Այս պահին ԵԼՔ դաշինքը արդյունավետորեն եւ միասնական աշխատում է. Մանե Թանդիլյան

Փետրվարի 17-ին տեղի ունեցավ Լուսավոր Հայաստան Կուսակցության երկրորդ համագումարը, որի ընթացքում ընտրվել է կուսակցության Կառավարման խորհուրդը։ Խորհրդի անդամներ են ընտրվել ՀՀ ԱԺ պատգամավորներ էդմոն Մարուքյանը, Մանե Թանդիլյանը, Գեւորգ Գորգիսյանը, Երևանի ավագանու անդամներ Դավիթ Խաժակյանը, Անի Սամսոնյանը, Հարություն Բաբայանը, Լիբերալ քաղաքականության դպրոցի տնօրեն Հայկ Կոնջորյանը, ԼՀԿ Երևանի խորհրդի նախագահ Վիկտոր Ենգիբարյանը, Երիտասարդական միության նախագահ Նատալի Սինորյանը, Վանաձորի ավագանու անդամ Արմեն Եղիազարյանը, նաեւ Կարեն Սիմոնյանը, Գրիգորի Դոխոյանը, Բենիամին Պլուզյանը, Սերգեյ Անիսոնյանը եւ Աննա Կոստանյանը։ Վերահսկիչ հանձնաժողովի անդամներ ընտրվեցին Գեւորգ Պապիկյանը եւ Գոհար Մաթեւոսյանը։ Կառավարման խորհրդի նախագահ ընտրվեց Էդմոն Մարուքյանը։ Համագումարով հաստատվեց Լուսավոր Հայաստան Կուսակցության նոր կանոնադրությունը եւ ծրագիրը համալրվեց Իրավունքի գերակայության մանիֆեստով, որը հանդիսանալու է կուսակցության առաջիկա գործունեության գլխավոր ուղենիշը: Լուսավոր Հայաստան կուսակցության գործունեությունը միտված է լինելու ի կատար ածելու Մանիֆեստում տեղ գտած դրույթները՝ դրանք դարձնելով Հայաստանի հասարակական-քաղաքական կյանքի առանցքային գործոններ:

Երկորդ համագումարի, կուսակցության ձեռքբերումների, առաջիկա անելիքների շուրջ «Հայկական ժամանակ»-ը զրուցել է ԵԼՔ դաշինքի պատգամավոր, Լուսավոր Հայաստան կուսակցության անդամ Մանե Թանդիլյանի հետ:

Տիկին Թանդիլյան, փետրվարի 17-ին տեղի ունեցավ Լուսավոր Հայաստան կուսակցության 2-րդ համագումարը: Նախ խնդրում եմ ներկայացնել, թե մինչ այս կուսակցությանը ի՞նչ է հաջողվել իրականացնել: Որո՞նք են ամենակարեւոր ձեռքբերումները:

- Իր գործունեության երկու տարիների ընթացքում Լուսավոր Հայաստան կուսակցությունը մշտապես աշխատել է քաղաքացիների հետ` սեփական ծրագրերը եւ գաղափարները տարածելու եւ զարգացնելու համար: Մենք ստեղծել ենք տարածքային կառույցներ հանրապետության մի շարք քաղաքներում` քաղաքացիների խնդիրներին ամենօրա ռեժիմով ծանոթանալու եւ վեր հանելու համար: Մասնակցել ենք Տեղական ինքնակառավարման մարմինների եւ համապետական ընտրությունների` մասնավորապես` Վանաձոր, Գյումրի, Երևան քաղաքներում, ինչպես նաև ԱԺ ընտրությունները: Այժմ ունենք խմբակցություն Վանաձորի ավագանիում, Լուսավոր Հայաստանը ունի ԱԺ պատգամավորներ եւ ավագանու անդամներ ԵԼՔ դաշինքի ֆորմատում: Մենք շարունակելու ենք աշխատել եւ իրականացնել մեր նպատակներն ու ծրագրերը հանուն Հայաստանի ժողովրդավարացման եւ զարգացման:

- Եղե՞լ են ձախողումներ:

- Քաղաքական գործունեությունը լի է բազմաթիվ ռիսկերով, եղել են նման ռիսկեր եւ կան նաեւ այժմ: Մենք ամեն բան փորձում ենք անել այդ ռիսկերը առավել լավ հաշվարկելու եւ կառավարելու համար:

- Իսկ առաջիկայում ի՞նչ ծրագրեր կան:

- Լուսավոր Հայաստանը շարունակելու է իր նպատակների իրականացմանը միտված գործունեությունը` իր գործընկերների հետ միասին` ԵԼՔ դաշինքում: Մենք ընդունել ենք Իրավունքների գերակայության մանիֆեստը եւ առաջիկա տարիներին դա է լինելու մեր գործունեության առանցքային ուղղություններից մեկը:

