3 տարի անց Երեւանում հանդիպեցին ՀՀ եւ Մադագասկարի Արտաքին գործերի նախարարները

23/02/2018 schedule21:55

Փետրվարի 23-ին Հայաստանի ԱԳ նախարար Էդվարդ Նալբանդյանը հանդիպեց պաշտոնական այցով Հայաստանում գտնվող Մադագասկարի արտաքին գործերի նախարար Անրի Ռաբարի-Նձակայի հետ։

Հանդիպումը մեկնարկեց առանձնազրույցով, ապա բանակցությունները շարունակվեցին ընդլայնված կազմով պատվիրակությունների մասնակցությամբ:
ՀՀ ԱԳՆ լրատվական ծառայության փոխանցմամբ, ողջունելով հյուրին՝ նախարար Նալբանդյանն ընդգծեց, որ Մադագասկարի արտաքին գործերի նախարարի այցը տեղի է ունենում երկու երկրների միջև դիվանագիտական հարաբերությունների 25-ամյա հոբելյանական տարում և հավելեց, որ Մադագասկարը, լինելով Ֆրանկոֆոնիայի միջազգային կազմակերպությունում նախագահող երկիր, այս տարի՝ երևանյան գագաթաժողովին ՖՄԿ-ում նախագահությունը կփոխանցի Հայաստանին:

Շնորհակալություն հայտնելով հրավերի համար՝ Մադագասկարի ԱԳ նախարարը նշեց, որ շատ տպավորված է եղբայրական ջերմ ընդունելությունից և ընդգծեց, որ Մադագասկարը շահագրգիռ է առաջ մղել և խորացնել Հայաստանի հետ համագործակցությունը երկկողմ և բազմակողմ ձևաչափերում: Անրի Ռաբարի-Նձական ասաց, որ երկու երկրները հանդիսանալով Ֆրանկոֆոնիայի միջազգային կազմակերպության անդամ՝ դավանում են ընդհանուր արժեքներ, որոնք հիմնված են մարդասիրության, եղբայրության, մարդու իրավունքների պաշտպանության և ժողովուրդների միջև փոխադարձ հարգանքի վրա:

Ընդգծելով, որ Հայաստանի և Մադագասկարի միջև հարաբերությունները խորացնելու համար առկա է երկկողմ պատրաստակամություն՝ նախարարները համոզմունք հայտնեցին, որ այս այցը նոր սկիզբ կդառնա տարբեր բնագավառներում երկկողմ համագործակցության հաստատման և զարգացման համար՝ ի բարօրություն երկու երկրների ժողովուրդների:

Նախարարները գոհունակությամբ արձանագրեցին, որ վերջին տարիներին, հատկապես Ֆրանկոֆոնիայի միջազգային կազմակերպությանը Հայաստանի անդամակցությունից ի վեր, Հայաստանի և Մադագասկարի միջև շփումներն ու փոխգործակցությունը նկատելիորեն աշխուժացել են: Կողմերը համակարծիք էին, որ անցած տարիների ընթացքում համագործակցության դրական փորձ է կուտակվել, ինչը կարող է լավ հիմք հանդիսանալ տարբեր բնագավառներում գործընկերության հետագա զարգացման ու խորացման համար:

Էդվարդ Նալբանդյանն ու Անրի Ռաբարի-Նձական քննարկեցին Մադագասկարի նախագահի այս տարվա մայիսին Հայաստան նախատեսվող պետական այցին վերաբերող հարցեր՝ երկուստեք համոզմունք հայտնելով, որ այն կարող է նոր խթան հանդիսանալ տարբեր բնագավառներում երկկողմ կապերի ամրապնդման ու զարգացման համար:

Զրուցակիցները մտքեր փոխանակեցին Հայաստանի և Մադագասկարի միջև հարաբերություններն առավել սերտացնելու հնարավոր ուղիների շուրջ: Երկուստեք կարևորվեցին երկկողմ քաղաքական երկխոսության ակտիվացման, առևտրատնտեսական համագործակցության խորացման անհրաժեշտությունը, ինչպես նաև քննարկվեցին իրավապայմանագրային դաշտի ձևավորման, միջազգային կառույցներում փոխգործակցության վերաբերյալ հարցեր:

Անդրադարձ կատարվեց Ֆրանկոֆոնիայի միջազգային կազմակերպության շրջանակում՝ փոխադարձ աջակցությամբ կազմակերպության գագաթաժողովը հյուրընկալելուն, և այդ համատեքստում նախարար Նալբանդյանը հույս հայտնեց, որ այդ դրական փորձը կշարունակվի ոչ միայն ֆրանկոֆոնիայի, այլև՝ միջազգային այլ կազմակերպությունների շրջանակներում:

