Ընդհանրապես չեմ տխրել. Հայկ Կասպարովը՝ «Դեպի Եվրատեսիլի» եզրափակիչ չանցնելու մասին

Երգիչ Հայկ Կասպարովը բարձր տրամադրություն ունի Հանրային հեռուստաընկերության «Դեպի Եվրատեսիլ» մրցույթի առաջին կիսաեզրափակչից հետո: Թեեւ երեկ՝ փետրվարի 19-ին, հեռուստադիտողների SMS քվեարկության ու միջազգային ժյուրիի գնահատականների հիման վրա դուրս է մնացել հետագա պայքարից, չի տխրել: Armtimes.com-ի հետ զրույցում նա նշեց, որ առանձնապես մեծ հույսեր չի էլ ունեցել:

«Բոլորն էլ գիտեին, որ ես չէի սպասում, որ պետք է անցնեմ: Համենայնդեպս, երեկվա ելույթս մի քանի անգամ դիտելուց հետո, չհաշված որոշ թերություններ, ընդհանուր առմամբ շատ գոհ եմ: Ելույթս կարեւորը ստացված էր: Իսկ թե մրցույթն ինչ է տվել, պարզ կլինի որոշ ժամանակ անց: Շատերն ինձնից ավելի շատ էին տխրել, չգիտեին գրեն, թե՝ չգրեն: Գրում էին՝ հո նեղված չե՞ս: Ընդհանրապես նեղված չեմ, ու երեւի իմ դեմքի արտահայտությունից էլ դա երեւում էր: Ուրախ եմ, որ մասնակցեցի, գիտակցում էի, որ հաղթելու շանսերս բավականին քիչ էին, ու ավելի լավ է տանը նստեմ, մի քիչ հանգստանամ, քան հայտնվեմ եզրափակչում ու չհաղթեմ (կատակում է)»,- ասաց նա:

Երգիչը շնորհակալ է Հանրային հեռուստաընկերությանը: Մեծ հաճույք է ստացել ողջ աշխատանքի ընթացքում: Նշում է, որ ամեն ինչ կազմակերպված էր բարձր մակարդակով: Բոլոր իրենց լավագույն էին անում:

«Շատ մեծ թիմ էր աշխատում, ու բոլորը փորձում էին այնպես անել, որ ստանային լավը, գեղեցիկը: Եղել են պահեր, որ ասել եմ այսպես եմ ուզում, ու եղել է: Ամեն ինչ անում էին, որ մաքսիմալ լավ լինի»,- ասաց նա:

Երեկ եզրափակիչ են անցել Մգեր Արմենիան, Ռոբերտ Քոլոյանը, Գեւորգ Հարությունյանը, Լուսինե Մարդանյանը եւ «Նեմրա» խումբը: Հեռուստադիտողների կողմից այս ընթացքում բազմաթիվ դժգոհություններ են եղել: Հատկապես զայրացած են Թամար Կապրելիանի երկրպագուները: Հայկն անդրադարձավ եզրափակիչ չանցած մասնակիցներին: Նա էլ այն կարծիքին է, որ Թամարն անպայման պետք է հաղթահարեր կիսաեզրափակիչը:

«Ինձ համար անակնկալ էր Թամարի եւ «Գաթա» Բենդի չանցնելը: Իմ կարծիքով՝ «Գաթան» այնտեղ 100%-ով պետք է լիներ, Թամարը նույնպես: Թամարին շատ սիրեցինք, շատ բեմական է, շատ գեղեցիկ, եթե համեմատական կարգով նայենք, նա պետք է լիներ եզրափակչում»,- ասաց նա:

Հեռուստադիտողներից շատերը սոցիալական ցանցերում գրել էին, որ SMS քվեարկության ժամանակ խնդիր է եղել: Նրանց քվեարկությունները տեղ չեն հասել: Նշում են, որ SMS-ն ուղարկելուց բավական ժամանակ անց պատասխան են ստացել, որ քվեարկությունն ավարտված է: Հայկ Կասպարովը նույնպես այս խնդրին բախվել է:

