ՀՀ-ն և Իրանը մշակում ու կյանքի են կոչում տարածաշրջանային նախագծեր․ դեսպանը՝ հրեական թերթին

ՀՀ ԱԳ նախարար Նալբանդյանի` 2017թ.-ին Իսրայել կատարած պաշտոնական այցի արդյունքներին` ՀՀ դեսպանը նշել է, որ առկա է երկկողմ պատրաստակամություն առավել խորացնելու հարաբերությունները ինչպես առեւտրատնտեսական, այնպես էլ զբոսաշրջության, գյուղատնտեսության, գիտության եւ մշակույթի ոլորտներում:

Այս մասին Գերմանիայի միակ անկախ հրեական «JÜDISCHE RUNDSCHAU» պարբերականին տված հարցազրույցում հայտարարել է Գերմանիայում ՀՀ դեսպան Աշոտ Սմբատյանը։ Ինչպես հայտնում են ՀՀ ԱԳՆ-ից, դեսպանը ներկայացրել է Հայաստանի դիրքորոշումը տարածաշրջանային տարբեր գործընթացների առնչությամբ:

Անդրադառնալով Հայաստան-Իսրայել հարաբերություններում տեղի ունեցած վերջին զարգացումներին եւ ՀՀ ԱԳ նախարար Նալբանդյանի` 2017թ. Իսրայել կատարած պաշտոնական այցի արդյունքներին` ՀՀ դեսպանը նշել է, որ առկա է երկկողմ պատրաստակամություն առավել խորացնելու հարաբերությունները ինչպես առեւտրատնտեսական, այնպես էլ զբոսաշրջության, գյուղատնտեսության, գիտության եւ մշակույթի ոլորտներում: Հայաստանի եւ Իսրայելի միջեւ վերջին շրջանում բարձր մակարդակով շփումների ակտիվացման արդյունքում ձեռք են բերվել պայմանավորվածություններ այդ ուղղությամբ:

Երկու երկրներում, նշել է նա, մեծ դեր է ունի հիշողության քաղաքականության մշակույթը` պայմանավորված երկու ժողովուրդների ցեղասպանություն վերապրելու պատմությամբ եւ հոծ սփյուռքի առկայությամբ: «Ցեղասպանությունների եւ մարդկության դեմ հանցագործությունների դեմ պետք է միասնաբար պայքարել: Ցեղասպանության կամ Շոահի սարսափի միջով անցած հայ եւ հրեա ժողովուրդների բարոյական պարտքն է լինել այդ պայքարի առաջնամարտիկը` որպեսզի այլեւս չկրկնվի այն ինչ եղել է»,- ասել է դեսպանը:

Անդրադառնալով հայ-իրանական հարաբերություններին դեսպան Սմբատյանը նշել է, որ Հայաստանն առաջին երկրներից մեկն էր, որ ողջունել է Իրանի միջուկային ծրագրի շուրջ համաձայնության ձեռքբերումը, որի կյանքի կոչման արդյունքում վերացվել են նաեւ հայ-իրանական հարաբերությունների առեւտրատնտեսական ներուժի օգտագործման համար սահմանափակում հանդիսացող միջազգային պատժամիջոցները: Ավելին, երկու երկրներն արդեն իսկ մշակում եւ կյանքի են կոչում տարածաշրջանային նոր նախագծեր:

Հայաստան-Ռուսաստան ԵԱՏՄ անդամ լինելու եւ հայ-ռուսաստանյան հարաբերությունների վերաբերյալ թղթակցի հարցին ի պատասխան՝ դեսպան Սմբատյանը նշել է. «Իրավմամբ, Հայաստանը եւ Ռուսաստանը նույն տնտեսական միության անդամ են: Ռուսաստանը մեր հիմնական առեւտրային գործընկերներն է եւ Հայաստանի տենտեսությունում գլխավոր ներդրողներն է: Սակայն որպես ռազմավարական գործընկերներ` մեր երկկողմ օրակարգը ներառում է համագործակցության բազմաթիվ ոլորտներ, որում մեծ է նաեւ Ռուսաստանի հայ համայնքի դերակատարությունը: Հայաստանը նաեւ բարձր է գնահատում Ռուսաստանի` որպես ԵԱՀԿ Մինսկի խմբի համանախագահ երկրի միջնորդական ջանքերը` ուղղված տարածաշրջանում կայունության եւ խաղաղության հաստատմանը»:

