Գյումրիում փլուզված շենքի տարհանված բնակիչները բնակարան են պահանջում քաղաքի կենտրոնում

23/02/2018 schedule13:24

Գարեգին Նժդեհ 7-ը կեսգիշերին մեծ աղմուկով է փլուզվել: 4-րդ հարկի բետոնե ծածկասալերից 4-ը պոկվել եւ իրենց հետ փուլ են տվել նաեւ երրորդ հարկի առաստաղը: Բնակիչներն անմիջապես դուրս են եկել շենքից, զանգել փրկարարներին ու սպասել: Գիշերը տարածք եկած փրկարարական վարչության աշխատակիցների հետ եկել են նաեւ Գյումրու քաղաքապետարանի պատասխանատուները: Որոշել են բնակիչներին անվտանգ տարածք տեղափոխել: 11 հոգու, այդ թվում՝ 2 երեխայի տարել են «Դվին» հյուրանոց: Բնակիչները, սակայն վաղ լուսաբացին կրկին վերադարձել եւ փորձել են մտնել իրենց կիսաքանդ տները:

ՇՄ փրկարարական վարչության պետ Անդրանիկ Կարապետյանը թույլ չտվեց ներս մտնել որեւէ մեկին, բացատրեց, որ յուրաքանչյուր պահին վթարավտանգ շինությունը կարող է հողին հավասարվել: Նույնը նաեւ մարզպետը բացատրեց: Բնակիչներից երկուսին, սակայն անհնար եղավ խոսք հասկացնել: Վիճաբանեցին ներկաների հետ: «Գայանե ջան, էս շենքը որ դու մտնես, կարող ա էլ դուրս չգաս էս շենքից: Այնպես որ, պետք է դուրս գալ, որ շենքը քանդվի»,- մարզպետի հորդորին բնակիչն ընդդիմացավ:

«Ես ըստեղից դուրս չեմ, գա ես քեզի ստորագրություն կտամ, կմնամ, մեռնիմ էլ դուրս չեմ գա, ընձի կսեն Մուշը գնա, չեմ գնա, ես սաղ կյանքս ստեղ եմ ապրե, մանկատան մեծցած աղջիկ եմ, ես շատ դասեր եմ սորվե, ես ստեղից երտացողը չեմ, կմեռնիմ Տեքստիլի հայաթն ու կմնամ»,- հայտարարեց տիկին Գայանեն ու պահանջեց բնակարան քաղաքի կենտրոնում եւ այնպիսի շենքում, որ վերեւի կամ ներքեւի հարկում հանրակացարանի իր հարեւանուհին ապրի: Կամ էլ փլված շենքի առաջին երկու հարկերը նորոգել, տալ իրենց: Մարզպետը, սակայն նշեց, որ բնակիչների «կապրիզին» ուշադրություն չեն դարձնի: Հատկապես, որ փրկարարական վարչության եզրահանգումը վերջնական է. շինությունը ենթակա է քանդման, մարդկանց մուտքը խստիվ արգելվում է: 

Այս հանրակացարանում մարդիկ բնակություն են հաստատել 88-ի աղետից հետո: Ովքեր անօթեւան են եղել, վաղուց են բնակարաններ ստացել: Ներկա պահին հանրակացարանում ապրող 8 ընտանիքից միայն 2-ն ունի անօթեւանի կարգավիճակ, մյուսներն ապրում են առանց հիմքի: Անօթեւանի կարգավիճակ ունեցողներին էլ ժամանակին ԲԳՎ է տրվել, իրենք են հրաժարվել վկայագրից, քանի որ, իրենց բնորոշմամբ, չեն ցանկացել հեռանալ քաղաքի կենտրոնից, եւ ապրել ծայրամասերում: Այսօր էլ պահանջը նույնն է, հատկացնել բնակարաններ քաղաքի կենտրոնում, այլապես կմտնեն ներս ու դուրս չեն գա:

Բնակիչների պահանջը մարզպետն անհնար է համարում, ասում է խնդիրը կլուծվի, բայց հնարավոր չէ, ենթադրենք, Ռիժկովի վրա նրանց տուն տրամադրել: Հավանաբար, հարցը կլուծվի սոցիալական բնակարանների տրամադրմամբ: Անկախ բնակիչների կամքից շենքը պետք է քանդվի: Այն սեփականատեր ունի, ով 90-ականներից մինչ օրս չի հետաքրքրվել ո՛չ շենքի ճակատագրով, ո՛չ էլ ներսում ապրողների կեցությամբ եւ զբաղվածությամբ: Հանրակացարանում մարդկանց հետ նույն սենյակներում շներ ու կատուներ են ապրում: Այստեղ անգամ կոմունալ հարմարություններ չկան: Մեկ սենյակը ե՛ւ խոհանոց է, ե՛ւ ննջարան ե՛ւ զուգարան: Որպես զուգարանակոնք այստեղ դույլն է ծառայում, որի պարունակությունը բնակիչները պատուհաններից դուրս են թափում օրվա ցանկացած ժամի: Հակահիգիենիկ պայմաններում ապրողներին այսօր ժամանակավոր կացարան են տարել: Նրանք, սակայն դժգոհ են առաջարկված պայմանից: Չնայած հանրակացարանում էլ մեկ սենյակում էին ապրում, հիմա հենց դրանից էլ բողոքում են: Ասում են ընտանիքներից յուրաքանչյուրին մեկական սենյակ են հատկացրել, դրա համար են վերադարձել, չեն հարմարվում:

