Սարսափ ֆիլմ. դիտել պոպկորն ուտելո՞վ, հուզվել-լացելով, թե՞ սցենարը փոխելով

Իշխող հանրապետական կուսակցության փոխնախագահ Արմեն Աշոտյանը փետրվարի 11-ին «Ազատություն» ռ/կ-ի եթերում մի հետաքրքիր հայտարարությամբ է հանդես եկել, որի տողատակում պարզ երեւում է, թե ՀՀԿ-ն առաջիկայում վարչապետի պաշտոնի հետ կապված ինչ որոշում է կայացնելու: Մասնավորապես, Աշոտյանն ասել է, որ ինքը պատրաստ է Սերժ Սարգսյանին առաջադրել վարչապետի պաշտոնի համար:

«Ոչ միայն ես, այլեւ շատ մարդիկ, պատրաստ են առաջադրել Սերժ Սարգսյանի թեկնածությունը վարչապետի պաշտոնին, բայց նորից կրկնեմ՝ այս հարցը դեռևս կուսակցության ներսում, որը Սահմանադրությամբ լիազորված է վարչապետ առաջադրել, չի քննարկվել, հետեւաբար ես հայտնում եմ բացառապես իմ անձնական տեսակետները... Բայց մի հետաքրքիր դիտարկում անեմ՝ երբ որ այս հարցը լսում եմ մեր լրատվամիջոցներից, հիշում եմ հետեւյալ հանգամանքը՝ կարծում եմ կհամաձայնեք ինձ հետ, շատ դասականների ստեղծագործություններ կան՝ գրքեր, որոնք հետո բեմադրվում են, կամ ֆիլմ են նկարահանում, բոլորս գիտենք՝ ավարտն ինչպիսին է լինելու դասական գործերի, բայց բոլորս մինչև վերջ այդ ֆիլմերը նայում ենք, կարծում եմ, որ սա այդ դեպքերից է»,- ռադիոկայանին տված հարցազրույցում ասել է ՀՀԿ փոխնախագահը:

Արմեն Աշոտյանի նկատած դասական գործը եթե համեմատենք մեր քաղաքական դաշտի սցենարի հետ՝ նկատի ունենալով ՀՀԿ-ականների այն խոսքերը, որ Սերժ Սարգսյանն անփոխարինելի է եւ պետք է լինի վարչապետ, ստացվում է, որ  Աշոտյանը «նամյոկ» է անում, թե՝ սպասեք մեր գրած սցենարի իրականացմանը:

ԱԺ ՀՀԿ խմբակցության ղեկավար Վահրամ Բաղդասարյանն էլ, պատասխանելով Արմեն Աշոտյանի հայտարարության հետ կապված հարցին, նշել է, որ ցանկություն կա Սերժ Սարգսյանին տեսնել վարչապետի պաշտոնում:

«Խնդրանքներով կամ հավակնություններով վարչապետ չեն լինում, կա այդ տրամադրվածությունը, դուք ճիշտ եք նկատել, իհարկե, մենք դեռ չենք քննարկել, երբ որ քննարկում կազմակերպենք, յուրաքանչյուր անդամ կհայտնի իր տեսակետը, այո՛, կա ցանկություն, սակայն յուրաքանչյուրը կհայտնի իր ցանկությունը»,- ասաց Բաղդասարյանը, խորհուրդ տալով չշտապել, քանի որ նախ մարտի 2-ին ընտրելու են ՀՀ նախագահ, որից հետո նոր այդ հարցի շուրջ քննարկումներ կկազմակերպեն:

Ազգային ժողովի Ծառուկյան դաշինքի պատգամավոր Գեւորգ Պետրոսյանը չի շտապում «ֆիլմից» առաջ ընկնել եւ գուշակել ՀՀԿ-ի սցենարը:

«Ես ձեր հարցին ստիպված եմ հարցով պատասխանել: Կարելի է իմանալ, թե ես ինչո՞ւ եմ ընտրվել Արմեն Աշոտյանի խոսքերի մեկնիչ: Հանրապետական կուսակցությունը բազմամարդ կուսակցություն է, այնտեղ կան հանճարներ եւ անճարներ, դիմեք իրենց, թող մեկնաբանեն իրենց ղեկավարի տեղակալի ասածները: Ծառուկյան դաշինքի համար անձերը կարեւոր չեն, կարեւոր է վարչապետ ընտրվի այն անձը, ով երկիրը դուրս կբերի այս վիճակից՝ հաշվի առնելով Ծառուկյան դաշինքի նախընտրական 15 կետերը: Չեմ կարծում, որ Արմեն Աշոտյանի խոսքերի մեկնաբանելու առաջին պատիվը մեզ է տրված»,- ասաց Գեւորգ Պետրոսյանը:

ԵԼՔ դաշինքի պատգամավոր Արարատ Միրզոյանը թեմայի շուրջ պատասխանելով «ՀԺ»-ի հարցին, թե ինչպես է կանխատեսում ֆիլմի վերջն ասաց.

