Հերթական դանակահարությունը Վանաձորի հանրակացարանում. դատախազությունն ասում էր, չէ՞՝ հսկեք

Փետրվարի 9-ին դանակահարության հերթական դեպքն է տեղի ունեցել Վանաձորի Երեւանյան խճուղու 90 հասցեում գտնվող հանրակացարանում: Armtimes.com-ի տեղեկություններով՝  ժամը 22:20-ի սահմաններում որովայնի շրջանի կտրած-ծակած, թափանցող վերք ախտորոշմամբ Վանաձորի բժշկական կենտրոն է տեղափոխվել 30-ամյա մի տղամարդ: ՀՀ գլխավոր դատախազությունից հաստատեցին մեր այս տեղեկությունը, հայտնելով, որ Լոռու մարզային քննչական վարչությունում դեպքի առթիվ հարուցվել է քրեական գործ ՀՀ Քր.Օր.-ի  112-րդ հոդվածի 1-ին մասով:

Մեզ հասած տեղեկություններով՝ դանակահարությունը տեղի է ունեցել հանրակացարանի բակում ծագած ծեծկռտուքի արդյունքում: Դանակահարողը դատարանի որոշմամբ կալանավորվել է:

Հատկանշական է, որ դեռ հունվարի 12-ին Լոռու դատախազ Արսեն Մարտիրոսյանը միջնորդագիր էր ներկայացրել Վանաձորի քաղաքապետ Մամիկոն Ասլանյանին, կոչ անելով ձեռնարկել միջոցառումներ քաղաքապետարանի ենթակայության տակ գտնվող հանրակացարանում բնակվող վերոնշյալ անձանց վարքագծի նկատմամբ պատշաճ, շուրջօրյա հսկողություն սահմանելու ուղղությամբ եւ ձեռնարկված միջոցառումների, դրանց արդյունքների մասին մեկամսյա ժամկետում հայտնել Լոռու մարզի դատախազությանը: Միջնորդագրի  հիմք էր հանդիսացել հունվարի 8-ին տեղի ունեցած դանակահարությունը:

Դատախազի միջնորդագրին ՀՔԱՎ ղեկավար Արթուր Սաքունցը տվեց խարան գնահատականը, նշելով, թե հանրակացարանում իրավիճակը այնպես չէ, ինչպես ներկայացվում է:

Դատախազությունն էլ իր հերթին իր փաստերը ներկայացրեց այս ամենի վերաբերյալ, նշելով, թե ՀՔԱՎ-ը միտումնավոր եւ նպատակամղված խեղաթյուրում է փաստերը: Մինչդեռ, փաստացի, ավելի քան մեկ ամիս անց նույն հանրակացարանում արձանագրվեց հերթական դանակահարության դեպքը: Ստացվում է՝ արդարացի է մարզի դատախազի մտահոգությունը, որ  հիշյալ հանրակացարանում բնակություն են  հաստատել նաեւ հակաիրավական հայացքներ ունեցող անձինք եւ նրանց վարքագծի նկատմամբ պատշաճ հսկողությունը բացակայում է: Ինչով էլ  պայմանավորված՝ այդ տարածքում հաճախ արձանագրվում են իրավախախտման եւ հանցագործության փաստեր:

Չի բացառվում, որ այս ամենը դեռ կշարունակվի այնքան ժամանակ, քանի դեռ վերահսկողությունը չի մեծացվել հանրակացարանում:

Տպել
1206 դիտում

Նիդերլանդների խորհրդարանում այսօր քվեարկության կդրվեն Հայոց Ցեղասպանության 2 բանաձեւերը

Եղանակը կրկին փոխվում է. այսօր որոշ շրջաններում տեղումներ են սպասվում

ԱՄՆ դեսպանը Ռազմական համալսարանում պատմել է ԱՄՆ-ի Ազգային անվտանգության ռազմավարությունից

Մինչեւ 2021 թվականը արգելվել է Միխաիլ Սահակաշվիլիի մուտքը Ուկրաինայի տարածք

Լիբանանի նախագահն այցելել է Մայր Աթոռ Սուրբ Էջմիածին (լուսանկարներ)

Զապը եւ մի քանի այլ քրեականներ ՀՀ-ից արտաքսվել են՝ ՊՊԾ գնդի ապաչեզոքացմանը չօգնելու համար

Ավտովթար ԱՄՆ դեսպանատան մոտակայքում. քաղաքացին արգելափակվել է ավտոմեքենայում

Հոլանդիայից ապաստան խնդրած Թուրքիայի քաղաքացիների դիմումների մեծ մասը բավարարվել է

Ինչ կապ ունի կրթության տեսչական մարմնի նոր պետը վարչապետի հետ. 12 հոգի փողոցում է հայտնվել

Ազգային ժողովում Արմեն Սարգսյանի թեկնածությունը ՀՀ նախագահի պաշտոնում կառաջադրեն այս շաբաթ

Աթեշյանին կարգալույծ անելու պահանջով կոնկրետ եւ լուրջ քայլեր են նախապատրաստվում

Հայ-թուրքական հարաբերություններից մինչեւ ղարաբաղյան խնդիր. ԱԳ նախարարի ելույթը Բրյուսելում

Հ. Աբրահամյանի անվան հետ կապվող ՍՊԸ-ի պատճառով դատական պրոցես կսկսվի. աղմկոտ պատմություն

Արաբական Միացյալ Էմիրություններից Գյումրի եկած «Տարոն Ավիա»-ի սեփականատերը «կորել» է

Ավարտվեցին ծանրամարտի Հայաստանի կանանց եւ տղամարդկանց առաջնությունները

Ինչու՞ Գագիկ Սուրենյանն ավելի բարձր պաշտոնի մրցույթին չմասնակցեց եւ որքան կմնա նոր տնօրենը

Սադոմազոխիստական տեսարաններով 18 + ֆիլմը «Մոսկվա» կ/թ-ում դիտում են նաեւ անչափահասները

Արփինե Հովհաննիսյանի եւ Գեւորգ Կոստանյանի ջերմ առանձնազրույցն՝ ԱԺ նիստում (լուսանկարներ)

Կատետրի հետեւանքով երկու տարեկան երեխան 2-րդ կարգի այրվածք է ստացել. ահազանգում է մայրը

Արթիկի ճանապարհներին ձյուն է տեղում, Սյունիքում մառախուղ է