Ես ԵԼՔ-ը չեմ պատկերացնում առանց մեզ, չի կարող լինել առանց մեզ ԵԼՔ-ը. Էդմոն Մարուքյան

Այսօր ԱԺ-ում լրագրողների հարցերին պատասխանեց ԵԼՔ խմբակցության պատգամավոր Էդմոն Մարուքյանը։

Հարցին, թե ԵԼՔ-ում որոշման հանգեցի՞ն Սերժ Սարգսյանի վարչապետ դառնալ-չդառնալու հարցի հետ կապված, քանի որ խոսակցություններ կան, որ թեժ բանավեճեր են ընթանում այս հարցում, Մարուքյանը պատասխանեց, որ բամբասանք մեկնաբանելը  իմաստ չունի, ԵԼՔ դաշինքում միշտ էլ տարբեր հարցերով թեժ բանավեճեր են, եւ վերջում որոշումները կայացվում են կոնսենսունսով։ Բանավեճ է լինում, վերջում հասնում են կոնսենսունսի։ Նա նշեց, որ կոնսեսունս կա այն մասին, որ ԵԼՔ դաշինքի համար Սերժ Սարգսյանի 3-րդ ժամկետը անընդունելի է։

Հարցին, թե տարաձայնություններ կա՞ն, Մարուքյանը պատասխանեց, որ եթե կա քննարկում, կա բանավեճ, վերջում պետք է եզրահանգման գան։ Դիտարկմանը, թե Սերժ Սարգսյանի դեմ պայքարի մեթոդի հարցում կա՞ն տարակարծություններ, օրինակ՝ ինքը համարում է, թե պետք չէ դուրս գալ փողոց եւ պայքարել, ասել՝ Սերժ Սարգսյան, մի՛ արի նստի վարչապետ, երբ Նիկոլ Փաշինյանը համարում է, որ պետք է փողոցային պայքարով դեմն առնել, Մարուքյանը ասաց. «Ես չեմ կարող քննարկման թեմաները, քննարկման մանրամասները դուրս հանել, առանց իմ գործընկերների հետ քննարկելու, առանց նման որոշում ունենալու։ Բնականաբար, տարբեր կարծիքներ կան նշված հարցի շուրջ, եւ հիմնական մտահոգությունը, հիմնական քննարկումը այն մասին է, թե ինչ անել, որ դաշինքը ունենա արդյունավետ պայքարի միջոց։ Ինչ վերաբերվում է մամուլի նյութերին, թե Էդմոն Մարուքյանը ուզում է ԵԼՔ-ը լքի, ես ձեզ խնդրում եմ նման բամբասանքների չտրվել, ԵԼՔ-ը ընդհանրապես ես չեմ պատկերացնում առանց մեզ, եւ չի էլ կարող լինել առանց մեզ ԵԼՔ-ը։ Էդմոն Մարուքյանը ԵԼՔ դաշինքի 3 վարչության կողմից ընտրված առաջին համարն է եղել, ես եմ գլխավորել դաշինքի ցուցակը, Լուսավոր Հայաստան կուսակցությունը դաշինքի 3 ուժերից մեկն է, եւ առանց մեզ չկա ԵԼՔ դաշինք»։

Հարցին, եթե չունեն որոշում, Նիկոլ Փաշինյանի ընտանիքը ինչո՞ւ է նրան գործուղել Ազատության հրապարակ, Մարուքյանը ասաց, որ դա չեն քննարկել, իրենք քննարկում են ծրագիր, ճանապարհային քարտեզ, գործողություններ, եւ Փաշինյանը Ազատություն ռադիոկայանում մեկնաբանել է դա։

