«Նուբարաշեն» ՔԿՀ կոյուղիները վերանորոգվում են. քաղաքապետարանի միջադեպը դրա հետ կապ չունի՞

Երեւանի Նուբարաշեն վարչական շրջանում տարիներ շարունակ կուտակվող կոյուղաջրերի հետեւանքով առաջացած խնդիրը սկսել է լուծվել: Բնակիչներն, ինչպես հայտնի է, դժգոհում են, որ «Նուբարաշեն» քրեակատարողական հիմնարկի կոյուղիների վնասված լինելու պատճառով կեղտաջրերը դուրս են գալիս, կուտակվում հարակից տարածքում ու գարշահոտ տարածում:

Հարցը պարբերաբար առաջ է քաշվել տարբեր մակարդակներով, այն հնչեցրել են բնակիչները, դատապարտյալները, Ազգային ժողովի պատգամավորներ՝ նշելով, որ գարշահոտ մթնոլորտ է նաեւ բանտախցերում ու միջանցքներում: Երեկ էլ Երեւանի ավագանու «Երկիր ծիրանի» խմբակցության անդամները ավագանու նիստին ներկայացել էին՝ իրենց հետ բերելով Նուբարաշենում կուտակվող կոյուղաջրերի տարաներ ու դահլիճում բացելով դրանց բերանը: Հոտն անմիջապես տարածվել էր, Հանրապետական խմբակցության անդամները խիստ վրդովվել էին, ու սկսվել էր ծեծկռտուք:

Այսօր արդեն տարածքում սկսվել են համապատասխան աշխատանքներ: Այս մասին տեղեկացրին ՀՀ արդարադատության նախարարության քրեակատարողական վարչություն հանրային կապերի բաժնից՝ պատասխանելով մեր հարցմանը:

«Խնդիրը վաղուցվանից է: Տեւական ժամանակ առաջ պայմանավորվածություններ են ձեռքբերված եղել տարբեր հիմնարկների՝ տեղական ինքնակառավարման մարմիների հետ: Հիմա համապատասխան սարքավորումները ձեռք են բերվել, աշխատանքները սկսվել են»,- ասաց բաժնի պետ Գոռ Ղլեչյանը:

Նա, միեւնույն ժամանակ վստահեցրեց, որ Երեւանի ավագանու նիստում նախորդ օրը տեղի ունեցած միջադեպը որեւէ կապ չունի համապատասխան աշխատանքները սկսելու հետ:

«Երեւանի ավագանու նիստում տեղի ունեցած միջադեպը ընդհանրապես կապ չունի, մենք պայմանավորվածությունը վաղուց ենք ձեռք բերել տեղական ինքնակառավարման մարմնի հետ»,- ասաց նա՝ հաստատելով, որ կոյուղիների հետ կապված խնդիրը վերացնելու ուղղությամբ միջոցներ են ձեռնարկել քրեակատարողական հիմնարկը, տեղական ինքնակառավարման մարմինը եւ «Վեոլիա ջուր» ընկերությունը համատեղ:

Հարցին, թե ինչն էր խանգարում, որ այդ ամենն ավելի վաղ արվեր եւ արդյո՞ք իր նշած սարքավորումներն այդքան անմատչելի են, բաժնի պետը պատասխանեց. «Ես չեմ կարող նախորդ տարիների վերաբերյալ որեւէ բան ասել: Համապատասխան սարքավորումներ են ձեռք բերվել, որոնց համար ժամանակ էր պետք: Դրանք, նորից եմ կրկնում, ձեռք են բերվել, եւ այս պահին աշխատանքները տարվում են»:

Երեւանի քաղաքապետարանից նույնպես փորձեցինք պարզել՝ ինչ անելիք ուներ Նուբարաշենի օդը աղտոտող այս խնդրի վերացման հարցում եւ ինչու ժամանակին չեն ձեռնարկվել անհրաժեշտ միջոցառումներ:

