ ո՛չ էլ ՀՀ հատուկ քննչական ծառայությունը երեկվա դրությամբ այդպես էլ չհրապարակեցին ՔԿ ծառայողի անուն-ազգանուն, կամ գոնե դրանց սկզբնատառերը ինչպես եւ նման հնչեղ գործերով հաճախ անում են:

Երեկ, սակայն մեզ հաջողվեց ճշտել, որ կալանավորված ՔԿ պաշտոնյան հենց ՀՀ քննչական կոմիտեի Լոռու մարզային քննչական վարչության արդեն նախկին պետ Թաթուլ Շուշանյանն է: Վերջինիս մեղադրանք է առաջադրվել պաշտոնատար անձի կողմից կաշառք ստանալու, ինչպես նաեւ պաշտոնեական լիազորությունները չարաշահելու մեջ: Շուշանյանը ՔԿ նախագահ Աղվան Հովսեփյանի հրամանով պաշտոնից ազատվել է փետրվարի 6-ին, այսինքն՝ այն օրը, երբ նրան արդեն իսկ քրեական գործի շրջանակում կալանավորել են: Մեզ հաջողվեց ճշտել նաեւ, որ Թաթուլ Շուշանյանը եւ Վահագն Աբգարյանը քավոր-սանիկական հարաբերությունների մեջ են: Նրա կալանավորումը զարմանք է առաջացրել իրավապահ համակարգում:

Կոչումով գնդապետ Թաթուլ Շուշանյանը ամիսներ առաջ Աղվան Հովսեփյանի կողմից ծառայողական պարտականությունները բարեխղճորեն կատարելու, մասնագիտական բարձր պատրաստվածության համար պարգեւատրվել էր «Հավատարմության համար» մեդալով: Արդյո՞ք ՀՀ հատուկ քննչական ծառայությունը նրա մասով գործը քննի օբյեկտիվ եւ բազմակողմանի, սա դեռ հարց է: Նախ՝ Շուշանյանը մինչեւ 2014 թվականը մի քանի տարի աշխատել է ՀՔԾ-ում՝ ընդհանուր բնույթի հանցագործությունների վարչության պետի պաշտոնում, ապա ազատվել՝ զբաղեցնելով արդեն Լոռու մարզային քննչական վարչության պետի պաշտոնը:

Մեզ հաջողվեց ճշտել, որ նրա աները Գագիկ Աջամյանն է՝ ՀՔԾ-ում բավական ազդեցիկ պաշտոն է զբաղեցնում. նա ՀՔԾ պետ Վահրամ Շահինյանի խորհրդականն է: Իսկ ավելի վաղ աշխատել է Լոռու մարզում որպես դատախազի տեղակալ:

Նախնական տեղեկություններով, խոսքը 7000 ԱՄՆ դոլար կաշառքի մասին: Այս մասով կարեւոր ապացույցներից մեկը ԱԱԾ-ի գաղտնալսումն է: Շուշանյանի ազատման օրը Աղվան Հովսեփյանի հրամանով աշխատանքից ազատվել էին նաեւ ՀԿԳ քննության գլխավոր վարչության երկու քննիչ: Նրանք նույնպես շուտով կձերբակալվեն պաշտոնեական լիազորությունները չարաշահելու կասկածանքով: Մեր  տեղեկություններով, նրանք Կամո Փիրուզյանի սպանության գործից տեղեկություններ են հայտնել իրենց «վերեւներին»:

Չնայած նրան, որ դատախազությունն իր հաղորդագրությունում հաստատում է, որ կաշառքը տվել է Վահագն Աբգարյանը, սակայն նրան կաշառք տալու մասով դեռ մեղադրանք առաջադրված չէ. այս մասով նախաքննական մարմինը դեռ չի շտապում:

Ինչպես տեղեկացրել ենք, ՔԿ պաշտոնյան Ալավերդցի Վահագից կաշառքը ստացել է Փիրուզյանի սպանության մեջ մեղադրվող Վլադիմիր Դավթյանի օգտին ապօրինի գործողություններ կատարելու համար: Դա եղել է այն, որ նախաքննության ընթացքում վերջինիս, այսպես ասած, մեղմ հոդվածով է մեղադրանք առաջադրվել՝ ՀՀ ՔՕ 104 հոդվածի 1-ին մասով եւ ՀՀ ՔՕ 235 հոդվածով: Այսինքն՝ Դավթյանին խոստացել էին, որ սպանության համար նա բանտում երկար չի մնա՝ առավելագույնը 8 տարի: Այնինչ՝ Վլադիմիր Դավթյանի մեղադրանքը պետք է լիներ ոչ միայն դիտավորյալ սպանության (ՀՀ ՔՕ 104-ի 1-ին մասով), այլ՝ 104 հոդվածի 2-րդ մասի 6-րդ, 7-րդ եւ 8-րդ կետերով (պատվերով սպանություն, որը կատարվել է կազմակերպված խմբի կողմից՝ շատերի կյանքի համար վտանգավոր եղանակով՝ շահադիտական դրդումներով, պատժվում է 12-20 տարվա ազատազրկումից մինչեւ ցմահ ազատազրկում):

Հ.Գ. Նյութը պատրաստ էր հրապարկման, երբ մեզ հայտնի դարձավ, որ երեկ երեկոյան պաշտոնեական լիազորությունները չարաշահելու կասկածանքով ձերբակալվել է Լոռու մարզային քննչական կոմիտեի քննիչ: Մեր տեղեկություններով, ձերբակալվածը Կամո Փիրուզյանի գործը քննող քննիչն է, որն էլ հենց Վլադիմիր Դավթյանին մեղադրանք էր առաջադրել ՀՀ ՔՕ 104 հոդվածի 1-ին մասով:

Փիրուզյանը հիշեցնենք, սպանվել է 2017 թվականի հունիսի 13-ին, օրը ցերեկով: Անհայտ անձը Ալավերդի քաղաքում՝ «Կատա» սուպերմարկետի հարեւանությամբ, կրակոցներ էր արձակել նրա ուղղությամբ։

Հոդվածը հրապարակվել է «Հայկական ժամանակ» օրաթերթի փետրվարի 8-ի համարում:

Տպել
9766 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում