Մենք կունենանք վարչապետի մեր թեկնածուն. Նիկոլ Փաշինյանը խոսել է առաջիկա անելիքներից

Այսօր Ազգային ժողովում ուսանողների հետ հանդիպման ժամանակ ԱԺ ԵԼՔ խմբակցության պատգամավոր Նիկոլ Փաշինյանը պատասխանել է ուսանողների մի շարք հարցերի, այդ թվում՝ նախագահի եւ վարչապետի վերաբերյալ: Առաջիկա ընտրությունների մասին Փաշինյանն ասել է, որ իրենք, ամեն դեպքում, որոշել են մասնակցել ընտրություններին.

«Առջեւում երկու ընտրություն կա՝ նախագահի եւ վարչապետի: Քանի որ նախագահի լիազորությունները փոխվել են, հարցի սրությունն էլ է մի քիչ փոխվել: Մենք ամեն դեպքում մասնակցելու ենք ընտրություններին եւ դեմ ենք քվեարկելու: Մենք որոշել էինք մեր խմբակցության անդամ Արտակ Զեյնալյանին առաջադրել նախագահի թեկնածու, բայց չհաջողվեց, որովհետեւ դրա համար անհրաժեշտ էր պատգամավորների առնվազն մեկ քառորդի ստորագրությունը, իսկ ստորագրությունները բավարար չեղան»:

Վարչապետի ընտրության հետ կապված Նիկոլ Փաշինյանն ասաց.

«Այլ հարց է վարչապետի ընտրությունը: Ես ասացի՝ քանի որ հիմա ակնհայտ է որ հանրապետականի թեկնածուն Սերժ Սարգսյանն է լինելու, որը հայտարարել էր, որ ինքը չի հավակնելու վարչապետի պաշտոնին, եւ դա արել է պաշտոնապես, տեսախցիկների առաջ, եւ դա արել է որպես սահմանադրական փոփոխությունների հիմնավորում, սա ես կարծում եմ, որ ամեն քաղաքացի եւ ամեն քաղաքական ուժ պետք է իր դիրքորոշումը հստակեցնի այս իրավիճակի վերաբերյալ: ԵԼՔ խմբակցության դիրքորոշումը հստակ է՝ մեզ համար անընդունելի է Սերժ Սարգսյանի թեկնածությունը հենց այդ պատճառով եւ ԵԱՏՄ քաղաքական ավանդույթների ներմուծման ու արմատավորման պատճառով: Այստեղ կա երկրորդ հարցը. լավ, որ ընդունելի չէ, ի՞նչ ենք անելու: Այս պահին ես չեմ կարող ասել, որ մենք ունենք որոշումներ, բայց ունենք քննարկում: Եթե ես, կամ մեր կուսակցությունը լիներ որոշողը, մենք կորոշեինք, որ Սերժ Սարգսյանը պետք է չլինի ՀՀ վարչապետը: Սա խնդիր է, որը ՀՀ քաղաքացիների լուծման տիրույթում է: Եթե ՀՀ քաղաքացին այս իրավիճակի վերաբերյալ ցույց տա իր կամքը՝ տեսանելի ձեւով, իսկ տեսանելի ձեւը ո՞րն է, որ մարդիկ հարյուր հազարներով դուրս են գալիս փողոց, եւ ասում են, որ մենք դեմ ենք այդ որոշմանը, ես ինքս ինձ, որպես քաղաքական գործիչ, համարում եմ եւ կհամարեմ քաղաքացիների պահանջի ի կատար ածման երաշխավորը: Բայց այստեղ հարց կա. քանի՞ քաղաքացի կա, որ պատրաստ է այսպիսի գործողության, եւ երկրորդ հարցը՝ ինչպե՞ս ստուգենք, թե քանի քաղաքացի է պատրաստ նման գործողության: Մենք պետք է քննարկենք այս ամենը, եւ եթե չունենք հարցի պատասխանը, միջոցներ ենք ձեռնարկելու, որպեսզի գտնենք»,- ասաց ԵԼՔ խմբակցության ղեկավարը:

Ուսանողներից մեկի հարցին՝ եթե Սերժ Սարգսյանը չլինի վարչապետ, ապա ու՞մ է տեսնում ԵԼՔ-ը, Փաշինյանը պատասխանեց, որ իրենք կունենան վարչապետի սեփական թեկնածու:

Խոսելով վարչապետի ընտրությունից՝ Նիկոլ Փաշինյանն ասաց, որ իրենք երկու կարևոր շեշտադրում ունեն՝ հանրապետականի թեկնածուների լավ-վատ լինելուց բացի.

«Նախ՝ Սերժ Սարգսյանն իր հայտարարության եւ քաղաքականության սկզբունքների բերումով պետք է չլինի վարչապետ, եւ երկրորդ հարցը՝ մենք ի՞նչ ենք ասում ընտրությունների վերաբերյալ: 2017 թվականի ապրիլի 2-ի ընտրությունների արդյունքները ձևավորվել են ընտրակաշառքի համատարած բաժանման պայմաններում: Եթե կա որևէ մեկը, որ այդ մասին չգիտի, խնդրում եմ՝ ասեք, ես ձեզ ապացույցներ կբերեմ»,-ասաց Նիկոլ Փաշինյանը:

Տպել
4238 դիտում

Շոկային սկիզբը, Յուրայի պոկերը ու ՀՀ ֆուտբոլի հավաքականի ջախջախիչ հաղթանակը

Ծեծկռտուք Արտաշատի զինկոմիսարիատում. ըստ քաղաքացու ահազանգի՝ կապիտանը կոտրել է իր քիթը

Պարզաբանումներ եմ պահանջելու Բելառուսի ու Ղազախստանի նախագահներից. Փաշինյանը՝ ՀԱՊԿ նիստի զարգացումների մասին

Ոստիկանությունը օպերատիվ տվյալներ է ստացել, որ Երեւանում հիպնոսի միջոցով փող են կորզում

Ջիբրալթար-Հայաստան ֆուտբոլային հանդիպման մեկնարկային կազմերը

Երկու օր առաջ Հայաստանում էր, հիմա՝ չգիտեմ. Շարմազանովը՝ Տարոն Մարգարյանի գտնվելու վայրի մասին

Աշխարհը չէի փոխի քո հետ. Սիրուշոն շնորհավորել է Լեւոն Քոչարյանի ծնունդը

Իրական ընդդիմություն կձեւավորվի ընտրություններից հետո

Արսեն Ջուլֆալակյանն ու լրագրողը պարզաբանել են թյուրիմացությունը

Նոր մանրամասներ հոկտեմբերի 27-ին նռնակով կառավարության շենք ներխուժման դեպքից. պարզվել է՝ ով է նա

Արցախի պետնախարար Մարտիրոսյանն ընդունել է Արցախի պետական համալսարանի ուսանողների

Այդ տարածքը իմն է, իմ սեփականությունն է. Լոռու մարզպետը՝ սեփական ատամնաբուժարան կառուցելու մասին

Մարկոս Պիզելին՝ Ղազախստանի առաջնության լավագույն ֆուտնոլիստ

Քաղաքապետն ընդունել է ՀՀ-ում ԵՄ դեսպան Պյոտր Սվիտալսկիին

Վաչագան Ղազարյանը ցուցմունք է տվել. քննարկվում է կրկին գրավի միջնորդությամբ հանդես գալու տարբերակը

Ավան վարչական շրջանի ղեկավարը հրաժարական է տվել

23-ամյա Վահագնի շնորհիվ մարդկանց կյանքեր կփրկվեն. արյան տարբեր խումբ ունեցողներ շարունակում են արյուն հանձնել

Վարչապետ Նիկոլ Փաշինյանի միջնորդությամբ Սիմոն Մարտիրոսյանն ու Գոռ Մինասյանը կպարգեւատրվեն

Հույս ունեմ կկարողանանք Աբաջյանի հերոսությանն արժանի ապրել՝ անկախ նրանից` ինչով ենք զբաղվում. Փաշինյան

Հայ մարզիչը ղազախական ակումբի մանկապատանեկան ֆուտբոլը ղեկավարելու ու Հենոյի գեղեցիկ քայլի մասին