Ընդհարում. բազեներն ընդդեմ բազեների

17/02/2018 schedule17:21

Տպագրվել է «Հայկական Ժամանակ» օրաթերթի՝ 2005 թվականի փետրվարի 18-ի համարում

Երկու օր առաջ տեղի ունեցած «Հայկյան մրցանակաբաշխությունը», որի կազմակերպիչն է Համահայկական երիտասարդական հիմնադրամը, իսկ ավելի կոնկրետ՝ բազեները, ընդհարման պատճառ է դարձել Երեւանի պետական համալսարանի ուսանողների եւ բազեների միջեւ: Հենց մրցանակաբաշխության ժամանակ համալսարանի ուսանողները, որպես բոյկոտի նշան, միասնաբար լքել են Ստանիսլավսկու անվան ռուսական թատրոնի դահլիճը, ուր տեղի էր ունենում մրցանակաբաշխությունը: Իսկ արդեն նախօրեին ԵՊՀ ուսանողական կազմակերպությունները տարածել են մի հայտարարություն, որում իրենց մտահոգությունն ու վրդովմունքն են հայտնում Հայաստանի «կազմակերպված» երիտասարդության շրջանում տիրող անառողջ եւ ոչ կառուցողական մթնոլորտի վերաբերյալ, որի դրվագներից մեկն էլ հենց փետրվարի 15-ին տեղի ունեցած «Հայկյան մրցանակաբաշխությունն» է:

«Ցավոք, ինչպես նախորդ տարիներին, այս տարի առավել շատ, այս մրցանակաբաշխությունը չծառայեց բուն նպատակին»,- երեկ հրավիրված մամուլի ասուլիսի ժամանակ հայտարարեց ԵՊՀ «Համալսարանական» հանդեսի գլխավոր խմբագիր Կարեն Գրիգորյանը: Դրա վառ ապացույցն, ըստ համալսարանականների, «Հայկյան մրցանակաբաշխության» մրցանակակիրների ցուցակն է, որի միայն ընթերցումից արդեն պարզ երեւում է, թե ինչ սկզբունքներով են առաջնորդվել կազմակերպիչները մրցանակները հանձնելիս: Բանն այն է, որ Երիտասարդական հիմնադրամի կազմակերպած մրցանակաբաշխության մրցանակակիրների հիմնական մասը կուսակցական պատկանելություն ունեցող անձիք են կամ դրսից ֆինանսավորվող կազմակերպություններ: Սա ակնհայտ երեւում է մրցանակակիրների ցուցակն անգամ թեթեւ աչքի անցկացնելու դեպքում:

ԵՊՀ ուսանողներին զայրացրել է հատկապես այն, որ մրցանակաբաշխության ժյուրին «Լավագույն պարբերական» նոմինացիայում անգամ որպես նոմինանտ չի ներկայացրել ԵՊՀ-ի «Համալսարանական» պարբերականը, որն, ըստ սույն բուհի ուսանողների, լավագույնն է երիտասարդական դաշտի պարբերականների մեջ: Դրա փոխարեն, մրցանակը տրվել է Բժշկական համալսարանի «Մեդիկուս» ամսաթերթին, որը բացառապես զբաղված է ուսանողության շրջանում կուսակցական քարոզարշավով (հիմնականում Հանրապետական կուսակցության), ուր բացահայտ գրվում է, որ շատերը ԵԲՀ-ի ուսանողական խորհրդարանը համարում են ՀՀԿ-ի նախընտրական շտաբ եւ այլն: Այնինչ, «Կրթության մասին ՀՀ օրենքում» հստակ գրված է, որ կուսակցական քարոզչությունը բուհերում արգելվում է:

«Հայկյան մրցանակաբաշխության» մեկ այլ՝ «Ուսանողական ինքնակառավարման մարմնի լավագույն ղեկավար» նոմինացիայում ներկայացված են եղել բացառապես Հանրապետական կուսակցության ներկայացուցիչներ, իսկ մրցանակը հանձնող Արմեն Աշոտյանը, որը ԵԲՀ-ի ուսխորհրդի նախկին նախագահն էր, ՀՀԿ երիտասարդական թեւի նախագահը եւ բոլորովին վերջերս ՀՀԿ ցուցակով դարձավ ԱԺ պատգամավոր, ըստ համալսարանականների, բեմ բարձրանալով հայտարարել է, թե պարզ է, որ լավագույնը պետք է հանրապետական լիներ: «Մենք, որպես երիտասարդներ, մեր մտահոգությունն ենք հայտնում ընդհանրապես երիտասարդության ոլորտում տիրող այս ոչ բարվոք մթնոլորտի համար, որտեղ ինչ-որ նպատակի հասնելու համար ցանկալի է, որ կուսակցական կրծքանշանով լինես, որի վրա ցանկալի է, որ թռչուն պատկերված լինի»,- երեկ վրդովված ասում էր համալսարանի ուսանողական խորհրդի նախագահ Միհրան Հակոբյանը, որը այդ պաշտոնում ընտրվել էր հայտնի սկանդալային ընտրությունների արդյունքում:

