Թուրքիան պարտավորություն ունի պաշտպանելու Արամ Աթեշյանին. Թուրքիայի ՆԳ նախարար

08/02/2018 schedule21:23

Նախօրեին Ստամբուլի նահանգապետարանում Թուրքիայի հայ համայնքի հիմնադրամների ղեկավարների և երկրի ներքին գործերի նախարար Սոիլեյման Սոյլուի, Պոլսի հայոց պատրիարքի ընտրությունները համակարգող Ներկայացուցչական մարմնի ատենապետ, փաստաբան Սեբուհ Ասլանգի եւ իշխանության այլ ներկայացուցիչների մասնակցությամբ ժողովին հայ համայնքի բազմաթիվ ներկայացուցիչներ քննադատել են Թուրքիայի կողմից պատրիարքի ընտրությունների հետ կապված միջամտությունն ու Գարեգին արքեպիսկոպոս Բեկչյանին որպես պատրիարքի տեղապահ չընդունելու փաստը: Այս մասին հայտնում  է Ստամբուլի «Ակօս» պարբերականը:

Ավելի վաղ հայտնել էինք, որ Պոլսո Հայոց պատրիարքի ընտրությունների կազմակերպմամբ զբաղվող նախաձեռնող խումբը դատի էր տվել Թուրքիայի ներքին գործերի նախարարությանը: Այս ժողովը հենց այս համատեքստում է եղել: Քննարկել են նոր պատրիարքի ընտրության հարցը, որին Թուրքիան չի ցանկանում ճանաչել: 

Համայնքի ներկայացուցիչները կոչ են արել ու խնդրել հնարավորինս արագ անցկացնել պատրիարքի ընտրությունները եւ շեշտել են, որ Արամ Աթեշյանի հետ աշխատելն արդեն շատ դժվար կլինի: Թուրքիայի ՆԳ նախարար Սուլեյման Սոյլուն ի պատասխան նշել է, որ Թուրքիա պետությունը պարտավորություն ունի պաշտպանելու Արամ Աթեշյանին: Ըստ նրա՝ պետությունը գործում է սահմանված օրենքների շրջանակներում: 

Հիշեցնենք, որ Թուրքիայի հայ համայնքի պատրիարք Մեսրոպ Մութաֆյանն առողջական խնդիրների պատճառով արդեն շուրջ 9 տարի չի կարողանում կատարել պատրիարքի պարտականությունները, նա կոմայի մեջ է: Պարտականությունները ժամանակավորապես իրականացնում էր պատրիարքի փոխանորդ Արամ արքեպիսկոպոս Աթեշյանը։

2017թ-ի մարտի 15-ին պատրիարքական տեղապահ ընտրվեց Գարեգին արքեպիսկոպոս Բեքչյանը, իսկ Արամ արքեպիսկոպոսը ստիպված եղավ հրաժարական տալ։ 2017 թվականի օգոստոսից սկսած` Պոլսո պատրիարքարանը պատրիարքի նոր ընտրություններ նշանակելու հարցով պարբերաբար դիմում է Թուրքիայի ներքին գործերի նախարարությանը, բայց արձագանք չի ստանում։

Ներքին գործերի նախարար Սոյլուն, լսելով բոլորին, հայտնել է նաեւ, որ ամբողջությամբ գիտակցում է հայ համայնքի առկա անհանգստությունները եւ խոստացել է դրանք բոլորը փոխանցել վարչապետ Ելդերիմին ու նախագահ Էրդողանին: Սուլեյման Սոյլուն ժողովը եզրափակելիս նշել է, որ քննարկումներ կտարվեն եւ շուրջ մեկ ամսից կրկին կհանդիպեն:

 

Տպել
870 դիտում

Հայ-թուրքական սահմանին, սահմանապահների «քթի տակից» գյուղացու տրակտորն ու հակի սարքը գողացել են

Գերմանիան դադարեցնում է զենքի մատակարարումները Սաուդյան Արաբիա

12-րդ դասարանի ավարտական քննությունները կենտրոնացված չեն լինի. այդպես կլինի միայն 9-րդում

«Վորլդ Վիժն» Հայաստանն ու Իմ Քայլը հիմնադրամը համագործակցության տարբերակներն են քննարկում

Ավարտին է հասցվել «Թուրքական հոսք» գազատարի ծովային հատվածը

Ստեփանծմինդա-Լարս ավտոճանապարհը ծանրաքարշ բեռնատարների համար շարունակում է փակ մնալ

Երեւանի քաղաքապետարանը հրավիրում է քննարկելու 2019-ի բյուջեն ու զարգացման ծրագիրը

Լատվիայի դեսպանը հավատարմագրերի պատճենն է հանձնել ԱԳ նախարարի տեղակալին

Ակցիաների հետեւում մարդիկ են, որոնք մեծ բիզնեսներ ձեռնարկելու շահ ունեն. Ռ. Խաչատրյանը հրաժարականի մասին

Սերժ Սարգսյանը դիմել է կենսաթոշակ ստանալու համար

Շախմատի ֆեդերացիան հետին ամսաթվո՞վ փաստաթուղթ է տեղադրել կայքում. պատմում է Լիլիթ Գալոյանը

Սասնա Ծռեր Համահայկական կուսակցության նախընտրական ամբողջական ցուցակը՝ 174 հոգուց բաղկացած

Վալերի Օսիպյանը հանդիպել է Ինտերպոլի գլխավոր քարտուղարի հետ

Մենք լուռումունջ համակերպվողի դերում չենք. Նիկոլ Փաշինյանը՝ Բելառուսի ԱԳՆ-ի վերջին հայտարարության մասին

Արտագնա աշխատանքի մեկնածների եկամուտը հարկելու որեւէ նախագիծ կամ գաղափար չկա. ՊԵԿ նախագահի հավելյալ պարզաբանումը

Կենդանաբանական այգու 213 կենդանատեսակից մնացել է 143-ը. գործառույթները պատկանում են Երեւանի ավագանուն

Փաշինյանն ընդունել է Իլ դը Ֆրանսի շրջանային խորհրդի նախագահ Վալերի Պեկրեսին

Գյումրիում 325 մլն դրամանոց ստրատեգիական նշանակության փողոց է շահագործվել

Խորվաթիայի նորանշանակ դեսպանը հավատարմագրերի պատճենն է հանձնել ԱԳ նախարարի տեղակալին

Հանդիպել են Աննա Հակոբյանը և Գարո Արմենը, քննարկել են համագործակցության հնարավոր ուղիները