Ի դեպ, պարզվում է հանրակացարանում հիմնական բնակիչներից զատ նաեւ այլ մարդիկ են ապրում: Ավելի հստակ Գյումրու  քաղաքապետարանի բնակկոմունալ տնտեսության եւ շրջակա միջավայրի պահպանության բաժնի բանվորները պատմել են, որ հանրակացարանում սենյակ ունեն, որտեղ իրենց բահերն ու աղբի հավաքման սայլակներն են դնում:

Ինչու՞ այստեղ, եւ ո՞վ է այդպես որոշել հարցին պատասխանել են՝ մենք: Քաղաքապետարանը, ըստ նրանց, տարածք չի տվել, իրենք էլ այստեղ են հարմար գտել ցախավելները, սայլակները դնել հանրակացարանի սենյակում, որտեղ նաեւ  իրենք են օրվա ինչ-որ ժամերի լինում, տաքանում են, սնվում, հանգստանում են:  Տարիներ շարունակ անհայտ մնացած սեփականատիրոջը մարզպետարանի պատասխանատուները գտել են: Նրան առաջին անգամ տրվել է քանդման թույլտվություն-հանձնարարական: Ենոք Սարգսյանին պարտավորեցրել են վթարավտանգ շինությունն ապամոնտաժել 14 ամսում: Թե ինչպես է  այս պահին լուծվելու տարհանված բնակիչների խնդիրը, հստակ չէ, հավանաբար այսօր էլ նրանք կգիշերեն «Դվին»-ում:

Տպել
1285 դիտում

Սփյուռքի հետ հարաբերություններում անհարաժեշտ է նոր շունչ, թարմություն, երիտասարդական մոտեցումներ

Մշակույթի նախարարը պարզաբանում է՝ ինչու «Սայաթ-Նովա» անսամբլին գումար չեն հատկացրել

Կոտայքի մարզպետն իր մոտ է կանչել դպրոցի տնօրենին, հորդորել բողոքարկել ընտրության արդյունքները ԿԳՆ-ում

Գործարարները պատրաստակամություն են հայտնել աջակցել «Իմ քայլը» հիմնադրամին ոչ միայն ֆինանսապես

Քիչ առաջ Վանաձորում բերման են ենթարկել «օրենքով գող» Օշականցի Գեւորիկի եղբորորդուն

Հայկական ստորաբաժանումը առաջիկայում լիովին պատրաստ կմեկնի Սիրիա. Դավիթ Տոնոյան

Կարգադրվել է բարձրացնել զինվորականներին տրվող ներքնաշորերի որակը. Դավիթ Տոնոյան

Արցախում կայացել է մարտավարական զորավարժություն. ՊԲ-ն ներկայացնում է լուսանկարներ

Բուռն քննարկումներից հետո ՀԱԿ-ը որոշել է չմասնակցել արտահերթ ընտրություններին

Հայաստանի մի մասում անձրեւ, մյուսում՝ ձյուն է սպասվում. ԱԻՆ-ը հորդորում է անցնել ձմեռային անվադողերի

Գալուստ Սահակյանին փոխարինելու է Նաիրա Կարապետյանը

Պարգեւատրվել են լավագույն պարտադիր ժամկետային զինծառայողների ուսուցիչները

Դատախազությունն ուսումնասիրում է Հակոբ Հակոբյանի հայտարարությունը՝ կեղծ դեղեր գնվելու մասին

Հիմա էլ որպես ընդդիմություն են ստում. վերջին վարիանտ՝ Սերժ Սարգսյանը չէր հրաժարվի նաեւ ժողովրդի դեմ չերյոմուխա կիրառել

Քաղաքապետը Միջազգային պարալիմպիկ կոմիտեի նախագահի հետ հանդիպմանը կարևորել է պարասպորտի զարգացումը

Քրեական հեղինակություն Շալիկոյի սպանությունը նախապատրաստելու համար մարզիկին մեղադրանք է առաջադրվել

Ամփոփվել են ՎՏԲ-Հայաստան Բանկի #երբշահումես  մարքեթինգային արշավի արդյունքները

Աննա Հակոբյանը Մոսկվայում է. հանդիպումների ժամանակ ներկայացրել է իր ծավալած գործունեությունը

Վարչապետի խորհրդականը՝ ռեյտինգային թեկնածու

Ազգային ժողովի արձակումից հետո նոյեմբերի 11-ին տեղի կունենա առաջին լիագումար նիստը