ՀՀ-ՌԴ երկաթուղային հաղորդակցությունը համապատասխանում է երկու կողմերի շահերին. դեսպան

Հայաստանի եւ Ռուսաստանի միջեւ երկաթուղային հաղորդակցության վերականգնումը Աբխազիայի եւ Վրաստանի տարածքով համապատասխանում է Երեւանի եւ Մոսկվայի տնտեսական շահերին: Այս նախագիծը կարող է ավելի ամրապնդել նաեւ քաղաքական կապերը երկու երկրների միջեւ, թեեւ երկկողմ հարաբերություններն այսօր էլ գտնվում են ամենաբարձր մակարդակում: Այս մասին «Парламентской газетa»-ի մամուլի կենտրոնում քննարկման ժամանակ հայտարարել է ՌԴ-ում ՀՀ դեսպան Վարդան Տողանյանը: 

Դիվանագետի խոսքով, Մոսկվան ու Երեւանն ամբողջ աշխարհին ցուցադրում են բարեկամության լավագույն փորձը, որոնց օրակարգում բացակայում են գլոբալ խնդիրներ: Դրանք չկան ոչ միայն քաղաքական բեմահարթակում, այլեւ իրական կյանքում՝ շուրջ 1,5 մլն հայ, որոնք ապրում եւ աշխատում են Ռուսաստանում դրա վառ ապացույցներից միայն մեկն է: «Նվազագույնը մենք պարտավոր ենք պահպանել նման հարաբերությունները, հաշվի առնելով մեր պատմական փորձն ու ժամանակակից իրողությունները: Անհրաժեշտ է խորացնել ռազմա-քաղաքական, տնտեսական, մշակութային գործընկերությունը»,- ընդգծել է ՌԴ-ում ՀՀ դեսպան Տողանյանը:

Քննարկման մասնակից, ՌԴ Պետական դումայի Վերահսկողության եւ ռեգլամենտի հանձնաժողովի փոխնախագահ Օլեգ Նիլովը նշել է, որ երկու երկրների միջեւ հարաբերությունների խորացման գործընթացը պետք է մեկնարկել ՌԴ-ՀՀ միջեւ երկաթուղային հաղորդակցության վերականգնումից, քանզի դա պահանջված է եւ՛ ուղեւորափոխադրության, եւ՛ բեռնափոխադրության կոնտեքստում: «Առավել եւս, որ այդ ճանապարհը մեզ ելքեր է ապահովում նաեւ Իրանի հսկայական շուկա»,- ասել է ռուս պատգամավորը:

Նա նշել է, որ ճանապարհը, անշուշտ, պետք է անցնի Աբխազիայի եւ Վրաստանի տարածքով. «Հաշվի առնելով, որ Հայաստանի եւ Վրաստանի միջեւ ձեւավորվել են նորմալ հարաբերություններ, նախագծի իրագործումը մեծագույնս կախված է Թբիլիսիի եւ Երեւանի դիվանագիտական ջանքերից: Շատ կարեւոր է, որ երկաթգիծը վրացական կողմի մոտ մտավախություններ չծնի»,- զգուշացրել է Նիլովը:

Միեւնույն ժամանակ նա հիշեցրել է, որ ռուսական գնացքները դեպի Կալինինգրադ վաղուց անցնում են Լիտվայով, թեպետ այդ պետության հետ առկա են բարդ հարաբերություններ: «Գնացքները գնում են առանց կանգառների, վագոնները կապարանքված են: Այս սխեման կարելի է կիրառել նաեւ այս դեպքում: Եվ ես վստահ եմ, որ բոլոր ներդրումները շատ արագ իրենց կարդարացնեն»,- հավելել է պատգամավորը:

Վարդան Տողանյանն իր հերթին հաստատել է, որ Հայաստանին ու Ռուսաստանին դեռ իսկապես պակասում են կոոպերացիոն-արտադրական պրոեկտները: Կա համագործակցությունը գազի եւ էներգետիկայի ոլորտում, բայց այլ ոլորտներում, օրինակ գյուղատնտեսությունում ծրագրերի կարիք է զգացվում: Դեսպանն այս իմաստով առաջարկում է ներգրավել գործընկերների Ղազախստանից ու Բելառուսից:

«Ես վստահ եմ, որ երկաթգիծը՝ անցնելով ՌԴ տարածքով, կարող է աշխատել, այդ թվում՝ Կենտրոնական Ասիայի շահերի օգտին, քանի որ միայն Հայաստանը չի կարող լինել նման տնտեսական նախագծի շահառու: Բայց նման ծրագրերը կարող են ամրապնդել այդ հարաբերությունների քաղաքական հիմքը եւ ես լիովին կողմ եմ այդ գաղափարին»,- հավելել է Տողանյանը:

Տպել
701 դիտում

Ինչո՞ւ է ֆիքսվում ցածր ընտրական ակտիվություն. Աշոտյանը չի ուզում հավատալ վարչապետի բացատրությանը

Քվեարկության գաղտնիության խախտում Նոր Նորքի 2/51 տեղամասում

Տեղի է ունեցել այլ անձի փոխարեն քվեարկության երեք դեպք

Կրկնակի քվեարկություն, կրկնակի գրանցման փորձ. ՔԿ-ն քննություն է տանում

9/55 ընտրատեղամասի հանձնաժողովի ՀՅԴ անդամներից մեկը քաղաքացու հետ դուրս է եկել ընտրատեղամասից և գումար ստացել

ԲՀԿ վստահված անձը դիտորդի հասցեին սպառնալիքներ է հնչեցրել, ապա լքել ընտրատեղամասը

Կանխվել է կրկնակի քվեարկության դեպք 2/11 ընտրատեղամասում. Ծառուկյան խմբակցության պատգամավոր

Նման հայտարարությունները բովանդակային առումով պետք է լինեն հստակ եւ փաստարկված. Բիչախչյան

«Իմ քայլ»-ի վստահված անձը ԲՀԿ-ի վստահված անձի կողմից տարեց ընտրողների ուղղորդում է նկատել

Օրվա կադրը. ոստիկաններն օգնում են սահմանափակ կարողություններ ունեցող ընտրողին

Կաշառք տալու, կաշառք ստանալու ահազանգեր. ոստիկանությունը ստուգումներ է իրականացնում

Լրագրողը կատարվածը մասնագիտական գործունեության խոչընդոտում չի դիտարկում. ԽԱՊԿ

Դատախազությունն ուսումնասիրել է ընտրախախտումների ահազանգման 123 դեպք. 4 դեպքով հարուցվել է քրգործ

Սա պատմական հնարավորություն է եւ ձեր ձայնը իսկապես շատ վճռորոշ է. Նիկոլ Փաշինյան

Խնդիրներ են գրանցվել տեղամասերի կահավորման և հանձնաժողովների անդամների վարքագծի վերաբերյալ. ՄԻՊ

ԱԺ ընտրությունները տեղի կունենան այս տարի. Ալեն Սիմոնյան

Ներխուժել շտաբ, ջարդուփշուր անել ամեն ինչ. ԲՀԿ-ի շտաբում բռնություն են գործադրել իրավապահների նկատմամբ

Քաղաքացին ինքնասպանություն է գործել՝ նետվելով Նոր Հաճնի կամրջից. ԱԻՆ

Բաքվի Ղարադաղի շրջանում հրաբուխ է ժայթքել. բոցի բարձրությունը հասնում է 200-300 մետրի

Քրեական գործ է հարուցվել առերևույթ ընտրակաշառք տալու և ստանալու դեպքի առթիվ. դատախազություն