Համալսարանի ուսանողներին հունից հանել է նաեւ Հայաստանի երիտասարդական հիմնադրամի կազմակերպած ուխտագնացությունը դեպի Դեր-Զոր: «Սա կուսակցական ուխտագնացություն է, եւ մենք համաձայն չենք, որ այն կուսակցականացվի»,- երեկ ասում էր ԵՊՀ Արհկոմիտեի ուսանողական գծով փոխնախագահ Արմեն Ավետիսյանը: Ըստ նրա, ՀԵՀ-ը, որպես կանոն, բոլորին առաջարկում է ինչ-որ բան քննարկել, բայց քննարկումներից հետո միշտ պարզվում է, որ որոշումը նախապես կայացված է եղել: Եւ այժմ ՀԵՀ-ին, այսինքն, բազեներին պատժելու համար ԵՊՀ ուսանողները որոշել են համապատասխան միջոցներ կիրառել: Նրանք առաջին հերթին դիմելու են ԵՊՀ ղեկավարությանը, խնդրելով, որ վերջինս վերանայի կամ դադարեցնի ՀԵՀ-ի որեւէ ծրագրի ֆինանսավորումը:

«Թող ՀԵՀ-ը բացատրի, թե ինչպես է հովանավորում կուսակցական քարոզչությունը բուհերում: Բացի այդ, ՀԵՀ-ն առաջնորդվում է բոլորին բավարարելու, այսպես ասած, քոմփլեմենթար քաղաքականության սկզբունքով, որն այս դեպքում չի արդարացվում»,- երեկ ասում էր Արմեն Ավետիսյանը: Մենք փորձեցինք նաեւ այս ամենի կապակցությամբ մեկնաբանություն ստանալ ՀԵՀ-ից: Հիմնադրամի հասարակայնության հետ կապերի ղեկավար Աստղիկ Ավետիսյանը բացատրեց, որ ԵՊՀ պարբերականը նոմինանտների ցուցակում չի ընդգրկվել այն պատճառով, որ դրա հիմնադիրները ԵՊՀ շրջանավարտներն են: «Մեզ համար կարեւոր չէ՝ որակով է դա արվում, թե ոչ: Մեր խնդիրն է՝ մրցանակը տալ ուսանողական այն լավագույն պարբերականին, որն անում են ուսանողները»,- ասաց Աստղիկ Ավետիսյանը:

Լուսինե Բարսեղյան

Տպել
1432 դիտում

Թիվ 3/5 տեղամասի քվեարկության արդյունքները վերահաշվարկվել են, որևէ ցուցանիշի փոփոխություն չի արձանագրվել. ԿԸՀ

Դատախազության հանձնարարությամբ առերևույթ ընտրախախտումների 42 դեպքերով նախապատրաստվում են նյութեր

Միջազգային սիմպոզիում՝ նվիրված անցումային արդարադատությանը. ներկա կլինի նաեւ Նիկոլ Փաշինյանը

«Dasaran.am» կրթական հարթակը նոր ծրագրի միջոցով կաջակցի զորակոչի կազմակերպմանը

Հեռուստաաշտարակի վերանորգման պատճառով որոշ ռադիոհաճախականություններ ժամանակավոր կանջատվեն

ԿԳՆ-ում անցկացվել է Տարվա լավագույն ուսուցիչ, տնօրեն եւ դաստիարակ մրցույթների վերջին փուլը

Դավիթ Տոնոյանն ընդունել է «Դիտակետ» ծրագրի պատասխանատուներին

Մեկնարկել է Զոհրաբ Մնացականյանի հանդիպումը ԵԱՀԿ Մինսկի խմբի համանախագահների հետ

Փոխվարչապետ Մհեր Գրիգորյանն ընդունել է ՎԶԵԲ Տարածաշրջանային տնօրենների պատվիրակությանը

Գտնվել է առաջ քաշված խնդրի փոխզիջումային տարբերակ. տրանսպորտի փոխնախարար Ա. Փամբուխչյան

Հայ-շվեյցարական համագործակցության շրջանակը բավականին լայն է. Բաբլոյանը՝ Շվեյցարիայի Համադաշնության փոխնախագահին

ՀՀ սփյուռքի նախարարը հանդիպել է Եգիպտոսի վարչապետի հետ

Կանցկացվի ՀՀ և ՌԴ ԶՈՒ զորքերի միացյալ խմբավորման ստորաբաժանումների մարտավարական զորավարժություն

Ամերիկայի Հայ Ավետարանչական Ընկերակցությունն ու ՊՆ-ն կհամագործակցեն Սիրիայի հումանիտար օգնության հարցում

Իշխել հնարավոր է, եթե դու իշխանության մասնիկ ես. ԵԿՄ-ում թեժ զարգացումներ են

Թող ոչ մի երեխա չտեսնի եւ չիմանա պատերազմի սարսափը. մանուկներին նվիրված միջոցառում (լուսանկարներ)

Համապատասխան արձագանք ստանալուն պես կկազմակերպվի 16-ամյա Ումութ Ալի Օզմենի վերադարձը Թուրքիա. ԱԳՆ

Բնակիչների մեծ մասը չսատարեց այդ մոտեցմանը. ՀՀԿ-ն շնորհավորել է Երևանի նորընտիր քաղաքապետին

Մրցույթն ավարտվեց. Գյումրու ծննդատան նոր տնօրենը Էդգար Սուքիասյանն է

Բռնցքամարտի մարզիչներին ստիպում են Արթուր Գեւորգյանի դեմ դուրս գալ. նա պարզաբանում է