«Դեռ մեկ տարի առաջ այս հարցը կրկին արծարծվել է, մենք այն ժամանակ էլ ասել ենք, որ խնդրի լուծումը քրեակատարողական հիմնարկի տիրույթում է ու պատրաստակամություն եք հայտնել աջակցել խնդրի լուծման հետ կապված: Եթե մինչեւ այսօր ոչ մի բան տեղից չի շարժվել, նշանակում է նման հայտ չի ներկայացվել»,- ասաց քաղաքապետարանի տեղեկատվության եւ հասարակայնության հետ լապերի վարչության պետ Արթուր Գեւորգյանը:

Դիտարկմանը, որ խնդիրը չի մնացել քրեակատարողական հիմնարկի տարածքում, այլ դուրս է եկել, հասել բնակիչներին, եւ այդ դեպքո՞ւմ էլ քաղաքապետարանը ոչինչ չպիտի նախաձեռներ, վարչության պետն արձագանքեց. «Ցանկացած ադեկվատ եւ տրամաբանող մարդ հասկանում է, որ խնդիրը պետք է լուծել հիմնովին եւ ոչ թե մասնակի: Եթե մասնակի լուծումներով առաջ գնաս, դրանով հարցը ամբողջությամբ չի լուծվելու»:

Տպել
9710 դիտում

Հիմա էլ որպես ընդդիմություն են ստում. վերջին վարիանտ՝ Սերժ Սարգսյանը չէր հրաժարվի նաեւ ժողովրդի դեմ չերյոմուխա կիրառել

Քաղաքապետը Միջազգային պարալիմպիկ կոմիտեի նախագահի հետ հանդիպմանը կարևորել է պարասպորտի զարգացումը

Քրեական հեղինակություն Շալիկոյի սպանությունը նախապատրաստելու համար մարզիկին մեղադրանք է առաջադրվել

Ամփոփվել են ՎՏԲ-Հայաստան Բանկի #երբշահումես  մարքեթինգային արշավի արդյունքները

Աննա Հակոբյանը Մոսկվայում է. հանդիպումների ժամանակ ներկայացրել է իր ծավալած գործունեությունը

Վարչապետի խորհրդականը՝ ռեյտինգային թեկնածու

Ազգային ժողովի արձակումից հետո նոյեմբերի 11-ին տեղի կունենա առաջին լիագումար նիստը

Թուրքիային Քեմալ Օքսուզին հանձնելու միջնորդությունը ստացվել է ԱՄՆ-ի միջնորդությունը բավարարելուց հետո

Քունջութի յուղից և մածուկից մինչև դիզայն ու փրոդաքշն. սփյուռքահայերի բիզնեսը Հայաստանում (տեսանյութ)

Աննա Հակոբյանն այցելել է սիրված դերասան, թատրոնի ռեժիսոր Արմեն Ջիգարխանյանին

Տնակից դուրս չեն գալիս, որ նպաստ ստանան. Գյումրու ավագանին 2 ուղերձ հղեց կառավարությանը

Հ. Մարությանի որոշմամբ ապամոնտաժվել է ևս մեկ ինքնակամ շինություն, այս անգամ՝ Գյուրջյան փողոցում

Լոռու ներկայիս մարզպետը՝ նախկին ՀՀԿ-ական մարզպետի հետ ընտրապայքարի մասին

Երևանի Սայաթ Նովայի պողոտա-Նալբանդյան փողոց խաչմերուկի լուսացույցները կտեղափոխվեն

Սերժ Սարգսյանից երկու տարի պահանջվեց, որ Խաչատուրովը դառնա ՀԱՊԿ գլխավոր քարտուղար

Նման դեպքեր այլևս չեն լինելու. Հայկ Մարությանը` Նոր Նորքում ապօրինի շինության մասին

Համաներման շրջանակներում մինչ այժմ ազատ է արձակվել 451 դատապարտյալ

Շիրակի մարզպետն իր հաշվին արձակուրդ կգնա, նա էլ է ՔՊ թեկնածու

Տարոն Մարգարյանը ՀՀԿ ցուցակում չկա

Ոստիկանները Լոռիում բացահայտել են 7.352.400 դրամի յուրացման և 140.000 դրամի կաշառքի դեպք (տեսանյութ)