Մխիթար Գոշն այսօր ՇՄ ընդհանուր իրավասության դատարանում մնաց մենակ՝ աչքը փաստաբանների ճամփի

Մխիթար Գոշն այսօր ՇՄ ընդհանուր իրավասության դատարանում մնաց մենակ՝ աչքը փաստաբանների ճամփին: Նրանցից ոչ մեկը չներկայացավ դատական նիստերին:

Գյումրեցի փաստաբաններն այսօր էլ  գործադուլ արեցին: Ոմանք մնացել էին  Գյումրիում, մյուսները միացել էին մայրաքաղաքում իրենց իրավունքները պաշտպանող գործընկերներին: Փաստաբան Աննա Դավթյանն այսօր դատական նիստեր ուներ եւ Գյումրիում, եւ Երեւանում: Բոլորի նման չի մասնակցի ոչ մի նիստի: Մեզ հետ զրույցում նշեց, որ ինքն ու գործընկերները վճռական են տրամադրված եւ չեն նահանջելու:

ՀՀ Փաստաբանների պալատի ՇՄ համակարգող Հայկ Հարությունյանն էլ  armtimes.com-ի հետ զրույցում նշեց, որ իրենք Գյումրիում են մնացել, սակայն որեւէ դատական նիստի կամ քննչական գործողությունների չեն մասնակցելու:  

«Ես երեկ էի Երեւանում, մեր ընկերների կողքին: Հիմա եկել եմ Գյումրի եւ տեղի փաստաբաններով այստեղ ենք շարունակում մեր պայքարը: Այսօր գործադուլ ենք արել եւ կշարունակենք այնքան, քանի դեռ մեր պահանջը չի բավարարվի: Ի՞նչ է սա նշանակում: Դատական օրենսգրքից հանել են մեր դեմ կիրառվելիք սանկցիայի դրույթն ու մտցրել դատավարական օրենսգրքի մեջ: Տարբերությունը ո՞րն է: Երկու դեպքում էլ պահանջը նույնն էր՝ տալ դատավորին իրավունք դատական նիստի ընթացքում սանկցիա կիրառել փաստաբանի նկատմամբ: Մենք հասնելու ենք այն բանին, որ ընդհանրապես այս կետը բացառվի եւ Դատական, եւ Դատավարական օրենսգրքերից»,-ասաց նա:

Գյումրեցի փաստաբան Արամայիս Հայրապետյանն էլ ընգծեց, որ այս որոշմամբ փաստաբանն ուղղակիորեն կախվածության մեջ է ընկնում դատավորից: Փաստաբանը կսկսի կաշկանդվել, քանի որ դատավորն արդեն կամայական կարող է սանկցիա կիրառել: «Մենք չենք ասում, թե անձեռնմխելի ենք, բայց հին ընթացակարգը պետք է գործի, երբ դատարանը դիմում էր Փաստաբանների պալատին, եւ  խորհուրդը հարցը քննարկում էր հենց փաստաբանի ներկայությամբ: Որոշում էր, սանկցիան կիրառում, կամ չէր կիրառում: Հիմա կոչ ենք անում կառավարությանն ու բոլոր պատասխանատուներին, նստել ու հանգիստ քննարկել, որովհետեւ առաջին ընթերցմամբ անցել է այդ օրինագիծն առանց այդ դրույթի, համապատասխան հանձնաժողովում արդեն ավարտվել է այդ քննարկումը: Եվ, եթե փոփոխություն անելու անհրաժեշտություն կար, ապա պետք է սահմանված ժամկետում ասեին, ու չի ասվել: Հիմա, երբ որ արդնեն գալու է երկրորդ ընթերցումը, մեկ էլ պարզվում է, որ դատավորը իրավունք է ունենում տուգանքի ձեւով սանկցիա կիրառել փաստաբանի նկատմամբ»,-ասում է Արամայիսը:

Փաստաբանները գործադուլ կանեն նաեւ փետրվարի 14-ին, 15-ին եւ 16-ին:

 

 

Տպել
601 դիտում

Արմեն Սարգսյանն առանձնազրույց է ունեցել Վրաստանի վարչապետ Գեորգի Կվիրիկաշվիլիի հետ

Սա նոր Հայաստանն է, որը ես շատ սիրում եմ. զվարթ շրջանավարտները՝ կառավարական ամառանոցում

Սահմանամերձ համայնքների շրջանավարտների տոնը կառավարական առանձնատանը՝ լուսանկարներով

Նախագահ Արմեն Սարգսյանը տիկնոջ հետ ժամանել է Թբիլիսի

ՊԵԿ նախագահի 2 տեղակալներին հարցաքննել են, ձերբակալվեց 4 հոգի. ԱԱԾ-ի աղմկոտ բացահայտումը

Էրեբունու բանդայի անդամները թաղապետարանի աշխատակիցներ են (լուսանկարներ, տեսանյութ)

Վարչապետը միացավ շրջանավարտների տոնախմբությանը (տեսանյութ, լուսանկար)

Էրեբունիում զանգվածային անկարգությունների գործով կասկածվողը Արտաշես Չիչոյանի հայրն է

ԵԽԽՎ համազեկուցողները բարձր են գնահատել հավաքների ժամանակ Պաշտպանի աշխատանքը

Ֆրանսիայում ՀՀ դեսպանի հանդիպումը ԱԺ Ֆրանսիա-Հայաստան բարեկամության խմբի հետ

Իրանի Իսլամական հանրապետության քաղաքացու դի է հայտնաբերվել

Վարչապետն ընդունել է Ֆրանկոֆոնիայի ՄԿ քարտուղարության պատվիրակությունը

Կիսադատարկ նիստեր. նախանձելի աշխատավարձ ստացող պատգամավորներն աշխատանքի չեն գալիս

Նիկոլ Փաշինյանին շնորհավորական ուղերձ է հղել Միացյալ Թագավորության վարչապետ Թերեզա Մեյը

Վերջին անգամ «Ռեալը» հենց «Լիվերպուլին» է պարտվել Չեմպիոնների լիգայի եզրափակչում

Հստակեցվում է Էրեբունիում անկարգությունների մասնակցած անձանց շրջանակը (տեսանյութ)

Սահմանամերձ դպրոցների բազմաթիվ շրջանավարտներ այսօր հյուրընկալվել են վարչապետի առանձնատանը

ԴԱՀԿ-ի պատասխանը «Հայկական Ժամանակ» օրաթերթի հրապարակմանը

Սպիտակի համայնքապետարանի ուշագրավ գնումները եւ ֆինանսական բաժնի պետի բացատրությունը

Արագաչափերը չեն բարձրացրել անվտանգության մակարդակը եւ դրանց նպատակը եղել է փող գռփելը