«Եթե Արմեն Աշոտյանը նկատի ուներ, թե բոլորն էլ գիտեն, որ Սերժ Սարգսյանն է լինելու, ապա իմ համար տարակուսելի է, թե ինչու են այդպես գաղտնի պահում այդ ինֆորմացիան: Բանն այն է, որ նրանցից ոչ մեկն էլ չգիտի, թե ով է լինելու: Դա կլինի Սերժ Սարգսյանի միանձնյա որոշումը, հաշվի չի առնելու կուսակցական գործընկերների կարծիքը, եւ ինչ որոշում էլ լինի, այդ կուսակցության անդամները կսկսեն գովերգել: Հնարավոր է, որ վերջին օրերին այդպիսի որոշում կա եւ դրա համար էլ այդպես են խոսում: Իրականում ոչ մի բան էլ այդքան միանշանակ չի, քանի որ եթե հասարակությունը որոշի, որ պետք է թույլ չտա Սերժ Սարգսյանի երրորդ պաշտոնավարման ժամկետի մեկնարկը, ուրեմն այդպես էլ կլինի: Այս դեպքում Արմեն Աշոտյանի ասած կինոյի սցենարն այնպես կփոխվի, որ ինքն էլ չի իմանա»,- ասաց Միրզոյանը:

Հասարակական ընդվզման մասին ԱԺ ճեպազրույցների ժամին բարձրաձայնեց նաեւ ԵԼՔ խմբակցության ղեկավար Նիկոլ Փաշինյանը: Պատգամավորն ընդգծեց, որ այստեղ մեծ անելիք կունենա նորընտիր նախագահը: Մարտի 2-ից մինչեւ ապրիլ, եթե հասարակությունը ոտքի կանգնի եւ չցանկանա, որ մեկնարկի Սերժ Սարգսյանի կառավարման 3-րդ ժամկետն, ապա նախագահը պարտավոր է համապատասխան կոչով դիմի ժողովրդին՝ Սահմանադրության համաձայն: Փաշինյանը միաժամանակ չբացառեց, որ իրավիճակը կարող է սրվել:

Արմեն Աշոտյանի ակնարկած ֆիլմի ուշագրավ մասերի «ցուցադրմանը» դեռ տեւական ժամանակ կա: Այստեղ հարց է առաջանում՝ ՀՀ քաղաքացին սովորականի նման այս ֆիլմի ընթացքին էլ կհետեւի՞ հուզախառն զգացմունքներով, ինչպես հնդկական սերիալներն է նայում կամ կատակերգությունները՝ «պոպկորնով», թե՞ կփոխի ֆիլմի սցենարը:

Նյութը տպագրվել է «Հայկական ժամանակ» օրաթերթի փետրվարի 13-ի համարում:

Տպել
1848 դիտում

Սփյուռքի հետ հարաբերություններում անհարաժեշտ է նոր շունչ, թարմություն, երիտասարդական մոտեցումներ

Մշակույթի նախարարը պարզաբանում է՝ ինչու «Սայաթ-Նովա» անսամբլին գումար չեն հատկացրել

Կոտայքի մարզպետն իր մոտ է կանչել դպրոցի տնօրենին, հորդորել բողոքարկել ընտրության արդյունքները ԿԳՆ-ում

Գործարարները պատրաստակամություն են հայտնել աջակցել «Իմ քայլը» հիմնադրամին ոչ միայն ֆինանսապես

Քիչ առաջ Վանաձորում բերման են ենթարկել «օրենքով գող» Օշականցի Գեւորիկի եղբորորդուն

Հայկական ստորաբաժանումը առաջիկայում լիովին պատրաստ կմեկնի Սիրիա. Դավիթ Տոնոյան

Կարգադրվել է բարձրացնել զինվորականներին տրվող ներքնաշորերի որակը. Դավիթ Տոնոյան

Արցախում կայացել է մարտավարական զորավարժություն. ՊԲ-ն ներկայացնում է լուսանկարներ

Բուռն քննարկումներից հետո ՀԱԿ-ը որոշել է չմասնակցել արտահերթ ընտրություններին

Հայաստանի մի մասում անձրեւ, մյուսում՝ ձյուն է սպասվում. ԱԻՆ-ը հորդորում է անցնել ձմեռային անվադողերի

Գալուստ Սահակյանին փոխարինելու է Նաիրա Կարապետյանը

Պարգեւատրվել են լավագույն պարտադիր ժամկետային զինծառայողների ուսուցիչները

Դատախազությունն ուսումնասիրում է Հակոբ Հակոբյանի հայտարարությունը՝ կեղծ դեղեր գնվելու մասին

Հիմա էլ որպես ընդդիմություն են ստում. վերջին վարիանտ՝ Սերժ Սարգսյանը չէր հրաժարվի նաեւ ժողովրդի դեմ չերյոմուխա կիրառել

Քաղաքապետը Միջազգային պարալիմպիկ կոմիտեի նախագահի հետ հանդիպմանը կարևորել է պարասպորտի զարգացումը

Քրեական հեղինակություն Շալիկոյի սպանությունը նախապատրաստելու համար մարզիկին մեղադրանք է առաջադրվել

Ամփոփվել են ՎՏԲ-Հայաստան Բանկի #երբշահումես  մարքեթինգային արշավի արդյունքները

Աննա Հակոբյանը Մոսկվայում է. հանդիպումների ժամանակ ներկայացրել է իր ծավալած գործունեությունը

Վարչապետի խորհրդականը՝ ռեյտինգային թեկնածու

Ազգային ժողովի արձակումից հետո նոյեմբերի 11-ին տեղի կունենա առաջին լիագումար նիստը