«Քվեարկությունն ավարտվելուց հետո շատ մարդիկ ֆոտոներ էին ուղարկում, որ քվեարկել են ու քվեարկությունը տեղ չի հասել: 2-3 ժամ հետո պատասխան է եկել, որ քվեարկությունն ավարտված է, շատ մարդիկ են ուղարկել: Բայց դե նորմալ է, ուղիղ եթեր է»,- ասաց նա:

Այս շրջանում Հայկ Կասպարովը Նիկ Էգիբյանի հետ աշխատում է նոր երգի վրա: Ունի նաեւ այլ ծրագրեր, որոնց մասին ժամանակից շուտ խոսել չի ցանկանում: Բացի այդ՝ ապրիլի 7-ին մասնակցելու է Գերմանիայի Քյոլն քաղաքում Մայրության եւ գեղեցկության տոնի առթիվ կայանալիք համերգ-երեկույթին: Այն կրում է Armenian Delusion Night խորագիրը: Մեծ միջոցառում է, որը Գերմանիայում կայանում է տարին 2 անգամ: Ներկա են լինում Եվրոպայի տարբեր մասերից ժամանած հայեր:

Տպել
1421 դիտում

Հրազդանի տներից մեկի տանիքում մոտ 30 տարեկան տղամարդու են հայտնաբերել՝ կախված վիճակում

Ուկրաինայի ՆԳՆ-ը հետախուզում է հայտարարել հայազգի մեծահարուստ Սարկիսով եղբայրների նկատմամբ

Կողոպուտ բենզալցակայանում. 29 հազար դրամ հափշտակած կասկածյալը ձերբակալված է

Այսօր ու վաղը սպասվում են ձյան տեղումներ, մառախուղ, ջերմաստիճանը կնվազի 4-6 աստիճանով

ՌԱԿ-ն իր համակիրներին կոչ էր արել քվեարկել «Իմ քայլը» դաշինքի օգտին, հուսով է՝ հույսերը կարդարանան

Վահե Էնֆիաջյանը վերահաշվարկ է պահանջել. ձայներն ավելացել են 6-ով

Ստեփանավանի ողբերգական հրդեհի փաստով կստեղծվի հատուկ աշխատանքային խումբ. մարզպետ

Նարեկ Սարգսյանի ձերբակալության մասին լուրը հրապարակելը քարոզչության վերջին օրը զուգադիպություն էր. Օսիպյան

ՀՀ-ում կամավոր բաժին է ներկայացել 2006 թվականից հետախուզվող կինը

Հայտնի է 20-րդ դարում ամենաշատը հեռարձակված հիթը

Գործընկերություն կառուցելու հիմքում մենք դնում ենք հայաստանամետ քաղաքական մոտեցում. նախարար

Մոսկվայում կկանգնեցնեն Շառլ Ազնավուրի արձանը

Հանրապետության գլխավոր տոնածառը գրեթե պատրաստ է, լույսեր են վառվում (տեսանյութ)

Սպասում ենք Հայաստան-Սփյուռք աննախադեպ համախմբման. Եվրոպայի հայերի համագումարի շնորհավորանքը

Գյումրի, Մարալիկ քաղաքներում, Աշոցքի, Ամասիայի տարածաշրջաններում, Ախուրյանում ձյուն է տեղում

Ընդդիմությունը պետք է հարցերի լուծումների այլ ճանապարհ առաջարկի, քան իշխանությունը. Քոչարյան

Մեր գլխավոր նպատակը ժողովրդավարությունն է. Փաշինյանը պատասխանել է թուրք լրագրողի հարցերին

Անգլիայում 14-ամյա ֆուտբոլիստը մահացու վնասվածք է ստացել խաղի ժամանակ

Ընտրություններ՝ առանց թաղայինների

78 հաղորդում, 2 քրգործ. ամփոփ տվյալներ՝ ընտրությունների օրվա և քարոզարշավի հաղորդումներից