4-րդ դասարանից աշխատում եմ. Ղուկասյանը՝ իր շքեղ Ալեքսանդրապոլ հյուրանոցի մասին (տեսանյութ)

Հարցազրույց Գյումրու նախկին քաղաքապետ, ԱԺ Ծառուկյան խմբակցության պատգամավոր Վարդան Ղուկասյանի հետ:

- Պարոն Ղուկասյան, նախորդ տարի, երբ ԱԺ տարածքային կառավարման, տեղական ինքնակառավարման, գյուղատնտեսության եւ բնապահպանական հարցերի մշտական հանձնաժողովում քննարկվում էր կառավարության հեղինակած նախագիծը սպանդանոցների կառուցման մասին Դուք նեղսրտեցիք, որ Գյումրիում սպանդանոց չկա եւ միաժամանակ տեղեկացրեցիք, որ անասնապահական ֆերմա ունեք: Ձեր ֆերմայի գործերն ինչպե՞ս է, եկամուտ ստանու՞մ եք:

- Ես ֆերման խորհրդային միության ժամանակահատվածից եմ ունեցել, անասնապահությամբ միշտ զբաղվել եմ, հիմա էլ մեծ այգիներ եմ ստեղծել: Շատ դժվար է գյուղատնտեսության ոլորտը, բայց ամբողջ աշխարհում պետությունը գյուղոլորտին դոտացիա է տալիս: Հայաստանում դա չկա, իսկ Ռուսաստանում, Վրաստանում, էլ չեմ ասում, որ Եվրոպայում մանր եւ խոշոր եղջերավորներ պահելու, կաթի վերամշակման համար տալիս է: Տա Աստված, որ մեր բյուջեն ավելանա, դառնա 2-3 տրիլիոն, իսկ մեր պետական բյուջեն ինչպե՞ս պետք է ավելանա: Ես կուզեի, որ մեր պետությունը սեփականություն ունենար: Մի ոսկու հանքի սեփականատեր էլ պետությունը լիներ, թեկուզ, որ հիմա մի քանի հոգի ներկրում են, դա պետությունն աներ եւ այդ գումարներն անհատներին գնալու փոխարեն պետական բյուջե կգնար:

- Իսկ ի՞նչ այգիներ ունեք:

- Ընկուզենու, սալորի, խնձորի ծառեր ենք տնկել: Գյումրիում են, մի քանի տարի եղավ:

- Պարոն Ղուկասյան, Գյումրիում մի քանի տեղ գազալցակայաններ ունեք: Այս ընթացքում սեղմված գազի արժեքը կտրուկ բարձրացավ: Դուք շահույթ ունեցա՞ք:

- Հիմա ոչ մի բանն էլ շահույթ չի հետապնդում: Այնքան բիզնես ունենք, որ դռները փակել ենք, չեն էլ աշխատում:

- Ալեքսանդրապոլ ռեստորանահյուրանոցային համալի՞րն էլ:

- Լավ չի աշխատում: Գյումրիում բիզնեսները չեն աշխատում այն ձեւով, ինչպես պետք է աշխատեն: Տուրիզմի հետ կապված մի բան եմ ուզում ասել, որ այն շատ կարեւորում եմ, բայց տուրիստական կազմակերպությունները իրենց գովազդների մեջ չեն ներառում Գյումրի քաղաքը: Անցնելիս, որ իրենց ճանապարհի վրա է, կարող է մեկ օր մնան Գյումրիում, բայց իրենց ցանկի մեջ չկա, որ ասենք՝ 7 օր Հայաստանում են լինելու, մեկ օրը գան Գյումրի: Իմ այս խոսքերից շատ մարդիկ վերցրել եւ քայլեր են կատարում, ուրախանում եմ: Երեւան, Գառնի, Գեղարդ, Էջմիածին, Սեւանով սահմանափակվում են:

- Շատերին հետաքրքրում է, թե Ալեքսանդրապոլ շքեղ հյուրանոցը ի՞նչ միջոցներով եք կառուցել:

- Գյումրեցիներն այնպիսին են, որ եթե մեկին մի բան տեսան, արագ կարգով ճակատին ասում են: Էդ աչքերդ չի բռնու՞մ, էս միլիարդները թողել եք, ընկել եք էդ 18 համարանոց հյուրանոցի հետեւից: Այստեղի 10 հարկանի շենքերի մասին մտածեք, նոր ընկեք դրա հետեւից: Ես 4-րդ դասարանից աշխատել եմ, ինձ Գյումրիում բոլորը լավ գիտեն եւ ամեն ինչ իր տեղը տեղին եկել առել է: Եթե այդպես չլիներ, ուրեմն այսքան ժամանակ հետո ընտրություններին չէին գա ու ինձ ձայն չէին տա:

Մանրամասներն՝ armtimes.com-ի տեսանյութում:

Տպել
12502 դիտում

ԵՊՀ ՈՒԽ կանոնադրությունն արդեն ԿԳՆ-ում է, սպասում են հաստատմանը

ԱԺ աշխատակազմում թափ են առել հակաօրինական գործողությունները, որոնք քողարկվում են. ԱԺ աշխատակից

Տորոնտոյի հայկական եկեղեցին կարող է օտարվել, շինությունը վտանգի տակ է. դրամահավաք է մեկնարկել

Լիխտենշտեյնի միակ հայկական ընտանիքը՝ Հայաստանի հավաքականի մարզմանը

«Թումո»-ի եւ ֆրանսիական INCO-ի միջեւ ստորագրվել է համաձայնության հուշագիր (լուսանկարներ)

Հարեւանները Սամվել Բալասանյանին թարս ու շիտակ են նայել

2 տղամարդ «Հաղթանակ» կամրջի եզրագիծն անցել են և սպառնում են ինքնասպան լինել, պահանջում են Ն. Փաշինյանին

Հայ-թուրքական սահմանին, սահմանապահների «քթի տակից» գյուղացու տրակտորն ու հակի սարքը գողացել են

Գերմանիան դադարեցնում է զենքի մատակարարումները Սաուդյան Արաբիա

12-րդ դասարանի ավարտական քննությունները կենտրոնացված չեն լինի. այդպես կլինի միայն 9-րդում

«Վորլդ Վիժն» Հայաստանն ու Իմ Քայլը հիմնադրամը համագործակցության տարբերակներն են քննարկում

Ավարտին է հասցվել «Թուրքական հոսք» գազատարի ծովային հատվածը

Ստեփանծմինդա-Լարս ավտոճանապարհը ծանրաքարշ բեռնատարների համար շարունակում է փակ մնալ

Երեւանի քաղաքապետարանը հրավիրում է քննարկելու 2019-ի բյուջեն ու զարգացման ծրագիրը

Լատվիայի դեսպանը հավատարմագրերի պատճենն է հանձնել ԱԳ նախարարի տեղակալին

Ակցիաների հետեւում մարդիկ են, որոնք մեծ բիզնեսներ ձեռնարկելու շահ ունեն. Ռ. Խաչատրյանը հրաժարականի մասին

Սերժ Սարգսյանը դիմել է կենսաթոշակ ստանալու համար

Շախմատի ֆեդերացիան հետին ամսաթվո՞վ փաստաթուղթ է տեղադրել կայքում. պատմում է Լիլիթ Գալոյանը

Սասնա Ծռեր Համահայկական կուսակցության նախընտրական ամբողջական ցուցակը՝ 174 հոգուց բաղկացած

Վալերի Օսիպյանը հանդիպել է Ինտերպոլի գլխավոր քարտուղարի հետ