Հայաստան-ԵՄ Համապարփակ եւ ընդլայնված գործընկերության համաձայնագրի ստորագրման առնչությամբ դեսպան Սմբատյանն այն կարեւորել է եւ նշել, որ  լինելով ԵԱՏՄ անդամ` Հայաստանը կարող է դառնալ ԵՄ-ն եւ ԵԱՏՄ-ն միմյանց կապող կամուրջը, եւ այդ մասին են խոսում Եվրամիության բարձրաստիճան պաշտոնյաները ու որպես օրինակ մատնանշում Հայաստանը: 

Սիրիական ճգնաժամի համատեքստում դեսպանն ընդգծել է, որ հիմնախնդիրը պետք է կարգավորվի Սիրիայի հասարակության բոլոր շերտերի միջեւ երկխոսության արդյունքում: Իսկ միջազգային հանրության ջանքերը պետք է նախեւառաջ ուղղված լինեն Մերձավոր Արեւելքի ազգային եւ կրոնական բազմազանության խճանկարին, որին մաս է կազմում նաեւ հայ ժողովուրդը, սպառնացող գործոնների վերացմանը: 

Միգրացիոն հոսքերի հետ տարբեր հասարակություններում աճող վախի մթնոլորտին վերաբերող հարցի համատեքստում ՀՀ դեսպանն ընդգծել է, որ փախստականների հոսքը չէ, որ վտանգ է ներկայացնում, այլ մեր տարածաշրջանում ԴԱԵՇ-ի գործելաոճի խրախուսումը` մասնավորապես ազգային եւ կրոնական հողի վրա թիրախավորման եւ հրապարակային գլխատումների: Մեր արեւելյան հարեւան պետության բազմաթիվ քաղաքացիներ հարում են ԴԱԵՇ-ին, համալրում այս եւ այլ ահաբեկչական կազմավորումների շարքերը։ Ահաբեկիչների մի մասը սկսել են վերադառնալ, իրենց հետ բերելով ապակայունության պոտենցիալ:

Տպել
799 դիտում

Կոմիտասի պողոտայի երթեւեկելի մասի վրա լուսացույցներ կդրվեն. ոստիկանություն

Գյումրու քաղաքապետարանի բնակկոմունալ բաժնին կախարդական փայտիկ է պետք

Միհրան Հարությունյանը ժամանակից շուտ հաղթանակ տարավ MMA-ում իր 2-րդ մենամարտում

Ոստիկանության 5 ծառայողի շնորհվել է ոստիկանության լեյտենանտի կոչում (տեսանյութ)

Լարսի ճանապարհը բաց է. ձյուն, բուք, մերկասառույց, մառախուղ, դժվարանցանելի ճանապարհներ՝ ՀՀ-ում

Հայկ Դեմոյանը նշանակվել է «Ավրորա» նախաձեռնության գործառնությունների գծով տնօրեն

Արցախի նախագահն ընդունել է ՀՅԴ Բյուրոյի ներկայացուցիչ Հրանտ Մարգարյանին. ինչ են քննարկել

Վերաքննիչը գտել է, որ Ռոբերտ Քոչարյանն անձեռնմխելի չէ

Քաղաքավարությունը շփոթում են թուլության հետ. Փաշինյանը՝ Գարեգին Բ-ին

Մենք արդեն դադարեցրել ենք կենդանիների սպանդի ամոթալի պրակտիկան. Հայկ Մարության

ԱԺ ընտրություններին 442 ենթադրյալ հանցագործության դեպքերից 6-ով քրգործեր են հարուցվել. դատախազություն

ՃՈ-ն որոշ ցուցանակներ ձմռանը կփակի ծածկոցներով, կդադարեցվեն դրանց ազդեցությունը

Ադրբեջան գալու համար պետք է ճանաչեք մեր տարածքային ամբողջականությունը. Ալիևի դուստրը՝ ռուս կանանց

Երեւանում պատրաստված 368,6 կգ քաշով գաթան պաշտոնապես գրանցվել է Գինեսի գրքում

Հնարավոր է՝ առաջիկայում հայ բժիշկները վերապատրաստվեն Շվեյցարիայում. Աննա Հակոբյանը պայմանավորվածություն է ձեռք բերել

Հայաստանը Լիխտենշտեյն է ուղարկել առաջին դեսպանին

Կանադայի վարչապետ Ջասթին Թրյուդոն շնորհավորել է Նիկոլ Փաշինյանին

Թուրքիան կշարունակի աջակցել Ադրբեջանին. Ալիեւն ու Չավուշօղլուն քննարկել են արցախյան խնդիրը

Էդմոն Մարուքյանի կամանդի ոսկե հովանավորը. Ուրիխանյանը ուշագրավ մանրամասներ է հայտնելու

ՎՏԲ-Հայաստան Բանկը մեկնարկել է Կուտակային հաշիվ մինչև 9.5% տոկոսադրույքով