Թուրքիայում իրավական պետության լուրջ թերություններ կան, կհրապարակվի զեկույց. Յոհաննես Հանն

23/02/2018 schedule08:22

Առաջիկա տարիներին Թուրքիան եւ Եվրամիությունը պետք  է կենտրոնանան ոչ թե Թուրքիայի ԵՄ անդամակցության, այլ ռազմավարական համագործակցության վրա։ Այս մասին հայտարարել է ԵՄ ընդլայնման քաղաքականության հարցերով հանձնակատար Յոհաննես Հաննը։

Նա կարծիք է հայտնել, որ այդ կերպ հնարավոր կլինի երկու կողմերին հետաքրքրող և հարաբերություններում լարվածություն չառաջացնող նոր ընդհանուր նպատակներ ձեւավորել, ինչը օգտակար կլինի թե՛ ԵՄ-ի, թե՛ Թուրքիայի համար։

ԵՄ հանձնակատարը նշել է, որ թուրքական ծագմամբ գերմանացի լրագրող Դենիզ Յուջելի ազատ արձակման փաստը չի փոխում Թուրքիայի՝ որպես  իրավական պետության ընդհանուր պատկերը։ Ներկայումս այս երկրում հազարավոր մարդիկ դեռևս ազատազրկված են՝ առանց անգամ մեղադրական եզրակացության։ «Մենք չենք կարող անտեսել Թուրքիայում իրավական պետության այս լուրջ թերությունները»,-ասել է նա։

Հաննը նշել է, որ Թուրքիայում քաղաքականությունը մեծ ազդեցություն ունի դատական համակարգի վրա։ Նա նկատել է, որ Թուրքիան իրավական երկիր է միայն ըստ սահմանադրության, իսկ գործնականում այս առումով շատ լուրջ թերացումներ կան։

Հանձնակատարը հիշեցրել է, որ ապրիլին կհրապարակվի Թուրքիայի վերաբերյալ հերթական զեկույցը, եւ եթե մինչ այդ լուրջ փոփոխություններ չլինեն, ապա զեկույցում հատկապես Թուրքիայի իրավական դաշտին ուղղված  քննադատություններ տեղ կգտնեն։ Նրա խոսքով՝ Բրյուսելը ակնկալում է, որ Թուրքիան կհարգի հիմնարար ժողովրդավարական իրավունքները, որոնց մեջ են մտնում նաև դատական համակարգի անկախությունը, իրավական պետության սկզբունքներին հավատարմությունը և  խոսքի ազատությունը։

Մյուս կողմից, Հաննը նշել է, որ իր աշխարհքաղաքական դիրքի եւ մեծաքանակ բնակչության շնորհիվ Թուրքիան Եվրամիության շատ կարևոր հարևանն է։ ԵՄ հանձնակատարը կարեւորել է առևտրի եւ գաղթականների ճգնաժամի հաղթահարման ոլորտում երկկողմ համագործակցությունը, խոսել էներգետիկայի ոլորտում համագործակցության խորացման անհրաժեշտության մասին։

Ըստ Հաննի՝ ԵՄ-Թուրքիա հարաբերություններում լարվածության առկայությունը կողմերից ոչ մեկի համար ձեռնտու չէ։ Նա հույս է հայտնել, որ մարտի վերջին Էրդողանի ու ԵՄ առաջնորդների միջեւ կայանալիք հանդիպումը կնպաստի երկկողմ հարաբերությունների կարգավորմանը։

Տպել
944 դիտում

Հոգով ու սրտով կապված եմ եղել մարզիս հետ. Վահրամ Բաղդասարյանը դիմում է լոռեցիներին

ԿԸՀ-ն բաշխել է ընտրությունների տեղամասային հանձնաժողովների նախագահների ու քարտուղարների պաշտոնները

Ցուկերբերգն արգելել է Facebook-ի գրասենյակում Apple սմարթֆոնների օգտագործումը

Եղանակային պայմաններից ելնելով շարունակում է փակ մնալ Վերին Լարս տանող ճանապարհը

Եթե որևէ պրոֆեսոր ֆինանսական վնաս է պատճառել, ապա դա Գագիկ Եթիմյանն է. ՎՊՀ-ում զայրացած են

Զվարճալի միջադեպերի պատճառով Հայկ Կասպարովի տեսահոլովակը պատրաստելը ձգձգվել է

Տեղացած ձյունը մի շարք ճանապարհներին դժվարություններ է առաջացրել (լուսանկարներ)

Նոյեմբերի 15-ի դրությամբ համաներմամբ ազատ է արձակվել 484 դատապարտյալ

2 խնդիր, ինչի համար Հովհաննես Մարգարյանը չի մասնակցի ընտրություններին

«Իմ քայլը» դաշինքի նախընտրական ցուցակում ընդգրկված է 8 լրագրող. ովքե՞ր են նրանք

Ըստ դիմումի՝ Հայաստանում ստեղծվել է ֆինանսական բուրգ հանդիսացող կազմակերպություն. հարուցվել է քրգործ

Ստեփանավանի 2 բնակչի մեղադրանքներ են առաջադրվել՝ բնակարաններից գողություններ կատարելու համար

Ձյուդոյի ՀՀ առաջնության որակը լավացել է, խոստումնալից մարզիկներից 1-ը գուցե պատժվի. մարզիչ

Մեկնարկել է «Հայաստանի հմտություններ» ազգային մրցույթի եզրափակիչ փուլը

Անակնկալ ստուգումներ Երեւանի մանկապարտեզներում. հայտնաբերվել են խախտումներ, կլինեն հետեւանքներ (լուսանկարներ)

Վաղվա առաջնորդ կդառնան աշխարհում կատարվող սրընթաց փոփոխությունների կարևորությունը գիտակցողները. նախագահ

Դատարանը որոշեց բեկանել Քոչարյանի վերաբերյալ բողոքը, ուղարկել նոր քննության. Քոչարյանը հրապարակմանը ներկա չէր

Արդեն 25 անձ արյուն է հանձնել վթարի ենթարկված բալետի 23-ամյա արտիստի համար

Դպրոցները կառավարվելու են նոր համակարգով. ԿԳՆ-ում քննարկումներ են

«Իմ քայլը» դաշինքը կարգախոս չունի. ՔՊ խոսնակ