Հայաստանի ԱԳ նախարարը ջերմությամբ վերհիշեց, որ 2015թ. Երևանում Մադագասկարը ստանձնեց Ֆրանկոֆոնիայի նախարարական համաժողովի նախագահությունը, ու երեք տարի անց նույն վայրում բարեկամ Մադագասկարը ՖՄԿ նախագահությունը կփոխանցի Հայաստանին։ Նշվեց նաև, որ հենց Անտանանարիվոյում էր, որ որոշում կայացվեց Ֆրանկոֆոնիայի հաջորդ Գագաթաժողովը քույր քաղաք Երևանում անցկացնելու վերաբերյալ, քանի որ 37 տարի առաջ՝ 1981թ. Երևանն ու Անտանանարվիվոն դարձել էին քույր քաղաքներ։

Հայաստանի արտգործանախարարը Մադագասկարի գործընկերոջը ներկայացրեց այս տարի Ֆրանկոֆոնիայի միջազգային կազմակերպության երևանյան գագաթաժողովի նախապատրաստական աշխատանքները, գագաթաժողովի հավանությանը ներկայացվելիք փաստաթղթերի մշակման գործընթացը։

Երկուստեք կարևորվեց գագաթաժողովի շրջանակներում նախատեսվող գործարար համաժողովին Մադագասկարից գործարարների մասնակցությունը և նրանց ներգրավումը ստեղծվելիք Ֆրանկոֆոն գործարարների ցանցում:

Հանդիպման օրակարգում էին նաև տարածաշրջանային և միջազգային մի շարք խնդիրներ:

Հանդիպումից հետո Հայաստանի և Մադագասկարի արտգործնախարարները հանդես եկան համատեղ մամուլի ասուլիսով:

Տպել
947 դիտում

ՀՀ ՊՆ պատվիրակությունը ՀԱՊԿ Միացյալ շտաբում աշխատանքային քննարկման է մասնակցում

Ստեփանծմինդա–Լարս ավտոճանապարհը փակ է տրանսպորտային բոլոր միջոցների համար

ՄԱԿ-ի «Ցեղասպանության հանցագործությունը կանխելու մասին» կոնվենցիային նվիրված միջոցառում Չեխիայում

Արսեն Ջուլֆալակյանն ԱԺ ընտրություններից հետո կմասնակցի ՀՀ գավաթի խաղարկությանը

Սոս Սարգսյանի թատրոնն առանց տնօրենի եւ գեղղեկավարի. Չալդրանյանն ազատման դիմում է ներկայացրել

Իրավական առումով անվիճարկելի համապետական ընտրությունների անցկացումն այլևս իրողություն է. «Ժառանգություն»

Դատարան է ներկայացել Հայկ Սարգսյանի դեմ ցուցմունք տված «Կենտրոնի Կյաժը». նիստերի դահլիճում է նաեւ Խաչատուրովի որդին

Հայտնի են ՀՀ-ում նոր կազմավորված զինվորական կոմիսարիատների եւ նրանց տեղակայման վայրերը

Վերջապես ՀՀ-ում ձևավորվում է լեգիտիմ իշխանություն․ Ջավախքի ՀԿ-ների հայտարարությունը

Բարձրացնել որակը եւ նվազեցնել ջրի կորուստները․ Ավինյանն ընդունեց «Վեոլիա»-ի ներկայացուցչին

Աշոցքում ձյունը չի դադարում

Սիրիայում նոր ռազմական գործողություն ենք սկսելու․ Էրդողան

Կինոռեժիսոր Հովհաննես Գալստյանը Լիլիթ Մակունցի աշխատասենյակում դադարեցրեց հացադուլը

Վաչագան Ղազարյանի պաշտպանները ինքնաբացարկի միջնորդություն են ներկայացրել դատավորին. նիստը մեկ ժամով ընդմիջվել է

«Նուբարաշեն» ՔԿՀ-ում հայտնաբերվել է 86.7 գրամ կանաչ գույնի զանգված․ ԱԱԾ է հրավիրվել ոստիկան

Դահուկասպորտի ֆեդերացիայում տարաձայնություններն անցյալում են. Գագիկ Սարգսյան

Օրենքի արգելքի դեմ ցանկացած գործողություն մի փոքր անհասկանալի է լինում. Փամբուխչյան

Արմեն Գևորգյանը մեղադրվում է խոշոր չափերով կաշառքի, փողերի լվացման և սահմանադրական կարգի տապալմանն օժանդակելու համար

2019 թվականի հունվարի 1-ից ծայրահեղ աղքատ թոշակառու Հայաստանում չի լինելու (տեսանյութ)

Զանգեզուրի պղնձամոլիբդենային կոմբինատի ստուգումները չեն ավարտվել