- Քաղաքացիական պայմանագիր, Հանրապետություն եւ Լուսավոր Հայաստան կուսակցությունների օրակարգում մեկ կուսակցություն ստեղծելու հարցն առաջիկայում կլինի՞:

- Այս պահին ԵԼՔ դաշինքը արդյունավետորեն եւ միասնական աշխատում է, մեր խնդիրը էլ ավելի մեծ արդյունավետության հասնելն է, իսկ մեկ կուսակցության հարցը կլինի բնական զարգացման արդյունք, մենք շատ հանգիստ շարժվում ենք առաջ միասին:

- Լուսավոր Հայաստան կուսակցությունը Հայաստանում թիվ մեկ խնդիրը ո՞րն է համարում, որն առաջնային լուծման կարիք ունի:

- Դժվար է առանձնացնել գեթ մեկ խնդիր, սակայն խնդիրների համալիր լուծման գլխավոր բանալին իրապես գործող ժողովրդավարական պետություն ստեղծելն է, որտեղ կա իրավունքի գերակայություն, զսպումների եւ հակակշիռների մեխանիզմներ, արդար դատարաններ, կոռուպցիայի դեմ արդյունավետ պայքար: Այս ամենին հնարավոր է միայն հասնել ուժեղ ժողովրդավարական պետություն կերտելով:

Նյութը տպագրվել է «Հայկական ժամանակ» օրաթերթի փետրվարի 20-ի համարում:

Տպել
1714 դիտում

Ոստիկանության զորքերի նախկին հրամանատար Լևոն Երանոսյանը հրավիրվել է Հատուկ քննչական ծառայություն

Երևանում և 6 մարզում այսօր էլեկտրաէներգիայի մինչեւ 6 ժամյա պլանային անջատումներ կլինեն

ՀՀ Արտակարգ իրավիճակների նախարարն աշխատանքային այցով ՌԴ-ում է

Մանդելայի իդեալների ճշմարիտ ոգով մեր շարժումն աշխարհին հայտնի դարձավ. վարչապետը՝ Նյու-Յորքում

Ուրախ եմ տեսնել Ձեզ, վարչապե՛տ Փաշինյան. Կանադայի վարչապետի գրառումը թվիթերում

Կստորագրվի համագործակցության նոր ծրագիր՝ ՀՀ-ի և Բուլղարիայի կառավարությունների միջև

Լավագույնս դրսևորվեց ժողովրդի բարձր քաղաքացիական գիտակցությունը. Հայ Ազգային Կոնգրեսը շնորհավորել է «Իմ քայլ»-ին

Հայաստանի պետական սիմֆոնիկ նվագախումբը նոր համերգաշրջանի մեկնարկը տալիս է նոր կարգավիճակում (տեսանյութ)

Երեւանի ավագանու արտահերթ ընտրություններում գրանցված խախտումների ամփոփագիր

ՎՏԲ Հայաստան Բանկը գործարկել է ինտերնետ էկվայրինգ ծառայություն

Քվեաթերթիկները լրացրել են քվեախցերից դուրս, խցում մի քանի անձ է եղել. «Անկախ դիտորդ»-ի եզրակացությունները

Ռոբերտ Քոչարյանը դատի է տվել Նիկոլ Փաշինյանին

ՄԱԿ-ի կենտրոնակայանում Նիկոլ Փաշինյանը հանդիպել է Ռուանդայի նախագահի հետ

Քաղաքական գործիչների տիկնայք չպետք է խորհուրդներ տան ամուսիններին. Աննա Հակոբյան

Այս անգամ չկային ՀՀԿ-ականների տասովշիկների բրիգադները, քրեական խավը ներգրավված չէր ընտրությունների մեջ. դիտորդներ

Վանաձորի ՀՀԿ-ական քաղաքապետն ու ավագանին շնորհավորել են Հայկ Մարությանին

Հայաստանի վարչապետն ու Կիպրոսի նախագահը Նյու Յորքում հանդիպել են. վարչապետը հրավիրվել է Կիպրոս

Ն. Փաշինյանը ՄԱԿ-ի գլխավոր քարտուղարի հետ խոսել է ՀՀ-ում արտահերթ խորհրդարանական ընտրությունների անցկացման մասին

Հայտնում ենք մեր պատրաստակամությունը՝ օգնել նոր քաղաքային իշխանություններին. Արարատ Զուրաբյան

ՖԻՖԱ-ն ու ՈՒԵՖԱ-ն իրենց աջակցությունը հայտնեցին ՀՖՖ նոր ղեկավարությանը