Սերժ Սարգսյանը Մյունխենում փորձեց լցնել Բրյուսելի եւ Մոսկվայի միջեւ առկա անդունդը. Բրեմեր

Հայաստանի Հանրապետության Նախագահ Սերժ Սարգսյանի մասնակցությունը եւ ելույթը Մյունխենի անվտանգության համաժողովին «Եվրասիա խումբ» հետազոտական կազմակերպության հիմնադիր-նախագահ, ամերիկացի քաղաքագետ Յան Բրեմերը կարեւոր ու ողջունելի է համարում: «Արմենպրես»-ի հետ զրույցում քաղաքագետն ընդգծեց, որ բոլորի համար տեսանելի ու հստակ էր՝ Հայաստանի ղեկավարի ելույթը փորձում էր լցնել Բրյուսելի եւ Մոսկվայի միջեւ առկա անդունդը:

«Փոքր, դեպի ծով ելք չունեցող երկրի համար դա իսկապես մեծ մարտահրավեր է: Նախագահ Սարգսյանը ցույց տվեց մի բան, որը հաճախ մոռացված է Բրյուսելում եւ Վաշինգտոնում. այն, որ Հարավային Կովկասի, Կենտրոնական/Արեւելյան Եվրոպայի եւ Կենտրոնական Ասիայի երկրները առճակատվում են դժվար եւ երբեմն սահմանափակ ընտրության հնարավորության՝ մեծ հարեւանների հետ իրենց հարաբերություններում: Նման պարագայում այդ երկրները պետք է գտնեն եզակի ուղիներ իրենց արտաքին հարաբերությունները պահպանելու համար»,- ընդգծեց Յան Բրեմերը:

Ինչ վերաբերում է Եվրասիական տնտեսական միության եւ Եվրամիության համագործակցության հարցում՝ Հայաստանի՝ որպես կամուրջ ծառայելու դերակատարությանը, Յան Բրեմերը նշեց, որ անկեղծորեն, այդ համագործակցությունն այս պահին չի տեսնում, դրա փոխարեն նա անհրաժեշտ համարեց այն, որ երկու միություններում լինի ճնշում, որպեսզի մշակվեն հստակ կանոններ տնտեսական արգելքները թեթեւացնելու համար:

«Սա, թերեւս, ավելի հրատապ հարց է ավելի փոքր անդամ երկրների համար, ինչպիսին է Հայաստանը»,- նշեց ամերիկացի քաղաքագետը:

Համաժողովի շրջանակում Յան Բրեմերը վարում էր քննարկում, որին մասնակցում էին Հայաստանի Հանրապետության նախագահ Սերժ Սարգսյանը, Մոլդովայի Հանրապետության վարչապետ Պավել Ֆիլիպը, Եվրամիության հարեւանության քաղաքականության եւ ընդլայնման հարցերի հանձնակատար Յոհաննես Հանը եւ Ռուսաստանի Դաշնային խորհրդի միջազգային հարցերով հանձնաժողովի նախագահ Կոնստանտին Կոսաչովը:

Քաղաքագետի խոսքով՝ Մյունխենի համաժողովը կառուցողական հարթակ էր, որտեղ կարելի էր հնչեցնել տեսակետներ «եվրասիական ընդդեմ եվրոպական ինտեգրացիայի» մոդելների հեռանկարների մասին:

«Ես կարծում եմ՝ եւ՛ Ռուսաստանը, եւ՛ Եվրոպան կարիք ունեն փոխադարձ հասկացվածության, եւ այս հարթակում կարեւոր էր արտահայտել հենց դա»,- ասաց Յան Բրեմերը:

Անդրադառնալով ղարաբաղյան հակամարտությանը՝ Յան Բրեմերը նկատեց, որ միջազգային հանրությունն իսկապես պետք է նպաստի կարգավորման հիմքում ընկած հիմնական սկզբունքների իրականացմանը՝ հավատարիմ մնալով ԵԱՀԿ Մինսկի խմբի առաքելությանը, որը, ըստ նրա՝ հենց ենթադրում է իրական խաղաղարար գործողություններ:

«Այսինքն՝ նպատակը ոչ թե պետք է լինի մեղադրանքներ ներկայացնելը, այլ խաղաղություն հաստատելը, որից հետո պատմական դժգոհություններին անդրադառնալը: Կարգավորման այդ հիմնական սկզբունքներն արդեն իսկ ցույց են տալիս դեպի հակամարտության կարգավորում տանող ճանապարհը: Իրական եւ կայուն հրադադար. սա պետք է լինի հիմնական առաջնահերթությունը»,- ընդգծեց Յան Բրեմերը՝ հավելելով, որ հակամարտության կարգավորման համար նաեւ առաջնահերթություն է քաղաքական համաձայնությունը Երեւանի եւ Բաքվի միջեւ այն հարցի վերաբերյալ, թե ինչպես պետք է իրականացվեն այս հիմնական կանոնները:

Տպել
964 դիտում

Մահացել է Սարդ-մարդու, Երկաթե մարդու, Հալքի, Ֆանտաստիկ քառյակի, Իքս մարդկանց «հայրը»

Նիկոլ Փաշինյան, Լենա Նազարյան, Արարատ Միրզոյան. հայտնի է «Իմ քայլը» դաշինքի առաջին տասնյակը

ԿԸՀ-ի որոշմամբ, ավագանու անդամ Արամ Մանուկյանի լիազորությունները դադարեցված են, նրան կփոխարինի Միքայել Թումանյանը

Դաշնակցության անունից առաջադրվելու եմ պատգամավորի թեկնածու, պատվի հարց է. Գեղամ Մանուկյան

Պաշտպանն ուշադրության կենտրոնում է պահում խաղաղ հավաքների ժամանակ մարդկանց իրավունքների երաշխավորման հարցը

Կոռուպցիայի դեմ պայքարն ու բարեփոխումներն առաջնահերթություն են. Փաշինյանը՝ ԵՄ դեսպաններին

Դիլիջանի ոլորաններում, Սյունիքի մարզի Գորիս և Քաջարան քաղաքներում մառախուղ է

Արագ հավաքովի, սենդվիչային տարբերակով թաղամաս. Ա. Մեսչյանն առաջարկում է համալրել բնակֆոնդը

«Ղեկը աջ» նախաձեռնությունը վաղը Կառավարության մոտ մեծ բողոքի ակցիա կիրականացնի

Կան պաշտոնյաներ, որոնք ստանում են 1 մլն դրամից ավելի թոշակ. Թանդիլյանն առաջարկում է չափ սահմանել

20-ամյա կնոջը դաժան ծեծի ենթարկած 30-ամյա տղամարդը նախկինում երեք անգամ դատապարտված է եղել

Արցախի ԱԳՆ ղեկավարն ընդունել է ԵԱՀԿ գործող նախագահի անձնական ներկայացուցչին

ՊԲ հրամանատարն ու Անջեյ Կասպրշիկը քննարկել են շփման գոտում տիրող իրավիճակը

Մինչեւ վերասարքավորում կատարելը իրենք չեն կարող այդ մեքենան շահագործել. Արմեն Փամբուխչյան

1988 թ. երկրաշարժի զոհերի հարգանքի տուրքի բոլոր միջոցառումները կկազմակերպվեն բարձր մակարդակով. Ցոլակյան

Ոստիկանին փորձում են անհիմն ազատել աշխատանքից. նա դիմում է ՀՀ ոստիկանապետին

Վերաքննիչը բեկանեց Շահեն Հարությունյանին տուգանելու մասին Վարչական դատարանի որոշումը

Իմ երեխան, իմանալով, որ մեքենան անսարք է, ասել է՝ ես չեմ վարի. զինծառայողի ծնողները մանրամասներ են պատմում

Ախալցխայում հայկական դպրոցի աղջիկներին մի քանի օր հետևել է Պակիստանի քաղաքացի. նրան ձերբակալել են

Քառօրյա պատերազմի ժամանակ մարտական հերթապահություն իրականացրած ՀՊՏՀ ուսանողների բաց նամակը վարչապետին, ԿԳ նախարարին