Հարցին, թե ԵԼՔ-ում բոլորը հավասարաչա՞փ ընդդիմադիր են, թե՞ բոլորը ընդդիմադիր են, որոշներն ավելի ընդդիմադիր են, քան մյուսները, Մարուքյանը ասաց, որ բոլորը հավասար չափով ընդդիմադիր են։ Դիտարկմանը, թե դա այդպես չի երեւում, ԵԼՔ-ում տարբեր ուժեր կան, տարբեր անհատներ, մեկը համարձակ խոսում է Սերժ Սարգսյանի դեմ եւ ասում է, որ նա պետք է չլինի, մյուսն ավելի ինստիտուցիոնալ կառուցողական դիրքերից է հանդես գալիս, Մարուքյանը հակադարձեց՝ ասելով. «Դուք նշեցիք տարբեր, բոլորն էլ համարձակություն ունեն, խնդիրը հետեւյալում է՝ այդ խոսակցությունը մեզ ի՞նչ արդյունքներ կտա, մեզ ո՞ւր կտանի, եւ երբ որ մենք կորոշենք, թե ինչ ծրագրով ենք հանդես գալիս, դա կհրապարակենք, բոլորդ կիմանաք»։

Տպել
1914 դիտում

Քառօրյա պատերազմի վերաբերյալ կարդացել եմ տասնյակ էջերով գաղտնի նյութեր, հետախուզության նյութերի բացակայություն չի եղել

Նախիջեւանի դիրքերի տեղաշարժերի 95 տոկոսը տեղի է ունեցել 2018 թվականի փետրվար-մայիս ամիսներին. Փաշինյան

Փախուստի փորձ «Նուբարաշեն» քրեակատարողական հիմնարկից. մեղադրանք է առաջադրվել 8 անձի

Փաշինյանը՝ Լուկաշենկոյի այն հայտարարության մասին, թե ինչու Պուտինին բան չի ասում Ադրբեջանին զենք վաճառելու համար

Հանրային ռադիոյի գործադիր տնօրեն Մարկ Գրիգորյանը հրաժարական տվեց

Թեւակոխում ենք առավել ինտենսիվ եւ ընդարձակ ծրագրերի կազմման ու իմպլեմենտացման փուլ. Նիկոլ Փաշինյան (տեսանյութ)

ՀՀ ոչ մի կառավարություն Ղարաբաղի հարցում այդքան թափանցիկ չի եղել, որքան մեր կառավարությունը․ Փաշինյան

Նրանք ՊԲ հնաբնակներ են. Փաշինյանը՝ Արցախի ՊԲ-ում տեղի ունեցած փոփոխությունների մասին

2018-ին ոչ մի անգամ չեմ հանդիպել ֆեդերացիայի նախագահի հետ. Ստեփանյանի քննադատությունը

Կրեմլում անհանգիստ են ԱՄՆ-ի ֆինանսավորած լաբորատորիաներով

Գլխավոր հատակագիծ. ամեն հայի հույսի տուն...

Դեբեդավանի դպրոցի տնօրենն իր հրազատներին տեղավորել է աշխատանքի եւ սեփականացրել դպրոցը․ նամակ՝ Փաշինյանին

Վանդալիզմը Երեւանում. Բուզանդը դիմադրում է հացադուլով

Բուհական. արտահե՞րթ, թե՞ հերթական ռեկտորներ

Կանխվել է «Լուսակերտ» ՍՊԸ-ի կողմից կեղծարարության միջոցով սննդամթերքի ներկրման փորձը․ ՍԱՏՄ

Հանրային ռադիոյում լուրեր են պտտվում, որ տնօրենը հրաժարական է տվել. Մարկ Գրիգորյանը դեռեւս չի մեկնաբանում

Վրաստանի ընդդիմությունն ընտրությունների արդյունքների չեղարկման պահանջով կդիմի ՄԻԵԴ

Հանրային ռադիոյում կրքերը չեն հանդարտվում․ աշխատակիցները Մարկ Գրիգորյանին մինչեւ 16:30-ը ժամանակ են տվել

Երկու տուն-ինտերնատից խարդախության եղանակով հափշտակվել է խոշոր չափերի գումար․ ՔԿ

Երեւանի բյուջեի նախագիծը՝ խոշորացույցի տակ. ավագանու նիստը խոստանում է թեժ լինել