Չանսաց ՄԱԿ-ի ու ԵՄ-ի կոչերին. Անկարան հատուկ նշանակության զորքեր է ուղարկել Աֆրին

Թուրքական կողմը հատուկ նշանակության զորքեր է ուղարկել Աֆրին` քաղաքացիական բնակչությանը պաշտպանելու եւ տարածաշրջանում զինված օպերացիան հաջողությամբ ավարտելու համար: Այս մասին NTV-ին հայտնել է Թուրքիայի փոխվարչապետ Բեքիր Բոզդաղը: 

«Հատուկ նշանակության մեր ուժերն ուղարկվել են Աֆրին, որպեսզի պաշտպանենք քաղաքացիներին եւ ապահովենք օպերացիայի հաջող ավարտը»,- ասել է Բոզդաղը: Նրա խոսքով՝ թուրքական կողմի օդային հարվածները քրդերի դիրքերի ուղղությամբ եւս կշարունակվեն:

Ավելի վաղ ՄԱԿ-ի գլխավոր քարտուղար Անտոնիո Գուտերեշը կոչ էր արել անհապաղ հրադադար հաստատել Սիրիայի ողջ տարածքում, նախեւառաջ՝ Դամասկոսից ոչ հեռու գտնվող Արեւելյան Գուտայի շրջանից վիրավորների տարհանում իրականացելու նպատակով: Նման որոշում էր կայացրել նաեւ ՄԱԿ-ի Անվտանգության խորհուրդը:

Այնուհետեւ Եվրամիության արտաքին քաղաքականության եւ անվտանգության հարցերով գերագույն հանձնակատար Ֆեդերիկա Մոգերինին կոչ էր արել սիրիական հիմնախնդրի շուրջ Աստանայի բանակցություններում որպես երաշխավոր հանդես եկած կողմերին երաշխավոր լինել նաեւ ՄԱԿ-ի Անվտանգության խորհրդի կողմից Սիրիայում մեկամսյա զինադադարի որոշումը կյանքի կոչելու հարցում։

Նա նման պատասխան էր տվել այն հարցին, թե արդյոք ՄԱԿ-ի ԱԽ-ի այս որոշումը վերաբերում է նաեւ Աֆրինին, որտեղ հունվարի 20-ից ռազմական գործողություն է իրականացնում թուրքական ԶՈւ-ն: «Աստանայում ընդհանուր համաձայնության եկած երկրներն ի դեմս Ռուսաստանի, Իրանի եւ Թուրքիայի պետք է պատասխանատու լինեն ու որպես երաշխավոր հանդես գան Սիրիայում զինադադարի ռեժիմի լիիրավ կյանքի կոչման համար՝ չնպաստելով լարվածության է՛լ ավելի մեծ աճին»,- ասել էր նա:

Նշենք, որ Թուրքիայի փոխվարչապետ եւ կառավարության խոսնակ Բեքիր Բոզդաղը հայտարարել է, որ «Ձիթենու ճյուղ» ռազմական գործողության վրա ՄԱԿ-ի ԱԽ-ի նոր որոշումը չի ազդի:  Բոզդաղը դա բացատրել է այն հանգամանքով, որ Սիրիայում մեկամսյա հրադադարի որոշումն իրենց վրա չի տարածվում, քանի որ թուրքական ԶՈւ-ն Սիրիայի հյուսիսում պայքարում է ահաբեկչության դեմ:

Հունվարի 20-ին թուրքական ԶՈւ-ն սկսել է Սիրիայի հյուսիսում գտնվող քրդական ազգային զինված ջոկատների (PYD/YPG) դեմ ռազմական գործողությունը, որը ստացել է «Ձիթենու ճյուղ» անվանումը: Օդային առաջին հարձակումներից հետո` հունվարի 21-ին, թուրքական ԶՈւ-ի զինվորականներն անցել են լայնամասշտաբ հարձակման նաեւ ցամաքում: Հայտնի է, որ թուրքական ԶՈւ-ին աջակցում է «Սիրիական ազատ բանակ» ընդդիմադիր խմբավորումը՝ ինչպես 2016թ.-ին ձեռնարկված «Եփրատի վահան» գործողության ժամանակ:

Տպել
1015 դիտում

Մարդու իրավունքների պաշտպանի միջամտությամբ անձն ազատ է արձակվել քրեակատարողական հիմնարկից

Քննչական կոմիտեն ընտրախախտումների վերաբերյալ երեկ 3 հաղորդում է ստացել

ՀՀԿ-ն վաղ առավոտյան Գործադիր մարմնի նիստ էր հրավիրել. քննարկումների մասին կհայտնեն ԱԺ արտահերթ նիստին

Ընտրակաշառք, կեղծ քվեաթերթիկ, քվեարկել են 1 անգամից ավել կամ ուրիշի փոխարեն. 16 դեպքով նախապատրաստվում են նյութեր

Արմավիրի քաղաքապետ է ընտրվել «Քաղաքացիական պայմանագիր»-ը ներկայացնող Դավիթ Խուդաթյանը

Կապանում ՔՊ-ի թեկնածուն պարտություն է կրել, հաղթել է անկուսակցական Գեւորգ Փարսյանը

Հրազդանի քաղաքապետ է ընտրվել Սևակ Միքայելյանը՝ Սասուն Միքայելյանի որդին

Առաջին կին քաղաքապետը. Էջմիածնում քաղաքապետ է ընտրվել ՔՊ-ն ներկայացնող Դիանա Գասպարյանը

Գյումրիում ոստիկանները ծեծել են Առաքելյան եղբայրներին, տղաները կլանավորված են (տեսանյութ)

Հայաստանի մեծ մասում սկսվող շաբաթը անձրեւոտ կլինի. եղանակը՝ առաջիկա օրերին

«Սիրահարդ եմ, Երևան» խորագրով հեծանվավազքը՝ քաղաքապետ Հայկ Մարությանի մասնակցությամբ (լուսանկարներ)

Ազատամարտիկ Արթուր Կարապետյանի անվան պուրակում բացվեց Երևանի 2800-ամյակի հուշարձանը.ներկա էր քաղաքապետը

Ժամը 17-ի դրությամբ ՏԻՄ ընտրություններին մասնակցել է ընտրելու իրավունք ունեցողների 35.23%-ը

Սասուն Միքայելյանը չունի որևէ լծակ, պահանջում ենք մերկապարանոց հայտարարություններ չանել. Սևակ Միքայելյանի շտաբ

Երեւանի բնակարաններից մեկում հայտնաբերվել է 55-ամյա տղամարդու դի՝ վնասվածքների հետքերով

Երևանի քաղաքապետը և Մարսելի փոխքաղաքապետն անդրադարձել են Երևան-Մարսել համագործակցության համաձայնագրի ծրագրերին

Երևանի գլխավոր ճարտարապետ է նշանակվել Արթուր Մեսչյանը. Tert.am

Ծնունդդ շնորհավոր, Երևան, իմ սեր. ՀՀ նախագահի շնորհավորական ուղերձը

Բակո Սահակյանը ներկա է գտնվել Մարտունու նռան փառատոնին

Էջմիածնում բերման ենթարկվածներ չկան. ոստիկանությունը պարզաբանում է Դ. Գասպարյանի հայտարարությունը