Հայաստանում կարմրուկի մեկ դեպք է գրանցվել. վարակը կարող է ջնջել մարդու իմունհիշողությունը

Հայաստանում այս ամիս կարմրուկի մեկ դեպք է գրանցվել: Վարակիչ հիվանդությունն, ինչպես հայտնի է բավական տարածված է աշխարհի տարբեր երկրներում, այդ թվում՝ հարեւան Վրաստանում, ու նաեւ՝ Ռուսաստանում:

ՀՀ առողջապահության նախարարության իմունականխարգելման ազգային ծրագրի ղեկավար Գայանե Սահակյանը մեզ հետ զրույցում ասաց, որ վարակվածը 42 տարեկան տղամարդ է: Նա, սակայն արդեն ստացել է անհրաժեշտ բուժօգնությունը, առողջ է եւ վերադարձել է աշխատանքի: Համարվում է, որ կարմրուկի վարակը նրան է փոխանցվել Ռուսաստանից ժամանած հյուրերի միջոցով, որոնց մոտ մարմնի ցանավորում դեռեւս առկա չի եղել:

«Ցանի դրսեւորումից չորս-հինգ օր առաջ արդեն մարդը վարակիչ է: Այդ ժամանակ նկատվում են գրիպանման՝ սուր շնչառական վիրուսին բնորոշ ախտանշաններ՝ հարբուխ, քթահոսություն, փռշտոց, հազ, եւ ոչ ոք չի կասկածում, որ տվյալ անձի մոտ կարող է լինել կարմրուկ: Նրանց շփումը եղել է հունվարի վերջին, արդեն փետրվարի սկզբին անձի մոտ դրսեւորվել են հիվանդության ախտանշանները: Այս պահին արդեն նա առողջ է, հետագա բարդություններ չեն եղել»,- ասաց Գայանե Սահակյանը:

Նա նաեւ հավելեց, որ կարմրուկով վարակված քաղաքացու հետ շփում ունեցած մարդկանց նկատմամբ սկսել ու մինչեւ փետրվարի վերջը շարունակելու են իրականացնել բժշկական հսկողություն: Իմունականխարգելման ազգային ծրագրի ղեկավարը նկատեց, որ կարմրուկը բուժվող հիվանդություն է, բայց կարող են լինել բարդություններ:

Ամենալուրջ բարդությունն, ըստ նրա, այն է, որ վիրուսը կարող է ջնջել մարդու իմունհիշողությունը: Այսինքն՝ պատվաստված լինի, օրինակ կապույտ հազի դեմ, բայց վարակվի դրանով: Պատվաստանյութի ազդեցությունը վերականգնվում է միայն երկու տարի հետո: Բացի այդ, Գայանե Սահակյանի տեղեկացմամբ, կարմրուկի վիրուսն օրգանիզմից դուրս չի գալիս, հիմնականում պահպանվում է ուղեղի անոթների շուրջը եւ իմունիտետի անկումից կարող է նորից ակտիվանալ՝ առաջացնելով պանէնցեֆալիտ ծանր հիվանդություն:

Իմունականխարգելման ազգային ծրագրի ղեկավարն ավելի վաղ մեզ հետ զրույցում կարծիք էր հայտնել, որ կարմրուկի լայն տարածումը մեր երկրում հավանական չի համարվում, քանի որ պատվաստումների ընդգրկվածությունը բարձր է՝ 97-98 տոկոս:

Տպել
2241 դիտում

Մանվել Բադեյանը հետ է կանչվել. Սարմեն Բաղդասարյանը նշանակվել է Քուվեյթում ՀՀ դեսպան

Գեղամ Ղարիբջանյանը հետ է կանչվել Արաբական Միացյալ Էմիրություններում ՀՀ դեսպանի պաշտոնից

Իրանը մերժում է հանդիպում անցկացնելու Թրամփի առաջարկը

Ընտրությունը ցույց տվեց, որ հակահեղափոխություն չի լինելու, մնացել է մեկ ճանապարհ՝ հեղաշրջումը. քաղաքագետ

Համաշխարհային ֆուտբոլում էլ է իրավիճակ փոխվել. Մոդրիչը՝ տարվա լավագույն ֆուտբոլիստ

«Կանայք հանուն խաղաղության» գաղափարը տարածվում է. Աննա Հակոբյանը Պետերբուրգում էր

Որդիս չի ենթարկվել բռնության, նա շատ գոհ էր. թուրք սահմանահատի հայրը Հայաստանում է

Սպան ասաց՝ մի հատ թուրք բեր, օտպուսկ կտամ. հետաքննության պահանջով գյումրեցի Ժ. Գալստյանը դիմում է Նիկոլ Փաշինյանին

Դե Բիազին ՀՀ-ում է. կարող է գլխավորել ՀՀ ֆուտբոլի հավաքականը

Կարող ենք արձանագրել, որ վարչապետի ազդեցությունը բացարձակ էր. Դավիթ Խաժակյան

Սոցապում թափուր աշխատատեղերը չեն համալրվում. պատճառը ցածր աշխատավա՞րձն է

Տարեվերջին 113 միկրոավտոբուս շահագործումից պետք է դուրս գա

Զարկ տալով ընտանեկան գինեգործական ավանդույթներին. գյուղնախարարը Էջմիածին քաղաքում էր

Պայթյուն «Սուրբ Գրիգոր Լուսավորիչ» ԲԿ–ում. թթվածնի արտադրամասի օպերատորը մահացել է

Գյուղատնտեսական հարցերի մասին բարձրաձայնում են շահագրգիռ անձիք. հանդիպում է եղել նաև գյուղատնտեսության նախարարի հետ

Ո՞ւր են հոսել Կեչուտի ջրամբարի ջրերը. հաղորդում իրավապահ եւ պետական մարմիններին. ՀԲՃ

Լեւոն Երանոսյանը կասկածյալի կարգավիճակ ունի. նա ապրիլին լուսաձայնային նռնակ կիրառելու իրավասություն չի ունեցել

ԵԱՏՄ պետությունների մաքսային ծառայությունների միավորված կոլեգիայի հաջորդ նիստն անցկացվելու է Հայաստանում. ՊԵԿ

Ծառուկյանը փորձում է վերահսկողություն իրակացնել բոլոր ֆեդերացիաների վրա. Արթուր Գեւորգյան

ԼՂ հիմնախնդրի շուրջ քննարկումներն այլ հարթակներ տեղափոխելու փորձերը վնասում են տարածաշրջանում կայունությանը. ԱԳՆ