Ունենում ենք հակասահմանադրական օրենք․ Մարուքյանը առաջին փոխվարչապետի պաշտոնի մասին

Այսօր ԱԺ արտահերթ նիստում քննարկվում էր Անվտանգության խորհրդի կազմավորման եւ գործունեության մասին ՀՀ օրենքի նախագիծը։ Հիմնական զեկուցող արդարադատության նախարարի առաջին տեղակալ Արթուր Հովհաննիսյանը նշեց, թե ովքեր են լինելու խորհրդի անդամները՝ վարչապետը, առաջին փոխվարչապետը, երկու փոխվարչապետը, Արտաքին գործերի նախարարը, Պաշտպանության նախարարը, ԱԱԾ տնօրենը, Ոստիկանության պետը, ԶՈՒ Գլխավոր Շտաբի պետը, եւ ԱԱԾ գլխավոր քարտուղարը։ Հիմնական լիազորությունը, որը բխում է Սահմանադրությունից, պաշտպանության ուղղությունները որոշելն է։

ԵԼՔ խմբակցության պատգամավոր Էդմոն Մարուքյանն ասաց, որ մեր Սահմանադրությունը չի նախատեսում առաջին փոխվարչապետի պաշտոն, եւ ասվում է, որ կառավարությունը կազմված է վարչապետից, առնվազն երեք փոխվարչապետից եւ նախարարներից, եւ Սահմանադրությունը չի առանձնացնում փոխվարչապետներին։ «Չի ասում՝ մեկը կարող է լինել առաջին փոխվարչապետ, իսկ մյուսները՝ փոխվարչապետները։ Ըստ էության, եթե սա մենք չենք ուղղում, ունենում ենք ի սկզբանե հակասահմանադրական օրենք։ Այսինքն, եթե չենք նշել այն ժամանակ, որ առաջին փոխվարչապետ կարող է լինել, հիմա չենք կարող նման պաշտոն ունենալ»,- ասաց Մարուքյանը։

Ի պատասխան Հովհաննիսյանն ասաց, որ այդ դիրքորոշման հետ բացարձակապես համաձայն չէ։ Սահմանադրությունը որեւիցե արգելք չի նախատեսում այս հարցով, եւ առաջին փոխվարչապետ ասելով մենք փոխվարչապետին առանձնացնում ենք միայն նրա լիազորությունների շրջանակներում՝ դա հիմնականում վարչապետի փոխարինման լիազորությունն է վարչապետի բացակայության ժամանակ։ Այդ հարցին Սահմանադրությունը անցել է հպանցիկ, նշելով, որ փոխվարչապետներից մեկը վարչապետի սահմանված կարգով, բայց թե ով նախատեսված չի, եւ իրենք օրենքով այդ լիազորությունը տալիս են փոխվարչապետներըից մեկին անվանելով նրանց առաջին փոխվարչապետ։ 147 հոդվածում խոսվում է կառավարության կազմի եւ կառուցվածքի մասին, եւ ասվում է, որ կառավարությունը կազմված է վարչապետից ոչ ավելի քան 3 փոխվարչապետից, եւ խոսվում է նաեւ կառավարության կառուցվածքի մասին, օրենքը իրենք հստակ բերելու են, առաջին փոխվարչապետ եւ երկու փոխվարչապետները։

Էդմոն Մարուքյանը հակադարձեց. «Ես համաձայն չեմ ձեզ հետ, 147-րդ հոդվածը շատ հստակ է։ Ասվում է, որ նախարարությունների ցանկը եւ կառավարության գործունեության կարգը, կառավարության ներկայացմամբ սահմանված է օրենքով։ Փոխվարչապետների թիվը չի կարող գերազանցել երեքը, իսկ նախարարներինը՝ տասնութը։ Շատ հստակ է, օրենքով չենք կարող նոր պաշտոն ստեղծել»։

Հովհաննիսյանը պատասխանեց, որ նույն 147-րդ հոդվածը ասում է, որ կառավարության գործունեության կարգը սահմանվում է օրենքով։ Կառավարության գործունեության կարգի մեջ մտնում է նաեւ վարչապետի փոխարինման հարցը։ «Սահմանադրությունը չի ասում, որ վարչապետին փոխարինում է վարչապետի որոշած անձը, եւ դրա համար, օրենքով որպես կառավարության գործունեության կարգի մի մաս, նշում են որ վարչապետին փոխարինում է փոխվարչապետներից մեկը, որին առանձնացնում են լիազորություններից ելնելով՝ որպես առաջին փոխվարչապետ»,- ասաց Հովհաննիսյանը։

Տպել
1827 դիտում

Հարցում. 93 տոկոսանոց բոյկոտ

Հպարտ եմ, որ ծառայել եմ եւ պատրաստակամ եմ կրկին իմ ծառայությունը բերել․ Լեւոն Մնացականյանի խոսքը՝ բանակի անձնակազմին

ՀՀ-ում սոճիները չեն հատվում կամ հատվում են միայն կառավարության որոշմամբ

Ալեքսեյ Շոր. «Հանդիսատեսին հետաքրքրում է, թե ինչ երաժշտություն է ստեղծվում այսօր»

Տեղի ունեցավ «Ձյունանուշ» մանկական հեքիաթի պրեմիերան

Արցախի արտակարգ իրավիճակների պետական ծառայության նախկին տնօրենին Բակո Սահակյանն այլ պաշտոնի նշանակեց

Ջալալ Հարությունյանն՝ Արցախի պաշտպանության բանակի շտաբի պետ

Արցախի պաշտպանության բանակի նոր հրամանատարը

Արդեն նախկին ՊԲ հրամանատար Լեւոն Մնացականյանը նոր պաշտոն կստանձնի. որոշումը կայացված է

Հայտնի են 12-րդ դասարանի պետական ավարտական քննությունների օրերը

Լեւոն Մնացականյանն ազատվեց պաշտոնից. պաշտոնական Ստեփանակերտը դեռ չի հաստատում

Ինչու է օրենքը միայն Չալդրանյանի վրա տարածվել. տնօրենները կզրկվե՞ն գեղղեկավարի պաշտոններից

«Դարի գործարքը»՝ քառորդ դար անց. ամերիկյան ընկերությունները հեռանում են Ադրբեջանից

Օդի ջերմաստիճանը կնվազի 4-5 աստիճանով, սպասվում են տեղումներ եւ մառախուղ, ձյուն

«Արսենալն» 1-ին տեղով Եվրոպա լիգայի փլեյ-օֆ անցավ. Մխիթարյանը չմասնակցեց «Քարաբագի» խաղին

Խոզերի աֆրիկյան ժանտախտը, թռչնագրիպը կանխելու համար կասեցվել է խոզի եւ թռչնամսի ներմուծումը ՌԴ-ից

Համաձայնություն է տրվել «Գազպրոմ Արմենիա»-ի 2019-2021 թթ. 29 մլրդ 598,4 մլն դրամ ծավալով ներդրումային ծրագրին

Ինչի՞ց է բողոքել Ռոբերտ Քոչարյանը. Արման Թաթոյանն առանձնազրույց է ունեցել նրա հետ

Աշխարհը բարության, միմյանց սիրելու և օգնելու կարիք ունի. Աննա Հակոբյանը Ժնևում մասնակցել է երկրաշարժին նվիրված համերգի

ՊՆ Kia-ն վրաերթի է ենթարկել հետիոտնին, մյուս մեքենան մեծ արագությամբ անցել է վրայով